驚安燒肉商店

营业中

休息中

位於尖沙咀鬧市黃金地段我食廈之中，金馬倫道樓上一向隱藏不少秘寶食肆，而呢間日本味道非常之濃嘅燒肉商店正正在此！電梯及大堂非常普通及少少舊，但係一上到樓層，望到店舖門面，即時被一種日式懷舊商店感令人即時眼前一亮，店內同樣充滿商店感，但非常整潔，燈光柔和。是日主角！一圈入魂木圈上擺滿不同和牛部位，順住次序由口感較輕去列較濃，部份入口即溶部份，部份肉味香濃！包含左 極上牛舌芯、和牛三角腩、和牛友三角、和牛沙巴當、和牛五花、和牛封門柳、一口和牛、牛頸脊、極黑和牛、壺漬牛肋肉。紫菜月見飯 及 蔥香月見飯和牛剩食當然需要有配角，點了兩款月見飯，日本蛋香濃，配埋香蔥同紫菜各有特色，就咁食都已經一絕。日式薯仔沙律Creamy 的特制薯蓉上有蟹籽同卡樂B薯片，口感非常有趣。Sapporo生啤做緊買一送一， 可惜今日大家有駕車而來，所以我點了手打香水檸檬茶，檸味香濃，酸甜適中，飲品帶少少粉紅色非常吸睛。

話說我有個朋友係燒肉高手有幾次我差啲以為佢喺燒肉店做兼職😂有佢係到我只需要等待被餵食🤘🏻爽呀今日去咗驚安燒肉商店🍖「驚安」係日文即係「勁平」咁解而呢到又真係勁平勁抵食，特別係午市同宵夜都有59折🈹Sapporo生啤仲有買一送一‼️不過我地今日揸車就唔飲住啦～🛎 $38 日式薯仔沙律（卡樂B）係薯仔沙律入面加卡樂B薯片🤣真係第一次見咁嘅配搭，但口感十分有趣！！！仲有蟹籽點綴一下，係唔錯既前🥗🛎 $588 極•九宮格唔好睇少呢個九宮格，我地兩個最後食到超飽🤰🏻入邊有勁多和牛嘅不同部位，包括和牛三角腩磚、和牛三角腩、和牛友三角、和牛腹脅、和牛博多蔥卷、和牛赤身、牛頸脊、厚切牛舌心。建議大家由油脂冇咁重嘅肉開始食先～🍖🥩我地最最最中意嘅就係三角腩磚🥹油脂充足，入口即融咁濟🙏🏻牛頸脊嘅牛味都比較香濃～但印象最深刻嘅係和牛博多蔥卷😋冧滑嘅和牛配上爽脆嘅蔥成功突出咗和牛香氣，同時又享受到唔同既口感，正💯🛎 $68 火炙和牛拌冷麵 火炙和牛薄薄地，肉質滑嫩熟度剛剛好～口感一流💯冷麵好Q彈！個醬汁係好清新解膩嘅，加埋青檸汁酸酸地仲正！🍜🔥🛎 $38 手打香水檸檬桃桃梳打🛎 $28 手打香水檸檬茶

呢間係午市或宵夜時段嚟食日式燒肉有59折😍仲要有生啤買一送一🍻餐廳以紅色裝修為主題，有卡位坐得都舒服，食完唔會周身油煙味👍🏻🔸原條手切牛舌（半條）(HK$115)第一次見成條嘅牛舌，半條都已經好大塊，有店員會幫手燒同埋剪一塊塊，口感都幾爽脆😛🔸和牛友三角(HK$178)和牛呢款油脂好豐富，食落口感都好軟熟😎🔸壺漬牛肋肉(HK$128)呢款嘅調味比較甜甜的，肉質比較厚要燒耐少少~🔸封門柳(HK$88)呢款油脂比較少，牛味都濃郁🔸栗子豬五花(HK$48)呢款肥膏比較多少少，烤完都幾香🔸柚子漬雞肉山(HK$48)份量都幾多，柚子味幾清新，食落都Juicy🔸月見飯 -紫菜/蔥(HK$28)燒肉當然要配飯，月見飯都有兩款揀，滿滿嘅紫菜同埋蔥，配燒肉就最啱🔸牛油蜜糖番薯條(HK$48)番薯條甜甜的，仲有蜜糖味🍯🔸芝士年糕(HK$32)芝士年糕配煉奶原來咁match😆🔸 百香果梳打/手打檸檬茶(HK$28)無酒精飲品都好多選擇，而且好大杯可以燒肉解膩😎

店員好nice😆準備叫餐時特別提提我地當日既特別推介食物👍🏼食物都係當造更加好味道😻我地叫左當日既特別食物A4和牛牛板腱🤩牛肉大塊厚身重要肥瘦參半均勻睇相都流曬口水🤤燒完好想又軟腍牛肉味好重😋另外佢地既和牛壽喜燒都好多人叫🤩大家一定要試吓雪花均勻好令🤤搭配佢地黑松露醬汁真係好香濃美味😋而家佢哋午市時段12-4pm或者宵夜時段9:30pm後入座驚安會會有59折優惠🤩好似半價咁啦🥳真係超級之抵食啦😝

年尾食左一間尖咀高質抵食燒肉 驚安燒肉商店 單點不貴，就算唔食牛肉嘅人都非常多選擇，而且價格相宜原條手切牛舌 半條$115店家其中招牌，整條牛舌燒，薄切後幾塊放入口好juicy極黑和牛牛小排$150牛味濃，油花唔錯 蝴蝶切和牛牛頸脊$188大大塊有口感，牛味濃郁柚子漬雞肉山 超推介，份量勁多！柚子味好清新juicy!豬頸肉各48和牛以外的好選擇，juicy 口感爽彈仲好抵食添！粟米天婦羅和牛冷麵食燒肉必定要配冷麵薯片薯仔沙律雞皮餃子脆卜卜夠juicy 手打香水檸檬茶青檸菠蘿梳打$28/杯勁大杯

放工去到尖沙咀呢間日式燒肉店，食靚牛埋個靚年尾呢度嘅選擇好多，樣樣都想食啲，嗌九宮格比較抵玩，有和牛三角腩、和牛五花、和牛赤身、極黑和牛、和牛三筋、一口和牛、厚切牛舌芯、韓式護心肉同壺漬牛肋肉其中三角腩真係肥美非常，一燒就好惹火，入口即化。其他牛肉都好厚切靚肉，唔使燒太熟，已經好有肉香油香除咗自己燒，有啲菜式會由專人操刀代燒，好似和牛壽喜燒，店員會先問燒幾成熟，大胃揀五成佢就燒至半生熟，點醬再將牛肉放喺一口飯上，呢種享受太正喇牛大腸都需要有勞店員，第一次食燒牛腸，真係大開胃界。首先佢會將牛大腸剪開成一片，一路燒一路搶火，垂油肉滴燒好就剪一嚿嚿易入口，經韭菜同蒜片醃味，牛大腸既有彈性又惹味芳香除咗燒肉，仲可以以串燒方式享用，和牛棒撈蛋同醬汁，甜甜鹹鹹配合嚼勁口感確實不錯芝士年糕點煉奶食非常香甜，中和芝士餡嘅鹹膩綿滑食咗咁多肉，都要食啲菜嘅，野菜盛都幾平，有南瓜、翠肉瓜、雞髀菇、秋葵同菠蘿，由於翠肉瓜售罄，就以多份南瓜代替，但都好爽甜薯仔沙律用咗卡樂B薯片碎做點綴，增加口感，突顯沙律嘅綿現場好多人都嗌手打檸檬茶，見水吧不停地擊打檸檬，就知有幾正啤酒買一送一都好吸引，吸引到大胃一個飲兩大杯先

愛吃牛，又愛打卡賣相美觀的食物，因此必點九宮格，最後選了上▪︎九宮格，包括和牛的多個部位，九宮格上枱時還會附上一張小牌，清楚寫下每格是甚麼，做法細心又貼心。然後必點網上甚多好評的和牛壽喜燒，這家店子的做法與其它店不同，沒有鍋，店員會即席以火槍直接堂烤，然後放到一口飯上面，美味又富打卡度。此外推介焦糖菠蘿乳酸，又是網上的受歡迎項目，果然名不虛傳，菠蘿上面鋪著焦糖，乳酸內有很多菠蘿蓉，十分足料。如在午市及宵夜時段光顧，性價比會很高，因餐廳正在這兩個時段做59折優惠！此外打卡亦會送小食。優惠超多！

今日去咗尖沙咀一間叫「驚安燒肉商店」嘅日式燒肉餐廳食晚餐，餐廳嘅座位寬敞，每張枱都有一個燒烤爐，而且枱面空間夠大。今日係星期五晚，餐廳座無虛席，如果唔想等位嘅話建議預先致電預約座位。餐廳採用QR code落單，餐牌主要有和牛、豚肉、海鮮、主食同飲品。🍊極 九宮格呢份和牛九宮格係必嗌嘅單品，非常值得推介，包括和牛三角腩磚、和牛三角腩、和牛友三角、和牛腹脅、和牛博多蔥卷、和牛赤身、牛頸脊、厚切牛舌同時令牛肉部位。九款唔同嘅和牛部位有唔同嘅口感，赤身同牛頸脊嘅肉味較濃郁，口感較結實；厚切牛舌嘅口感爽彈；和牛三角腩嘅油脂含量較高，入口即溶，肉質細嫩。而且配有日式燒汁、蒜蓉同辣椒青檸汁三款唔同嘅醬汁，為燒肉帶嚟唔同嘅味道。🍊豚肉博多葱卷一碟有四件，薄切豚肉包裹住新鮮嘅博多蔥，好快就燒熟，豚肉燒香後帶有香脆肉質，博多蔥燒完後仍然保持到清甜爽脆，食落口感層次豐富🍊日式味噌黑豚五花黑豚五花嘅賣相雖然一般，但食落好有驚喜，豚肉表面仍然保持住粉嫩嘅顏色，但原來已經用味噌醃好，所以燒完之後唔使點醬汁已經好濃味，五花肉較為肥膩，燒完後油香溢🍊 Sapporo生啤餐廳做緊啤酒買一送一優惠，食日式燒肉梗係要配搭日

最近朋友介紹我金馬倫道有間叫「驚安燒肉商店」既燒肉店，話佢性價比超高，於是我同朋友特登去試下。入到去已經覺得環境舒服，樓底又高，成餐飯食落都唔會覺得好焗，好適合同一班朋友聚餐，最重要嘅係啲嘢食都真係幾抵食。食物介紹：香印青提牛肉卷牛肉包住新鮮既青提，咬下去啲牛肉嫩滑，青提又清甜，中和到牛肉既油膩，真係令我驚喜到唔得了。極黑和牛牛小排好抵食既牛小排，肉質一流，脂肪分布均勻，燒完後口感香脆，內裡肉汁十足，完全停唔到口。原條手切牛舌（半條）店員會親自過嚟幫手燒，肉質好彈牙，鍾意食牛舌嘅一定要試下柚子漬雞肉山（半份）雞肉鮮嫩，柚子味清香，食落唔會太膩A4和牛牛板腱聽店員講呢隻肉係限量稀有，食落的確係好高質。肉味超濃，燒完後入口即化，最重要既係真係好抵食！一口冷麵食完燒肉之後來一碗，清爽得來又解膩，真係好正。紫菜月見飯紫菜香味十足，配上滑嫩的月見蛋，簡直係完美搭配，一啖飯一啖肉好過癮。味淋魚干（熟上）魚干味道鮮美，廚師燒到岩岩好，外表微焦，內裏唔會太乾驚安燒肉商店唔單止提供多樣化的美食，仲以高性價比令我驚喜。整體用餐體驗無論係食物質量定係環境都非常好，絕對係香港燒肉愛好者的理想選擇。強烈推薦俾鍾

想食靚燒肉就諗起驚安燒肉商店佢個九宮格驚安盛合真係好有睇頭有3個 grade，由$388 - $718不等，豐儉由人 我哋點咗: 🐮 上·九宮格驚安盛合$388牛魔王必點! 全部都係牛! 分別可以試勻晒和牛三角腩、和牛五花、和牛赤身、極黑和牛、和牛三筋、一口和牛、厚切牛舌芯、韓式護心肉、壺漬牛肋肉🤤牛肉的油花分佈均勻，食起上嚟時嫩嫩的唔會好硬牛舌芯肉嫩而彈牙，呢個燒肉併盤大部份嘅肉都喺無預先調味的，枱面上每人有一碟醬油及蒜鹽，輕輕蘸一點醬油已經好好味 🐔 柚子漬雞肉山（全份） $48雞肉用了柚子汁，肉質鮮嫩，而且份量好多，非常抵食 🐂 驚安手切牛肉他他 $158生牛肉喺香港好少地方有得食，先用附上嘅蛋黃汁加入牛肉他他，入面除咗有生牛肉，仲有洋蔥，撈混晒就食得，附有薯片，可以跟牛肉他他一齊食，造型及食法新穎有趣，牛肉他他甜甜哋，好好食。未食過生牛肉嘅朋友仔，唔使驚，其實生牛肉好易入口 🥗 日式薯仔沙律 (卡樂B) $38造型好似聖誕樹，用上薯仔，雞蛋，蟹籽及卡樂B，再加上沙律醬，估唔到味道係咁夾 🐟 味淋魚干(熟上) $38已經熟咗嘅魚干，甜甜地，味道好香且有嚼勁，附有沙律醬，一邊傾計一

身邊幾多朋友食過 評價都唔錯😛 終於約到去食🥳依家真係搞唔掂任食燒肉會食到好膩滯🔥🥹 呢度可以每份點少少仲有盛合可以一次過試到好多肉🤩 食物飲品都多選擇 仲要唔貴 好推薦‼️❣️蟹肉蘋果沙律 $65食燒肉真係好需要蔬菜清吓個油膩感🥗生菜沙律配啲酸酸哋醬汁就perfect✅蟹肉俾左好多勁大方🦀 蘋果好清爽🍎❣️特大薄切牛舌 $88呢個朋友推薦🔥 好容易燒 口感好爽彈而且薄切冇咁負擔🥳 加埋洋蔥醬一流🥰 建議可以攞塊檸檬 絕配‼️🍋❣️柚子漬雞肉山 $28呢個價錢真係嚇親 仲要半份都有勁多肉😚鍾意食雞嘅應該好開心 冇得彈🐓 ❣️上九宮格 $388和牛三角腩。和牛五花。和牛赤身。極黑和牛。和牛三筋。一口和牛。厚切牛舌芯。韓式護心肉。壺漬牛肋肉呢個係盛盒最平嘅選擇🤣 我都已經好滿意👍🏻 其他一定仲好食🙀 有個好誇張嘅燒肉圈打卡一流📸鍾意佢嘅靚肉都冇加太多調味 而且厚薄啱啱好 加少少鹽或者燒肉汁已經好Perfect🤩✅厚切牛舌口感再豐富啲 和牛赤身肉味濃🥩 去到主角三角腩就充滿豐富油脂💦 和牛表現好出色🥹 ❣️紫菜月見飯 $28我超鍾意食牛角飯呢一個仲癲‼️ 佢嘅蛋黃係橙黃色靚嘢 而且勁大碗可以兩人分食🥳 配埋

‼️午市時段同宵夜時段都有59折‼️尖沙咀呢間燒肉之前已經想試好耐，今日收咗工同朋友嚟試吓，見到佢哋午市同宵夜都有做優惠，真係好抵食😆和牛多士🥪餐廳嘅招牌菜，麵包香脆鬆化，吸收左鹿兒島和牛嘅油脂香，再搭配自家松露他他醬，香而不膩壺漬牛肋肉牛肋肉經醬汁醃製，夠晒入味，牛肋肉肉味濃郁和牛友三角油香四溢嘅部位，食落好腍唔會太油膩和牛壽喜燒店員席前炙燒，和牛口感軟腍，配埋黑松露蛋汁一齊食一流日式卡樂B薯仔沙律卡樂B薯片配搭落薯仔沙律度幾特別🥗火炙和牛拌冷麵🍝面頭有炙燒和牛，配上清爽嘅青檸汁，冷麵用上拉麵口感彈牙，食落好有驚喜

卡樂B日式薯仔沙律 🥔近排迷上咗薯仔沙律，佢哋呢度嘅薯仔沙律好得意，每加上卡樂B嘅薯片碎，口感同味道都更上一層樓！🤣🤣蟹肉蘋果沙律🦀🍎呢一個蟹肉蘋果沙律，估唔到咁大兜，仲有好多蟹肉，食完燒肉食返啲菜，消油解膩係常識吧！蝴蝶切和牛牛頸脊🐮一碟四片牛頸脊，由於係蝴蝶嘅關係，其實佢嘅份量係等八片！脂肪分布均勻，肉味香濃～壺漬牛肋肉 🐂唔好睇佢個壺細細，入面嘅牛肋肉好似夾極都仲有咁，份量好多，而且全部都醃好晒，唔需要另外調味㗎啦～原條手切牛舌（半條）👅非常推薦呢一個牛舌，配埋鹽漬昆布、尖椒醬汁一齊食，無論係口感同味道都一流！和牛壽喜燒 呢一個和牛壽喜燒嘅醬汁味道好好，而且有職員幫手燒，完全唔需要擔心會燒過龍呀～炸白蝦仔🦐同朋友傾偈聚餐，飲下啤酒，當然要嗌番啲餸酒小食，呢一個白蝦仔有勁多隻，食極唔到底！白飯🍚 冷泡白桃烏龍茶 🍑 佢哋而家仲做緊優惠，午市時段 12點-4點 同 宵夜時段 9點半後入座，會有59折優惠，抵食到爆‼️

燒肉放題又驚唔新鮮，散叫又驚貴。今次我就到訪主打高性價比嘅「驚安燒肉商店」。$68起就可以試到多款靚油花嘅肉類。另外佢哋嘅月見飯都係必點之一，召喚各位飯桶。日式味增黑豚五花肉 $68平時對豬肉都麻麻哋，但係依款味噌調味嘅黑豚肉估唔到肉質咁細嫩，燒完都可以保持到肉汁。蝴蝶切和牛牛頸脊 $188豐富嘅油花，鮮紅嘅顏色。輕鬆燒焦外層就食得，極之豐富嘅油香。和牛壽富燒 $98店員會即場使用火槍炙燒，最後沾上月見醬，估唔到口感咁順滑。原條手切牛舌（半條）$115平時牛舌都係一小塊，好少見一整條。先一整條燒香，再剪開一小塊燒到外焦內嫩就食得。最後兩款月見飯（蔥香）/蒜香都一定必叫，飯粒本身已經有味道，配搭肉類嘅油脂都真係好正。

同朋友之前都已經食過幾次, 價錢唔貴, 質素又ok, 佢哋既3款沾醬都好唔錯, 所以隔一排就會同朋友嚟食.🍽️ 上 · 九宮格 $388九款牛肉當中有六款和牛, 當中一口和牛、和牛五花同和牛三角腩油脂最豐盈, 雪花均勻. 厚切牛舌芯肉質亦非常爽嫩, 點燒都唔韌, 如果想食牛味重啲既, 亦都有壺漬牛肋肉, 所以肉類款式多樣又豐富.🍽️ 和牛壽喜燒 $98店員會即席用火槍幫你炙燒2片和牛, 事前亦會先詢問你想要既熟成度. 然後再送上黑松露壽喜燒醬同一口白飯比你做配搭.🍽️ 栗子豬五花 $48豬五花肥瘦分明, 厚薄適中, 燒過之後可以將油份迫出, 反而令到表面更加香脆. 🍽️ 豚肉博多蔥卷 $58用五花肉卷住蔥段去燒,博多香蔥能夠中和返五花肉既油膩感, 令口感更加爽脆同清新.🍽️ 柚子漬雞肉山(半份) $28呢個幾抵食, 雖然係半份但有2大舊雞扒肉, 即使剪開嚟燒都仲有好大舊, 而且柚子醃得好入味.🍽️ 特大薄切牛舌 $88又係份量好多, 疊左幾層起碼有十幾塊, 肉質夠新鮮, 夠爽口彈牙.🍽️ 蔥香月見飯 ｜紫菜月見飯 $28巨量香蔥同紫菜, 再配搭雞蛋黃, 令個飯既香味瞬間提升.