影片
电话号码
67378928
营业时间
今日营业
09:00 - 18:30
星期一至五
10:00 - 18:00
星期六至日
09:00 - 18:30
公众假期
09:00 - 18:30
以上资料只供参考，请与餐厅确认详情
前排有个水晶缆车嘅优惠，所以就揾个假日去昂坪度行吓玩吓～嚟到昂坪就梗系要试吓唔同嘅食物啦不过上到去发现原来啲食物选择都几少而且可能系旅游区食物都偏贵。但见到有啲市区比较少见嘅嘢都值得一试嘅草莓富士苹果 $55见到呢个雪条好似几吸引虽然$55好贵但系都买咗嚟试吓，因为见到又有新水果喺入边望落都几吸引咁就喺附近揾个位坐低休息吓食吓雪条啦士多啤梨味都几浓，苹果味就少啲不过食到苹果个度都清甜普通苹果味咁😅整体来讲雪条本身都唔错嘅不过因为唔知系咪说得太耐雪条外围布满冰所以同时都沟淡咗个味而且雪条变得好硬第一啖一定系冰水嘅感觉😂😂😂
继续阅读
继续东涌食评，不过，一跳就由地面跳到上山顶。晌「富诺特酒店」退房、办好寄存行李之后，就坐「昂坪360」上昂坪，虽然，开咗咗多年，真喺大乡里出城，第一次坐，仲要试埋坐水晶车。上到昂坪，行吓昂坪市集、远足昂坪奇趣径、参观埋心经简林。经过一家「香港巧克力艺术坊」(The Art of Chocolate)，主要喺做一啲朱古力展览，卖朱古力产品，不过，我哋就无参观，反而帮衬食支高档雪条。老婆好眼利，远远就一眼就见到铺面有个专卖「ISeeiSee」鲜果雪条嘅专柜，当然，侧旁嘅易拉架就更明显。多年前曾帮衬过铜锣湾店，知道佢哋喺又以新鲜水果入馔，无添加，无色素。事后再上网查查，实体店得番尖沙咀同金钟，其次，就喺一啲寄卖店。现有提供嘅口味共有9款，定价确喺唔平，$50-$69。以往都喺游客嚟帮衬，定价贵啲都应该有得做，不过，依定仲喺疫情，嚟嘅都喺本地人多，唔知生意喺点。我哋就拣咗「榴梿香」，佢有另一张单张介绍，用上D24品种榴梿，并且标明无麸质及无蛋。榴梿香口味雪条 $69对比其他款式，榴梿口味嘅卖相无咗花巧，由于佢哋嘅雪条用上真果肉做，所以，质感唔会太冰感，咬落有种好实在感；而榴梿果味好浓郁，好有果香，不愧喺用上D24，真材实料。店主好好人，让我哋坐晌「朱古力工作坊」里面，慢慢叹雪条，其实，呢度一边场馆喺朱古力雕塑展览，另一边就喺工作坊嚟。晌工作坊呢边，都有好多手作成品，整得都好唯肖唯妙，真可以以假乱真。当然，店员都提及，展览厅嘅展品就更大件、更精细，并设有唔同主题。此外，仲有好多朱古力产品供选购，不少都包装得好精美，买嚟送俾朋友都几得体。如果要参观，咁点收费呢？一文睇晒，其实参观费用都唔贵，因为参观费已包埋试食原生朱古力，「原生」就代表喺无杂质、无素加，更包含丰富嘅矿物质。如果喺亲子嘅，就不妨加埋工作坊部份，等小朋友玩吓、开心吓，出得嚟玩都预咗消费。可能疫情之下，游客锐减，所以，见到亦都有其他收费优惠，而店长更同我哋讲，依日闲日，我哋又帮衬咗买雪条，可以以$28入场睇展览。不过，我哋刚上到嚟，又会行奇趣径、心经简林，仲会野餐吓，又买咗缆车探知馆同360动感影院套票，所以，最终都无时间参观个朱古力展览。听过朋友讲上昂坪无乜嘢行，好闷嘥时间，其实，都唔喺吖，好似我哋咁，当去咗外国旅行咁（其实我哋去到外国，都喺做以下嘅事情），坐坐「昂坪360」，沿途啲景真喺好靓，尤其今日天气好，成山都一片绿油油，蓝天白云，加上坐水晶车，好有大地（加大海）在我脚下嘅感觉，又远眺成个机场、高角度睇港珠澳大桥，到咗昂坪，行行市集，行行山径，野餐吓，玩咗成个晏昼。
继续阅读