香港魚蛋王 (已結業)

行完山，出返去元朗又新街嗰頭晚飯，同事話香港魚旦王既魚麵好正，就即管去試一試。叫了一個黑椒牛丸魚麵，湯底有啲淡，但個魚麵就真係冇介紹錯，真係好彈，好似食緊一大碗魚旦，係條狀魚旦，淡淡彈牙，入到元朗可以一試。

幫襯左香港魚蛋王都有幾年，這店居然只有兩篇食評，仲有一篇係負評，我覺得呢道啲野幾好食，啲咁嘅鋪頭亦唔會有乜服務囉。是晚三個人黎食，叫左魚蛋麵，牛筋河同雜河，再加兩碟炸魚皮。魚蛋麵有四粒魚蛋同三塊魚片，份量唔少，魚蛋魚片很爽口彈牙，吃得出是自家手打嘅貨式，跟那些十蚊一碗的有很大分別，麵也是很爽，沒有鹼水味，好吃。牛筋河，很多牛筋，不過有點油。牛筋軟淰入味，有著淡淡的五香味。河粉沒有太散或太黏口，不錯。牛雜河也是沒有欷場，很多料亦很入味，但不會過鹹，正！另外，炸魚皮大推介！！這裏是自家新鮮炸起的，沒有腥味，亦沒有加入大量味精同鹽，較薄身，脆蔔蔔十分好吃。落單阿姐態度爽快，一落完單，不過兩分鐘已送上食物。這裏的青都是放在湯匙上，方便走青人仕。調味盤上有辣椒醬，魚露，醋，糊椒粉，牙籤，筷子架等，筷子很乾淨。埋單八十八蚊，幾好意頭喎，哈哈。

食左好耐的了，看到他有負評想幫他平反一下，這間是直得推介的魚旦日日都是自己做又，連炸魚皮都是，所以十分直得推介的份量十足，包你食得包，牛腩都是唔錯的都可以推介下不果舊時他連墨丸都是自家做的，唔知點解近排有水準有點下滑了，唔是都可以推介的我推介魚旦河同魚片頭河，炸魚皮，同牛腩，真的直得一試。環境其實不大，唔是迫又唔好去了

星期五晚,諗住求其食餐平平地ge晚餐,之後就同女朋友去打機...咁啱行過呢間野,就求其入去食喇,點知食到我一肚氣!!第一,呢間野d服務態度真係差到冇人有,我一心諗住問下杯豆漿幾多錢,個侍應ge面口即刻黑晒,驚死我淨係叫杯豆漿咁,嗰副嘴臉真係乞人憎...仲有多謝都唔會講句...第二,d野食又難食!!嗰日我食魚旦泡飯,d魚旦就"縮"ge,有d臭味;d湯就好似滾水咁,冇味;d飯又一舊舊;d菜又爛,都唔知擺咗幾奈...總之就係極之難食!!呢一餐咁爛ge晚餐,不但難食,仲影響埋我玩樂ge心情,真係雙失呀!!!我發誓我以後都唔會再去食呢間咁難食ge食店...