香蘭葉

营业中

休息中

去左大角咀晏架街食泰國嘢， 廚師係泰國人 ， 味道又好正宗， 咖哩炒蜆， 燒牛肉 ， 串燒 ， 炸蝦餅 ， 泰式炒椰菜苗， 薄餅， 樣樣都好食，提供嘅飲用水都有香蘭葉嘅味道， 正下次 要再試埋其他菜式

第一次幫襯约一個月前，嗰次味道ok，所以今日專登同朋友再去試吓，叫咗生菜包，青咖哩雞，同翻叫亞仔上次激讚嘅菠蘿炒飯。生菜包清晒，因有啲飽沒叫白飯，不然應該清晒，菠蘿炒飯亞仔話比上次更好食，所以都係清晒。值得一提店主真係服務很好，見小朋喜歡吃生菜，還加多數片。

聽過大角咀好多東南亞小店，仲係當地人處理，所以特登去試吓。今次經過見到呢間店好細，位置較窄，但食物質素係驚艷🥰。如果純粹想食性價比超高嘅泰菜，真係要特登嚟試試。每個菜以為係普通嘢，但每個菜都食都嘩嘩聲，好味到飛天，埋單都係所費無幾，真心推介。最推介係炭燒豬頸肉，首先烤得好香，但最勁係個醬汁，果個酸辣係同其他餐廳唔同，好明顯係細心研制。另外大推咖喱炒蜆，各方面都極度平衡，同埋啲咖喱汁真係超級惹味，我哋忍唔住問店員攞個盒，帶走個汁，真係非常好味。為食一族要試一試。

今日同屋企人去大角咀搵嘢食，搵到一間剛剛開的泰國小館。雖然店舖有點細，但環境是舒適的。主廚是泰國人，食物味道好味。其中推介炒蜆，蜆肉肥美，味道香香辣辣好野味。另外叫左生菜包、燒牛肉、拼盆、燒雞翼&肉碎炒飯，但太肚餓，所以有部份冇影相😅 全部都好好食👍🏻👍🏻