影片
🙏 香港航空要撑住呀…每次去旅行都想十全十美💕 想由上机前就舒舒服服⁉️ 首选梗系入lounge叹返下啦，入lounge唔一定坐business先得嘅，坐economy一样得✌·有嘢益你🌟 只要持有某信用卡，一年内就可以入lounge 5次啦🤗 的确非常实用🧡 哩款信用卡既申请门槛唔高，几年前既我揾得鸡碎咁多都申请到😂 提提你，哩张无得同朋友share入去既次数㗎。所以如果想同朋友开心share，可以拣其他银行既联乘信用卡呀~·香港航空贵宾室「遨堂」，采用楼阁式的既设计，跟传统既贵宾室截然不同，感觉更加开扬阔落🔎最令我期待嘅当然系饮食区😂🤤 食物及饮品款式选择不少，沙律、三文治、点心、粉面样样齐，讲到最吸引嘅一定系唔少得既即叫即制粉面，当中最喜欢嘅系香菇银针粉🥣 绝对充满港式风味🇭🇰·入到lounge最唔少得既一定系对住个跑道望住架飞机慢慢叹下✈ 绝对尝心乐事💕 另外更设有有睡眠区及淋浴间，每一个独立空间均备有睡床及被枕供应，搭早机凌晨机可以稍作休息叉叉电。而我就试过搭夜机冲完凉先上机，落机到酒店就可以即刻瞓啦👍·𝒯𝒽𝒾𝓈 𝒿𝑜𝓊𝓇𝓃𝑒𝓎 𝒽𝒶𝓈 𝒶 𝑔𝑜𝑜𝒹 𝓈𝓉𝒶𝓇𝓉 🧡💜
继续阅读
趁圣诞节我哋又飞啦！今次系坐香港航空飞北海道，时间超靓。之前睇报导推介香港航空的新贵宾室，于是特登上网申请咗建设银行的fly away信用卡，可以带埋亲友，一年最多入5次香港航空的贵宾室，试下新野！香港航空的全新贵宾室，遨堂， 就系gate208上面,系去香港航空闸口必经的地方，非常顺路。 今次搭劲早8点机，时间唔多，但我地都特登入去试一试。朝早未到7点半已经见到唔少人系度用紧遨堂贵宾室。地方好大好濶落呀！朝早提供中西式早餐，亦有香港点心，同埋即叫即整茶餐厅常见的沙爹牛肉面，仲有港式奶茶，非常地道！沙爹牛肉劲多，杯奶茶仲好香滑！呢度的新鲜yogurt都不错，唔太甜，啱哂我口味。因为撞正圣诞节，服务员都主动派圣诞饼干畀我小朋友，非常好服务冷热饮品齐备，叹完杯港式奶茶，临走不忘拎返几罐野饮上机饮可惜朝早冇鸡蛋仔啦！我同小朋友都好想打包返一底拎上机慢慢叹！ps 因为太饱缘故，去程冇食到飞机餐，返嚟𠮶程呢，晚餐呢又唔错啵！ 汉堡扒，蛋沙律同荞麦面都好好食！仲有日本啫喱！飞咁多次唔同航空公司，呢次的香港航空系我觉得几好食嘅飞机餐希望香港航空继续努力进步！
继续阅读
遨堂于上年开业，今次搭飞机前有幸可以入来一窥究竟，小憩一番。这里的环境相当宁静，播著鸟鸣的声带，令人有一种好relax 的感觉。座位有多种款式，例如有便于工作的高脚椅，有劲chill 的梳化位。望住航班升降，真的未出发先兴奋。食物方面，种类选择不可与自助餐比拟。但总会找到想食的东西。绝对可以满足只想轻食，或肚子空空想大快朵颐的旅人。芝士通心粉芝士及茄味十足，但焗得好干身，不推。芝士白汁西兰花酱汁creamy.有好多炸物可供选择，细路和大细路见到都会好开心。炸芝士外层金黄香脆，中间相当烟韧。咖哩角有点印度风味，内馅有薯蓉青豆粒等，咖哩味道香浓辛辣。麦乐鸡的味道比麦记的味道有所不同，炸粉比较薄，鸡肉较juicy.酸甜龙脷柳的外层是用面包糠来炸，薄薄的一层包裹著龙脷柳。龙脷柳一点腥味都没有，算是相当不俗。中式点心有虾饺及烧卖。烧卖弹牙有肉香，不会有太多肥猪肉。虾饺的饺皮稍厚，但虾肉新鲜爽脆。饥肠辘辘的更可以order 粉面。款式也不少。另有多款沙律，冻三文治等可供选择。但为免上机前"冷亲肚仔",所以还是主攻热食了。鸡蛋仔绝对是遨堂的"名物" 。鸡蛋仔即叫即制，约莫要等二十分钟才有得食，赶飞机者勿点！鸡蛋仔的外层香脆可口，内里软熟。蛋香味十足！红豆椰汁糕算是好食的甜点，椰汁味道特浓，有布甸的口感，底下更有香甜的红豆。Mousse 挞有云呢拿及朱古力味，挞皮比较硬。葡挞的皮做的有点厚，咬落去不够松化。但蛋浆嫩滑，有香浓的蛋奶香。饮品方面选择甚多。值得一提的是有支装水供应，带上飞机饮用可是很方便呢！来到这样chill 的环境，总要喝一杯特调酒吧！跟调酒师说明要求，就可以为你调制一杯心水靓酒。特意要求"少酒", 所以这杯酒酒味不浓，取而代之是阵阵玫瑰花香及果香，甜甜的，很好喝！
继续阅读
今次出Trip去泰国，两点先起飞😬好彩闸口附近有个港航lounge👍呢个lounge比起一号客运大楼既紫荆堂地方还要大，而且更舒适，食物种类又够多，鸡蛋仔当然唔少得😎不过深夜都系食个辛辣面够啦😬舒舒服服等上飞机✈️
继续阅读
1631 浏览
肥肥家族对「香港航空」情有独钟，旧年年尾去京阪神一周游，亦专登选乘其早机去，晚机返。同行o既全为七旬长辈，为咗大家都可以舒舒服服，哥哥就订购好较阔落o既商务机位，谂住候机时可以佗佻地享用贵宾室o既餐饮及设施，即使遇上延误都唔洗太过狼狈或扫兴。记得上次仲去紧藏于地下室间「紫荆堂」贵宾室，真系估唔到航空公司可于三年内增设第二间贵宾室，仲升埋上楼，净睇门面已觉楼底更高，面积更宽广。唯一有少少失望就系见唔到「紫荆堂」𠮶个怀旧磅重机。如果唔系有哥哥介绍，XO仔根本唔会留意到两间贵宾室o既中英文名都完全唔一样，新贵宾室「遨堂」其实系已拉丁文「Autus」起名，意味著「香港航空」正「丰盛成长」，故室内设计亦以此为题，四周可见不少鲜花绿叶作摆设，有意思极！光鲜光猛o既贵宾室极富空间感，到处都有舒适o既梳化椅櫈及用餐散座，人多都唔觉嘈吵或逼人。电脑区有多个差电插头、几部电脑及传真打印机。小朋友仲可以拣坐彩色高櫈添，设备确真齐备。室内o既餐饮均为自助式，望落干净企理，卫生非常。餐具全摆放于中间o既小凉亭内。饮品包冇酒精类o既咖啡、茶、汽水、果汁及冻热水。十八岁以上o既旅客更可向酒保点选限定酒品，生啤都有三款拣架。早上十一点后连鸡尾酒都出埋。由于当日遇上航班延误，细佬同靓靓妈咪先可以饮多几杯「遨堂」o既招牌鸡尾酒「Autus Delight Plus」。「Autus Delight Plus」渗透著荔枝o既清甜及玫瑰o既花香，很是清新。自助区内之食物中不乏大路o既沙律、三文治、点心、炒面、意粉、咖哩、甜品等。XO仔当然系主攻虾饺同烧卖啦！喺机场食已预咗系叮叮点心，不过烧卖明显比厚皮虾饺美味，最正反而系润滑而不太油腻o既肠粉同烟韧爽脆o既炒面。此外，厨房于不同时段都会提供几款即叫即制o既菜式。朝早六点到十一点有三款汤面及煎蛋或炒蛋。个人推介热辣辣o既炒蛋，因炒蛋本身炒得好够鲜黄香滑，加配埋菠菜、火腿、蘑菇则更为惹味丰富。碗榨菜肉丝米粉个汤底好清，米粉面条唔会腍哂，加上榨菜肉丝够味得黎又唔油腻，属暖胃o既轻食。厨房由早上十一点就换上另外五款汤面，当中有辣有唔辣。最抢手就系贵宾室闻名中午十二点起先出o既鸡蛋仔！由于当真即叫即制，大家记紧要预十五至二十分钟制作时间。辣手o既鸡蛋仔香脆无比，微甜轻巧，家人边行去闸口，边分黎食，一客话咁快就食哂，嘻嘻，下次一定要打孖黎叫！以前离港，家人都唔会太早去机场，但最近身边有亲友因自己迟到而遇上不愉快事件，家中o既长辈就变得更加谨慎，会预松多啲时间，横掂买咗商务机票可以喺贵宾室享用免费餐饮及其他设施，等耐啲都冇妨。「香港航空」新增o既「遨堂」贵宾室比起第一个贵宾室「紫荆堂」于各方面都明显有所提升，真如其名般象征著航空公司有所成长。「遨堂」环境开扬通爽，设施齐备，自助餐饮款式多，质量亦偏高，室内o既服务生虽则年轻，但每位同样友善客套，而且乐于助人，临行前除咗顺祝旅客有个愉快o既旅程，亦不忘闲谈两句，问及各人对航空公司及贵宾室有否意见，这就是诚意！「香港航空」，肥肥家族支持你！
继续阅读