香滑咖喱屋 (已結業)

2 Jan,2006 星期一和媽咪及兩位家姐看完戲,大家也沒有提議到那裏食lunch。逛逛再決定。走到這條街,媽咪不太愛吃餃子,所以入這裏試試。基本上餐牌上9成是咖喱菜色。點了3款share食。咖喱雜菜(小辣):雜菜有綠豆角、椰菜花、紅蘿蔔及薯仔。咖喱汁香濃,不知是否有蕃茄加入汁中同煮,比較紅色,伴飯或薄餅也很好吃。咖喱魚柳(小辣):魚柳是炸的,配料還有薯仔。這款咖喱汁和雜菜的不同,但同樣香濃好味。2款咖喱也選了配薄餅:一大塊,很乾爽,少少靭,有"趙"口,不錯。咖喱牛肉碎炒飯:油光滿”飯”,有很多生菜絲。炒飯中的蛋白也被咖喱油染成紅色呢。幾夠獲氣。另外跟了3杯飲品–柚子蜜、檸蜜及菊花蜜。我喝菊花蜜,略為濃味及甜。加了半杯清水,味道剛好。埋單: HK$93 幾抵食。

咖哩魚~ 唔配飯配烤餅~中辣都幾辣下喎...不過lunch時間真係超多人@.@

咖哩羊肉反午餐，有野飲送，咖哩好正！

唔係呀嗎﹐我係第一個寫﹐呢度好鬼多人食架播﹐重有不少鬼老添。我麻麻地鍾意食咖喱﹐個日中午經過﹐見人不多﹐便進去試試。咖喱碟頭飯不算很平﹐$35不包飲品﹐有羊肉、牛肉、雞翼、牛腩等等。似乎幾多人食牛腩﹐我就叫了雞翼飯﹐加凍奶茶$5。來到一大碗雞翼和汁﹐雞翼有五隻﹐算幾多﹐我要了中辣﹐個汁都算做到中辣。飯很多﹐我就一定食唔晒。對面個男人﹐係咁吼住我碟飯﹐好似想我分D 比佢咁。佢自己就將碟飯同個汁通通食晒。如果佢係一隻狗﹐我或者會可憐下﹐比佢食我碟飯﹐不過佢係一個男人﹐當然無行喇﹗

i love curry here very much!must try!!there is a long queue during lunch hours.they have some sets for dinner.ha ha

放學之後同女友落去o個頭搵o野食，唔知點解去o左呢間。對咖喱一向都冇太大期望，但亦唔會太擔心，因為通常唔會好好食，但又好少話會太難食。不過食過呢間之後又覺得幾好。我同女友叫o左個二人餐，一個要中辣羊一個要小辣雞(因為唔係太食得辣)。發覺o的咖喱都好香口o下，唔係淨係得咖喱粉味，似係真係煮出o黎咁。雞同羊都唔會煮到老晒，火候幾好。不過稍嫌少o的羊肉。薄餅名副其實真係薄薄o地一塊，睇落唔太大。食落之後發覺，女仔食可能嫌多o左o的，但係大胃王如我就實唔夠飽。其他o野如o野飲同甜品就普普通通，o野飲要加錢就唔太抵。

星期五晚要留在公司趕圖，叫同事幫手買飯，見天氣好似沾寒沾涷，食下咖哩都唔錯，就買了個大辣的咖哩牛腩配薄餅外賣。有一個發泡膠兜盛咖哩牛腩，而薄餅則在另一盒內。咖哩牛腩份量不少，如果三個人的話叫兩份食三塊薄餅都應該得。大辣咖哩係幾辣，亦好惹味，屬印式咖哩，椰奶味淡而香料味濃，幾好味亦保持水準；牛腩炆得腍又入味，但喜愛的牛筋竟然一舊都無，真唔好彩；薄餅是圓圓的一大塊，食完唔使驚唔夠飽，但因吃時已放涼了，厚厚的都幾難啃，但非關店子的事，新鮮熱辣時係幾好食的。咖哩牛腩40蚊，外賣加1蚊，價錢都算可以接受。

佢地話自己係用正宗咖喱，不過我又覺得絕對可以再好一些啦，佢碟飯幾大呀，通常我都係同女朋友兩份ga。

今晚同三個中學同學去中環食飯，冇$$食咁貴於是就去左呢度喇~喺門口見到個牌寫住3個set:二人世界$107三人同行$1xx四人暢聚$198我地一行四人，當然係叫"四人暢聚"啦!我地因為都係第一次黎，於是個阿姐就推介個四款野俾我地:咖哩鮮雞件XO醬炒鮮魷咖哩肥羊肉紅咖哩牛柳(全部少辣)+ 2件薄餅& 2個白飯+ 甜品(2個啫厘& 2 個龜苓膏)+ 4杯凍飲= $198 (好抵& 好飽)四樣都幾好食，最鍾意係個咖哩雞佢d雞都幾新鮮;個薄餅好好食，唔油膩; 而個飯係有成個頭飯碟咁多...所以真係好飽...我叫左杯"柑桔蜜"...第一啖飲落去覺得有D 怪，因為又甜又咸; 但係飲多幾啖又覺得ok; haha飲完好似覺得冇咁熱氣個龜苓膏都唔錯，用個o者厘杯裝住(haha反而什果o者厘係用個即棄o既有膠兜裝住?!)，凍得o黎都夠味，食完咖喱都幾食環境雖然係一般，而侍應生就同茶餐廳差唔多，但係服務好好，杯野唔岩飲都可以換過~

尋日同兩個同事來食晏，知呢間野旺場，專登提早12點半都要等左一陣至有位。叫左咖哩雞、羊、魚餐兩個大辣一個中辣，全部跟薄餅，咖哩又香又辣好好味。這裡的咖哩椰汁味濃香料味較薄，適合大多數人口味。其中以咖哩羊最正，可以再羶一點就更正，下次一定會試試晚餐menu的咖哩肥羊，咖哩雞同魚都很入味好食。個餐包埋杯野飲40蚊，值得試試。

需然唔係好平40蚊一個餐，不過最緊要好食，唔怪之得咁多人排隊。有大中小辣分，不過小辣係唔辣的，下次叫個大辣試下。叫左個豬排、魚柳同牛柳，最好食就係個豬排好入味。D咖哩汁撈飯同點薄餅真係very good。

The price is reasonable and service is friendly. But I think that if, for people who like spicy like me is a disappointment, cause the I have tried the Medium spicy and decided that it wasn’t enough so I went for the really spicy, and basically they have overloaded it with chilli power and all I taste is just really thick powdery sauce. But the staffs are really nice which I think is worth mentioning again!! J

咖喱分大,中,少辣連不太食辣的朋友都可以接受豬扒很諗羊肉有羊味落單時記得試印式麵飽很新鮮和不油膩如果食套餐的還要記得試龜靈膏做甜品因為糖水加入桂花很香

得個辣字,掩蓋食物本身味道,係牛柳叫做腍D , 羊肉、牛腩咬唔到,一個lunch食成50 蚊都係得呢D? 唔好再攪我!

curry is very tasteful, maybe it's HK style not very traditional curry, anyway, it's good. size is big. It's very crowded during lunch hour, go there for dinner is better.