香馥樓

营业中

休息中

估唔到銅鑼灣鬧市中心都有一間唔嘈吵又坐得舒服嘅酒樓~ 嚟到啲位唔會密質質，有返個適當嘅空間感，好適合聚會談心杞子花雕醉雞 - 雞夠滑，唔苦澀唔嚡口~花雕好香食落酒味唔涸杏汁菜膽燉白肺湯 - 呢排天氣係咁轉，飲個靚湯滋潤一下~佢哋個湯座有蠟燭 heat 住，就算傾住偈慢慢飲都唔怕變凍~加分位！聞落杏香撲鼻，飲啖暖入心扉，白肺軟滑唔腥，雞腳好腍，飲得好舒服~香芒脆蝦球 - 大大粒啖啖肉嘅蝦球，外皮炸衣唔厚，口感酥脆，個香芒汁略嫌太甜比較兒童口味少少香馥小炒皇 - 一上台烽煙四起好 IG-able~ 料足實在，銀魚同腰果夠脆，蝦乾香，最緊要係啲韮菜夠爽甜~ 仲有魷魚，蝦仁同埋帶子，唔錯！9 點鐘後嘅宵夜時段主菜餐牌 指定餐牌都有半價，好優惠嘅宵夜好去處~

銅鑼灣嘅中菜餐廳有唔少，呢晚就嚟咗喺銅鑼灣廣場嘅六樓，發現呢間酒樓嘅食物同服務都唔錯喎😎杏汁菜膽燉白肺湯冬天真係好想飲返盅燉湯，呢間餐廳嘅擺盤勁貼心，底下有個蠟燭熱住，完全唔驚擺一陣會攤凍咗🕯️呢張燉湯非常足料，每盅都有兩件豬肺，一隻雞腳同埋一棵白菜🥬 因為豬肺好難處理，係要好多功夫先可以整到完全冇內臟嘅味道，所以一見到酒樓有得嗌白肺湯，都會想嗌返一盅嚟暖胃。杏汁嘅味道都非常滋補，真係大推佢個湯。杞子花雕醉雞雖然呢份只係小食，但係份量都唔少㗎。花雕醉雞整得好入味，雞肉嫩滑，雞皮帶點爽彈，又唔會好肥膩🐥 連雞胸都係好軟身。香馥小炒皇呢個擺盤同樣有特色，餐廳用上乾冰令到呢碟菜式增加咗唔少生氣🤤 加上呢個小炒王嘅用料豐富，色彩鮮艷，材料包括蝦仁、帶子、魷魚鬚、韭菜、菜甫、蝦乾、腰果、脆魚仔同埋彩椒🥰 我特別喜歡蝦仁同埋脆魚仔，蝦肉彈牙，而面頭嘅脆魚仔就非常香脆，勁有口感。香芒脆蝦球呢個係餐廳嘅招牌菜之一，一份有六隻超大隻嘅蝦球🍤 而且炸粉唔算好厚，外脆內彈牙嘅口感好正。加上餐廳用上少少鹽同埋香芒汁調味，食落口唔會太肥膩👍🏻值得一讚呢間餐廳服務好唔錯，同埋環境都算寬敞，唔會坐到好逼，嚟緊啲團年同

前排太忙好多想分享既餐廳都放埋左一邊😕雖然過左大閘蟹季節，但既然一早都打好左，就都分享下啦🥹呢間主打新派中菜，開左都吾算太耐，所有既餐具碗碟都幾有特色幾美觀之外，野食都高質🙃星期日食飯時間好快就坐滿哂，吾少人仲預先訂哂位離食飯或者食大閘蟹餐😗.👁‍🗨咕嚕鳳梨黑毛豬肉(7.5/10）💲198.➰呢個係高級版既咕嚕肉🤪份量都比預期既多，賣相亦都夠哂有睇頭，會有啲乾冰營造仙氣😂咕嚕肉既外皮炸漿夠哂薄，入面啲黑毛豬肉彈牙香豬肉味，醬汁酸甜的岩岩好😎旁邊仲有新鮮菠蘿，份量都吾少.👁‍🗨麻辣爽脆魚皮(7/10）💲88.➰魚皮真係整到同個名一樣，非常爽脆😋初初食一兩條覺得吾係太麻，之後愈食愈勁😂果種麻辣係會慢慢發出離，但係麻得離又好惹味，令人想再食🥲.👁‍🗨脆皮紅燒乳鴿(7/10）💲98.➰乳鴿肉質算係幾嫩身，外皮燒得夠香，但調味可能重左少少，食落有點咸，不過整體吾錯，兩個人食岩岩好.🔛 整體評分（7.5/10）

平日晚市來吃飯，客人不多，坐得舒適，店員還會幫忙洗碗，非常方便🤣🥒前菜：涼拌青瓜雲耳；茶位 $20/人先來一壺鐵觀音，底座有蠟燭坐熱保溫，十分貼心。再來的是前菜涼拌青瓜雲耳。青瓜新鮮爽口，雲耳滿載陳醋香👍🏻🍍拔絲咕嚕鳳梨黑毛豬肉 $198一碟菜式有兩個打卡位：1. 一上菜的時候乾冰噴煙；2.夾起咕嚕肉的時候有拉絲效果！雖然咕嚕肉外層被糖醋汁包裹著，但還是吃到內裏的香脆和軟嫩的肥肉位，配上新鮮香甜的菠蘿，難怪是為鎮店之寶🤤🦪椒鹽一口韓國蠔 $118想了很久到底選黑松露腐皮卷還是椒鹽一口蠔，最後還是選了這一碟有4隻肥美的韓國炸蠔，外層炸得香脆不油膩，配上椒鹽非常惹味😋🦀鮮蟹肉桂花瑤柱炒米粉 $198以為有蟹肉散落在整碟米粉中，原來是一大件充滿啖啖蟹肉的炸蟹餅放在面層，而整碟炒米粉就有雞蛋、甘筍、芽菜和瑤柱作伴。米粉炒得乾身不油膩，而且條條分明，沾上辣醬更為香口😊

✨朋友推介銅鑼灣廣場6樓「香馥樓 」，這酒樓樓底好高，座位闊落，高雅裝修設計，屬於高級中式酒樓。餐牌好多選擇，我們揀選了幾款最熱門菜式。***** ***** ***** ***** ***** 一口蝦多士🦐入口鬆化，多士部分外脆內軟，配合鮮蝦真係有齒頰留香的感覺。蜜汁厚切西班牙黑毛豬🐷以西班牙黑毛豬製作的蜜汁叉燒，口感非常軟腍，肥瘦適中，脂肪位咬落彈牙，味道甜甜蜜蜜的，一口接一口很好餸飯。魚湯竹笙魚腐浸勝瓜🐠🍲材料豐富，食材夠新鮮，整鍋都有鮮甜味道。紫砂功夫燉湯🫕功夫茶聽得多，第一次聽到功夫湯，二話不說點來試吓，有職員幫忙倒湯在一個杯子，啖湯甜甜的，好夠火候，打開鍋子看看，原來材料好足。

🍴石岐乳鴿 68 蚊🔥個皮有d香脆 食落口感juicy肉味濃 點d准鹽正🍴咕嚕鳳梨黑毛豬肉198 蚊🐖外表靚 有埋乾冰噴煙🤣 黑毛豬肉整得甜酸入味 豬肉入面好爽滑 菠蘿新鮮夠香甜 🍴准山雲耳炒百合138 蚊百合加埋三色椒好爽口 仲有彈牙雲耳🍴秘製汁乾炒牛肉炒河 148 蚊🐂河粉係比較牛肉好爽同牛味香濃 加埋爽口芽菜 點d辣椒醬就好味Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#香馥樓銅鑼灣駱克道463 至483 號銅鑼灣廣場2 期6 樓~~~~~~~~~#fafafoodblog #為食花太郎 #fafafoodblog銅鑼灣====================

約客人食晏絕不能求求其其，搵左間喺公司附近，高質素粵菜位於銅鑼灣香馥樓 價位適中，而且地方寬敞 吾會坐到枱貼枱大廳以白色配上淺紫色的色調，感覺柔和又高雅。我作主當然因應客人喜好為他點菜秋風起喉嚨也特別乾，所以點左紫砂功夫湯 $88養生之餘又潤喉。咕嚕鳳梨黑毛豬肉 $198是店方名物，以黑毛豬取代普通肉排，成件事變得更高級，黑毛豬索曬咕嚕汁，味道酸甜適中，肉質又夠稔，仲食到新鮮菠蘿，令成個菜level up。看看客人表情也知道他相當滿意。

講咗好耐嘅二人飯聚，呢晚終於成事😉 朋友仔話近排愛上咗位於 #銅鑼灣二期 嘅一間 #中菜餐廳「香馥樓」，推介我一定要試吓師傅嘅手勢☺️ 聽到有好嘢食，當然樂意奉陪🍻 lift門打開，已經見到笑容滿面嘅員工為我哋馬上打點，感覺非常親切❤️ 餐廳面積唔算大，不過座位都幾寬敞，啱晒一班朋友聚會🥳可能服務員見我望住餐牌心大心細，主動走嚟為我哋推薦咗幾個拿手小菜同埋燉湯，好貼心呢❤️🫕杏色菜膽燉白肺湯燉湯跟小火爐一齊上枱，非常有儀式感😉 師傅將豬肺件煎到微焦、加埋 #白菜膽 燉出奶白色嘅湯汁，味道鮮甜，真係好滋補呀🤤🐤杞子花雕醉雞浸製過嘅醉雞件肉質鮮嫩，充滿花雕酒嘅香味🤤 再食埋啲杞子，夠晒明目👀🦐香芒脆蝦球蝦球鋪上薄薄嘅脆漿，口感香脆彈牙，師傅喺脆蝦球上加上芒果醬汁，口味好清新呀🤤🦑香馥小炒皇韭菜花配上各式各樣嘅海味炒埋一齊一定冇得輸，大大隻嘅蝦乾，仲有鮮魷、腰果… 用料豐富，非常惹味🤤 而最令我心心眼嘅係伴碟嘅擺設，裝飾用嘅小盆栽滲出淡淡嘅水氣，同一時間為我哋帶來視覺同味覺嘅享受☺️整體餐廳嘅服務同食物都令 #小秘書 非常滿意，有機會真係要再嚟試埋其他菜式同大家分享😉📍#香馥樓(銅

🪭脆皮炸鮮奶外層脆 內甜軟個人覺得甜度剛好 好吃😋.🪭即拉叉燒腸粉外層腸粉薄軟內裡叉燒片塊調味適當 份量足🐷加上豉油 很不錯✅.🪭黑金流沙包3件中小size流沙包內有流心奶黃蓉 好吃😙.🪭芝士小蜜蜂蜜蜂造型 可愛精緻🐝芝士和蝦滑的組合炸後外層香脆 口感豐富.🪭綠茶雪山叉燒包特別外形 綠色的雪山外層外層包脆薄 內裡有叉燒粒 調味剛好🙌🏻/餐廳環境乾淨寬敞✨價錢合理🥳

一頓晚餐，總結了一天辛勞的工作，下半場就系同家人相聚時刻，亦延伸到良朋共聚，餐廳食物同環境都非常重要。今天有緣來到銅鑼灣廣場二期#香馥樓 食得新派粵菜。✅紫砂功夫燉湯 $98.0內有海底椰，雞肉，豬肉，燉湯鮮甜香濃，無咁上下質素嘅鐘數，就煲唔出呢種鮮甜味，當然飲得一滴都無剩。✅一口蝦多士（4件） $118.0多士外皮炸得鬆脆唔油膩，上面既蝦肉肉質彈牙！同香脆多士相映成趣！ 重點係個醬汁，令個口感變得有層次！✅蜜汁厚切黑毛豬（例） $388.0呢道菜式色澤誘人，肉質鮮嫩多汁，蜜汁的甜度岩岩好，屬半肥瘦，讓人回味無窮。✅魚湯竹笙魚腐浸勝瓜 $168.0勝瓜同魚腐本身個配搭已經唔錯，加埋魚湯去煮，更加帶出個魚鮮味，勝瓜同魚腐份量都多嘅，水準不錯。鍾意連湯飲既朋友一定要試下呢個菜。總的來說，香馥樓食材質素同環境，帶來了一場唔錯用餐體驗，值得推薦。

位於銅鑼灣二期《香馥樓》，地方高雅，有很多精緻佳餚，今次自費嚟嗌左以下:✨️《醉雞》$128雞肉白淨滑流，放在枱上都聞到陣陣洒香味。這個小食是新加的。✨️《香馥小炒皇》$198招牌小炒皇包括有多款海鮮，例如:尤魚、蝦 和 帶子。而最正嘅就係有手指尾咁大嘅蝦干，煙靱有咬口。✨️《香芒脆蝦球》$ 238大大隻炸蝦球，淋上了由芒果打成嘅醬汁，是很開胃。✨️《杏汁菜膽燉白肺湯 》$108白肺湯清澈鮮甜，菜膽煮至軟腍入味。✨️《茶》$20/位

呢晚同朋友食飯，嚟呢到食中菜位置好方便，喺港鐵站行去只係幾分鐘餐廳裝修好新淨、精緻平日嘅夜晚嚟到都唔算多人坐低之後就有侍應幫手洗碗筷，服務幾好嗌咗壺普洱茶，菜壺好靚，下面仲有蠟燭保持溫度，幾貼心拔絲咕嚕鳳梨黑毛豬肉送上嚟嘅時候仲會出煙，好啱打卡咕嚕肉好食，表層甜甜地，而且比想像中脆，黑毛豬肉都好易咬而菠蘿擺喺隔離，冇撈埋一齊，食落都好甜！香馥金瑤絲苗炒飯炒飯都唔錯，幾好食杞子桂花糕好香桂花味，好食餐牌仲有一頁餐牌係素食，幾好喎～

去咗銅鑼灣間樓上酒樓，服務一流秋天只想食蟹，不過近排食得太密大閘蟹，今次就只食蟹肉粉絲煲由專人奉煲上檯，一打開係香噴噴熱辣辣嘅粉絲，鋪上咗雪香嘅蟹肉等佢淋上花椒油，再不停地撈起佢，椒香瀰漫不斷。啖啖粉絲都有蟹肉，仲滲有花椒香感，質感好有彈性咕嚕肉就食得多喇，好似佢咁嫩咁綿又冇骨嘅咕嚕肉就好少食到，皆因佢係用黑毛豬肉炮製，外面甜甜地少少脆口，咬落豬肉好似叉燒咁有質感，豚香十足隔離嘅菠蘿切好一塊塊，好大塊，一咬就爆汁勁甜。一上菜就淋上乾冰，成個擺盤極具詩意由洗餐具到斟茶，都有專人代勞，相當細心今次揀咗壽眉，有蠟燭坐熱佢，保持溫度飲落口啱啱好。酸菜都幾開胃，又唔會太刺激

店名: 香馥樓 地址: 銅鑼灣駱克道463-483號銅鑼灣廣場二期6樓銅鑼灣站C出口，行2分鐘環境: 4/5價錢: 4/5味道: 4.5/5銅鑼灣廣場二期新開左間酒樓，午市主打嘅點心十分精美，今次就同朋友去試下😋鮑魚雞肉燒賣3件❤️❤️❤️❤️❤️$58燒賣大大粒，餡料十分充滿，入口啖啖雞肉同蝦，加上每粒上面都有隻鮑魚，入口口感就更佳🤩翡翠帶子腸粉❤️❤️❤️❤️❤️$68食點心又點少得腸粉，腸粉入口滑溜，入面粒粒帶子，彈牙新鮮，朋友都讚好食😋生滾鮑片滑雞粥❤️❤️❤️❤️❤️$68好耐無食生滾粥，當然要試下，入面唔係有鮑片咁簡單，有3隻鮑魚，加上嫩滑雞件，再加入紅棗、杞子等，最後倒入紫菜，好豐富😍綠茶雪山叉燒包3個❤️❤️❤️❤️❤️$48見係佢地嘅招牌當然要試下😆外面綠色好過癮，外酥內軟，酥脆嘅表面入口即化😚入面叉燒份量亦好足，熱辣辣一定要試下☺️茶位$15

琴日係除夕夜，放工之後同朋友一齊去咗銅鑼灣核心地帶嘅新式酒樓——香馥樓，食完之後真係滿足到爆。呢度裝修典雅又唔失現代感🤩，氣氛好適合朋友聚會或者家庭飯局👨‍👩‍👦‍👦。我哋先叫咗兩客杏汁菜膽燉白肺湯，呢個湯一上枱已經聞到陣陣杏香😎。湯嘅顏色奶白色🥛，一睇就知道係燉咗好耐，入口清甜又有滋潤嘅感覺。仲有個蠟燭底座幫湯保溫🕯️，飲到最後一啖都係熱辣辣，內裏嘅白肺同菜膽都好軟腍，真係滿分開場👍。杞子花雕醉雞🐔作為前菜，份量好足，雞件浸得好入味，每件都鮮滑多汁，花雕味恰到好處。另一道香芒脆蝦球🥭🍤真係我今晚嘅心水推介，蝦球夠大粒又彈牙，外層嘅炸粉唔會太厚亦唔覺得油膩🥰，仲配埋香芒汁，帶出陣陣清新嘅果香，口感同味道都一流。最後當然唔少得試佢哋嘅招牌香馥小炒王。呢道菜鑊氣十足🔥，材料相當豐富，除咗傳統嘅韭菜花、魷魚🦑、蝦乾🦐、魚乾🐟之外，仲有鮮蝦同帶子，加埋酥脆嘅腰果，令成道菜口感層次超豐富。配搭得啱啱好，每一啖都充滿驚喜🥳。地址：香馥樓（銅鑼灣駱克道463-483號銅鑼灣廣場二期6樓）#銅鑼灣美食#現代中菜#花雕醉雞#杏汁白肺湯#美食推薦 #朋友聚會#食好西#hkfood#香港美食#foodiehk