影片
去开大埔, 是但去左间韩式铺食, 顶顶韩瘾先.牛肋骨汤 ~ 汤味浓, 有粉丝底, 仲有白饭跟, 唔错.韩式炒粉丝 ~ 唔会炒埋一pat, 唔太咸, 几好.紫菜饭卷 ~ 呢个好足料, 好似响韩国食果D咁, 好正.
继续阅读
本身想去OPPA烧肉店，系谂过同一条街有两间烧肉店，入错左餐厅 咁既然入错左，唯有将错就错。环境：好整齐，好光，坐位都好宽敞，坐得好舒服。卫生：环境都好干净。食物：叫左一个＄３７８的二人餐。有一碟猪肉拼盘、韩国炒粉丝、韩式炒年糕同两粒雪糕糯米滋。等左五分钟左右，有个「阿朱妈」就一次过上哂。先讲两个熟食啦，韩式炒年糕都偏辣，份量都可以接受，只系嫌佢太多汁。韩国炒粉丝就几香，不过太油，味道都食得落，份量都是普通。猪肉拼盘都比想像多，有六至七块猪颈肉、五六旧腌猪肉，同两大块五花腩。（但除左腌猪肉有腌，其他都无腌架＝ ＝）跟住有一盘菜（得五块= =)但味道都ｏｋ，加辣酱、配菜，都食得过！总括而言，食物质素都ｏｋ，但加埋野食就＄４００，每人二百就好唔抵！！所以唔会再有下次＝ ＝
继续阅读
大埔愈来愈多韩国餐厅，但系我始终都系比较钟意食首尔，可能系先入为主既关系。每次去都要点杂景拌饭，虽然佢系素食黎既，但系有好多𩠌，所以都够饱，啲𩠌有冬菇丝，芽菜，泡菜丝，红萝卜丝，菜丝等，仲有一只煎蛋系上面，将所有𩠌同埋𠮶饭捞匀黎食，啲冬菇丝有酱汁系度再加埋啲泡菜丝真系一绝，只煎蛋又漏啲蛋汁落啲𩠌同饭度，等啲饭唔会咁干，湿湿地好易入囗，食到尾仲会有饭焦，正呀！今次仲叫左牛肋骨锅同泡菜煎饼。牛肋骨真系焖得好林好入味，林得黎又唔会一咬就烂晒，啲萝卜好林同埋索啲牛肉汁好好味，佢仲会跟个白饭同萝卜汤，不过我就用啲牛肉汁捞埋落个拌饭度食，个白饭反而好多时都唔食打包攞走，个汤好细碗，不过我觉得似水多过汤，好淡冇乜味。泡菜煎饼就麻麻地.....佢煎到好薄同好干身，但系就冇乜泡菜系入面，系得少少配料，冇乜口感，好似食紧一个味道有啲咸煎蛋饼咁，下次点个煎蛋饼好过呀！
继续阅读
食farewell 饭，因为就脚，选了这间。一行五人，店舖小，数十张小台，加上当晚我带了一大袋东西，坐得有点迫。可能入座时间早又是平日，七点入座，不用等位，有几台食客，多数家庭，大家都静，显得我地好嘈！讲讲食物，人参鸡汤，人参味浓多小小较佳，刚好分到五小碗。芝士炒年糕，一定要趁热食，否则芝士年糕好快硬。。
继续阅读
野食一般,我地叫咗泡菜炒饭、BBQ set(猪、牛、鸡)配2饭2汤, 泡菜炒饭都几好味,但BBQ set份量少, 牛亦较碎,较一般。但系服务态度超差,尤其系个经理 落单时态度差，食到2:30pm冷气就细到feel唔到,食到出哂汗,仲差过坐大排档 未叫埋单,经理已经好冇礼貌咁放张单喺枱面叫我地埋单,我地都未走就连灯都熄埋,似赶客走,我绝对唔会再去 我地走时仲有3-4张枱嘅客人喺到食紧,就算系中场休息,都冇理由熄哂所有野㗎
继续阅读