影片
招牌菜
餐厅未装修之前有医生朋友带过我来食饭， 同职员倾开先知原来医学会clubhouse个餐厅都可以俾一般人join个免费会籍去食饭呀!!当时填左D简单既联络资料，好快就入左会。4月尾医学会会所餐厅装修后重开，又换左新大厨同管理，即刻去试一试佢晚市质素如何。一入到去个场明显光猛同靓左好多，多左好多中式元素同摆设。会所座位唔多，但胜在可能唔系好多人知道，环境清静。新餐厅换上全套新既餐具，我自己非常钟意。一来就试一试佢地个premium tea “瑰丽堂皇”，荔枝香气足，又解腻，顺口舒服。之后讲下当晚食左咩菜色~椒脆黄金豆腐，香口脆身，碟底无油，抵赞。潮式冻马友，马友卖相精致，搭配不同酱料(有鱼子酱)，一鱼三食，有打卡位又好味。松露鹅肝花枝球，大大粒，点埋黑松露酱，香口惹味，仲识流心!!椰皇焗海鲜 - 椰皇味道清香，用新鲜原个椰皇整成，一打开已经香气扑鼻，忍唔住食左少少椰肉，但怕食唔落后面既菜色，试左两啖忍痛pass。爵士汤味道清甜，颇有惊喜，汤料(花胶)质量不错，前面菜色偏香口浓味，饮完个汤refresh一下个味蕾，又可以继续作战。三色煎肉饼(日月星.琢) – 三款味道入面我自己最钟意墨鱼味，其中一款系芫荽味，有朋友系芫荽爱好者，非常钟意，但我就不了。蔓越红莓咕噜肉，秘制酱汁调味刚刚好，咕噜肉外层亦够松脆，呢个必点，坊间都比较小见用红莓做汁，酸甜平衡得好好。巧手香麻脆皮盐焗鸡，睇个样我谂唔洗多讲，皮脆肉嫩。牛肝菌饭，职员推荐我地加鹅肝润肠，可惜大家已经好饱，无加到，但素食版对我来讲有D淡味，唯有下次再试 。甜品个蛋白杏仁茶真系喜出望外，呢个必点，蛋白非常滑，甜味适中，本身我唔系咁钟意杏仁个味，但呢个包括我在内大家都赞不绝口。价钱虽然比未装修之前贵左些少，但系中环会所呢口价，呢个服务，CP值依然高企，抵食无投诉啦~
继续阅读
香港医学会中环会所，跟其他私人会所不同，位于中环商业大厦，其实只是食饭的地方，也欢迎任何人去食饭。位于中环华商会所大厦二楼全层，光线充裕，中环晚上的人流比较少，餐厅通常都有位，会所私隐度较高。他们说最近换了个好厨师，所以我专程去试下菜。彩椒炒鲜鲍片，鲍片爽口，又有点鲜味，彩椒亦够爽脆。砵酒生蚝煲，最重要是什么？把蚝洗净，煎蚝至呈金黄色，这个做到色香味俱全。千叶豆腐，没有煎、炸、炒、卤，我估计师傅想表现刀功，豆腐薄切，入口很滑，豆香亦浓。原条清蒸海斑，虽然我平时不太好食海鲜，但是这条鱼太好吃，多肉少骨，清蒸火喉刚好。记得要预订，才会有新鲜鱼食。蛋白花雕蒸花蟹，师傅细心地把花蟹的壳拑开，花蟹啖啖肉，我喜欢。花雕很香，配上蛋白很吸引，花雕蛋白可以捞饭食。招牌炒饭，名字平凡，内容不简单，炒饭香口而不油腻，饭粒软绵有嚼口，我吃了两碗，想添第三碗时，已经被朋友扫清。 除此之外，午市套餐有28道小菜选择，两位两个小菜$256，三位三个小菜$384，菜式定期更换。另有六款套餐可选，会所推出不同系列秋冬菜式。也有增值选项，例如沙巴龙趸、燸米炸鸡、八宝鸭，要提早预订。https://www.thkma.org/central_premises.html总评味道：中上，新来的厨师师傅有惊喜；环境：小店，大概五六枱，会所私隐度较高；服务：即叫即做，上菜速度几快；卫生：好，医生地方，卫生重要；抵食：物有所值。
继续阅读
香港有好多唔同嘅私人会所，位于中环嘅商业大厦入面，美其名说系会所啦，其实只系食饭嘅地方，娱乐设施都未必有，装修亦都只系普普通通，但通常呢种嘅会所嘢食质素都好有保证。香港医学会就系其中一个地方。4位既晚饭套餐每位唔使$200就已经有八道菜。燕窝鹧鸪羹又滑又香口，面头嘅火腿蓉味道好突出，肉类用鹧鸪，𠮶种野味嘅香味并非猪肉或者鸡肉可以代替。可能我食过太好食嘅虾多士，呢度嘅虾多士显得平平无奇，而且油份过多，面头嘅炸粉太多白雪雪咁，卖相就唔系几靓啦。西兰花炒带子唔系一样好特别嘅菜式，但呢度做得相对唔错，带子保持到鲜味，西兰花亦够爽脆。子姜菠萝咕噜肉用黑毛猪来做，呢样都唔系特别嘅地方，呢道菜最好食嘅系子姜。子姜一年都有，而且都系佢哋自家腌制，周年我唔系太喜好腌菜嘅人都觉得好好食。子姜冇渣，甜酸辣嘅比例亦都做得好好。粟米鱼柳系一道我由细到大都钟意食嘅菜式，外面好多酒楼嘅炸鱼菜式会用品质唔好嘅鱼，但呢度用嘅鱼柳都相当唔错，而且炸得好香口。呢度用嘅瑶柱都好大条，味道亦都做得好。我系一个唔太食炒食饭嘅人，但佢嘅松子榄菜叉烧粒炒饭真系做得好好，Uncle Roger is not going to put his leg down。最后陈皮红豆沙，陈皮味都好好，而且唔会过分甜，适合都市人低糖饮食。不过我就略嫌觉得稀咗一d。大抵来讲呢度系一个人唔太多人，好适合几个朋友坐埋倾偈食饭嘅地方，但就留意佢哋收工时间比较早，如果放工太晏嘅朋友就未必去到啦。
继续阅读
友人离港在即。我地一行12位女士。想揾个地方静静地又可以一班朋友食饭倾计。其中友人系会员一早就写咗菜单。呢度招乎不错。份量大。而且即煮。热腾腾好好味。私隠度高。极力推荐。
继续阅读
好朋友最近去咗中环干诺道中附近工作，佢有一日打电话四围查询附近的会所怎样入会和收费几多钱，突然发现这儿今年之内免费入会，所以我来趁个热闹！点知每次每一台客人只可以攞一张申请表申请一个人入会，我今日趁着星期六有空约了两位同业好友一起来午餐，每人花了$106，点了以下三个菜式：1. 鲜虾荷叶饭 : 唔系最好味，但系都OK，有四碗饭咁多，好多鸡丁。2. 翠塘豆腐：正！好滑！好好味！3. 凉瓜炒牛肉：ok！啲牛肉稍嫌硬左少少。糖水送半碗麦米粥，非常好味！并不太甜！环境幽静，因为唔准搭枱，今日星期六小人啲，所以招呼都好。中环揾地方食午餐特别困难，呢间会所是中式的，以粤菜为主，菜式款式并不太多，但是胜在全部都是热门的。打电话来订枱的时候记住订一张入会申请表了！
继续阅读