馬泰

营业中

休息中

係呢頭返工幾個同事行經謝斐道一帶其實好多餐廳都已經食過，發現有間馬拉餐廳未食過，見天氣凍凍地大家都想食的辣野就入左去試試佢😬我叫左個海鮮喇沙($72), 送到黎熱辣辣, 食落同正宗馬拉有得fight! 湯底鮮味十足😋😋而個餐係跟一杯熱飲(凍飲+$3), 我就叫左個熱咸柑吉, 凍凍地飲個喉嚨好舒服！而我其他同事叫左海南雞喇沙($72), 佢地認為雞味唔夠重但雞滑而且多, 仲要係上脾, 所以佢地都好滿意！幾個同事都認為呢個會成為我地飯堂之一！😋😋

附近工作已久，但竟然從來無光顧過呢間區內有名嘅喇沙店！平日Lunch hour黎到，好彩都唔洗等位😍-馬來西亞無骨海南雞喇沙🍜-估唔到會有咁樣配搭嘅餸菜，通常一下就普通喇沙一下就普通海南雞飯，呢個配搭非常之適合貪心嘅你可以食哂兩個口味嘅餸菜！呢間嘅喇沙湯底椰香味十足🥥非常濃郁。配搭面頭嘅XO醬，令到整體更為惹味充滿乾蝦皮風味🦐，食落都有少少辣🌶️份量十足！麵底為油麵、含有米粉同豆卜，索哂汁好正！一旁嘅海南雞都做得非常之出色👍🏻已經去骨🦴令人非常之方便，雞肉嫩滑，mix埋辣汁同甜豉油，，一流！

一入到間餐廳覺得有d唔係幾乾淨嘅感覺，因為周圍都有啲烏蠅飛來飛去，不過諗返馬來西亞/泰國餐廳都係差唔多😂😂同埋佢唔算好貴就試下🍍Pineapple Gaarden🍺 $58用新鮮菠蘿，酒味都幾濃，唔好當普通啤酒飲，唔飲得嘅我飲咗大半杯都有啲wing🤣🐥無骨海南雞喇沙🍜 $76啲雞都幾滑，不過喇沙個湯可以再濃d🍛 咖喱牛腩🐮 $78個咖喱中規中矩，要配飯或包先好食🥖蒜蓉法包🥖 $28特登為個咖喱叫既，不過焗得燶咗少少，太脆一咬個包就散晒，根本點唔到啲咖喱黎食🦐杏仁蝦餅🦐 $68最唔抵就係呢個，同飲宴食嗰啲冇乜分別🥭芒果糯米飯🥭 $52佢整到成舊壽司咁，所以夾嗰陣一定會散，不過啲飯太熱，芒果就常溫，如果飯同芒果都凍啲會好食啲總結：覺得所有嘢都中規中矩，有時特別想食馬來西亞/泰國野都可以去食過吓癮，嘢食普通，不過價錢唔太貴，而且冇加一。環境都寬躺嘅，不過要接受到有啲烏蠅飛來飛去

餐廳內的裝修好有心思，有很多不同的擺設裝修，同黑板粉筆畫不同的食物👍🏻💕📍馬來西亞海鮮喇沙$62第一啖一定要試咗個湯底先真心很好味令人回味馬拉和泰國的感覺😍喇沙湯底是以香料湯、椰漿，濃濃南洋味，夏天沒胃口時來一碗，甜、鹹、辣滋味豐富，相當過癮。海鮮食材無論是蝦和蜆都好新鮮，鮮味，有驚喜👍🏻推介大家食😋因出面很多店舖的海鮮都麻麻地，這樣的價錢，新鮮的海鮮，抵食👍🏻🌟正宗的喇沙就是米粉加油面👍🏻📍馬來西亞無骨海南雞喇沙$62個無骨海南雞，又做得不錯👍🏻雞的肉質滑溜再配醬汁，一流

Thought of giving a try from the high good ratings on Open Rice. Arrived at 11:30am on Saturday. Shop was opened with a patron waiting to he served. Waitress was oblivious to dine-in customers. She was busy at the cashier with online orders. A couple came in for take out orders. In the end, waited 10minutes to be served. The bill came with an extra $10 charged for changing mile tea to pulled milk tea without notifying customer.I ordered a Hainanese Chicken laksa. Soup base taste ready mix withou

同F一起過來銅鑼灣馬泰食嘢 好正呀 見到圖片我已經流曬口水 我地食lunch 叫左幾樣嘢一起shares 可以食到唔同味道嘅咖喱 我對咖喱係情有獨鍾 想試曬所有咖喱 青🌶️咖喱比較辣啲 黃咖喱比較冇咁辣 蒜蓉包點咖喱簡直係絕配 下次鬼繼續過來食其他 呢次真係食唔落啦 如果女仔食記得少飯 竟然食唔曬啲海南雞好鬼滑 冇揀錯 雞油飯搭配 正 蝦餅我係追加小食度加架 好香口 脆❤️芒果糯米飯食左先醒起影相 係銅鑼灣可以穩到咁抵食又正宗嘅馬泰嘢好難咯下次我想帶埋媽咪過來食✌️ 雖然價錢平 但係環境方面一啲都唔差✌️

本來週五放工充滿期待的馬來菜，但是真是失望多過期待，首先黃咖哩雞，覺得雞味道略重，然後點了一個小食拼盤，除了杏仁蝦餅ok說得過去，春捲太油膩，雞爪也唔好食，米紙卷也都麻麻哋，柑橘飲算是全場最好的了😭

又係唔小心講咗泰國嘢😂😂雖然係成日喺銅鑼灣遊走 但係第一次試呢一間嘅🤣tea time入去唔使排隊🕑入去環境好吸引😍牆身係用類似黑版畫黎表達菜式🖍🖼全部都粉筆畫咁 好鍾意呢種風格😍🦀泰式軟殼蟹撈檬粉 $56嘩！好足料！一大隻軟殼蟹🦀仲有好多配菜 最緊要係有我好鍾意嘅花生🥜😍😍雖然係下午茶 但係檬粉份量好多 加埋檬粉汁呢個精髓 係perfect池💯🍹新鮮青檸梳打 +$8看似普通嘅嘢 佢擺得好靚🤣不過佢入面好似放咗嘅係檸檬🍋而唔係青檸😂不過唔緊要啦 檸水加梳打係完美嘅配搭💯仲有淡淡嘅薄荷味🌿即使我嗌咗走甜 都覺得味道足夠了🌟呢間唔係咩出名餐廳 但係真係好值得一試 員工服務態度好 環境靚 嘢食唔貴又高質 仲有好多其他選擇㗎 今次試完Tea 諗住下次夜晚再嚟😘😘

同同事去咗銅鑼灣試呢間東南亞餐廳近住鵝頸橋唔算難搵午市嚟到都好爆場好彩唔使等位就有得入——————————————————🔸秘製馬來肉骨茶配飯($58)肉骨茶配料足，有豆卜、杞子同冬菇等等飲落藥材味唔係好濃，比較適合香港人口味另外仲配咗油炸鬼送肉骨茶，抵食👍🏻🔸泰式黃咖喱配飯(雞肉)($62)咖喱嘅份量一啲都唔姑寒，係一小窩咁上所以唔怕唔夠送飯黃咖喱味道唔辣，啱晒啲想食重口味又怕辣嘅人——————————————————馬泰 (銅鑼灣)銅鑼灣駱克道408號地舖

某天黃昏人在港島當然要一個人的浪漫地吃頓晚餐才回家，心思思又想去幫襯過的馬泰既然心意已決就去那裏開餐啦！量好體溫填上紙仔安座後連餐牌也不用看，就直接點上來主要想吃的泰式無骨海南雞飯＄78。飲品我點了泰式凍檸檬茶＄18，從來喜歡泰式茶底那種誘人的香氣，但不是每一間也沖調得好味道，我就最喜歡Greyhound那泰式凍檸檬茶，而這裏茶香是有的但不算我喜歡的味道。海南雞飯除了主角和油飯之外還會附上一碗湯，而今天我得到的是粟米湯，帶幽幽的肉香加上粟米的甜味喝下去挺舒服。至於海南雞看賣相就十分對版了，而且附有不少醃酸菜和香脆花生墊底還有不少爽口的青瓜條，加上黑醬油和泰式雞醬成件事配搭得相當豐富！先試上一件海南雞皮爽肉嫩而且沒有太肥，就是雞味欠奉但這價錢我不會要求雞有雞味吧！至於油飯看上去顏色就很吸引了！可惜吃下就沒有多少雞油香氣而且飯粒亦煮得較為濕身，未去到我喜歡的口感，看來馬泰還是叻沙比較耍家點！

小妹最愛就係食泰菜，今晚出到黎銅鑼灣就殺到黎馬泰呢度覓食部分美食用粉筆畫既形式展現而成，佈置心思滿分💯睇左唔夠1分鐘,我同友人已經揀好左以下心水菜式😍招牌無骨海南雞喇沙呢個海南雞套餐，令小妹完全感受到餐廳既誠意，雞肉嫩滑唔會太老，肥瘦適中，唔會塊皮仲大過雞肉，點上特製燒汁/薑蓉，食到小妹lamlam 脷喇沙用左兩種麵（米粉+油麵）兩種都係索味既粉麵類，一次滿足哂我兩個愿望湯底十分濃郁印尼娘惹巴東咖哩呢個菜一上，事關個醬汁實在係太香太濃太吸引既緣故，小妹忍唔住叫多碗白飯另上第一次食巴東咖哩，馬泰呢度既版本會食得出有d椰絲，而且椰奶味好重，作為椰子控既小妹真係好難抗拒呢味菜色，除左雞件，每一滴醬都係精華飲品方面，我地叫左班蘭椰汁冰同凍檸茶，兩杯都落足料，檸檬酸香甜，斑蘭椰汁冰仲放滿哂珍多邊飲邊咬，飲完都真係飽哂啦二人晚餐都只係食左$200，高質素泰菜，超值

難得疫情放緩咗少少，就出銅鑼灣行下抖下氣。經過呢一間招牌咁搶眼嘅餐廳就試吓佢餐廳地方雖然不大，但座位都係好舒適。環境都好乾淨企理，裝修亦有泰國街頭嘅璧畫，令人未食都好似置身於泰國咁。馬來無骨海南雞喇沙 - $62呢一個餐一次過滿足左兩個願望，又有海南雞又有喇沙。先講喇沙，湯底好重椰子味，再配上一大舊辣椒醬，，十分香濃惹味！海南雞亦十分出色，雞皮表面充滿油光，雞肉鮮嫩又唔鞋，再點特製醬汁泰式軟殼蟹撈檬粉 - $56主角軟殼蟹炸得啱啱好，仲留有少少肉汁，調味亦都適當，唔會太咸。另外檬粉超級多！多到差啲食唔曬，配上幾款基本配料，再跟個特製酸醋，好開胃！芭堤雅炭燒豬頸肉 - $28豬頸肉燒得香口，但仲保留到肉汁，而且肉質十分彈牙，必點小食！馬來杏仁蝦餅 - $28蝦餅口感十分之彈牙，搭配少見嘅杏仁脆片，唔單有杏仁嘅香氣，更豐富左蝦餅嘅層次。泰式龍眼冰好足料嘅龍眼冰！超過十粒龍眼，性價比好高！鹹柑桔水味道稍微偏酸，不過不失啦埋單兩個人食到咁豐富，都只係二百蚊唔駛，實在係銅鑼灣鬧市中嘅抵食之選！

晚市終於開番啦🤩等左好耐 不過要填資料或者嘟安心出行🌝 當然仲要量體溫 口罩記得放口罩套 唔好放枱面 店員會提供口罩套👍🏼👍🏼好貼心 好想好想食喇沙 見到有咖央多 都好耐無食 所以一定要食馬來咖央多 斑斕味 咁肥嘅嘢 當然要開心share 入面揸左超多咖央醬同牛油🤤  雞絲喇沙個湯好正 豆卜吸曬啲精華！入面有兩款面 兩隻蝦同好多雞絲 啲面多到應該係二人份黎😂  娘惹一品牛柳粒都好唔錯 好香口 記得要即食 唔係擺得耐會韌 因為佢用鐵板上 炭燒魷魚好有咬口 秘制辣汁係酸酸地 幾開胃 全部都可以再encore 下次黎會想試馬來特式手拉茶 好似好正咁 好岩帶外國朋友黎 因為餐廳中英對照 又有圖 唔駛即時翻譯🤪 不過唔想排隊可以早啲黎 六點唔駛等🤭

放工行落銅鑼灣購物經過哩間食星馬泰既餐廳見下午茶幾抵食，一於食完再行睇Meau食物款式都多＆吸引我叫左個無骨海南雞喇沙配魔法梳打，朋友就叫個馬來肉骨茶配飯，飲斑蘭椰汁冰。餐牌寫住有升級優惠，額外加錢有埋小食配搭，我地一於豪氣地叫多兩款小食品嚐，環顧一下餐廳四周佈置，牆上畫滿色彩繽紛既食物圖片，吸晴之餘更引發食慾。無骨海南雞喇沙：海南雞同喇沙係分開上，重要係雞脾位，配搭住些酸蘿蔔同炸花生，雞好嫩滑，無骨食勁方便，喇沙原來混合左兩種麵底（米粉、油麵）湯面有些油豆腐，及炒過既辣椒醬，食落更野味。 馬來肉骨茶配飯: 好多肉排係湯之中，配料都唔少，有香菇、杞子、元肉、油豆腐等，飲埋個湯感覺幫助滋寶又養生。 魔法梳打: 個名充滿神秘感，出場時係兩層漸變顏色，倒埋檸檬汁落去攪攪下，如果加句魔法咒語都真係幾有魔法元素係當中。 朋友叫左杯斑蘭椰汁冰：螢光青色，一出場勁搶眼，朋友飲落話濃濃的椰汁味配搭淡淡的斑蘭汁，幾特別。 杏仁蝦餅：廚房將佢切開左幾塊，方便客人食用，蝦餅外面被一片片既杏仁片包住，點埋泰式酸辣醬食，香脆之餘又彈牙。 炭燒豬頸肉：燒到微焦帶燶邊，香味得黎又爽口，餐廳還有自製醬汁提供點食，增加

我發覺自己都幾鍾意食泰國菜😎 做做下嘢會無啦啦想食炒金邊粉，所以放工就嚟咗呢間泰國餐廳dinner🤣唔使睇餐牌，我都決定咗叫泰式炒金邊粉🤪 佢賣相好吸引，用一個鑊仔裝住，加添一點街頭風味🤣 不過近排比較熱氣，就唔落辣椒啦🙊 但落咗青檸，即時提升味道，酸酸甜甜，非常開胃😆 朋友就叫咗正常嘅海南雞飯。我都有試咗啲雞，好滑～ 配埋d醬汁食就好好味😋 原來有人唔鍾意食甜豉油🙊 好有趣，我會記住你既喜好😛😛我哋驚唔夠食，所以叫多個小食：炭燒魷魚配秘製辣汁😎 燒得好香口😋 好彩辣汁係分開上，唔食辣嘅人都OK👌🏻最後叫埋兩杯嘢飲：熱鹹檸蜜同龍眼冰😎 我地食到攬住個肚，價錢唔貴，性價比高😬😬