影片
自从洋务食堂重开后，不经不觉"她 " 已成为我与同事o既饭堂了。始终食堂价钱实惠，无味精，有住家𩠌 feel，菜式每日更新，总有一款o岩食。当日我本身想食蒸饭，可惜是日17/5/2018只有冬瓜粒汤饭，冇蒸饭，我又唔想只食冬瓜咁dry同咁斋，惟有都系食番两𩠌套饭。今次两𩠌套饭我就拣左支竹豆腐炆肉排同叉烧蒸鸡蛋。我同事就拣左支竹豆腐炆肉排同香芧炸鸡中翼。支竹豆腐炆肉排: 支竹就似山竹牛肉果种腐竹，超好味，好爽口，可惜太少得一片。肉排即排骨粒，腌得入味，配以炸豆腐，豆腐吸收晒啲肉汁，𩠌绝对系偷饭首选。叉烧蒸鸡蛋: 星期一菜单 (即14/5/2018) 同事食过瑶柱肉松蒸鸡蛋话鸡蛋蒸得好滑，豉油份量刚好，就吸引左我今次拣叉烧蒸鸡蛋了。由于我o既饭大部份被支竹豆腐炆肉排偷去，所以食呢味𩠌时都近乎净食𩠌了。叉烧主要以瘦肉为主，唔觉有肥羔。灵魂中心为蒸水蛋，正如同事所推介，确实蒸得好滑，火喉刚刚好。虽落左豉油，但落o既份量唔多，净食呢个𩠌都唔会觉得咸，好有儿时妈妈的味道。香茅炸鸡中翼: 我虽然冇食，但同事也赞不绝口鸡翼炸得好香，尤其系刚刚炸好，松脆可口。每只鸡翼都炸得熟透，鸡皮亦唔会炸到好㶶，同事话可惜得四只，否则实停唔到口了。是日中汤系佛手瓜猪骨汤，天气咁热，饮瓜汤的确清新消暑，汤味浓左，唔似上个月去似饮水，当然都预左冇乜汤渣。今次另一惊喜就系堂食o既餐具，终于唔系用完即弃o既胶盘同胶碗，用番传统胶碟同胶碗，环保啲嘛。但食堂仍有改善地方，就系宜家仲用紧o既用完即弃筷子同胶匙，如果转番传统胶筷子同胶匙就更好了。另食堂配饭姐姐经过一个月o既熟习，对餐单同安排等也专业了。希望食堂继续进步提供既实惠，又高质素o既午餐比食友及会员。
继续阅读
都系有啲姐姐派传单先知，公司附近新开左间楼上饭堂，费时又要大排长龙等太兴，就同同事上去试下好唔好食。环境算系企理，几卫生，一定好过楼下马路卖双𩠌饭个档，感觉比较污糟。当日有六款菜式，自选两种，拣左马蹄肉饼同炒菜心，分量唔少，女仔食叫少饭会合适啲，当日仲有个好似系大厨既人，猛咁叫盛𩠌啲姐姐夹多几条菜，加左啲印象分。味道合理，正正常常，唔会过咸，有啲住家菜味道，肉饼几好食，食得出有「揵」过，唔会太淋身有啲口感。汤都不过不失，味道偏淡，但起码无味精，不过呢度得纸包饮品，如果有埋即冲咖啡奶茶仲好，夏天中午饮杯冻饮爽好多。最后都希望提一提餐厅可以转用可清洗碗碟，堂食都用即弃胶盒，太浪费啦。
继续阅读
是晚蛇宴,成个2楼包左场,大约8枱,每枱12人......个场其实有d似员工饭堂每枱有两大窝仲有一个腊味糯米饭,但炒得不太好,似蒸多d.味道不是很出众,但胜在份量多到食唔晒,而且食到有d腻口,有少食多滋味的感觉. 一年一度就够了.蛇宴包两大支汽水,6罐啤酒同三蛇酒一支,食完成个人暖笠笠,今个冬天不是太冷者...
继续阅读
若不是炉兄提一提, 小弟系中环中心上班几年, 从来只知布革新会一间平民食堂. 炉兄叫我有空经过时, 留意下另一条楼梯, 会同不时见到人拿著饭盒, 上上落落, 而这就是租庇利街的另一个平民饭堂. 香港洋务工会(香港游乐部) 既食堂.地方占两层, 2楼买票, 3楼取食, 喜欢的3楼坐, 不喜欢的2楼坐也行. 人流, 非常之多人, 原来呢D咁既中环上楼食店, 说隠世冇人知, 其实净做班熟客仔, 都够哂数.第一次来, 当然唔知架部, 先去2楼买左飞, 原来呢度行会员制, 旁边阿叔亦有张类似饭票既物体, 食一次, 吸一个印. 而我是非会员, 就$21一个饭. 买了票...就跟....跟人上3楼攞野食....食物counter分四条龙, 今天四个餐, 就四条队, 我成个傻仔咁, 企左系梅菜肉饼饭面前, 所以我今日食的, 就是梅菜肉饼饭. (本想食葡国鸡的), 所以切记, 不要排错队.一人份量的肉饼, 梅菜都几多下. 肉饼味道鲜, 没有msg, 再加上几条菜. 呢D饭堂, 虽是简陋, 就是这样的简陋, 简单的家庭式味道, 吸引不少打工仔, 食个简单健康温暖既午餐. 而且价钱廉美. 周围look一look, 晚上洋务工会原来搞蛇宴. 好似连食几日, 两层摆满. 真的没人说, 真系唔知中环区的商会, 会所....好多都内有干坤.
继续阅读