影片
食lunch去呢间。皆因附近就脚。座位寛落。同朋友坐得舒服。甘咪入去试下。D侍应有D忙。等左ㄧ阵才到。态度正常。叫左碗鱼蛋河。牛腩米。加杯冻奶茶。正常份量。味道都几好味。鱼旦弹牙。牛腩炇得淋入味。不过不失啦。
继续阅读
叫人座底左之后，我叫写野吖唔该！之后个阿姐见到我而又听到我叫佢；但佢唔理我！好，我再等一阵！之后大叫写野吖唔该；最好笑既系完全冇人应我！之后我决定唔食走人！我唔会再黎食野了！工作服务态度很差！
继续阅读
哩日睇戏睇晏左大部份餐厅都已经收铺 行过香港仔鱼蛋就决定食佢喇因为都有d饿 我地每人叫左一个米线 再叫碟牛腩同生菜我就系叫哩个猪软骨米线米线既汤底好一般 基本上冇咩味 猪软骨偏酸 肉质有d鞋男朋友d云饨几好味哩一碟牛根腩反而有d惊喜牛根煮得够林 好入味牛腩亦好松化 肥瘦适中但猪软骨d汁同佢真系唔多夹早知叫个净米线我就可以捞多d腩汁生菜都新鲜同爽口
继续阅读
昨晚，我从该店店舖外的橱窗相片见到它推介驰名的鱼蛋河，相片中有三粒鱼蛋球和几片鱼蛋片，由于当时店舖内都好多人，我亦想尝试它的牛腩，于是我就点了一碗「鱼蛋河加牛腩」外卖，其中加牛腩是需要另加$10。但系，喺俾完钱之后，我就等左足足15分钟都仲未攞得，于是我就跟一位服务员阿姐询问：「阿姐，请问点解要等咁耐嘅？」点知𠮶位服务员阿姐居然答我话：「个个都系咁等㗎啦！」跟住佢就唔睬我，冇几耐，我见厨房里面个哥哥就整咗碗鱼蛋河加牛腩出嚟，但系我见到该碗外卖嘅「鱼蛋河加牛腩」当中只有两粒鱼蛋，鱼蛋片就更冇咗影，明显与广告的照片有出入，于是我又再问𠮶位服务员阿姐：「请问点解得两粒鱼蛋咁小嘅？出边个广告张相明明有三粒㗎㖞！仲有啲鱼蛋片连半块都冇，点解呢？」点知唔问由自可，一问个阿姐又发火说：「你知唔知啲鱼蛋几贵呀！系得两粒架咋！」于是我就同佢讲，我话：「阿姐唔系㖞，出边张相明明系有三粒㗎㖞！」跟住佢就闹番我转头，仲话：「你知唔知啲鱼蛋几贵呀？个个都系得两粒㗎啦！」𠮶一刻，顿时令我谂起刘德华𠮶个广告：「今时今日仲有咁嘅服务态度⋯」自此之后，我就决定以后都唔会再帮衬呢间店舖！
继续阅读
呢间♥香港仔鱼蛋粉♥喺旺角都已经好多年，睇住佢慢慢变，虽然而家主要做游客嘅生意，不过我依然好钟情佢呢到嘅其中一碗面🤗金牌猪软骨河粉呢到嘅猪软骨系我食过咁多间以来最好食嘅一间，佢同出面一般嘅猪软骨好唔同，佢嘅味道真系好好食✨👍🏻唔好睇佢啲猪软骨系橙橙地色以为系辣，但其实佢系甜甜的，一啲辣味都冇㗎！佢嘅软骨就唔系一食落去淋哂/入口即溶果种，相反佢嘅软骨系比较硬身，系有咬口嘅，不过佢好容易咬，啲骨系一咬就断嘅，只不过佢唔系好淋身𠮶种软骨💁🏻一碗大概有四旧猪软骨，都唔算系细旧架！佢𠮶汁陪埋个汤，真系好好味，好味到我每次食，啲汤我都会饮晒😋
继续阅读