影片
夜麻麻肚饿去深水埗揾嘢食，见到呢间香港仔正宗鱼蛋王好似系新开嘅，门口大大个招牌，入面好光猛，装备简洁舒服，感觉干净卫生。地铁站步行几分钟就到，劲方便最钟意食牛嘅我见到有崩沙腩，实要叫返碗崩沙腩河。崩沙腩系牛嘅横膈膜附近嘅腩位，有块薄薄嘅软胶质，肥瘦刚好，口感爽脆。牛腩煮到入晒味汤底正常发挥，隐约有阵牛骨熬出嚟嘅味道。地址长沙湾元州街162-188号天悦广场地下A5号舖港铁长沙湾站A2出口，步行嘅6分钟
继续阅读
点解叫鱼蛋粉走鱼片，要另加$5 又唔出声？ 埋单先讲？河粉好"鞋"....冻柠茶完全无味！ 仲有，明明前一个客，先用完八达通，就即刻收埋，又话无八达通？ 不会再帮光顾！
继续阅读
叫咗碗炸酱面$33加鱼皮饺同埋鱼蛋双拼加$15。叫咗碗肥牛牛腩双拼$44。餐饮叫咗冻华田热菜蜜跟餐加两蚊。俾老板娘怂恿叫碟菜，就加咗碟腐乳通菜。食物劲肥腻，鱼皮饺唔系咁新鲜。
继续阅读
今日收工经过见到新开张嘅鱼蛋粉，价钱都好似好合理咁，大概$30左右一碗，所以入去试吓。叫咗个鱼蛋面，转做鱼面要加$20 ，但系都好想试吓，所以$50食一碗鱼蛋粉。鱼面嘅份量少得可怜，基本上食三啖就已经冇晒，不过味道几好食嘅。鱼片比刺身仲要薄，师傅真系好刀工啊👍🏻，仲要有三粒得一半嘅鱼蛋，真系认真佩服佢哋间店。我问个侍应：鱼面嘅份量真系咁少？侍应回覆：系呀我话：真系食两啖就冇晒㗎啦㖞，正常份量黎架？侍应回覆：系呀，系咁多我：…….鱼蛋鱼面 = 3粒只有一半嘅鱼蛋，三片很薄的鱼片及份量超小嘅鱼面，加几条菜。地方都算阔落啊，点解食物嘅份量可以小到咁，我一个女仔夜晚食完都会肚饿，真系新屎坑，试过就算了。
继续阅读