影片
已经戒食长龙又一般既PP鱼旦粉。自从成为左港航fans，基本上都系去香港航空lounge比较多😏起码无噤寡😂款式虽然无国泰个边咁多，但人少少，又够静，好舒服🙂食物方面，有车仔面，份量唔会太多，味道好好，不过我最欣赏有鸡蛋仔，离港之前都可以食下香港味道👍
继续阅读
第1次黎香港航空既lounge今次系搭晏就12点几既机所以黎到lounge都有d早餐供应不过炒蛋果d就无lu可能要早d先有供应佢既自助款式都算多有唔少特色食物例如点心有虾饺 烧卖 叉烧包等等质素都唔错 特别推介虾饺另外有沙律 薯仔等等既前菜仲有d炸既小食 例如咖哩角推介炸鱼条 岩岩新鲜炸起好好食另外仲有热食例如娃娃菜 茄子想食饱肚既有葡汁饭 三文治饮品方面有咖啡有茶有酒有橙汁咖啡麻麻 唔太推介茶既话就有好多款茶包 任拣唔嬲 上机前食饱饱 上到机真系唔洗点食啦
继续阅读
入面有几个唔同类别嘅自助bar枱，中式热食菜式，汤面有车仔面同埋韩式拉面，新鲜沙律菜、车厘茄，三文治同蛋糕，炸物，饮品有罐装同支装，无酒精同有酒精嘅饮品都有供应，又有鲜果汁，仲有自助冲咖啡或茶包茶包冇影到，但系有好多款唔同嘅特别中式茶包，有机会入去一定要试吓我饮咗鲜橙汁 ，食咗炸鱼块、咖喱角、薯仔沙律、车厘茄、沙律菜配醋炸鱼块好脆好滑咖喱角一般薯仔沙律好食
继续阅读
上机前饮返啖coffee先对住呢个环境，呢个天色，真系加晒分而且佢杯coffee又真系即磨，所以coffee好香，而且都几重，但又唔苦我自己唔like落糖，直接试coffee味无失望，好啦，饮完上机
继续阅读
2809 浏览
旧年去札幌时，与家人首次搭过香港航空后便一坐上瘾，所以一收到风港航于暑假成功增设往返东京之航线，商务位仲要平过另外一间航空公司o既特选经济客舱，大肥爸爸谂都唔洗谂即决定选搭香港航空。多得哥哥再三提点，知悉香港航空o既搭客可以喺中环机场快线站办理手续，将行李寄舱后，就可轻便地乘坐机铁直达香港国际机场，同行六十五岁以上o既团友们更可尊享半价优惠，又抵又方便！由于手续简易，地勤人员效率高，我地又预松咗时间，所以全体人员就应邀前往航空公司o既贵宾室「紫荆堂」，享用午膳并稍作休息。离开出境检查大堂不远，藏于地下室o既「紫荆堂」光猛宽敞，接待处o既玻璃趟门印著香港靓景，感觉高雅大方，当真令身为港人o既XO仔十分骄傲。贵宾室面积广，其中分开有梳化区、向窗独立座、电脑区、用餐区等，各有各舒适。我地咁多个人步入「紫荆堂」正门，即由多位友善好客o既靓姐姐接待。佢地不但协助各人入座，更会主动讲解厅内所提供之设备及餐饮，招呼十分周到！设施中最搞鬼o既必选大厅中央𠮶座住好啲怀旧磅重机，原来真系郁得架！我地一人玩咗次，玩完仲有张纪念咭仔证明旅行前有几fat添！除咗有得玩，贵宾室当然唔少得自助餐区域。既然假期已经开始咗，大家就先向酒品埋手，衬太阳仍在高挂时先饮两杯轻松吓！自选食物中有个唔系咁受欢迎o既冻肉及沙律吧。热食中蕃薯uncle同小肥一样最爱咖哩牛腩，虾饺就一般啦。女士们就每人要咗碗即叫即煮o既车仔面同云吞汤米粉，大家都话好够热，且唔油，都唔错。最有惊喜就一定系个鲜制鸡蛋仔，热辣香脆，松化轻巧，虽然落单后要等成几个字先有得食，不过绝对值得等！大家要留意，鸡蛋仔煮制时间约十五至二十分钟，供应时间每日限定中午12点至傍晚6点。同行众多长辈都系首次乘搭香港航空，其实订飞时都唔系咁有信心，担心平野唔会有好野。哈，点知未上机前，净系喺港航贵宾室「紫荆堂」短短逗留咗四十五分钟，享用过特色美食酒品、见证过港航优质o既服务之后，竟然足以令众人放下心头大石，期待即将展开o既空中旅程！
继续阅读