香宮

营业中

休息中

作為一家傳承多年的粵菜餐廳,香格里拉酒店的「香宮」無疑是香港粵菜界的頂級代表。無論是在菜品、環境還是服務上,這家餐廳都展現出了卓越的水準,令我流連忘返。首先必須提到的是「香宮」的用餐環境。作為香格里拉酒店的頂級餐廳,它所在的空間自然是一流的。優雅的中式裝潢、寬敞明亮的用餐區域,以及落地窗外迷人的維港景致,讓人彷彿置身於一個寧謐祥和的世外桃源。這樣的環境無疑為用餐增添了別樣的情趣和格調。而餐點本身更是這家餐廳的最大亮點。「香宮」嚴選上等食材,並將各種粵式烹飪技藝淋漓盡致地展現出來。例如他們的翡翠蒸餃,皮薄餡鮮,肉質細嫩多汁,令人回味無窮。又如他們的清蒸星斑,魚肉鮮嫩 Juicy,讓人驚歎於主廚高超的烹飪功夫。總的來說,每一道菜品無一例外都彰顯著粵菜的精髓所在。除了菜品本身,餐廳的服務水準也是一大亮點。服務生們態度親切周到,對菜品瞭如指掌,能夠根據客人的口味提供專業的建議。他們細心入微的服務,讓整個用餐過程變得更加自在愉悅。總的來說,「香宮」無疑是一家非常值得推薦的粵菜餐廳。它不僅提供了地道的粵式風味,更為客人創造了一個優雅舒適的用餐環境。

第二次來，今日帶埋老人家及小朋友來，除咗食好嘢之外，係想俾小朋友熟習飲茶時要做的事：斟茶俾人、夾餸俾長輩等。我喜歡傳統粵菜加較新的presentation 令小朋友都connect 到，Lee 度做到old meeting new 的connection。今日人較多所以亦盡情叫餸：例牌叉燒、豉油雞、燒腩仔、豬潤燒賣、蝦餃、牛肉球、紅米脆腸粉卷、海蜇mix、黑糖糕、30年陳皮紅豆沙。老人家特別喜歡叉燒夠味又夠腍。我今日仍然係生酮飲食，所以燒腩仔比較啱食，皮非常脆、鹹香及肥瘦夾層平均，睇得出用好多心機做的一道菜。追求「抵食」唔好去Lee 度，因為燒腩仔平均$30一粒🫶

炸蟹蓋同埋脆米海鮮泡飯係出色嘅，但係好可惜燒鵝同埋上湯菠菜甚至冇一般普通餐廳嘅質素。燒鵝皮唔脆，肉質亦都嚡口，最令人失望嘅係個菠菜竟然係苦嘅，而且非常之嚡口。甜品方面楊枝甘露亦非常一般，坊間普通甜品舖都比佢好食。服務嚟講，同行朋友話餐廳明顯只照顧熟客，我哋第一次食好多時候要非常主動咁樣招手先至會有侍應過嚟幫忙，喺其他同級數嘅餐廳嚟講我冇見過咁差。冇人會問你究竟今日嘅餐點如何，走嘅時候都冇人同你講再見，有朋友慣用手係左手，但係想餐具嘅時候得一個侍應有留意到將餐具擺喺佢左邊，以第一次食嚟講，我好懷疑點解佢仲可以keep到米芝蓮一星？本身久仰大名亦都多有期待，希望餐廳會改善下服務質素同埋食物質素，我哋都支持留港消費，但係餐廳都得好先至會吸引更加多嘅客人或者回頭客。

香宮雖說是米芝蓮星級粵菜食肆, 但對於折扣和套餐的提供也算是慷慨, 除了酒店集團本身的優惠外, 也有餐廳本身的優惠, 例如是一年幾次的Restaurant Week, 不單止可以吃到出色的點心, 也有主食, 蔬菜和甜品, 價錢還可以, 作為商務午餐也算得體. 今次Restaurant Week也是如此, 由擺設精緻的三項點心打頭陣, 黃橋燒餅和芋蓉帶子盒不同層次的酥香做得相當不錯, 前者的芝麻香和後者芋蓉甘甜, 也合乎米芝蓮星級食肆的水準, 相比起來燒賣就顯得有點一般.主食是松露蘆筍炒蝦球, 鑊氣夠而蝦球入味, 蘆筍和蝦球口感爽脆, 配合度完全沒有問題. 另外的蔬菜是猴頭菇奶油津白, 醬汁口感順滑, 也突出了猴頭菇的香味, 津白入味但不會糊化. 兩道菜也做得恰如其分, 個人少少意見是如果主菜可以是純肉類, 而不是配搭蔬菜, 這樣兩道菜的對比會更大, 印象會更深刻.

食物質素只係好食少少既茶樓，茶都十分一般侍應唔了解啲食物，問非所答一般高級中菜係可以按件數計，呢度話唔可以價錢唔貴，但性價比唔高最令人欣賞係佢既廁所米芝蓮一星？我覺得唔值，同埋唔會再有下次。

推介芝士焗蟹蓋！啖啖肉，好濃芝士味。食完配上仲2隻蟹型的薑果凍，清清味蕾。無得輸！龍蝦泡飯個龍蝦湯好濃的龍蝦味，加上脆米同配料，感覺好得意。甜品樹原來已經冇咗。換左隻騰雲架霧的天鵝酥。打咭一流

香宮 - 米之連 ⭐️ (eng version below)💕香港傳統老牌中菜廳！💕🌹🌹🌹🌹🌹🌹🌹🌹🌹🌹🌹🌹🌹🌹🌹總共$ 3500~ 人均約$ 1167推介3/5 🙍‍♀️🥹🥹🥹🥲————————————————————————話說團年飯就必定要食中菜！🤘🏻大力推薦菜品🍴🍴前菜： 鹽燒8頭鮑魚 $98/隻唔錯👍 鮑魚煮得剛剛好，好Q彈，入哂味！不過唐閣椒鹽鮑魚先係最出色！🤤🍴主菜1: 掛爐黑鬃鵝 （例） $318隻鵝皮脆肉嫩！🤤，肥瘦均勻！一啖咬落去係油嫩多汁💕 香而不膩⭐️真心值得一試🤓 會encore! 🍴燉湯：烏雞冬蟲草響螺湯 一盅 $428湯好濃味，3大條冬蟲夏草，而螺頭都大粒既，飲完覺得好潤好健康🤓 ⭐️建議同朋友share飲！🍴甜品: 冰花燉官燕 $628係落足量，落足料！每一啖都係矜貴既味道🤓🤤 啖啖燕窩，好吃好吃！食完塊面都滑d😋☀️仲有好好食既天鵝酥💕（見我可愛送的💕）其他～1. 化皮乳豬件 $ 428 極度失望🙍‍♀️極傷心💔極 不推介2. 尖椒蒜片炒日本和牛 $1068 失望🙍‍♀️3. 雞油炒豆苗 $208 正常～4. 薑蔥蠔煲 $368 正常味道～ ————————

時光飛逝🌞🌙如梭...不經不覺上次去香宮飲茶已經成兩年前 今晚朋友請食飯 未出發先少少興奮頭盤 鹽燒鮑魚/極品蜜汁叉燒皇/黃金皮蛋酸薑 叉燒中上水準 不過同頂級嘅比較就有啲距離 鮑魚鮮甜多汁 可惜外層鹽燒脆漿過鹹 只可以畀80分濃湯花膠雞絲羹擔得起濃湯兩個字 湯羹🥣上枱仍然熱辣辣 不失米芝蓮⭐星級身段雞樅菌蘆筍炒蝦球🦐蝦球爽口鮮甜彈牙多汁 雞樅菌獨特香味突出 蘆筍鮮脆 調味火候控制得宜 星級水準👍魚湯星斑片稻庭麵魚湯材料足 湯底奶白香濃 星斑片過火肉質有啲鞋口 稻庭麵幼細欠彈力 加咗烏冬後廚師忘記相應加調味 以至味道偏淡 平白浪費足料魚湯 可惜😔生磨杏仁茶賣飛佛😍 生磨杏仁香濃 杏仁微粒口感極佳 蛋白推得滑溜 甜度適中 養顏之餘齒頰留香😘😘Petit Fours中式糕點 細細件色彩繽紛糕點錯落有致放上金屬樹型支架 基本上每枱都會打下卡咁囉香宮係其中一間我時不時會去飲茶或者食飯嘅高級中菜餐廳🥢 以往環境服務食物一直保持高水準 米芝蓮⭐或者⭐⭐嘅評級一直當之無愧 估唔到隔咗一排冇去 (呢一餐唔可以話佢質素低) 食品有過鹹同過淡 絕對未到我心中香宮嘅高水平 員工殷勤有餘專業不足 每道菜侍應

食呢個餐，我諗做會員真係有啲慣性嘅消費，食完呢餐我諗會比較耐先再返嚟。之前都有同人再嚟，有叫點心同埋一個套餐。啲點心嘩嘩嘩就上晒嚟，但係嗰個套餐逐個餸都等好耐，但係有時諗吓耐冇嚟又再嚟番，今次印象加深，下次耐啲先黎😂次次一個人都會俾人安排喺呢個位，走廊位旁邊嘅侍應成日行嚟行去嘈到死。黑椒同埋鹽嘅腰果，好味係好味，但係唔敢食太多。啲點心好一般，記得開頭幫襯嘅時候覺得佢點心高質，所以之後先有濾鏡成日間唔中返嚟。佢嘅質素就係存在於套餐嘅點心，如果你散叫嘅話質素會好好多同埋大粒啲呢個先過分，好似罐頭撈咗少少蟹肉，勁漿口，完全冇鮮味。真係好似直接倒罐忌廉粟米罐頭出嚟咁，所以呢個淨係食一半。呢個就好似平價酒樓婚宴食到嘅菜式食完個蝦等咗差唔多四個字我出聲追，佢1分鐘就上（吹唔吹到好，佢需要成20分鐘先上另一樣🙃）。咁樣我覺得幾back feeling。呢樣質素好返，但係個心都已經唔開心普通一碟菜呢個甜品高質，冇我唔鍾意食甜嘢都忍唔住食多幾啖。但係整體食完呢一餐係唔飽嘅，返去再買個鳳爪蒸排骨飯🙃可能食晒佢成個粟米蟹肉羹同埋個甜品會飽，但係真係冇乜興趣。同埋呢一餐都冇咩主食。佢設計菜單嘅時候唔會有人整體

好幾年冇嚟香宮食飯，今次再返嚟，覺得食物同服務都唔錯一行八人叫咗好幾樣嘢燒腩仔嘅皮好脆，而且係五層肉，唔錯叉燒嘅肉質就稍為硬咗啲，所以一般般煙燻鱔反而有啲驚喜，不過份量就好細,但係肉質同埋煙燻嘅香味都非常唔錯脆皮牛腩外脆內軟，值得一試蟹肉珊瑚菠菜苗係鍾意食蔬菜朋友一個好嘅選擇，蟹肉係新鮮，一啲腥味都冇整體嚟講味道係唔錯，但係每個餸嘅presentation都唔係太吸引，大部分餸菜主要都係深啡色，如果師傅可以改善一下餸菜嘅presentation，成個體驗應該會更吸引

米之蓮 1 星 ～ 香格里拉～ 香宮 ～黃金炸釀鮮蟹蓋 ： 外脆內軟 😍拆開哂d 蟹肉， 超正蟹肉冬茸羹 ： 鮮味十足極品蜜汁叉燒皇 ： 有咬口， 香甜酥炸田雞髀 ：金香 脆口😍一定要試酒釀南非鮑魚 ： 非常爽口清蒸老鼠班 ： 肉質岩岩好， 嫩滑冬菇羊腩煲 ： 羊肉香味， 不得了香宮甜品樹 ： 白糖糕 ，杏仁餅 very good 😌 楊枝甘露 ： 香甜芒果味， My Favorite 🤣場地豪華水晶大燈， 中國文化濃厚， 服務員態度親切有禮👍🏻我認為， 親朋好友聚會值得推薦嘅地方！Happy night

疫情期間第一次到香宮用膳，試咗招牌炸子雞、叉燒和一些點心，覺得餐廳整體上做得非常好，難怪當時就算有疫情都座無虛席 過了一年多，終於有機會再來這裏用膳，這次叫的是中午廚師套餐，試吓其他招牌菜式侍應首先為我們奉上餐前茶和酒店自家製醬料 第一道餸是乳豬燒味拼盤，老實說當中最高質的是叉燒，剛好半肥瘦，肉質好腍好入味，燒烤火候剛好控制到表面有少許焦香 乳豬非常香脆，海蜇頭都好爽口，不過唔算好特別蟹肉粟米羹：非常足料，啖啖都有蟹肉，另外都有香濃的粟米味，食完非常滿足豉汁蒸大連鮮鮑魚：欣賞廚師的刀工，切咗花紋嘅鮑魚蒸完好似綻放的菊花，火候都控制得幾好，肉質彈牙鮮甜又唔會韌，雖然鮑魚唔係好大隻，但我都滿意收貨牛骨清湯崩沙腩：等咗好耐終於出場嘅菜式，老實說湯底的確好清，食唔到好多牛味的層次，不過崩沙腩係炆得好好，肉質好腍，但唔會散，都夠入味 蝦頭油海鮮炒飯：外表唔算好特別，但我覺得好好食，可能因為係用蝦油去炒，味道好香，另外炒飯裏的海鮮粒份量好多，好想再食多碗秋冬時節，食蛋白杏仁茶這個甜品非常合適，杏仁茶是生磨的，所以好香好滑，加埋蛋白又係煮得啱啱好，食完齒頰留香除了食物質素保持高水準，香宮的裝潢風格非

幾個月前食過一次覺得好好食一直念念不忘佢既龍蝦泡飯早幾日朋友生日想食中菜，我就提議再去食印象中叉燒係好好食，但今次食覺得好淡味朋友最鍾意係醉鮑魚咕嚕肉炸得好脆好好食和牛鵝肝炒飯，好有驚喜不過我最鍾意既都係龍蝦泡飯，必試！栗蓉焗西米都係好好食，不過無影相酥炸牛腩口感好食，不過完全無乜牛肉味第一次食既時候真係覺得係驚艷，好好食但第二次就覺得食物水準無之前咁好食不過整體都ok，食下生日飯服務超好，有個員工係咁幫我地影相，仲話要影到靚為止，哈哈

同朋友慶祝食生日飯，提前一星期打電話去香港。必需要預留蟹蓋、西米焗布甸、超靚叉燒。好彩有留到個炸蟹蓋，朋友見到都開心。成個蟹蓋全部滿晒蟹肉，最少要用三至四隻蟹拆肉，先至填得滿，實在係大滿足。另一個必食推介，就係靚叉燒。味道啱啱好，絕對唔鞋，肥瘦交錯，恰到好處，唔食就走寶。好可惜今次叫咗一個豬腩肉，肥到漏油，食咗一件，俾佢D豬油打沉左，冇晒戰鬥力，即時收皮。叫咗個菠菜，冇乜特別，以後可以唔叫。另外仲有個炸子雞半隻，要三百幾蚊，雖然好食，但分量太細。好彩埋尾，可以食到奪命西米焗布甸，真係值回票價。

I recently had the pleasure of trying mooncakes from Shang Palace at the Shangri-La Hotel, and I must say, they were a delightful treat. I purchased two flavors: the mini hojicha mooncake with red bean, yuzu paste with mochi, and the mini matcha mooncake with red bean, yuzu paste with mochi.The mooncakes had a unique twist with four layers of flavors. The outer layer had a subtle tea flavor, followed by a layer of rich red bean, a chewy and satisfying mochi layer, and finally a burst of tangy yu