驊記糕點屋

营业中

休息中

細個好鍾意食既小食~手粉， 我鄉下又名鬆糕， 呢間係元朗好出名糯米糍既小店，我覺得佢既手粉更值得一試，內餡其實同糯米滋一樣，都係香脆既花生碎，椰絲，芝麻，而外面就係軟林林但又冇糯米滋咁煙韌，而且唔係周圍有得買😏黎到一定要試下呀😎之前端午節，老闆娘話要趕住整糭，冇晒d手粉，依家再次出售✌仲有要講講我既另一至愛，砵仔糕，夠晒煙韌，有時係出面食到d軟pat pat，就知佢唔足料，呢度足料又夠新鮮，每次都要食返個😋

每次去元朗.無論落雨.熱到爆.我都會去食.好好彩咁條隊唔係好長.即使好長我都會等..不過好似加左價了..4蚊一粒.又細粒左.不過味道仍舊.皮薄多料.熱辣辣.即叫即製

我諗元朗人都一定會知呢間驊記！最多糕點同茶果😆一場入到黎，點可以唔試呢！👉🏿✨茶果/手粉/砵仔糕 Hkd 20/5個 💸📌可以自由選擇，我每樣要左啲😍佢既茶果我覺得眉豆最有驚喜喎😳食落係咸咸甜甜，好得意！而花生就有啲意外😅估唔到佢唔係甜個啲花生，而係咸花生，係未食過既口感呢！蘿蔔食落就係個回事了，入面仲有臘腸架，好有古早味呢☺️手粉都值得試下，味道又係好特別🤗👉🏿✨糯米糍 Hkd 12/3粒 💸📌知道佢既糯米糍最出名！係即叫即整架！個皮真係好煙un👌🏽入面啲花生又係爆晒餡！係脆架啲花生，入落好爽好正呀👍🏿

驊記係睇過網友分享先知道，並唔係元朗人，亦都唔算話係呢類糕餅嘅粉絲，但見放假過到來呢邊，就順便買番啲試一試。呢度鋪位都幾大，都係賣啲傳統手作糕點，糯米糍、砵仔糕、蘿蔔糕、年糕、粿仔等。花生糯米糍 $20/6隻6隻有盒，唔洗用個膠袋仔咁狼狽，幾抵食。佢就唔係好大粒，糯米糍最忌皮厚，呢度夠哂薄，軟綿綿，僅僅夠包住啲花生餡。入口冇一陣粉味，起碼新鮮，拎上手仲暖，呢隻size我喜歡花生餡夠多，足料，既香又豐富，唔會磨到冇哂口感，最重要係唔會太甜，男朋友都喜歡砵仔糕 $4/個；$10/3個砵仔糕，多豆，即時喺碗仔倒出黎，面頭鋪滿紅豆，密雜恐懼。砵仔糕可能係蒸久了，口感偏硬，亦都有少少乾。紅豆未算軟腍 好處係完全唔甜；質素較糯米糍失色。 

網上見到介紹這間小店，搵了一段時間，終於搵到，店子小小，有即製糯米糍，10元三個好平呀，還有其它糕點，茶果，砵仔糕等，仲有汽水櫃。門口大大招牌買了6個，真的即刻整，即刻包俾我們，仲熱的，有些粉係出面，唔係好大個的呀，個皮超軟綿綿，好淋身呀，咬一口就見到花生在裏面，花生多又足料，唔太甜，好好味的呀。花生又足料又香，亦不吝嗇。眉豆茶果，10元三隻好抵呀，外面層皮軟淋淋的，好煙韌，入面的眉豆蓉唔咸的，厚味，冇咩多餘調味，夠簡單！！

認識這家店是朋友介紹，此店出名的是花生糯米糍，即場製作，真材實料，皮薄饀多。舊店在大橋街附近，很早便賣完，待我放工後光顧，大多數因售罄，空手而回。現在在新店，因為即場製作，每次去到均能滿足我個肚另外，鹽香花生也是推介食品，老闆娘自家製，香脆可口，而且價格超超值，只是$10便有一大樽，買個樽也抵！我家老爺食過停不到口，3天把它清了，幸好便宜，否則被他吃至我破產見店舖還有鹽焗蛋、糭及各式油器，現今這些手作傳統食品已買少見少，要大力推薦，免得只成為回憶。