香記燒鵝

营业中

休息中

🪿🐦‍🔥【 香記燒鵝 • 每天現烤 】 🐦‍🔥🪿⋄ —————⧫♟⧫————— ⋄每次屋企需要斬料，都必定幫襯大圍積福街嘅「香記燒鵝」🪿佢地嘅燒味係現場燒，絕非交貨，妥妥的實力派，用品質說話🏅💪🏻 排隊斬料嘅客人絡繹不絕 ，可以話係區內嘅人氣王🏆🪿首推鎮店招牌——秘製燒鵝‼️ 外皮色澤金黃誘人，口感酥脆，肉質軟嫩，油脂豐盈，直情爆晒汁💦 勁好食🤤🥓蜜汁叉燒都好正，肥瘦均勻，蜜味香甜，勁入味✨面層帶有焦香，高質😍🐖燒腩仔豬皮鬆化，腩肉鹹香，肥而不膩👍🏻🐓玫瑰豉油雞都深得我心，皮爽肉嫩，散發豉油甜香，好食到舔盤🥹除咗燒臘之外，「香記」嘅兩餸飯都係冇得輸，抵食夾大份，姐姐真係會同我塞滿成個飯盒🍚 而且款式多樣，用料新鮮，係我同屋企人嘅經常性飯堂🤭 （再介紹落去，真怕以後會愈來愈難買😂）私心推介🤫：🦁紅燒獅子球、🐷鹹魚肉餅、🍋西檸雞、🌶️麻婆豆腐🤍 全部都出色好食，係我至愛🫶🏻⋄ ┄ ┄ ┄ ┄ ❖ ┄ ┄ ┄ ┄ ⋄🦆燒鵝 （$110/下莊）🥓蜜汁叉燒 ($50/半斤)🐖燒腩仔 （$58/半斤）🐓玫瑰豉油雞（$58/半隻）🥢兩餸飯（$32）；三餸飯（$42）🥢淨兩餸 （$45）；淨三餸（$65）

香記燒味必食推介為秘製燒鵝和招牌燒鴨，現燒現賣，新鮮出爐，標榜皮脆肉嫩，肥美爆汁。燒鵝（下莊）燒鵝燒得入味，份量十足，肉質鮮嫩。燒鴨（下莊）燒鴨用了多種香料烹調，令鴨肉鴨骨都津津有味，仲有埋鴨比。如果想增添滋味，可以拎包酸梅汁。蜜汁叉燒（半斤）叉燒顏色亮麗，肥瘦均勻，係半肥瘦叉燒。燒腩仔（半斤）燒腩仔炸到啲皮好脆，肥瘦分明，一層肥一層瘦。依家兩餸飯非常盛行，因其性價比高和方便深受香港人觀迎，菜式選擇豐富多樣，多達26種款式，份量都十分有誠意，有埋靚湯送。勝瓜雲耳炒肉片夏日消暑食勝瓜，水潤多汁。雲耳爽滑，沾上不少醬汁。魚香茄子肉碎及茄子都幾多，而且叫左這個餸，可以食多碗飯。栗米魚柳粟米汁有粟米及蛋花，味道鮮甜，而魚肉密封在炸粉內，非常彈口。椒鹽豬扒豬扒帶有濃郁的椒鹽，兩面都煎得少許焦香，整體肥瘦均勻，肉質鮮嫩，切成一塊塊，十分容易咀嚼。四季豆炒肉碎四季豆肉碎就比較常見，不過餐廳別出心裁，加左甜菜脯同埋香芹菜，食起黎更加清爽。麻婆豆腐麻婆豆腐顏色橙紅，味道唔算好辣，味道濃烈。

小朋友開始放暑假，生活變得好繁忙😂 有時唔得閒煮飯，我哋都會買外賣返屋企食。最近收工就去咗香記燒鵝買外賣，呢度除咗燒味，仲有三餸飯，就算買淨餸都好抵食！燒味推介大家要食叉燒，肥瘦適中，有少少炭燒香味，肉質軟熟；燒肉都好食，皮夠脆，拎到返屋企都仲係好味。一路喺度等燒味，見到佢啲餸不斷咁樣出，新鮮熱辣辣！ 大路嘅菜式都有，有肉有菜，三個餸$65一盒，兩個餸就$45一盒，方便快捷，分分鐘抵過自己煮👍 我哋覺得西蘭花炒蝦仁，同埋紅燒豆腐都唔錯，雖然係蔬菜都唔會好淡味。 下次冇時間煮飯，又可以去呢度加餸🙌🏻

早前喺大圍經過見到香記燒鵝兩餸飯呢度係主打港式美食嘅餐廳有提供燒味、款式多樣嘅兩餸飯以實惠價錢將美味帶俾每一位顧客好欣賞佢哋呢度嘅燒味係現場燒唔係係第二度燒定先 所以都好新鮮呀🔸兩餸飯 $32 勁多餸選擇｜CP值爆燈！白飯量足，餸菜份量多到驚，每日新鮮煮夠鑊氣～🔹 燒鵝上庄 $100皮脆肉嫩鵝味濃｜上庄部位啖啖肉，燒鵝汁香到想撈多碗飯！🔸叉燒 $50半肥瘦蜜汁靚叉｜外層微焦蜜糖香，肉質鬆化唔黏牙🔹豉油雞 $50豉油香滷得入味｜雞肉滑溜唔鞋口，連雞胸都保持嫩滑，抵食！🔸金沙骨 $50蒜香骨炸到金黃｜外脆內嫩juicy多汁，咬落仲有肉汁爆出嚟～◆*．◆*．◆*．餐廳資訊◆*．◆*．◆*．📍 香記燒鵝 (大圍)大圍積福街99號地舖喜歡我嘅分享：請follow, like and share @elaine.eat 🔎冇頭緒：#elaineeat🔎發掘同區美食：#ee大圍#hkfoodie #hkfoodblogger #instafood #hkblogger #hkkol #香港博主 #香港餐廳#探店分享 #燒味店

早排早咗放工，唔想煮飯煩自己，就喺大圍「香記燒鵝」買外賣🍗🍖 順便買埋兩餸飯，返屋企可以即刻開餐～🔥 燒味燒鵝皮脆得嚟金黃色超誘人，鵝肉仲要juicy，一咬爆香鵝油香，大大啖食勁過癮！ 叉燒色澤紅潤勁吸引，有啲焦邊位仲帶少少脆香，入口肥瘦分明🤭燒肉豬皮酥脆鬆化,腩肉鹹香適中，肥瘦分布均勻，入口不膩! 豉油雞醬汁鹹香帶甜，肉質嫩滑多汁! 🍱 兩餸飯兩餸飯款式多樣, 仲係即叫即夾啲餸選擇超多，我嗌咗6個餸番屋企,，返到屋企仲係熱辣辣～蕃茄炒蛋炒得好滑，酸甜平衡；鹹魚肉餅味道鹹香; 麻婆豆腐微辣夠惹味😋 整體味道好好食, 價錢唔貴又大份, 兩餸飯只係 $32, 三餸飯$42!

疫情過後兩餸飯大行其道越開越多，的而且確好方便，有時懶得煮，我都會去買兩餸飯解決一餐😆大圍依家新開兩餸飯，仲有燒味，燒味係自家即燒🔥，真正「前舖後燒」，並非交貨。燒鵝新鮮出爐，見到鵝皮油亮微微焦糖色，相當誘人😍果然燒鵝外皮酥脆，咬下去充滿油脂香氣，肉質腍滑，唔柴。燒肉、蜜汁叉燒同金沙骨都好有水準。燒鵝下莊$110燒腩仔半斤$58蜜汁叉燒半斤$50金沙骨半斤$50兩餸飯$32三餸飯$42淨兩餸$45淨三餸$65西檸雞、生炒骨、黑椒牛仔骨、薯仔炆雞、椒鹽豬扒、蒸肉餅、蕃茄炒蛋、涼瓜炒牛肉、魚香茄子、花生炆豬手、韭菜豬紅、麻婆豆腐、雲耳蒸排骨……現埸好多款式，價錢經濟實惠，好多街坊幫襯。買左幾款餸魚香茄子，好啱送飯，花生炆豬手，炆得腍又入味，黑椒牛仔骨，夠惹味，足料又大盒👍🏻

介紹返我呢期第一次兩餸飯初體驗當日父親節早早完成手頭工作就喺附近斬料一整桌簡單而隆重嘅家常菜除咗姐姐嘅手勢以外亦有燒鴨燒鵝㕚燒與切雞可惜太早到店員話乳豬未燒好自家工場做燒味燒臘整體質素唔錯隔住櫥窗就見到燒臘在金光閃閃最欣賞燒鵝皮脆肉嫩少少皮下脂肪入口口感恰好唔太瘦但又唔會好油膩蘸點酸梅醬超有風味父親反而最buy燒肉同叉燒後者特意要求要瘦叉食得比較無負擔另外亦買咗幾款家常菜兩餸飯䜴汁蒸黃立倉、紅燒獅子球、西蘭花蝦仁椒鹽豬扒、菠蘿咕嚕肉與蒸肉餅每樣都好大份調味唔算好重口味燒臘店有埋兩餸飯嘅組合終於都明點解咁多香港人會懶煮飯嘞～～～

「燒臘店就見得多，賣埋兩餸你又見過未？」小編今次就帶大家黎到大圍，同大家介紹一間新開張，總店位於北角既街坊燒臘+兩餸飯 一 香記燒鵝兩餸飯佢地既燒臘都每日系店內現燒現賣，而小編今次就試左佢地既白切雞、招牌燒鵝、蜜汁叉燒、蜜汁燒排骨招牌燒鵝皮脆肉嫩，叉燒肉質軟腍，蜜汁香甜既燒排骨，啖啖肉白切雞，真系得閒買黎加餸都幾好🤤👍🏻而除左佢地既招牌燒臘以外，佢地既兩餸，亦系店內現煮現賣，每日都會有吾同既菜式可以選擇，而小編今次就食左燘得入味既排骨、雲耳蒸雞、酸酸甜甜既鎮江骨、咕嚕肉、西檸雞🤤👍🏻淨兩餸 $45📍香記燒鵝兩餸飯 地址：大圍積福街99號地舖#大圍 #香記燒鵝兩餸飯 #燒臘 #燒味 #兩餸 #積福街 #兩餸飯 #白切雞 #覓食大圍 #食在大圍 #留港消費 #香記燒鵝 #蜜汁叉燒 #蜜汁燒排骨 #大圍食乜好 #為食關注組 #香港美食地圖 #九十後行到邊食到邊#HKIG #HKIGER #HONGKONGFOODIE

行經大圍《香記燒鵝 》見廚窗掛着大大隻燒鵝熱烘烘，是現場燒不是交貨，並有數十款兩餸飯供應，決定買些回家。我選左燒腩仔$58（半斤）外皮鬆脆，肉味香不太鹹好味，配芥末醬豐富口感。招牌秘製燒鵝$110（下庄）脆外皮燒金黃色，鵝肉質軟嫩，油脂豐厚。 蜜汁叉燒 $50（半斤）肉質腍入味，蜜味香甜。燒金沙骨$50（半斤）肉厚味香濃好食。淨三餸（$65）黑椒牛仔骨、紅燒獅子球、西檸雞、粟米班塊、蒜香豬扒、糖醋骨，全部都味道不錯。

香記燒鵝 (大圍)大圍積福街99號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：紅燒獅子頭, 金針雲耳蒸雞, 豆卜蒸排骨, 咸魚蒸肉餅, 豉汁蒸倉魚紅燒獅子頭：肥美多汁的豬肉球,經過慢火燉煮,肉質變得更加軟嫩,入口即化。濃郁的紅燒醬汁滲透入肉中,在口中散發出陣陣香氣,令人垂涎欲滴！😄😄😄金針雲耳蒸雞：雞肉鮮嫩多汁,搭配上金針菇和雲耳,口感層次豐富。蒸煮的烹飪方式保留了食材的原汁原味, 又有微微的鹹香,恰到好處！👍👍👍豆卜蒸排骨：排骨肉質鮮嫩,經過蒸煮後,肉質更加軟嫩,而豆卜吸收了肉汁後更感滋味。濃郁的醬汁滲透入肉中,讓人回味！😍😍😍咸魚蒸肉餅：肉餅鮮嫩多汁,加上咸魚的鹹香味, 而蒸煮的烹飪方式確保了肉餅的軟嫩, 伴白飯一流！😋😋😋豉汁蒸倉魚：新鮮的倉魚肉質細嫩,在豉汁的襯托下,散發出陣陣撩人的香氣。魚肉的鮮美加上豉汁的鹹香,令人滿足！❤️❤️❤️

招牌燒鵝皮脆到「咔嚓」聲！肉質嫩滑到識跳舞咬落去鵝油香爆棚，仲keep住肉汁啊！ 蜜汁叉燒港式經典！半肥瘦「靚仔」叉燒，蜜糖掛汁閃令令✨ 甜甜哋又唔膩，送飯一流！燒排骨香甜到漏！師傅火候控制得啱啱好，骨同肉「啜」一聲就分離～正過茶餐廳！白切雞雞皮爽過SKII！肉質滑溜仲有雞味🐤 配薑蔥油碟，阿媽都話正宗！ 兩餸飯精選苦瓜牛肉，仲有魚，蒸蛋，海鮮，蟲草花蒸雞，薯仔炆雞，豬扒，魚香茄子，等等等等，都算多嘢食，不過我最欣賞佢個燒鵝真心勁嫩滑

相信大家有時都會貪方便斬料加餸☺️最近同爸爸經過大圍就發現呢間新開嘅兩餸飯店【香記燒鵝】，除咗主打兩餸飯外賣，亦掛滿了現場製燒嘅燒味😍咁岩有日有朋友嚟屋企食飯我哋就斬料加餸試吓先☺️燒味當然必叫招牌燒鵝，肉汁豐富唔會太過油膩，啖啖油香😚另外亦叫了蜜汁叉燒，燒腩仔及玫瑰豉油雞。由於現場燒製比較新鮮，燒腩仔外皮依然香脆❤️除咗燒味，兩餸飯亦有不少選擇👍🏻款式多達20款以上，真係花多眼亂唔知揀咩好。最後就揀咗蒜蓉白菜仔，西檸雞，紅燒獅子球 ，椒鹽豬扒，泰式甜辣雞翼，豉汁蒸鯇魚。每款都不錯👍🏻唔會太過濃味，岩晒生活忙碌又無時間煮飯嘅家庭可以有住家味道飯餸食。#香記燒鵝 #大圍燒味 #大圍兩餸飯 #現場燒製燒味 #燒鵝 #叉燒 #兩餸飯 #大圍外賣

大圍本身都有啲兩餸飯，但係距離地鐵站有啲遠距離地鐵站只係大概2分鐘超級近！🥳🥳啱晒住喺附近嘅街坊😆$32有兩個餸，價錢都好經濟實惠仲抵過自己買返屋企煮😏叫咗黃立䱽，魚香茄子，西蘭花蝦仁，黑椒牛仔骨全部都好有家常菜嘅味道🔥🔥🔥我自己就最鍾意食黃立䱽同埋魚香茄子魚香茄子少少辣好開胃 送飯一流！有時自己食飯，唔想買一條魚根本食唔晒烹煮嘅預備時間又長 放完工返屋企真係唔想郁🤣會繼續幫襯🥳🥳.普通兩餸飯，呢度仲有燒味㗎🔥🔥下次試吓啲燒鵝同埋叉燒先😆...

今日同老公經過大圍，見到呢間餐廳都幾吸引，因為佢地嘅燒味係現場即燒，所以諗都唔諗就買左返屋企，今晚加料！我地買左燒鵝、金沙骨同埋燒腩仔！燒鵝髀脆皮又甘香，啖啖肉，油脂豐富，肉質肥美！我老公就鍾意食燒腩仔！肉質好軟腍，肥瘦相間！金沙骨醬汁都幾惹味！入到去聞到好香噴噴嘅餸菜，所以都買左3個兩餸飯！分別係：炒大豆芽+椒鹽豬扒、豆豉蒸排骨+魚香茄子、生炒骨+西檸雞！全部餸菜都熱辣辣，整體味道都算唔錯！呢個價錢都幾抵食呢！炒大豆芽就爽口帶點微辣、椒鹽豬扒都幾惹味、豆豉蒸排骨，豉香濃郁排骨軟腍、魚香茄子、生炒骨同埋西檸雞送飯就啱哂！

收工經過新開的燒味兩餸飯店，人頭湧湧，即刻買回家試下，果然令人有驚喜😁🙌🏻行埋去睇，原來他們的燒味係現場燒制，不是交貨，難怪賣相靚仔，如此受街坊歡迎。✨孖寶✨開業有優惠，叫了孖寶套餐，包了半隻雞+半斤叉燒，都不用$100，真係非常超值，的確是屋企加餸好選擇。雞不會太肥，啖啖肉且非常滑嫩👍🏻叉燒微微焦邊，色澤紅潤，賣相吸引，食落帶絲絲微甜，令人回味。✨燒鴨✨叫了1隻，非常大盒，份量很多。燒鴨皮脆肉嫩，入口醇香且多汁，好好食😋。✨燒腩仔✨外皮鬆脆，肥瘦均勻，搭配芥末醬，味道更為豐富。✨兩餸飯✨店家還提供多款餸茶，款式超多，如咕嚕肉、西檸雞、鹹魚蒸肉餅、羅漢齋豆腐、勝瓜雲耳炒肉片等。足料又大盒，跟餐的飯及糧份量也不少，經濟又實惠，值得支持🙌🏻。