香辣屋 (已結業)

昨晚叫左五個菜, 印尼炒貴刁,串燒,馬拉盞炒通菜,糯米釀雞翼,鳥頭.得個通菜同鳥頭ok. 其他都唔掂.最唔掂就係糯米釀雞翼,雞翼是唔熱的,糯米好林.兩個字- 唔掂.

一家人滿懷希望去食一餐有油酥餅的東南亞餐, 點知非常失望而回.其實食左呢間香辣屋都有好多年﹐前幾年D野真係三個字﹐平+靚+正。今次去食就真係失望左D喇。我地叫左個綠加哩涼瓜排骨﹐印尼炒貴刁﹐玉子雜菜煲.油酥餅同壕仔煎蛋。嚎仔OK﹐青加喱都可以﹐但係個油酥餅就真係不敢恭維﹐直情係微波爐貨色﹐淡而無味﹐比起X葉加喱屋個D真係差天共地。我見隔離抬好多人都叫﹐但係食過出面其他鋪頭個D顧客﹐就知香辣屋既係好唔掂。如果D水準可以keep返住﹐我諗到可以留住D熟客仔既。仲有一點係﹐我地未埋單就想收晒我地D drink, 唔。。。Dwaiter 係咪應該體貼D呢?

1. 白飯係用隻裝奶茶的碟上, 點食呀?? 笑大人個口!2. 落錯單　(青Ｏ七變青Ｏ梳)3. 問佢\點解落錯單, 佢\仲大我話杯野飲加$20 (無得跟餐\)4. 之後我問另外一個人, 佢\話跟餐\加$55. 最後佢\捉左個打領帶的高級侍應, 都係話要加$20無得跟餐\喎...青Ｏ梳，青Ｏ七　都係差唔多既野,佢\個青Ｏ七又唔係罐上．真係加$20 都要我落單時講明, 唔應該黎錯野之後先至馬後炮.食物質素OK. 只係服務態度唔掂!

前晚星期六同男友入將軍澳行街街, 人生路不熟, 想搵地方食晚飯真係好難! 兜兜轉轉, 最終行到去香辣屋, 見佢有豐咭散叫85折, 又有半價4人套餐, 咁就入去試試!我o地兩個人, 沒理由叫4人套餐!(況且以我經驗, 豐咭做推廣半價的套餐, 查實計埋加一都唔平, 況且套餐裏的菜也不甚特別!)我們散叫了糯米釀雞奕, 真實和menu裏的圖片賣相一樣漲仆仆, 入口唔肥膩, 皮脆肉嫩, 加埋甜酸醬, 非常野味! 干炒海鮮河粉, 亦都煮得唔油, 有海蝦,份量足, 甜甜地, 我o地兩個人平均都有3碗食!肉碎生菜包, 我揀o左豬肉做碎, 菜菜計落有半個, 雖然肉碎好似一小碟, 但係每人亦可包到4件左右, 仲有剩肉碎o忝! d汁好野味, 頗辣, 但我個人食得"輪盡", 食到成隻手都係汁! 冬蔭功蝦湯例牌, 有兩隻開邊大蝦, 有少少草菇, 味道香甜, 唔太辣, 但可惜每人只分到兩小碗, 唔多夠喉!我見隔o黎一家4口叫了半價4人套餐, 埋單由原本$242, 計加一小費後變成三百幾蚊, 見佢o地d菜無理特式, 麻麻地! 其中一位女士更加老實不客氣, 同侍應講:你o地d都唔好食, 咁都要收我三百幾蚊!....

好食好食, 呢間好味過銅鑼灣果間好多~我同老公二人叫左煎蚝仔蛋- 好好食, 同一般港式蚝餅唔同, 係唔脆既, 不過'葉' 得好入味; 青木瓜沙律, 好正宗, 夠新鮮同夠酸辣; 豬肉鬆茄子, 略厭油膩; 糯米釀雞搥, 好入味, 不過好飽, 食唔晒~紅豆冰+ 三色冰, 普通啦, 冇咩特別.Environment 好好~Service 又ok bor, 個女manager 都幾nice; D servers 幾鈍胎...

我食果陣係下午茶~ 先$20仲有杯野飲~杯野都幾好飲下架~

前晚星期五我一行三人去晚飯,同行二人因為喜歡食辣,所以我只好沒有異議同來了。因大家都不是太肚餓,四點了、及,埋單$144元連服務費。先說,太細碟又少菜味道太普通。而就一般可接受。另,太細兜又油膩。同行二人說幫襯了這店很久,並說菜餚像一次比一次細碟。另外服務方面,侍應完全沒有斟茶斟水,菜色還未完全吃完,便不問情況下收碗碟,而家不停舉手及揮手,很多侍應都詐看不見。價格我覺得略貴了一兩成,如果服務改善及菜色多些就好了~

之前去過２次香辣屋食,但唔知是否巧合,但印像就幾深刻,記得第一次係有一個餸,係我地食完晒嘢,都唔記得幾耐了.中間時係有追過,都未嚟.結果等多一陣終於到.但當時枱面好攪笑.一枱人一齊望住碟遲來的炒飯..笑住食.第二次係上星期.今次２個人.坐入口正中兩人位,叫咗一湯一餸一炒河粉.炒河粉最先到,湯跟住幾分鐘後到.但仲有個餸又未到.今次我有計時.(可能問係咪我食得快.)由Order到第三碟送到總共等咗３８分鐘.無奈.....有趣更是我無意中留意到有２位穿西裝職員,一位就完全投入門口車仔檔不停一碗一碗'卓'Ｄ湯河.好忙冇停過.而另外一位就補充一盒盒的配料和行來行去.香辣屋Ｄ女侍應亦很忘.不知是否人手唔夠呢?下次有時間再來食......

我最中意食o個個雞絲河同咖哩飯,o個種真係難以形容,與眾不同嫁~好好味呀!!

下午茶都幾抵，一碗牛丸（或者雞絲／魚旦／鴨片）湯河，連一杯珍多冰（可選咖啡或茶）都係$20，已經OK啦，而且環境又唔錯，$20．．．超值！

同BF撐檯腳，搵食去到將軍澳~ 由於Weedend，度度都好多人(感覺上將軍澳人鍾意食中菜，因為中菜餐廳特別排哂長龍)，而香辣屋環境幾靚、但居然而冇乜人，於是就決定食泰國菜~　青咖哩(牛)-成日聽人講呢間香辣屋o既青咖哩好食，今日終於有得一試：咖哩落左好多香料，都幾辣，滋味特別得o黎幾impressive；牛肉反而變左配菜ja~ 配搭naan，唔係好大份o既咖哩都食得勁飽...串燒豬肉(半打)-另一道有驚喜o既菜式~ 半肥瘦o既豬肉燒得好香，明知勁肥，但真係忍唔到口...原本打算食兩串，最後食多半串...但又係勁滯~熱咖啡-呢期咖啡癮起，飯後總愛嘆一杯~ 香辣屋o既咖哩比較sour，初飲怪怪，飲落又覺幾有風味~　食物好，環境又優美，真係一個食飯o既好地方~

雞絲包生菜檬酸酸地做頭盤非常醒胃，陳華叻泰式翅，八十八蚊一煲當然唔會奢望食到靚翅，用既係翅群邊，總之份量多又好味已經交足功課，一煲分到四碗，感覺上好滿足，咖哩蝦Ｄ汁唔夠黃珍珍整得好味，不過呢度Ｄ蝦剝埋殼食得好方便下喎，加晒分啦，配埋薄餅一齊食仲正，咸魚炒介蘭都唔錯，淨係個豬頸肉燒得硬左多少，總括上已經非常滿意。

同屋企人一行四人黎食野!!一向都有黎開覺得唔錯，所以繼續支持!叫左個蠔仔煎蛋，好多蠔仔，唔錯!糯米釀雞翼夠未，d皮又脆卜卜!青咖哩唔錯，不過我覺得辣左少少，d 汁用黎送飯一流!個泰式雲吞湯就麻麻地喇，冇乜特別，唔建議試!馬拉盞炒通菜辣辣地幾好味!

星期一晚上約了朋友去新都珹食飯,見個二人套餐幾抵($148?),人亦不太多,入內坐下。二人套餐很豐富,有東蔭功湯,小食拼盤(春卷,蝦餅,粟米餅等),架喱蝦,肉碎(不記得什麼名堂),馬介休炒菜及大菜糕作甜品。另外叫了一個白飯及蘆薈柚子蜜($20)。湯每人一碗,酸酸辣辣，很開胃。湯料有蝦肉,mushroom,很豐富。小食拼盤新鮮炸起,好脆!蝦餅爽口鮮甜,粟米餅靱靱地有咬口。點醬料甜甜酸酸，很惹味。架喱非印度架喱般辣得令人卻步,反而甜甜地,送飯最好。蝦肉一般,經油泡過,水準一般。咸肉碎我認為過咸,不過純粹個人口味,朋友覺得ok。菜炒得火候剛好,菜身不老,亦不過咸。柚子蜜只有數小粒蘆薈,不過一早是意料之內,不會失望。很潤,剛好舒緩一下熱氣。甜品是芒果大菜糕及椰汁西米糕各一件,有點不夠喉,另外叫了兩件千層糕。チ層糕值得一讚,煙靱有口感,少許椰汁味,清甜!($5 一件)總括來說,吃完很飽很滿足!環境,服務都有水準,很抵食。

新都城商場冇乜邊間食肆特別吸引，雖然香辣屋其他分店都食過，但見到呢間有個逢星期一至四先有o既特惠二人餐都幾抵，一於試試！餐單包括：泰式拼盤(頭盤) - 春卷、蝦餅及粟米餅各兩件，春卷同蝦餅普普通通，炸粟米餅就幾特別，咬落粟米很甜，口感不錯！星洲咖喱大蝦(主菜) - 做法和配料跟一般咖喱炒蟹一樣，只不過主角由蟹變蝦而已，蝦本身是新鮮的，可惜在走油時可能過火了點，吃落有少少乾身馬拉盞炒通菜、香葉肉碎(主菜) - 兩者都普普通通，肉碎要黎撈飯好好味四式糕點(甜品) - 芒果大菜糕最好食另外點了一個白飯同一杯特飲。可能是夜了冇乜人，上菜的速度很快，而每樣都是即製的！順帶一讚，經理好好人，給了我們一張大單，可以免費泊多兩個鐘頭車！