餃里 (南昌薈)

营业中

休息中

南昌店餃里點了外賣, 有白菜﹑紫菜和泡菜鮮肉煎餃, 還有小辣招牌撈麵和柚子醋。喜歡有提供柚子醋, 給人高級的感覺, 絕對開胃解膩, 我喜歡它不會味道強酸。這個豐盛套餐加上可口可樂都是大約100元, 便有送餐服務, 相當抵食, 尤其當天下很大雨, 要出門實在有困難, 太感謝送餐員的幫忙, 外賣很快便來到, 還絲毫無損, 相當專業。餃子沒有熱騰騰, 但仍是暖暖的, 吃起來相當暖胃, 好吃。肉味鮮, 沒有肉腥味, 菜類都鮮甜新鮮, 中和肉的膩和油脂, 相當健康平衡。眾多款之中我最喜歡白菜, 因為味道鮮甜, 如果喜歡重口味的話可以選泡菜, 都很好吃。

食午飯時間經開，因聞命已久，所以一試。叫左個湯餃，啲湯淡無味，明顯溝水。眼見衛生情況煮好用手研究甚麼餃子再俾客人。加上員工不停說話無帶口罩，口水橫飛。皮厚但味尚可，可惜食完之後就肚痛又柯。不會再幫襯。

外賣平台 做緊買滿$200半價嘅優惠，所以就即管試試佢。叫咗一個一人煎餃餐同一人湯餃餐，餃子數量有分六隻同九隻。我哋另外仲加咗撈麵同菜心苗。菜心苗一啲都唔苗🤣有啲大棵，同埋口感偏硬，可以再腍少少。撈麵叫咗唔辣，底係用類似上海麵嘅闊面，撈咗柚子醋，味道一般。佢哋嘅主菜餃子，煎餃比湯餃出色，而我哋叫呢兩款嘅味道，煎餃都係好食過湯餃嘅。湯餃個湯底揀咗椰子雞湯，椰子味唔係好飲得出，但係飲到味精味。size嚟講都算大隻，叫9隻嘅話，唔使加撈麵都夠飽。總結而言，如果唔係有半價嘅話，真係喊出嚟🫣

第一次飲這間餐廳的素湯，湯好明顯溝了很多水。很難飲，就像喝了有味的水，十分奇怪。絕對不會再幫襯這間餐廳的素湯。餃子味道尚算正常，不過餃子皮很厚，真的十分飽肚。不會再有，下次幫襯

餃里(南昌薈) 外賣韮菜鮮肉湯餃9隻 $48無花果湯栗子腰果素湯韮菜餃餡好多好大隻，餃皮好實， 唔會一夾就散開👍味道也不會太鹹老火湯實在太正，好似阿媽煲的湯， 感覺冇味精👍 真材實料食過返尋味📍深水埗西邨路19號南昌薈地下S1號舖。

I chose pickup from open rice. It said food will be ready in 15 mins, while I waited for 40 mins to get it.The staff was quite impatient. When I asked at after 30min waiting “hey will it be ready any time soon”, she was like “oh it’s not even cooked”. “Can I ask for cancellation and refund?” “Call Openrice! It’s great that I can pass your order if you cancel it right now”.I quite liked the food here previously. But now I guess I’ll never come again.

久慕大名，幾年前早已聽過餃里個名，餃里都算係香港餃子界入面薄有名氣，喺只有屯門碼頭總店的時候已經聽聞口碑幾好。普遍有講法認為餐廳開分店後會令食物質素下降。現時餃里有七間分店，遍佈港九新界。故是次抱住好奇的心情，初試餃唔餃得掂。「椰菜鮮肉煎餃」(9隻)雖然話係煎餃，但比起卜卜脆，餃子皮咬落去更多既係煙韌。椰菜碎無乜菜味，但好爽口。豬肉餡唔係juicy個種，不過有肉香+鹹度適中。另外醬料配有柚子醋同辣菜脯。柚子醋酸酸甜甜，非常開胃。至於平時只能食十小辣的我，表示辣菜脯超級超級辣，但食得出有浸蝦米香。

煎餃真係好好味！我喜歡香口多汁，餃里餃子完全能滿足我這餃子大胃王的胃口！因為品種多，任我選擇，一次過試足八款。芝士粟米餡好香好滑；清新素餃口感豐富；芹菜、 韭菜、白菜、椰菜、香荽都是my favorite；紫菜也是充滿新鮮感！一次過食唔切全部口味，可以下次再試！南昌薈分店位於V Walk對面，非常方便。店舖位置光猛，衛生乾淨，服務態度優質，感受到食物質素也被提升！價錢超級合理，幾隻餃都吃飽你，哈哈哈，可以叫 *餃飽里* ！ 要做瘦身達人，又想有飽肚感覺，吃餃里的餃子應該係首選之列，食過就會知道。

一個月前食過一次，第一次覺得餡料好足，但味道偏清淡。🙈🙈但一個月後，再食多次竟然發現好食咗好多，餡料嘅比例，肉汁都比之前多😳，煎餃真心出色，食得出冇味精，而且又唔會太油👍🏻真心特別推介咖喱餃和泡菜餃！咖喱餃叫咗煎餃，一咬落去即刻爆汁，男朋友件白色衫都污糟咗🙈🙈建議大家食嘅時候小心啲而泡菜煎餃就辣辣地，菜同肉嘅比例一半一半，相對比較開胃唔太滯😝而且價錢方面都算公道，女仔食六粒已經好飽肚，有餃子癮嘅絕對可以一個星期食一次🤣🤣

第一眼望落裝修簡單大方 落地窗嘅陽光光猛舒服都好快手就搞掂可以拎外賣當然 最重要嘅緊係食物 餃里的餃子真心好食!我叫咗九隻韭菜鮮肉湯餃配老火椰子豬骨雞湯加一份辣菜脯 湯底唔錯 食到中間 加埋菜脯再調一調味 湯都飲左大半另外朋友仔叫左一份紫菜鮮肉煎餃🥟煎餃味道比較出 鐘意食重味啲 煎餃就必試不足方面 就覺得飲品方面選擇唔係太多 希望之後再加強當然味道好主觀 但事實上住附近日常之選嚟講真心唔錯行開附近 買完餸買埋番屋企簡單開餐食個lunch 順手支持下手工餃子 整體感覺80分 可以再試其他味

見有新餃子店開，平時行過路過都見到有唔少個等，咁啱今日唔知食乜好，就試下呢間餃里啦😋我叫咗一個紫菜湯餃麵配蕃茄湯 ，滿心期待，都等左成二十幾分鐘，應該慢功出細貨啦，即管耐心等待下啦。😁紫菜湯餃麵配蕃茄湯：湯好清新夠晒清淡，戒口減肥好幫手；麵條粗大好軟淋，無牙婆食好一流；紫菜餃足料飽滿，皮厚料爛無得彈。食到我好飽，但我真係唔識欣賞，呢個價錢唔係好明點解咁多人幫襯呢，呢個價錢比佢好大有人在，應該無下次了😭

新店開張，特登買黎試一試，椰菜湯餃，餡太少，肉質太散，對於呢個價錢黎講，性價比有點低。相比起椰菜湯餃，韮菜煎餃較為好食，韮菜都夠多，亦都有香口。但價錢同食物質素唔成正比，有待改善。