香江花月 (荃灣廣場)

营业中

休息中

終於試咗呢間網上討論到極高嘅邊爐界KOL鋪如其名，店舖嘅裝修同佈置都非常之靚同有特色，座位闊落舒適，最估唔到嘅係呢間網紅打卡店竟然預留一個空間design 咗一個沉浸式打卡位置，食客輕輕鬆鬆唔使俾入場費同排隊就可以打卡一場黎到網紅店決定試吓啲特色嘢，揀咗一個海鮮鍋底，完全冇估到係即場烹調，淨係呢樣嘢都好有驚睇得出所有海鮮都非常新鮮，海鮮爆炒後只加少量湯底焗煮，除咗多一份滋味亦保留返海鮮原有嘅鮮味，鍾意食海鮮嘅朋友可以一試另外再叫咗必點既打卡牛肉拼盤，呢個圈圈做緊優惠$298，有得打卡又有齊牛胸爽、黑柏葉、黃喉等比較稀有既部位，相對抵食，所以基本上全場7成以上既食客都有點😆

第一次食香江花月，原來係一間打卡餐廳，一入到去有個霓虹燈同埋鏡房組成嘅打卡位，有得食又有得打卡都幾開心。一坐低就覺得佈置好靚，同埋都有空間感唔會同其他人坐得好近。望咗一輪湯底之後最後揀咗金箔清酒海鮮鍋，聽店員講唔係日日有，好彩今日叫得到。份量都幾充足，先用乾鍋爆香啲料頭，之後再無水煮啲海鮮個過程都幾香，最後落埋清酒結尾，超級香噴噴，鮑魚同蝦都夠彈牙，仲有好多蜆，同埋隻花蟹都好好味。另外叫咗一個特選牛圈，打卡一流。勁多唔同嘅配搭，牛記油脂分布都好平均，同埋普遍都重肉味，因為實在太多款食完真係超級滿足，唔會話食到好飽食唔到其他。另外加叫咗元貝，佢呢度嘅海鮮真係幾新鮮，真心唔錯。因為打邊爐都口渴，配埋竹蔗茅根就最夾。

適逢父母結婚週年紀念37週父母又想食下海鮮食下刺身於是就上網搵下有咩環境又靚食物又ok嘅餐廳碌碌下就搵到呢間香江花月以地理位置嚟講都算方便易搵餐廳大約分為兩個區域因為我哋有一個2個月大bb餐廳都好貼心安排我哋係另一個冇人嘅區域環境相對安靜啲啲Bb都冇易受嘈吵環境影響當我哋落完order啲野食都好快就送到嚟呢款斐沙圈我哋order咗兩個當第一個食完侍應都好快手上埋第二個唔使我哋係度等呢個圈圈攞嚟打卡簡直一流又可能滿足到想食海鮮嘅慾望又可以食到啲靚肉試咗咁多款肉發現最好食都係豬肉所以臨尾再加多個豬肉除此之外，我哋仲加咗個龍蝦刺身我哋食完啲龍蝦肉侍應會問我哋想點樣煮埋啲殼我哋就直接叫侍應幫手砍細件啲俾我哋打埋邊爐去到最後侍應仲超好可送咗個甜品俾我哋

荃灣廣場環境一流高質打邊爐約朋友食飯想坐得舒舒服服，門口見到幾靚，又有二人餐，就坐低咗叫咗鴛鴦湯底，清湯同埋沙嗲湯，沙嗲湯有驚喜，味道好似茶餐廳特濃沙嗲牛，呢個湯配牛肉好好食！牛肉雖然薄薄地，但好重牛香味。另外一贊嘅係脆肉鯇，十分之爽。蝦丸都唔錯，有鮮味食落去好彈牙，唔會好粉。二人餐有烏冬同埋菜，落沙嗲湯一流，十分之香。價錢公道，環境好而且唔算好貴，會再幫襯，下個目標係Fancy牛肉圈圈，睇相都流晒口水

成日喺荃灣廣場番工，今日先發現原來有個咁特別嘅地方打邊爐，一入到嚟真係WAWA地，地方好大好闊落，打邊爐有咁高級享受真係好正🥹坐低咗會有一杯蘋果茶飲，慢慢嘆住茶慢慢揀食咩。最後我哋揀咗酸菜魚湯底，其他火鍋料叫咗雜菜盆，雜錦丸丸，珊瑚蚌等等重點推推七色丸，估你唔到嘅味道青咖啡紅咖啡黑松露都有😍仲有鹹蛋黃餃入面實的的嘅餡料😋係喎係喎，最重要嘅湯底竟然未講，個酸菜魚湯底好濃夠酸夠味，入面嘅料都好多，有魚有薯粉有萵筍入哂都味好正😍

環境舒適不過於擠迫，比其他集團式酒樓坐得好舒適；沒有櫈撞櫈的情況出現。這樣環境茶位收費亦更比其他酒樓合理及便宜，值得一讚。點心質素中上更勝大酒店中式酒樓，不會太重口味令人口渴；價錢亦勝過酒店中式酒樓，性價比更高。服務員態度親切招呼周到，主動執拾碗碟；不似其他酒樓次次都要嗌他們執拾和添茶添水。總括來講是值得再光顧的。

今天得知香江花月推出一元茶錢，為香江運動員祝捷。在這兒喝茶，可以安靜閱讀，部長和我們分享了一本他愛看的書，能在忙碌的香港，與人分享生活，實在是久違的暖心。香江花月，帶我們走進美好的時光。

成日喺社交平台度見到朋友post呢間嘢，見到佢嘅邊爐真係好靚，但係因為份量有啲多，一定要約埋一大班朋友嚟食先得。但係通常朋友打邊爐又會想去大排檔，咁就搞到幾年都未試過呢間餐廳啦，不過今日好好彩，有朋友生日而又想黎呢度，咁就有機會嚟試吓啦。我哋叫咗佢個香江拼，係一個好大嘅圈圈入面有牛肉同埋海鮮，入面有鮑魚，蟹同埋帶子，其實計落價錢非常平，而且好啱打卡，一上枱所有朋友都忍唔住拎嚟影相。我覺得入面佢嘅蟹係最抵讚，因為好新鮮，而且食落好多膏，為咗呢隻蟹再嚟食過都抵呀。另外我哋仲嗌左呢個七色丸，又係好適合打卡，將唔同味道嘅轉放喺個架度，賣相非常精緻。估唔到食落都好好食，佢嘅丸類全部都係手打，而且味道好足，食落好新鮮。呢度仲有一間房係for人打卡嘅，佢係好似Team Lab咁樣，啱晒女仔嚟打卡。呢間餐廳又靚又好食，而且價錢唔算貴，真係好啱一班朋友嚟gathering。

食店食物水盡絕對沒問題, 也可以說好吃, 但好吃也不能一點服務也沒有吧, 在香港吃東西服務其實不要要求很多, 但進去坐了15 分鐘連壺茶都沒有,要叫幾次先來, 點了的食物也要催促很多次才到, 今天的甜品有雙皮奶, 但沒有點心紙, 點餐QR code 上也沒有的, 不知道為什麼隔離枱有得吃, 問一下服務員, 真的有叫她幫我下了單, 這些在餐牌上沒有的食品為什麼有些食客會知呢 ? 在評論區上那些必點食物完全沒, 像那個荔枝造型, 和黑白天鵝造型的點心完全看不見有, 金魚餃也沒有。。。沒下次了本來想嘗試他們的火鍋, 不了不了 。

琴晚去咗荃灣呢間香江花月，其實之前喺社交平台已經成日見到有朋友去呢一間打卡 去到環境真係好靚 而且仲特登set咗個打卡位😂好有心💕日本牛乳鍋🍼🌸🌹💐個鍋真係勁靚 店員仲好細心等我哋影咗相先會幫我哋將木瓜切開一嚿嚿 🥰香江拼🐮呢個拼盤真係豐富，每一款牛都各有特色，鮮嫩多汁，味道濃郁☺️三色鮮製生麵🖤🧡💚墨魚、甘筍同菠菜，色彩繽紛，質感滑嫩。麵條吸收咗湯底嘅味道，更加美味🤤七色墨魚丸🦑有七款唔同口味，包括腐乳鹹蛋蟹籽黑松露青咖喱紅咖喱等。每一款都有獨特嘅風味，令人驚喜😍總括嚟講香江花月係一個值得一試嘅餐廳，食物質素高，服務亦好😊😊

平日晚上也有七成客, 而且也有些看似是熟客, 剛坐下侍應先棒上一小杯糖水, 而且杯底還刻有一條錦鯉, 認真吸睛, 餐牌也琳瑯滿目, 論賣相和材料價錢也先合理, 首先選湯底, 要了一個中價的美顏花膠雞鍋, 認真足料, 有多隻大花膠和半隻鮮雞, 濃湯底試完味後, 開始食花膠和鮮雞, 認真滋味, 跟住那個羊肉片和豚肉片也很有肉味, 其實已經半飽, 所以只選食鱔片、脆鯇魚及蔬菜再配以一個有超過十款菜的菜藍, 幸好我們叫了一壹玫瑰花茶清新又解膩, 特別一提這裡的侍應比例極高, 不時替客人加湯換碟及拍照, 實在令客人賓至如歸。

最近去了荃灣廣場的香江花月打邊爐🍲 首先，我們選擇了日本牛乳玫瑰鍋作為鍋底。這湯底不僅美味，還有養身美顏的效果🌟💕接下來我們叫了香江拼，這道拼盤包括了多種精選肉類，如安格斯肥牛、牛心頂、牛柳粒、手切肥牛、牛白肉、牛小腿、牛脷和黑柏葉。這樣的組合讓我可以品嚐到不同口感和風味的肉類，絕對是打邊爐的不二之選🔥我們還點了三色鮮製生麵，這道麵條有墨魚、甘筍和菠菜三種不同的顏色，看起來非常吸引人。而七色墨魚丸則口感彈牙，多種不同的味道鮮美🫶🏻最後，我們還喝了蘋果汁和菠蘿汁，這些清新的飲品絕對是完美的火鍋配搭，在享受美食的同時保持清爽🍎🍍總之，香江花月不僅提供美味的食物，還有獨特的裝修和美觀的擺盤 讓用餐體驗更加難忘🥰🥰🥰

店子裝潢設計不惜功本不在話下, 每個角落和Feature Wall都是打咭位, 最誇張在入口側更特設迷你Team Lab, 任你點影都得, 簡直未食已瘋狂, 坐定定再看看Menu, 選擇也很多, 而且大部份都是又睇得又食得, 擺盆佈置絕對攞足分, 今次湯底先試美顏花膠雞鍋, 有大大隻花膠配超有肉質嫩雞, 打完咭侍應提醒先試真湯底味道, 然後就將雞剪件上碟再加上湯開始打邊爐, 一個叫花滿園的克豚肉拼羊肉, 每片肉都捲成花一樣靚, 另外的鱔片、脆鲩片、牛心肉及克柏葉都超好味, 甚至那個什菜盆叫花花綠綠, 擺盤也極吸晴, 雖然今次只是小試牛刀, 但也非常滿意, 下次一定要約大棚D friend尼捧場它的signature dishes

一入去間餐廳，見到好多古董衣車，周圍都係以線卷裝飾，仲有專屬房間打卡。價格定位同湊湊差唔多，但呢度既湯底同擺盤花巧好多。係食擺盤裝飾，for同朋友慶祝打卡一流。叫左最signature 既香江拼，一但大圓木盤圍住個邊爐，上面好多精細裝飾，成件事好fancy👍🏻

香江花月📍荃灣大壩街4-30號荃灣廣場L6樓621-630B號舖餐廳裝修好特別，充滿懷舊特式但唔老土，擺設好用心，甚至有珍貴嘅古董，隨便影都好靚，仲有個專門嘅打卡位，但因為有其他客人影緊就無影到。美顏花膠雞鍋$298花膠好靚一塊塊先分開碟上先再落鍋，加埋半隻雞真係誠意十足好足料，打完卡店員會拎去分件，雞肉好滑好juicy，雞皮好正👍🏻香江拼$798擺盤真係無得輸，藝術品咁好唯美，唔同嘅牛部位都好新鮮，特別係肥牛嘅雪花好靚。唔同部位口感/口味都唔同，安格斯肥牛牛味香濃啲，偏瘦啲牛小腿鮮甜啲，肥牛有油香，口感軟腍好好食😋牛脷薄切生少少食好嫩。牛白肉好少地方食到，神奇嘅係睇落油膩但實際爽脆唔膩。仲有同樣好稀少嘅牛心頂，估唔到呢度都食到。冬瓜$48切得好工整，滾到腍晒索晒汁最好食😋粉絲$28份量唔少，淥完索晒啲湯底變咗金黃色，不知不覺就食晒。