香港達人 (置富嘉湖) (已結業)

今日慶祝父親節，一家十多人單説我和內子吃的Lunchset,驚為天人餸和意粉皆凉凍的，其中豬扒和雞扒質素差過快餐連鎖，味道很一般冇較高檔的香味而口感柴皮，雖然賣相也好但食落只能充饑不算享受。這每set竟五十幾蚊的午餐基本上乃粗製濫造對不起價格和字號。

好耐無出街，見難得得閒就同朋友仔去銀座食下飯。見新開左一間食肆，就去試下！餐廳入面都算幾乾淨，個舖面同椰林閣差唔多，但環境就比較光！我地叫左一份美國黑椒牛柳配薯菜同埋紐西蘭西冷牛扒配飯。先講黑椒牛柳，口感鬆化，咬落去無筋，唔會好「銀」！而且我order左7成熟，就真係比7成！唔係太熟，唔係太生！GOOD FIT AR!!但我覺得美中不足既係，呢個餐只可以配薯菜，如果要飯就要另外加錢。另一份西冷牛扒，最抵讚係個黑椒汁，唔會太「傑」！都係一樣啦，叫左7成熟，入面煎到好令既粉紅色，多汁又好味！食完個晚餐都係大概200蚊左右，都算幾抵食架其實！下次可以再幫襯！

真係完全唔得囉間嘢！完全係貼錢買難受！有人請都唔去呀！我返屋企煮個公仔麵加蛋仲好味啦！啲服務又唔得，叫親啲人都無人理我，係埋單收錢快，仲要係我地自己行去埋單，自助式咁。好彩無加一！貼錢買難受仲要我俾一啲服務都無嘅服務費！咪玩啦！無下次！！！

來到今天囝囝終於返學了，甜魔媽媽算是有點自由時光，也來篇簡短的分享吧！去完天水圍公園，很順路就去了置富嘉湖（前銀座），時間較早關係，很多時都去闊別2年多的大家樂，而有天約同婆婆去得比晚，大家樂對面的香港達人也開了，就一起在那邊吃頓飽足午餐。說它是茶記，又比茶記靚一點；說是西餐廳，又有不少中式／茶記野。消費不貴，中午又不設加一，在場內算幾旺的。當然重點是與出面大家樂一樣，設有 BB high chair，座位也算寬落。點了兩份午餐，先有鬆軟的餐包，最適合妹妹了；給我吃的話，就覺得包身可以熱些。　餐湯有中湯（果然很茶餐廳！）或羅宋湯可選，我與婆婆都要了羅宋湯；味道酸甜香濃，有著不少的雜菜及一些牛尾絲，熱度又夠，挺不錯呢～　主菜我選了 焗咖哩雞扒飯 ($47)，成品份量十足，用上乾身的炒飯底，咖哩十分香濃美味，難得是香口同時不油不膩，我很愛吃的，一大碟全部吃光了。　婆婆要了 黑椒牛扒意粉 ($50)，份量也不少，牛柳在濃重的黑椒汁下，都吃不出原味了；肉質偏腍，不多不少也給「拿」過吧！同上的意粉口感不錯，又沒有太濃，給小兄妹吃了不少！餓底小兄妹就是愛吃貪吃，少不了要來分嚐，媽媽也不客氣拍下他們

原以為是區內高檔餐廳,一看餐牌點才知係椰X閣集團。餐牌上有中西馬來西亞菜可以選。三個人點菜後, 送上餐具。三個菜都要切的, 只俾一把餐刀。。。一張紙巾3個人share.可能店主有睇食神, 吸收咗固中精要，個位有咁窄得咁窄，個羅宋湯好重手(多味精)，個牛扒冇肉味，個雞扒尚可以，薯菜反而好味，芝士龍蝦湯撈麵冇味。雖然3個人合共203，不過不會有下次。

係到食過幾次 我覺得海南雞飯係最好食嘅飯係油飯 好香好濃味 好正D雞整得岩岩好 幾嫩滑菜就有d難咬斷例湯唔飲 因為係味精湯 冇興趣仲配埋三個醬汁黎送雞飯不過都唔知係咩味haha大家可以去試下 幾好食

由於屋企人係附近返工 所以成日都要黎銀座度食飯今次叫咗個番茄豬扒焗飯 同大家樂嗰啲都係差唔多幾好食 啲飯有啲好似飯焦咁脆脆地 好似食薯片咁好正 豬扒都好大件 仲要有兩塊 又幾好喎同埋環境都唔算差  而且侍應嘅服務質素都幾好 係除咗果次食果個芝士海鮮焗意粉唔好食之外 其他都可以嘅

新開高級西餐格局全日全單免加一作開店招來，聽來不可不試，亦不得不提此店還有中餐。今次五人吃四個餐已飽到不得了，第一要讚是紐西籣肉眼牛扒，兩塊共十二安士的足一磅，煎得表面香香內裹腍滑的($78)，還送熱飽餐湯加熱飲，一個字就是值。此外，炒貴刃($43)亦十分大碟有鑊氣無鑊屎毫不欺場，惟焗魚柳意粉($53)偏鹹及較油，最後也值讚的是馬來咖喱牛腩配簿餅($58)，首先是汁香和多，牛腩軟滑入味份量也多，夠風味得來怕辣的亦能接受。五人四個餐夠吃且只二百多元區內十分罕有，加上服務員自動自覺灌熱水及有禮，是區內中產慳錢而不失水準的首選。同時裝修屬美式優皮風格和潔淨，情調拋離一眾低中路線茶餐廳及快餐連鎖，受到不少老中青客人睛睞，到六時許已人滿得不可開交，建議想肯定有位的早到吃頭圍。

是晚又跟家人到銀座吃晚餐，之前已經嚐過早餐，今次爸爸提議再試試晚餐的質素！香港達人的枱紙設計仍保留椰林閣的影子，不過除了西餐的選擇外，這裡還多了多國菜等選擇。我們被安排到四人卡位，但三個人坐也見擠迫。跟家人吃飯當然是吃小菜，我們點了三個小菜，兩個跟餐，有白飯和例湯。首先是鮑汁瑤柱扒西蘭花（＄５２）。我們等了約二十分鐘小菜才徐徐送到，例湯也跟小菜一併送到，其實可以先上例湯，讓顧客先喝湯，邊喝邊等。小菜份量大，送上時熱辣辣，西蘭花炒得清爽，配上鮑汁十分入味，配白飯不俗！之後是茄子魚柳煲（＄７８）。新鮮的茄子煲上菜時仍聽到一點滋滋聲，但茄子的質地不夠軟腍且有點怪味，幸好魚柳口感滑嫩，整體可以接受。最後是涼瓜菜脯煎蛋（＄６２）。非常家常的一道菜，我很喜歡菜脯煎蛋這個配搭，共有四大塊煎蛋，加入了菜脯的煎蛋更添香脆感，涼瓜帶微苦，不過可以豐富味道。晚飯來說依然是大集團的一貫水準，不過在缺乏選擇下，香港達人的晚飯價錢合理，份量較大，味道正常水準，若家人提議，仍然會再來的～

今日又冇煮飯所以要出街食飯啦近近地去銀座食 見達人冇乜人唔洗等位就入去食啦跟住叫左個芝士焗海鮮意粉 食落口冇乜味 直程係勁淡 香味又冇 好似有d膠膠地既味多d 最後雖有照食哂佢啦 因為唔想哂錢又冇野落肚 不過服務幾好 d姐姐幾有禮貌

天水圍的食肆少得可憐，各商場主要由大集團的連鎖食店壟斷，最近得悉銀座將會開幾間新餐廳，當然有點心癢癢一試呢！是日來到在馬會旁邊的香港達人吃早餐，可能適逢假期且新開張的關係，所以竟然要等一會才能進食店。 之後搜尋餐廳資料才得知是椰林閣旗下品牌之一。店內環境尚算舒適及寬敞，驟眼看幾乎都是一家人一起來吃早餐，很熱鬧。我選了香脆奶油豬仔包餐（＄２０）。脆豬烘得金黃，外脆內軟，但煉奶不足，味道欠濃郁。還加配了牛油麥皮（＄５），份量剛好果腹，正常水準。妹妹點了家鄉炆豬軟骨米粉（＄３２），很大碗！爸爸則點了法蘭克福腸、炒滑蛋、牛油厚多士配番茄湯通粉（＄３２），擺放位置有心思，但份量偏少。最後還有餐飲：熱奶茶及熱檸水。整體不過不失，如果是同一水準下，下次應該會選回較便宜的連鎖快餐店，說到底我們還是貪新鮮一試而已～