香港人兩餸飯 (海暉大廈) (已結業)

嗌兩餸$42，唔跟飯，份量勁足，樣樣餸都好味，又多款式揀，我有選擇困難症都揀到好心大心細😋鋪面又乾淨企理👍🏻👍🏻唔怪得一到lunch咁多人排隊，真係好抵食，近期至愛～～～

本來👧🏻對兩餸飯冇咩好感😩，但同事話呢間討論性好高又高質，餸菜款式都比較新穎，咁就試下啦😙 買夠$300免運費，今次我地貪心啲，每人都叫4餸飯😍，都係$48，仲有得揀要飯/炒米粉！如果細食嘅朋友仔，一盒4餸飯仲可以分兩餐食🤣🌟生煎咸香肉餅煎肉餅絕對係呢間兩餸飯店最Signature 食物！肉餅嘅圓周係同漢堡扒無異，非常厚身啖啖肉👍🏻，肥瘦肉比例不錯，絕不鞋身。🌟椰汁芋頭炆排骨🥥如果大家係芋頭控，呢個菜色係必食！芋頭質量頗高，超級粉😍！芋頭同排骨份量都好多，椰汁唔太濃稠，不過以呢個價位真係交足功課！🌟香茅雞翼一份餸有3隻炸雞翼真心正！香茅味唔算太濃烈，冇雪味又炸得香脆😛🌟粟米斑腩🌽有5-6塊斑腩，粉漿略厚，加上撈飯嘅粟米醬調味略咸，表現較遜色😩🌟蒜香豬扒豬扒份量有大概大半塊，醃得幾入味🤩

上次食過牛角包後,又想再食,一早整完牙鬼咁肚餓,行過去睇下有咩食,見到佢地準備緊午市d 餸,好吸引呀,睇返星期三有哩d 餸.栗米班腩(未落粟米汁啦),豆角煎蛋,番茄炒蛋(未有蕃茄),生煎咸香肉餅,椰汁芋頭炆排骨,黑椒蜜糖薯仔雞翼(右邊角落)XD四季豆炒肉絲,節瓜粉絲蝦米,秀珍菇炒椰菜,蒜香豬扒等等...店長妹妹話今日有吞拿魚啦,咁我就食吞拿魚沙律牛角包啦,叫佢紙袋裝就ok,另一位店員話D餡會漏出黎XD返到去真係漏曬出黎,因為實在係太多餡啦,因為真係太多餡啦XD牛油味好香既牛角包夾住生菜蕃茄,仲有蛋碎同吞拿魚沙律,不過真係適合用盒裝同匙更食XD,因為餡料多到要潷黎食,今次試飲龍眼水,真係好多粒龍眼,不過我鍾意薏米水多d.

十月尾無意中發現呢間外賣店，一望價錢就發哂光，兩餸飯30蚊，或者叫佢地menu 上既椒鹽肉類飯連飲品都係四十幾蚊。係鰂魚涌邊度搵呢個價錢既lunch box especially on Saturday. 去朝聖下，星期六既自選餸選擇比較少，但都講緊有十款以上。可能新開所以員工做得有啲混亂。除左飯外佢地仲可以俾你加錢要小食/香蕉蛋餅，經濟實惠。呢個價錢包份量唔算少，食得飽既。飲品仲有得揀比較健康飲品如薏米水。好值得支持後生仔女創業，希望佢地做得長。

💛港島區食得夠平難，有質素有夠平就更難，不過呢間應該係疫市奇蹟🤣2餸$32，3餸$40，所以每到食飯時間都多人好合理，今次就直頭賣到唔夠餸賣，要即整/鼓勵人走🤣嗌左蛋同肉餅（送左少少菜），肉餅已經因為唔夠賣即整，所以夠熱夠香，肉唔散得黎有香味；而蛋入面都有小量菜（例如洋蔥），唔會太dry得一味；另外送左小小菜，所以都叫$32有菜有肉🤣整體質素，呢個價錢真係絕對抵食，不過人又真係太多，有機會先試其他🤤

見到有人出post食哩間,好似好吸引,平日都好少食哩d兩餸飯,因為深水埔果d感覺都幾污糟,行入哩條唔起眼既巷仔,原來入面都唔少食店,台菜日菜西菜都有,我去到已經過左午飯時間,好多餸都賣曬,淨返肉餅,不過個個都要肉餅架.同薯仔雞翼,同埋少量蔬菜,跟住我就睇到有下午茶餐,諗住食吞拿魚沙律牛角包,吞拿魚未有貨返,改左食鹹牛炒蛋芝士牛角包同薯餅,成個餐只係$31排隊期間見到好多熟客黎買飯,大家有講有笑,店員見客人想食蛋角賣曬就立即煎比客人,同埋個個都飲薏米水,薏米水係鋪頭自己煲,仲有龍眼水,我都跟隊形飲薏米水啦.拎到返屋企,已經係40分鐘後.牛角包焾左,但薯餅仲脆自戒左食m記就冇食過薯餅啦XD將包包放入焗爐焗返脆,一拎出黎散發出誘人牛油香味,忍唔住咬左啖先切開睇,煎蛋超厚,中間有粒粒鹹牛,一啖咬落去,牛角包蘇脆,蛋蛋軟滑,鹹牛粒粒係蛋中間作調味,鹹鹹香香咁,芝士同個牛角包融為一體,好味呀,薏米水微甜,清清地,我唔鍾意甜野都覺得ok,自家煲既係唔同d,整體感覺哩間店好有屋企feel,無論係食物定係睇佢地同客人之間既交流,都好舒服.

去左幾次原本覺得幾好食，發現有預訂咪試下囉，要11點前預訂，12:45到左，到有得拎先開始整個飯盒，都算，唔夠餸求其揀啲唔係原本預訂既餸加埋一碟，都唔知做乜勁，預訂基本上係廢🙂