影片
今天约上同事于青协户外训练营作退修，话说大家已工作了一年，刚刚完成了一件大事，现在是时候需要休息，松一松了。记忆中曾来过此营地一次，但没有机会进入营中食一餐，今天有幸再来，当然要食餐啦！ 第一炮，当然要食cafe晚餐，cafe内里装饰简易，地方宽裕，有沙发椅，有长型枱，简约中带点舒适，旁则是面对大海，真得十分正，点餐后，需等手上电掣响起方可去取餐，今天晚上不算太多人，但食物是即叫即弄，因此需等片时。电掣终于响起，随即去取餐，此餐份量不算多，一个人食就刚刚好，个人就较为喜欢食蘑菇，因为不会太浓味，略嫌意粉不够爽口，白汁味道略微淡，如果加入芝士粉，会更香口吧。
继续阅读
一行24人去到香港青年协会赛马会西贡户外训练营玩，餐厅位置在主楼，大落地玻璃作外墙，将户外景致融入餐厅中，可以边食饭边欣赏窗外美景。营餐要预先按人头订定，可以选择嘅餐几多，因为营地刚装修，白色主调，楼底好高，所以唔嘈杂，入内先在门口电视，睇下枱号然后入座！坐低店员会极速攞晒啲𩠌出来，餐具已放在枱面！先助式！晚餐（$1080x24人）再每人加$8糖水，用餐时间1800-1845hrs. 白饭：好干硬！ 例汤：瓜汤，唔味精好清热，不过唔够热！ 柱候萝卜炆肉排：萝卜炆得入味，肉排都滑，但最大问题系唔热，所以汁酱已糊了！ 榨菜豆卜蒸排骨：卖相好核突，啲排骨仲要系粉红色，汁酱哑啡色！榨菜唔突出！唔想食！ 洋葱火腿炒滑蛋：卖相好丑，啲蛋炒到干碎，散晒，唔能够同火腿洋葱混成一体！味道又淡，调味唔够！系我食过最难食嘅火腿炒蛋！ 郊外油菜：最唔钟意嘅黄芽白，清炒好淡！无味嘅淡，好似无调味咁！黄芽白好韧！ 菠萝生炒骨：样子正常，但生炒骨炸唔透，炸皮好厚！而且排骨好肥！配菜正常，菠萝酸甜，青椒洋葱爽脆！汁酱酸甜！ 西柠煎软鸡：汁酱酸酸开胃，但软鸡炸皮多过鸡，似食炸皮多过鸡！ 腐竹蛋花糖水：唔热兼太甜，食唔出腐竹味道，只有单一嘅甜！ 水果：切橙，食橙自己唔喜欢切，只喜欢剥皮！食了一块，新鲜多汁！基本上啲餐系预先煮好，所以唔够热！第二朝指定时间，再去餐厅食早餐！菠萝包早餐（$24一份）时间0800-0845 雪菜肉丝汤米：米粉好嚡，雪菜肉丝粉，捞匀之后唔够味！肠仔：白灼肠仔！淡而无味！火腿：煎都无煎，火腿好韧！菠萝包：好大个，不过菠萝皮唔脆，够甜！面包松软！不过唔热！炒蛋：好丑样，又干又碎兼无味！ 好立克：一大壶，好淡，无味！啲阿姐店员唔系好清楚客人啲餐，好似晚餐我哋加咗糖水，食完啲𩠌就问店员，佢哋一脸迷惘，一个问一个都无人知，又唔答我哋，行咗去（可能去了解喇）之后放低两窝糖水就行咗去，乜都无交待！食完两餐营餐，仅可以唯生，呢度提倡惜食！但都要啲食物好食，点可以煮到咁难食？咁⋯⋯点可以惜食？
继续阅读