影片
食家推介
近期社会动荡，真系多咗好多好嘅同事要离开呢个香港移民系唔同嘅国家，而今次有高层都要离开，于是我哋就选择咗呢一间比较人世嘅神学院度食晚饭第一道冬瓜盅，味道清香二浓郁，真系一个好唔错嘅菜式！第二道菜式为炸生蚝，生蚝好大只里面好松化，亦大有好Queenie嘅味道！第三道菜式为黄金鲜虾，佢嘅黄金咸蛋黄完全差到深入去里面，真系连壳食埋都觉得好过瘾！第四道菜为圣子王，初时以为要成$40.1只真系觉得好贵架，但食落去嘅时候真系发觉好大只，而且好鲜甜完全系值回票价！第五道菜为士多啤梨生炒骨！佢完全系有士多啤梨嘅香气，汁液亦都冇令到生炒骨嘅香脆减低，真系一个好推介嘅菜式！第六道菜为蒜蓉扇贝，可能系因为在西贡嘅缘故啦佢嘅扇贝亦都系非常之新鲜！第六道菜为冬瓜唔知咩猪肉塔！佢嘅猪肉真系入口即溶令到我难以忘返，而佢嘅冬瓜亦都吸收左猪肉嘅香气真系完全系非常之配合嘅𩠌食！第七道菜为马拉糕， 佢唔单只系刚刚出炉，而且里面整得好送花好原宿！最后一道菜都系因为想令到佢成为第8而加上， 不过我觉得佢呢个芥兰真系煮得太过熟啦.....临走之前老板娘亦都送咗两盘甜品俾我哋食，我哋真系觉得唔错而且觉得非常之香浓！
继续阅读
识途细佬话呢度食物水准唔错，所以订咗枱星期六补食中秋节加两位老人家庆生！一行5人大概18:15到达，场内都半成满，不到半小时已经满场。订咗枱嘅话，枱上面会有一个牌写你订枱时留底嘅姓名，目测张张枱都有个牌，所以大家想光顾，都系订枱稳阵。话明食堂，样样嘢都自助，有汤同白饭自助任装。辣椒酱等调味料同食具茶水等都要自己嚟，相信喺度食饭嘅食客都熟晒架步。因为某啲𩠌要事先订至有得食嘅原因，所以识途细佬就订咗：1. 千叶滑豆腐豆腐真系香滑，上面有叉烧粒、绿黄红椒粒、菜脯、香糯嘅白果、冬菇粒，配搭有惊喜，所有粒粒口感不一， 啖啖有齐清香爽浓。2. 虫草花千层塔呢个真系工夫菜，猪腩肉肥瘦分明，食落瘦肉部分好嫩滑，入口冇肥腻感，厚薄我个人几满意。中间嘅虫草花好入味，平时我怕怕哋虫草花有啲腥腥哋，不过呢个酱汁令到成件事好完满。3. 蒸花尾趸（1斤8两）条鱼订时话1斤8两，上到嚟目测同食完后，相信条鱼一定唔止斤半。蒸得啱啱好，鱼肉有咬口之余唔会靭。蒸鱼系食新鲜同蒸嘅时间要掌握得准确，呢条鱼满分。另叫：4. 椒盐白饭鱼大大条白饭鱼，唔系讲少，真系食到白饭鱼味，而唔系食炸酱。5. 椒盐鲜鱿同以上同一做法，鱿鱼炸得火喉啱啱好，鱿鱼质地脆口得嚟软滑，肉带香甜。6. 香酥鸭又一工夫菜，香酥芋松包住香糯芋蓉，再包住又香又浓又滑嘅卤鸭件，真系食到唔停口。7. 梅菜肉碎蒸芥兰呢个冇得弹，梅菜连同肉碎味道调得恰度好处，加上芥兰甜脆而不硬，个人十分喜欢。8. 蒸松糕应该系马拉糕啲friend，卖相同味道相近，但系比出面酒楼食到嘅口感实在好多，而且唔系太甜，食落有清清香香嘅感觉。整体食物比起出面啲出名嘅酒楼同大排档好食好多，有酒楼嘅工夫菜，又可以食到大排档嘅食物风味，我一定会再去，因为我见到其他食客都会点酥炸生蚝（目测炸完都仲好大只，唔系缩水蚝）、水煮类同琵琶鸭，我会试试。另外因为自助关系，用完餐后请自行收拾餐具到指定位置。温馨提示：𠮶度冇地方泊车，只可以泊出面路边。
继续阅读
位于乌溪沙浸会神学院里面嘅食堂, 一般正常人都人都无乜机会食过佢哋饭堂啲食物, 可能您会谂学校食堂啲野咪HEA啰, 填肚啰, 唔会好食, 但依间学院里面嘅食堂系会令您对学教里面嘅食堂澈底地改观嘅, 基本上我食过好多次, 因为教会有的营会, 我依十年里面去过最少5,6次, 每一次都觉得系好食嘅, 咁多年都无变过, 不过我想讲讲我今次试过一个手工私房菜, 真系要系到大家分享一下：金虫草花千层塔一个出边都几难会食到嘅菜, 将猪腩肉切条砌作肉塔, 中间系虫草花什菌加肉碎, 底系冬瓜吸晒的肉汁, 全个手功菜, 都系买180, 猪腩肉蒸得好淋身入味, 中间虫草花弹牙增添食感, 嚟到必试。
继续阅读
从来没有想到神学院会有饭堂，而且还是开放给大众。环境就好像学校饭堂，起初对食物没有任何期望，但原来我已经进入神之殿堂! 😇Oh God! 每碟菜的分量很大! 而且镬气够劲! 说真的，比起我在出面吃过很多出名的大排档好吃得多! 而且价钱实惠! I can't believe it!菠萝咕噜肉: 完全是啖啖肉没有骨, 炸粉不厚，肉炸得外脆内软, 好juicy! 酸酸甜甜的非常开胃! 这个是必叫的! 椒盐九肚鱼和椒盐豆腐: 椒盐和酱汁是分开落的，可符合个人口味。两款都炸得好好味，而且椒盐豆腐是我最喜欢的骰仔豆腐，豆腐好滑，正!!!虾仁炒滑蛋: 这个是为了小朋友而叫的，但估唔到都有惊喜。所谓的虾仁原来是大虾! 虾肉很大只而且非常弹牙，味道鲜甜，滑蛋也炒得非常出色，滑蛋炒至八成熟还留有少少蛋汁，送饭一流! 翠塘豆腐: 就是海鲜碎炒蛋白配上蒸豆腐。蒸豆腐好滑，送饭也是一流! 海鲜主要有虾仁和鱼，不会有腥味，加上蛋白，芦笋，冬菇，红萝卜等配菜，非常鲜甜。这里有一个特色，就是要自己铺枱布和收拾，这样的做法非常卫生。饭和汤都是自助的，这样的价钱白饭任装，非常抵食! 就是环境远咗D, 比较适合开车嘅朋友。不过美食是不会嫌远的，下次必会再来尝试神之手的美食! 😋😋😋
继续阅读
入马鞍山探朋友，友人晚饭时间预约了这里。从来没想过在神学院餐厅用膳！是宿营饭堂的格局，到付款处点菜、付款后，自行取白饭、例汤和餐具，然后到安排的桌子就坐。星期六晚竟也颇热闹，不少十多人的家庭、朋友组合几乎坐满了整家餐厅。友人说𩠌菜份量颇大，故四人点了三个菜：椒盐鲜鱿、金银蛋浸时菜、豉汁带子蒸豆腐。先喝汤，是青红萝卜猪骨汤，甚有家的味道，应该没有味精。椒盐鲜鱿最先上桌，新鲜炸起，极邪恶但美味，脆浆不会死实，但因怕热气，没有全部吃完。金银蛋浸时菜正常，没有过咸，白菜仔的份量也多。豉汁带子蒸豆腐迟15分钟出现，但质素也不错，混合豉油和豆豉的带子和豆腐，捞饭好好吃。餐厅还有大大笼马拉糕、啫喱糖等甜品，但太饱已吃不下。吃毕把餐具交回收集处，甚有学校饭堂风范，但不用麻烦别人，又可减低成本(->售价)，何乐不为？只是交通稍为不便，除了的士，可走到西沙路乘巴士出马鞍山或沙田，或走10分钟到乌溪沙站。
继续阅读