馬辣台式鴛鴦火鍋 (創興廣場)

营业中

休息中

$110 一人餐很抵，再用openrice優惠減多$20 超抵，套餐一人份量剛剛好，丸/餃/海鮮/肉 每款有d, 菜一大盒，仲有2款菜添，麻辣湯包內有3件鴨血，另會附上一包清湯，個餐仲會包一罐飲品。丸/餃 合共有十粒，海鮮有幾款選擇，我要咗蝦就有2隻，嚮領2件，麻薯2粒，仲有一盒豆腐花。其實個套除咗丸類和餃子係無得選外，其他野食野飲，都有得選，大家可自已入去睇睇，另外佢個麻辣湯包，係超大包，絕對足夠，因有清湯和麻辣湯包，所以個外賣餐都幾重吓。

半年前第一次嚟食，感覺十分好， 食物嚟得快而準；外面啲嘢又refill得好密，肉類比一般任食火鍋新鮮，甜品飲品都比較多選擇。 所以我久不久都去幫襯，直到尋晚食第四次，我講嘅嘢全部嘢都退步咗，除咗滷蛋肉燥飯仍然keep到水準! 食肆嘅通病都係越做水準越差，所謂不進則退，執笠之前嘅食肆都有呢個先兆！如果計較到雪糕、甜品都冇人添冇人裝， 不如close咗個甜品corner收平30蚊啦！

今日夜晚同幾個朋友喺旺角忙完見肚餓，大概11點半就去左創興呢間馬辣去打邊爐。每人都只係$107，有得任飲任食。有啤酒，有海鮮，有肉，有甜品等，價錢黎講真係超級抵。講返個鍋底先，佢係鴛鴦鍋黎，麻辣戈邊愈煲愈出味，另一邊唔辣可以適合返唔多食辣既朋友。驚喜既係佢咁既價錢仲有雞子食。環境上地方闊落，坐得舒服，衞生情況亦不錯。食物味道不俗，但湯底可以稍微改進。因為湯底味道可能比較淡，由其唔辣戈邊。戈日去佢地開到2點半左右，時間上絕對充足。大家若然平時去開旺角玩完肚餓不妨上去一試。

自從瓊華中心執咗幾間任食火鍋之後，我就轉戰創興廣場，今次食嘅呢間，我覺得中規中矩啦。先講魚(因為我最愛)，脆鯇片同白鱔片都一般，反而個鯇魚腩幾好食，另外仲有蝦同蜆，不過我無食到；牛有四款，豬有兩款，另外仲有羊，正常任食火鍋的肉(即係無乜味啦)，幾款之中以羊嘅味道最好；其他配料自己出去夾，咁樣幾好，唔洗咁浪費，我覺得好食嘅包括蛋餃、蝦餃(長條形)、牛孖筋同黑色墨魚丸，而我覺得唔掂嘅包括鵝腸、韮菜豬肉餃同牛肉餃；至於最有驚喜嘅就係有專人整嘅Pancake，堅好味。即最後值得一提嘅就係佢有Hoegaarden生啤任飲。

🥢旺角台式麻辣火鍋鴨血火鍋放題🥢旺角打邊爐店真係食極都食唔完，今次去好耐都無食過，改個名都無恥過人的香港馬辣，點解咁講，因為呢間馬辣同我心中最鐘意食的台灣馬辣個名抄到十足十，香港人做生意唔好好似大陸人咁肉酸啦，連logo 抄都一樣，之前開張時幫襯過後，之後好耐無幫襯過佢🥢任食火鍋 最平$118 起，每人$158 假日加$10 加一($185/ 位）🥢二人檯面積都不算闊落，旁邊唔好彩坐著個傻唔傻癲唔癲的女仔同男朋友慶祝生日，不斷大大聲咁講無聊野，好似特登講俾你聽到咁，又不時feel 到想同你搭訕，呢種感覺真係不好受🥢一共有8款湯底選擇，可選兩款不用加錢，我們選了台式麻辣鍋加酸菜白肉鍋，麻辣湯香氣足，而且中辣辣得來都不會太嗆喉，鴨血很滑好吃，酸菜鍋味道較清淡🥢肉類共有4 款牛，兩款豬肉及一款羊肉，五款海鮮是劃紙仔點的，其他配料是出去外面火車造型雪櫃架上夾的，有很多丸類菜蔬菜🥢個人覺得美國牛小排味道最好切到薄薄一片，涮一兩下就食得，肉質不會覺得鞋，油脂感剛剛好🥢海鮮有蝦好重要，呢到的蝦好新鮮，而且爽口有彈性，一人會俾兩隻你，唔夠再點會好快上檯，蜆黎講呢隻蜆品種感覺

去台灣玩時食過幾次馬辣 今次係香港試食下睇下點先 但真係等佐勁耐 飲品方面幾特別 有洛神花茶 菊花茶等等 一般打邊爐可樂個D都有 食物上都大同小異 但係牛方面都幾靚 都多選擇 😂😂 當日3個人去食,每一位都係3片 野食方面 有一D台灣特色 麻吉燒甘 鵝腸 牛丸都好爽口 推介 菜都好新鮮 不過野食選擇唔算太多反而野飲 雪糕選擇好多但抵食 埋單都係$173抵食👍🏻👍🏻😔

一開爐，個煲都未滾就冲埋來張火收細，講都冇講聲。一D 禮貌都無，問啲夥記就話係呀如果全部開十度火就唔得，我嗰個爐都未滾wor. 跟住就唔出聲行咗去。本身呢度啲食物都OK但啲夥計禮貌實在太差。我都唔會建議我的朋友再嚟。原本好好地一餐飯，搞到冇曬mood .

今日星期五決定同朋友打邊爐 獎勵自己所以揀左馬辣既旺角分店 地點都算方便可以揀兩個湯底 我地揀左胡椒豬肚同麻辣麻辣湯底就..真係幾辣😂至於嘢食黎計都叫做多選擇一般任食火鍋有既佢都有比較特別既就有蝦餃至於飲品方面，除左有好多唔同種類既汽水之外，仲有生啤，嘉士伯個啲。不過我就唔飲酒既，喜歡飲酒既朋友可以享受下甜品方面，馬辣都有好多雪糕雪條揀黑牛雪條係出面都未見過，難得見到任食既舖頭會有。幾好食，值得一試。價錢方面，我地食9:30-11:30，價錢一百中左右 都值得一戰

服務態度差，我地未食完野就收走人哋個煲同埋啲嘢食 仲有收走啲餐具，仲要趕我地走，臨尾食個雪糕都唔俾，臨走攞一條雪條都唔俾，普通火鍋店需要有嘅基本態度都冇 服務質素不如大排檔

被邀約黎呢度食，呢幢嘢相當特別，全部都係火鍋放題，一入升降機成陣火鍋味星期五夜晚食，位位$168加一，有堆肉及海鮮任食，又有唔少湯底可以揀。鴛鴦湯底就最啱有辣有唔辣嘅組別啦佢共有四個冰櫃提供打邊爐常食選項，算好多選擇。最特別莫過於呢個素食家族啱哂要食菜嘅人除咗點豉油，仲有勁多花款嘅配料，真係幾周到甜品中嘅雪糕有D牌有牛奶公司，都唔錯當然都有典型雪條同埋雪米糍，但估唔到連烏冬都放埋係度佢仲有蛋糕類，亦有一堆汽水可以拎。雖然嘢食未算超好食，但係醒在夠平，而且任叫肉同海鮮

今日同朋友行到旺角嘅創興廣場, 聽說呢間馬辣台式鴛鴦火鍋仲唔錯,就想去試試。我地自選咗兩款湯底，酸菜白肉鍋同泰式冬陰公湯, 酸菜白肉鍋湯底太淡,有鹹菜味,泰式冬陰公湯底非常濃,辣度剛剛好。食物種類多，海鮮方面,蝦同脆肉鯇魚片仲不錯，蝦新鮮彈牙,鯇魚片夠脆口，肉類分別試咗美國頂級牛梅花、黑豚五花肉，肉質唔錯只系肉味偏淡。飲品選擇也多,咖啡、朱古力、果汁、茶、汽水、啤酒都有。只係甜品方面就比較少,口感也很一般！整體嚟講,食物選擇仲多!

1️⃣$158/位 ，星期一至四17:00-21:30，任食2小時 - 依個價錢係九龍既中心點，黃金時段，贏左🏆2️⃣火鍋🥘食材選擇多，肉類同海鮮需要交單，其他以自助形式係出面拎。單單牛肉🐂🥩已經有4款，💖窩心地在落單紙同火鍋碟用上4種顏色🎨做識別，確保encore時唔會嗌錯。個人推介藍色無骨牛小排，以及紅色頂級牛梅花。 自助區唔洗特別介紹，都知道係唔同既蔬菜🥦雜丸大集會，偏偏就俾個小驚喜你🥇。首推薑汁皮蛋貢丸，無諗過依個配搭會出現係粒丸入面，烚完脹卜卜，小心熱哦！之後係洋蔥豬肉餃，包到似雲吞🥟，食落散發洋蔥既清甜味。正👍3️⃣飲品🥤，未試過有咁多類別既野飲！任飲包啤酒已經好抵，係大牌獅威嘉士伯🍺，仲要有生啤俾你自己斟，係hoegaarden rosee！真係估你唔到🥈！就連熱茶🍵都有3款茶包，同3款茶葉俾你揀，極細心。4️⃣甜品 ，同樣係勁多選擇，buffet 一樣！桶裝雪糕🍨有8-9種口味，一半選擇仲係Dreyer’s添哦。不過，第二個驚喜係佢既豆腐味同薑味既雪糕，絕對要試🥉！👍👍5️⃣服務黎講🤵，算好唔錯架喇！落單好快，唔會漏單，上菜同收碟都好迅速，服務生仲會主動問你要唔要加湯。

「$158位 時段價17:00-21:30」 Around$ 174/per🤔☝🏻食過15樓既牛牛台式鴛鴦火鍋，今次轉揀14樓馬辣台式鴛鴦火鍋試一試，walk in入座，21:00去到，由於唔等21:30後$138/位優惠，好快就已經入到座👉🏻我地自選左兩款湯底，分別：酸菜白肉鍋同泰式冬陰公湯底✍🏻湯底到左唔理三七廿一試味先，酸菜白肉鍋湯底太淡冇乜味，帶少少咸菜味但冇咩肉味系湯底試到，相反泰式冬陰公湯底就非常濃味辣度適中，佢仲辣同濃味過我系一鍋堂點既冬陰公湯底，十分之讚呢個湯底，如果你系食辣既朋友值得一嘗，都算錯有錯著啦，雖然其中一個湯底比較失色，但最好偏偏就系一濃一淡湯底配搭👍🏻菜類偏向清湯，相反肉類正正啱晒放入濃味湯底。✍🏻食物種類繁多，同類地丸類素食選擇非常之多，海鮮同肉片因衛生關係被安排點菜紙內，海鮮推介蝦同脆肉鯇魚片，蝦夠新鮮彈牙而環魚片夠脆口同鮮，扇具略差少少帶沙但都可以嘗試既，肉類分別試左美國頂級牛梅花、黑豚五花肉，肉質唔錯只系肉味偏淡，可接受範圍，配合醬汁食用更好味🤤❤️。✍🏻飲品選擇甚多：咖啡、朱古力、果汁、洛神花茶、汽水、啤酒，中意啤酒🍻既朋友建議飲Hoegaarde

不嬲都好鍾意食麻辣火鍋，特登嚟到旺角，食麻辣火鍋放題，價錢都幾平$158一個人，仲有好多好多牛肉食添，岩曬我呢啲食肉獸。我哋今次就叫咗麻辣湯底同埋蕃茄湯底，我都幾鍾意佢嘅麻辣湯底，佢係偏向辣多過麻，入邊嘅鴨血同埋老豆腐我好鍾意食，特別係鴨血都幾入味下。最鍾意食放題嘅原因就係啲牛肉可以無限咁叫，佢仲要有成五六款牛肉咁多，我就最鍾意食牛小排，小小肥最好食。放題嘅質素都算係咁啦都算幾抵。 除咗牛肉之外仲有其他好多唔同款佢嘅材料，有我最鍾意食嘅海帶啦唔同嘅丸類。仲可以雪糕任食添，佢哋有好多唔同味道嘅雪糕，$158來講下次可以再嚟食。

雖然是炎炎夏日，但對一眾喜愛吃辣的朋友來說，一年四季都懷著想吃辣的念頭。朋友介紹旺角創興廣場的台式麻辣火鍋不錯，一個價值觀，任吃任喝，便相約到這裏一試。一進店門口，便給這輛黃色的列車吸引着。原來這是擺放食物的櫃子，客人可隨自己心意挑選火鍋食品。黃色的列車來擺放著各式的食物各種丸煩、肉類、麵食和素菜都任客人自己挑選。店內另設有混醬區，顧客可配搭出個人化口味的醬料。而每一張桌上都有一張鍋底下單紙，紙上的肉類及海鮮需劃單才可。海蝦新鮮，肉質結實。飲品方面也是自由選取，連較貴價的啤酒Hoegaarden也有，還是大罐裝。這次挑選了麻辣湯底和胡椒豬肚湯底，胡椒湯底已沾了一些隔壁的紅，油但味道還是濃郁味美。麻辣鮮香味足，把凍豆腐放進去，豆腐吸收了辛辣香，吃起來十分過癮。店內還有Dreyer’s 雪糕任吃，客人可隨時解辣一下。火鍋店算舒適寬敞，食物種類眾多，性價比蠻高的，值得一試。