香港飯堂 (已搬遷) 新店位置

拜年前先去吃一頓下午茶。平日甚少在北角區覓食，我們逛了一圈，最終選擇了香港飯堂。本來以為是一間普通的茶餐廳，沒想到一進店內，彷如坐上時光機，意外地回到過去。店內裝修懷舊，有不少霓虹燈招牌，又有魚骨天線、晾衫竹，頗為特別。食物方面，我點了一個$33的飯堂常餐，有澳洲牛奶炒蛋配火腿及厚多士、叉燒湯意粉和一杯熱飲(凍飲加$3)。炒蛋賣相不夠某茶餐廳般鬆化，但入口很滑，具奶味、蛋香，好！厚多士頗香脆，火腿是正常水平。叉燒湯意粉份量足夠，叉燒很軟，意粉味道偏淡，我加了辣椒油。熱檸茶的杯打正名堂，印有「香港飯堂」四個字，茶味足夠，檸檬有三片。朋友點了$19的下午茶餐，有一個菠蘿油，麵包不是新鮮出爐，但賣相圓滾滾，外層鬆脆，可惜牛油不夠，而且沒有融化。飲品點了凍咖啡，味道不錯。整體而言，香港飯堂環境吸引，食物質素尚可，價錢合理，值得一試。幸好我們早了數分鐘光顧，否則便要等位，可見它的受歡迎程度呀！

今早同太太去找早餐食，行下行下去到香港飯堂，個名幾得意又有早期香港的feel，叫咗牛肉一丁及豬排雙蛋，食完早餐後，開來58元，唔知怎解收銀員話唔收散銀，散銀都係錢，只有佢找比你就得。唉！係加拿大可以比到仙士位都得。

由找阿鴻小吃到經過排長龍的添好運，在大雨連場的早上決定走進添好運旁邊的香港飯堂避雨兼吃早餐。一進大門便被地面上的電車軌所吸引，順着路軌追索，果然見到一輛電車.... 的車頭平面，只可說是裝飾，不是可進內的模型....Agnes 要了早餐H, 有鮮茄豬骨濃湯螺絲粉、加拿大煙肉、炸薯餅和迷你甜包， 份量十足。 很少茶餐廳會有這厚切的煙肉，加上美味濃郁的螺絲粉及濃滑的奶茶，我本想給這店一個笑臉....誰知我的早餐G卻只得一塊平平無奇的蚊型雞扒，煎雙蛋和甜包，雖然咖啡香滑，但我要搶一點Agnes的食物才暫時沖走飢餓的感覺，同是卅元，為何份量相差那麼大？？？ 推介H餐，將G餐放入Black list。

四月上旬‧晴其實幾喜歡這裡的，至少佢好坐，咖啡奶茶不錯又有麵包，食物也不少。要了個茶餐，腿蛋一般，因為是凍凍的，如果火腿可以煎一煎會好一點。反而塊多士不錯，烘得脆脆的。另外的湯意粉的粉夠熱，意粉有咬口。最後的一杯熱咖啡也不錯，幾滑身。工作了好一會才走，三十元不用。

今日係炮台山用膳，原本想食間越南野，不過太多人等所以去左隔離ge呢間野...見佢都幾乾淨企理就入左去。一入到去裝飾都幾特別，想用老香港的idea吧食物方面，我點了一客常餐，是澳洲牛奶炒蛋+多士+叉燒湯意。個碗太深、入面d食物又太少...搞到碗粉好似俾人食餘左先俾我....意粉太硬、叉燒太瘦....形狀切得很古怪....而且有些很厚...不知是否頭頭尾尾...味道是還好啦...沒什麼特別...不過口感真的唔多好....多士唔熱...烘得太燶...咬落去個邊好硬...入面又唔鬆軟又唔香...蛋是想抄澳洲牛奶公司??都算滑的...不過無牛奶味...亦無蛋香...火腿最好! 有厚度而且無咩筋位/肥肉位...味道唔錯。杯檸檬茶好苦...=0=最差是服務!!!!一入去...問一個四眼哥哥有無下午茶(因為有D限時供應會寫明個供應時間，呢個無寫)四眼哥哥好串咁話"梗係無啦!下午茶MA"我FD 串返佢"你無寫到"...佢扮聽唔到行左去...又一個阿嬸企係到..我話一陣先落單...佢過左一分鐘又行埋黎...質問我地"得未呀?諗咁耐"我地O晒咀....不過我FD好聲好氣同佢講"你呢到多野揀MA"....佢就

今日需要到城市花園, 順道去香港飯堂食lunch。因上次食過，而且幾好味(好似一年前)，咁今次再試！殊不知出事，點了一客俄國牛柳飯跟凍央。碟俄國牛柳飯我以為食緊無味汁撈飯，一d味都無, 無鹹味,無甜,無酸,連苦味都無！今次真係變左求其塞飽個肚就算至於杯凍央...得少許咖啡味無茶味......唔會再幫襯

$30份港式早餐已經貴過其他茶餐廳,無人招呼,食物求其,仲細碗過人,我以為人哋食剩比我!!!!!最討厭就係求其"達"塊凍冰冰嘅火腿加一個凍麵包,越倣越差,緦以為消費者是習慣式消費嗎?今時今日要物有所值.

與友人做完gym，便走來這兒醫肚。環境：裝修得似懷舊茶餐廳，但沒有「喜喜」這樣浮誇。服務：點了麵包餐﹝麵包+飲品﹞，但友人吃完其他食物，個菠蘿包仲未到，我催了至少3次後才到，差不多等了15分鐘，其實我見到D菠蘿包一早已放在玻璃櫃內，只是沒有人肯去取，服務態度真的要改善。食物：可能要做街坊生意，所以種類繁多。講番個菠蘿包，size很大，差不多有一隻手掌那麼大，皮很脆，包微暖，十分好吃。價錢：麵包餐﹝麵包+飲品﹞，只是13元。其他下午茶餐都是20元左右，好抵！

放假晨早流流，想食個靚早餐開心下，點知遇著個黑面串咀伙計。叫左早餐， 跟餐係甜餐包，個包dry 到爆，叫個女伙計拎牛油，點知佢話兩蚊，咁我話乾枯枯點食， 佢就話： 你可以一早話要多士，我一早知q佢餐包冇牛油咩。佢爆呢句野果陣個咀臉真係衰到冇人有，之後佢即時同老闆娘匯報，老闆娘都係面黑黑的，條女真識做，咁我都費事出聲了，最多以後唔去呢間野。 今時今日，咁既態度，真係冇下次

呢間餐廳有樣好有趣嘅地方，就係服務差到由兩個經理開始。叫親追野食，都俾個黑面話「等等」，或者走左就當聽唔到。好激氣。唯一有服務嘅就得樓面後生 waitress 同收銀，佢兩個會同你早晨同多謝。的確，我地食野唔係唔使俾錢，兩位阿頭，你黑面，其實可以番屋企，唔需要咁辛苦自己、辛苦我地。

路過睇見之前啲評語......我係有少少抱不平既心態寫我第一篇既食評....呢個月喺炮台山返工.....近呢兩日發現咗呢間嘢....所以就入咗去食.....其實我又唔係好認同啲人話貴又話唔好食.....我反而覺得呢間野好食過翠X好多囉.....最近呢兩日都喺呢度食LUNCH SET.....強調....我暫時未TRY佢啲炒粉面同常餐.....但就連續食咗2日佢既蒸餸飯餐.....第一日...就係因為佢既雲耳蒸滑雞而一而再...再而三咁去既.....啲雞蒸得夠滑.....味道啱啱好.....好有住家菜FEEL....無味精.....又有飯...餐湯同飲品....都係HKD42......奶茶味道都好好.....最少唔係涼咗之係有塊野浮喺面嗰啲奶茶.....第二日......盅頭排骨飯餐.......都係一個正字.......盅頭排骨飯....啲排骨半肥瘦.....蒸完啲豬油落咗落啲油度.....所以好香...好好食....呢個都係餐....呢個餐仲送碟油菜.....所以又健康又抵食....都係HKD42 連奶茶..湯..........提一提....如果平時食量比較大既人.....有可能

九月上旬‧陰天三點三，原本只枇來喝一杯奶茶。但見餐牌上熱飲16元一杯，但麵包餐熱飲連一個麵包都只是13元，難以置信。要了個蛋撻，這裡的是酥皮。是剛出爐的，蛋餡及熱又嫩滑，味道香甜，不錯。但酥皮太硬，只脆不鬆，不算很好。熱奶茶不夠濃郁，口感單薄了一點，茶味還可。

我從未做過油浸星州炒米，米粉又炒唔散，一舊舊，食材又少，重要賣成四十幾蚊細細盒，同時又買咗盒蛋白菜粒炒飯，蛋白少，菜粒少又無矱氣，唉！下次咪叫我叫再食。但係我之前食過早餐，整體可以。

下午茶同朋友去左呢度食見佢個裝修幾得意,依家興玩懷舊掛我叫左個酸辣米粉,有D肉粒咁啦個味唔算話好SPICY,但夠酸,份量唔多,但以下午茶來講O岩O岩好呢度最好既地方係裝修唔錯,同埋冷氣夠涼下次約人去呢度TEA下幾正

裝飾不錯，環境懷舊，喜歡食物味道也過得去，就是荷葉飯有點淡了，沒有什麽味道感覺，配料少了點，于旁邊不遠的東寶差一些...但這裡環境比較好。多點配料就一流了，醬香不夠濃郁餐牌熱奶茶凍奶茶都大陸貨色，沒有什麽值得贊的地方，不得不失吧。服務一般，可以理解，忙碌了一天，也應該累了吧，理解萬歲畢竟是。