影片
以上资料只供参考，请与餐厅确认详情
招牌菜
359 浏览
听到雀友大赞马会旧会所四楼间「悠乐场」嘅煲仔饭好掂，周末更加系座无虚席，蕃薯uncle即约肥肥家族揾个闲日去睇佢系咪咁坚！会所餐厅快餐形式经营，客人必先喺不同档位落单并以会员咭付款后再等待工作人员备制食物。每个档位嘅主题都有所唔同，有中有西仲有咖哩，落得单嘅地方都设有独立嘅餐牌供贵客参阅。场内嘅多国菜式项目亦可于网页上一次过浏览，中英对照，价格一目了然。用餐大堂面积阔广，楼底好高，二至多人散座均为先到先得。为怕唔早得嘅长辈要排队，小肥傍晚踏正五点一收工就行上山光道霸定位。真系冇谂到七点未到已经全场爆满，人气指数绝对唔讲得笑！嘻嘻，好心原来真系有好报架，太阳未落山反而巧遇贵人请饮欢乐啤！仲有即叫即炸嘅炸薯条（$38）送酒，香脆松爽，冇得顶！除咗点菜及收银员之外，真系唔多觉有服务生出入，因餐饮及餐具均为自助式，抹枱斟水都要自己黎，唯一收碟就有机械人罗拔哥帮拖。蜜汁叉烧饭（$88）：烧味部客叉烧饭卖相已经唔多吸引，饭粒偏硬且唔得软熟，饭面只煎蛋个蛋黄虽则流心，但个蛋白就老到皱哂皮，叉烧干实嚡口，完全唔掂，不吃也罢！砂窝云吞鸡（$198）：砂窝上嘅云吞鸡热力十足。打开窝盖，即见足料嘅鸡肉同最少有五只嘅云吞。窝中胀卜卜嘅云吞皮薄馅嫩，煲汤鸡嘅鸡皮软腍滑溜，唯一奶奶地色嘅鸡汤底味道偏淡。窝蛋免治牛肉煲仔饭（$108）：人气煲仔饭原来冬天先推出，睇住室外个摊位由两煲玩到所有炉头都用哂，明显越夜越多人叫。煲仔饭均配送中式老火汤一碗。垫煲仔底嘅饭粒同烧味部𠮶啲一样都系偏硬同干，免治牛肉成饼蒸，外表厚实但肉质还好够油润，捞入窝蛋再搞混一番，即有增添香滑之效，无奈蛋蛋劲细，一只嘅能力有限，建议起码要加多两、三只先会觉得有料到。马会俗称为「大排档」嘅「悠乐场」环境开扬，身兼落单及收银嘅服务生略欠耐性，未为最友善，最唔卫生就系黐立立嘅餐桌椅櫈。不同厨房所烹调嘅多国菜式质量颇为参差，人气代表嘅煲仔饭亦只属一般，家人都觉得唔值得要排队等位去食啰！
继续阅读
跟着一位亲戚嚟食好嘢山光道嘅赛马会food Court 选择又多价钱又合理，真系每次都唔会失望。朝早嚟到，小朋友先玩户外嘅游乐场，大人喺11点半嘅时候就排队拎位，周末嘅人流比较多。曾经试过等45分钟一个钟都未有位。好顺利等咗15分钟就有位啦可能时间比较早嚟到马会就梗系食牛扒啦，我拣薄切，呢个价钱食到酒店级数，牛扒真系好嫩，牛肉味重，配肉汁真系完美，可以选薯条或者蔬菜。另外点咗一个炒饭俾两个小朋友分嚟食，炒饭镬气够，材料亦都非常丰富。点左雪糕做甜品，完美的星期日中午
继续阅读
马会Food Court，以往可自由就座，但早几年开始新政策，周末时间要由职员安排座位，大概因为太多会员了。这里有中西印度日式菜，遇上季节日子，会有时节煲仔饭，若果想清简一些，可以砌一个大沙律，有很多不同配搭，莲藕、青瓜、提子干、西堇菜、粟米粒、荞头、红菜头⋯⋯之前试过薄切牛扒，唔多够喉之外，比对一件约300g的厚切牛扒，约二百多元，何不要一件厚切呢？配菜薯仔小蕃茄加粟米，主菜厚切牛扒，肉质很软嫩，肉汁也很牛，不过本身不好肥，略嫌送上太多肥膏。朋友喜欢吃薄饼，配搭有三文鱼、小虾及蘑菇。薄饼不厚，很松脆，三文鱼香口，配上蘑菇很淸不肥腻，一开八件，吃完厚扒又将一件薄饼放到肚里。
继续阅读
上次同屋企人来食过猪扒包下午茶，个餐有猪扒饱、有件cake仲有杯咖啡，＄100都唔使，真系好味又抵食，今日屋企再相约食多转，当然YES啦！不过，人算不如天算，转左Menu。。。选择冇上次咁吸引, 最后拣咗burger set。呢个pork burger卖相吸引，成set好大地堆头，见到隔离枱好多人叫，一于跟风！当然羊群效应唔一定有保障， 味道真心麻麻地。因为非黑毛猪关系，只可以做到全熟。块扒咬落好鬼干，冇乜肉汁，认真败笔。咖啡就唔错，仲可以有杯refill添。呢度服务梗系好啦，waiter／waitress 殷勤热心，但食物质素就时好时坏好唔稳定。收咁贵会费，马会真系要认真检讨下。
继续阅读
我原本以为得好少野食！ 应该多数人唔似得我顾住食，所以应该野食唔多花款。但原来， 有好多花款。冷盘除咗沙律菜，仲有巴马臣火腿，芒果大虾沙律。只虾真系好大😍而且口感好好，虽然唔系新鲜虾下系雪藏虾，不过都好好味。唔知道系唔系因为系呢个环境下食呢道菜所以觉得好好味。另外热盘都有忌廉汤，面包，芝士意粉仲有即切牛扒。相信呢啲都加晒分。食自助餐唔少得嘅就系甜品，完全冇谂过咁细个拎嘢食嘅area 可以容纳到好多甜品， 连雪柜都好可以， 有哈根达斯雪糕。
继续阅读