影片
其实对平价鱼蛋粉牛杂河无需要有要求。但呢间真系刷新我对同区粉面及饮品既五观。饮食:从未饮过劲苦而霉的冻柠茶(注意无叫走糖亦不是柠檬或茶苦味),还要杯面多油。牛杂河粉大致上份量及平价质地无什么问题只其中一条粉肠略苦，不知受饮品影响定食物问题。卫生：不干净好平常无乜要求但太"痴镴镴"。服务：无及要系台大叫都系好平常,不过叫完隔一阵吹埋水先落亦落错，落错仲要质疑你有无讲错，后求其换返比我亦黑口黑面。简单讲，同街又唔系得佢一间仲要贵人几蚊点解要帮衬佢？
继续阅读
今晚过咗旺角经过呢间香港仔鱼蛋河 开头嗌咗碗崩沙牛腩河 加碟蚝油生菜 一杯冻鸳鸯， 本来都还可以嘅 但系真系觉得个份量好唔够 咁咪睇吓个餐牌啰 咁呢间嘢个名叫香港仔鱼蛋河呀嘛 谂住嗌个净鱼蛋 佢个餐牌写住一碗鱼蛋粉标价$24 边谂到净鱼蛋要$36 佢嘅猪手面都系$33呀！如果佢$36我点解唔买个猪手面呢？ 真系好贵好贵而且刚巧有职员遗失了银包 还不断大声责骂其他职员 如果是内部问题是否应该自己内部处理呢？但这样就影响适合心情 由我落单到食完 整个空间都是噪音 而另外一个问题 就是餐牌没有标明净食价钱 是否已经触犯商品条例呢？ 请大家如果在这一间粉面店食，请记得记得叫嘅时候真系要问清楚呀！ 最后埋单$101 都唔会再去㗎啦！
继续阅读
夜晚收工谂住求其食碗面，眼看呢间野冇乜人，啲位几阔落咁，隔离果间坐满晒劲多人，咁就入呢间试下啦⋯⋯点知中晒伏！点咗崩沙腩幼面$55，加$8冻柠茶，从未食过咁难食嘅面！口感似铁线…柠檬茶只杯劲油，饮都未饮过，一拎就跣手倒泻晒成枱都系，2个职员挂住倾计叫几次先帮手，短发职员本来话俾过杯我地，见到佢冲完后，俾另一金发职员阻止，就咁摆喺出菜位，2个继续做其他野，俾定唔俾都回覆一声丫！之后金发女走嚟串串共话要过杯另外收$18，都几搞笑！其实俾唔俾过杯好少事，但处事手法好有问题，到起身埋单又系，见到你喺柜位都要挂住倾计，叫先不情愿地嚟收钱，同佢地讲啲杯真系好油，洗干净啲，金发女藐咀藐舌，态度轻挑地回应「好呀！」态度恶劣得令人扯火！直头帮餐厅赶客，食到一肚气，相都冇影！一定唔会再去！
继续阅读
今日去旺角做facial，谂住食个快餐，见到佢装修嘅事正就入咗嚟，以为系以前食开𠮶几间之一，原来系新开嘅。 见到凤城水饺河粉🍜$26，都好平，另外加咗$8叫咗杯冻奶茶🥤。不过到上菜嘅时候，老板同我讲水饺俾咗两粒我，因为冇晒，另外就补粒韭菜饺。 不过我本身唔食韭菜，就叫佢转过俾我。粒粒水饺都好大粒，入边都好足料，个皮都几薄。不过杯奶茶略嫌涩左少少，因为本身饮开奶味重嘅奶茶，呢杯就唔系好啱我胃口。$34埋单，喺旺角可以平平哋食一餐，可以试吓。
继续阅读
本身系openrice睇到呢间野新开，以为会坐得舒服啲，点知卫生好差，个呀姐叫我入去坐，一行埋入少少嘅位即有两三只乌蝇飞出黎！餐厅有啲臭味，臭左一段时间，过左一阵又冇左。个面系好食嘅，但之后就肚痛。。。加上云吞得两粒，唔知系因为双拼定本身就咁少。基本上佢系主打旅客生意，成间餐厅九成都系游客，因为啲游客最多食一次半次或者赶时间先食，佢地都投诉冇门啦。明明得一间分店又讲到自己老字号咁，真系唔会再入去食！卫生真系好差！
继续阅读