餃掂手工餃子雲吞專門店

营业中

休息中

👧🏽👩🏽今晚和朋友經過一間餃子店，傳來陣陣香噴噴的氣味，便入店舖試一試不同餃子的味道！🥟🥟🥟🥟🥟🥟🥟環境：使用明亮而柔和的燈光……讓人感到輕鬆愉快。裝飾：牆壁上掛著一幅各色各樣的餃子圖，增添不少文化氣息。裝修：木桌連卡位梳化，排列得舒適整齊，讓人感到放鬆聚餐。😬🥟😬餐牌：整體餐牌設計簡潔易明，附上美味的圖片及價錢，讓顧客更容易作出選擇。芝士軟心煎餃十隻 ＄69餃子外皮金黃酥脆，經香煎後，餃子邊微微焦香，非常吸引。內部充滿濃郁的芝士，柔軟滑順，咬下去時，芝士流出，口感與餃子有完美結合再配搭醬油或辣椒油，增添風味。韭菜餃子麵6隻 ＄57用韭菜和豬肉為餡，外皮薄薄，煮熟後香氣四溢。麵條則滑順，吸附著餃子湯汁，讓整體口感更加豐富。雲吞麵12隻 ＄52主要由細麵條和雲吞組成。雲吞包裹著肉餡的餃子，外皮薄透，口感滑嫩。麵條煮得剛好彈牙，與清淡鮮美湯底非常配合，令人回味無窮。四川凉皮 ＄33透明嫩滑的小食，透明晶瑩的粉皮有嚼口，配以香葱、辣椒油、麻油及花生粒等調味，風味鮮香，深受喜愛。凍蜂蜜檸檬薏米水 ＄20一款清爽健康的飲品，色澤清亮，味道酸甜可口，不但消暑解渴，還有助美容及排毒。適合夏天飲用，清

今日同閨蜜👭上環半日遊去海味街補貨，拎住大袋細袋又撞正落雨☔️，就簡單來個輕便晚餐🥣見到附近有間餃子店就衝咗入去。估唔到呢餐都唔係簡便，食到我倆抱住個肚出嚟。皆因佢哋嘅餃子真係好出色。環境與服務店內以木系裝潢為主，柔光搭配卡座沙發，營造出溫馨的家庭感。店員姐姐主動提供免費酸蘿蔔小食（酸甜爽脆，特別開胃🤤）而且好詳細介紹佢哋店中嘅招牌菜同湯底做法，態度親切。 當日我哋就試晒佢兩款嘅招牌菜1. 龍鳳松茸餃（湯餃）$138/12隻（大） - 湯底以「狀元九鼎湯」為基底，粉葛、鯪魚、鯽魚、紅蘿蔔、扁豆、赤小豆、新會陳皮、蜜棗、鮮排骨等熬製，色乳白帶稠感，入口清甜有回甘。 - 餃子以黑白松露比賣點，黑松露香氣濃郁（白松露款較淡），豬肉餡混入松茸粒，咬開爆出菌香與肉汁交融的鮮味，外皮薄而不破，盡顯「菌中之王」的奢華感。 2. 香煎軟心芝士餃 $58/7隻 （中） - 金黃脆底＋柔軟麵皮，雙重反差！內餡是半溶車打芝士混合粟米豬肉，輕壓即爆流心芝士漿，奶香濃而不膩， 配以蘸少許辣椒油提味，中和芝士厚重感，邪惡度滿分！ 3. 黃金原味皮蛋 $ 30 - 溏心蛋黃如琥珀

愛吃餃子的我，今日專程嚟到餃子專門店，首先來一碟至尊松茸餃，松茸香氣獨特，好似帶森林木質嘅香味，味道鮮甜濃郁，被視為「菌中之王」。松茸+豬肉餡混合，菌香同肉汁交融，咬落爆鮮。餃子皮透薄，包裹滿滿松茸粒，每一啖都係享受。 另一款，元貝豬肉餃含有元貝，鮮味極濃，豬肉餡油潤，鮮味層次提升。元貝絲嚼勁十足，豬肉嫩滑，一軟一韌好過癮。 蒸煮時元貝精華滲入湯汁，餃子咬開會爆汁。 仲有香煎軟心芝士餃，特別嘅邪惡拉絲，內餡用半溶芝士，煎香後切開有「流心」效果。仲有雙重脆感，餃子底煎至金黃脆皮，頂部保持柔軟，外脆內軟。 小食黃金皮蛋具有獨特風味，皮蛋（松花蛋）經過鹼化，蛋白如琥珀，蛋黃流心帶溏心，味道醇厚微澀。口感奇妙，我蛋黃綿密creamy，蛋白Q彈，配薑醋更提鮮。 配合飲品山楂雪梨水，清新解膩，山楂天然酸甜助消化，雪梨清潤降火，飯後飲超舒服。靠雪梨+冰糖熬煮，無添加糖，酸甜平衡，開胃消滯，適合搭配濃味餃子或煎炸食物。

鮮味爆棚餃子盛宴主打手工現包的「餃掂」，餃子皮薄餡靚，驚喜配搭盡顯心思！ 至尊松茸餃湯 松茸湯底鮮甜菌香濃郁，餃子咬開爆肉汁，松茸與豬肉比例完美，養生之選； 元貝豬肉餃子 乾貝鹹香提鮮，與豬肉碰撞出海陸風味，彈牙餃皮加分！重口味必試 四川涼麵 ，麻醬辣油香而不嗆，酸辣開胃，清爽。 蜂蜜檸檬薏米 冰涼解膩，薏米軟糯帶微酸，飯後一碗超滿足！整體食材用心，湯餃配涼麵冷熱交替層次豐富，人均$100左右物有所值，回頭率超高！

最近知道<餃掂>開了不少分店，而他們的餃子水準，真的保持得非常好，所以自己及身邊的同事們都好喜歡吃，如果想吃煎餃或者湯餃，好多時都會選擇這一間，因為餃子夠大隻，一定吃得飽，而且價錢亦都非常實惠。<至尊松茸煎餃>這款至尊松茸煎餃，煎得個底好脆，入口豬肉餡料勁多，每一隻都大大隻，而且還帶有肉汁，香口又好食。<元貝豬肉餃子拉麵>元貝豬肉餃帶有少少元貝海鮮的味道，每一隻餃子都皮薄餡料多，肉質鮮嫩，配上幼身拉麵，感覺非常滿足。<四川涼麵>四川涼麵配上特製花生麻醬，而且還有青瓜作為配料，入口微辣，並帶有麻香，值得一試。<山楂雪梨水>吃完餃子和拉麵，來一口雪梨山楂水，感覺清甜又滋潤。上環這家小店地方不算大，晚飯時段，人客亦都不少，所以有機會搭枱，小店的餃子大隻又好吃，價格親民，難怪客似雲來。

去到上環 想食手工餃子我會諗起呢一間。呢度啲 餃子隻隻都係精心烹調製作， 睇得出係手工餃子。首先我叫咗一客 12隻 手工 軟心芝士餃子， 軟身芝士餃子裏面有新鮮豬肉， 有粟米 混合芝士的味道 非常之好味惹味。外皮煎到脆卜卜， 一旦咬落去肉質鮮 美。蜜糖小雞翼 雞翼好入味 甜甜地瞓愛惹味。雞肉肉質 新鮮美味， 新鮮雞肉鎖住肉汁。外表煎到金黃色香脆。最後叫多一杯 溫暖的豆漿 來中和一下口中的有份 餃子大大隻 食一 客已經好飽， 我幾鍾意食呢一間餃子 ， 佢哋全部都係認真製作。

想坐卡位，見佢已有一張枱放左留位牌，他們叫我坐側邊的位置，因為位置太窄，而我朋友又未到，所以我出門口等，見到佢哋啱啱卡位有兩個人走咗，我就入去坐，佢唔俾我坐，話未齊人，坐喺側邊張窄枱等住先。咁我話唔使，我行咗出門口等。之後，有人買外賣，坐咗我想坐嗰張卡位枱等，佢又唔出聲，呢啲服務完全冇從客人嘅角度去睇～ 因為朋友想食，我自己亦都試過中環嗰間，所以當我見到又多張卡位空置了，我就入去準備坐，點知服務員又同我講，你朋友未到，就坐住側邊（窄位），我碌大隻眼望住佢，佢同我講呢個係四人坐的，如果有四人來，就要俾人先，當刻，我很驚訝！如果他之前對我說清楚，這個卡位是四人座位，若然有人，可能我需要掉位或被搭枱，我絕對會接受，成個服務體驗亦都會好唔同。而且呢個唔係繁忙時間，我走嘅時候，望返入去，咪就係仲有兩張卡位未有人坐，其實唔明白點解呢位喺櫃檯裡面四眼服務員做乜咁執着! 而且完全冇笑容，得一副好認真同惡嘅表情。之前見中環店，有創辦人的提字，話唔好被情緒控制，我當刻認同的，不過當服務員唔識理解及同理客人嘅情緒，而且完全唔識表情管理，只係控制客人揀咩座位，最後都係得失客人！真心講，入去呢啲店都唔要求太多，

餃掂去到邊都見得多，之前食過太子嗰間，水準唔錯，今次食下上環呢間先佢哋最近有呢個酸蘿蔔賣，每一枱都可以免費食呢個酸蘿蔔，我個人覺得幾好味，比較開胃。入邊仲有啲青椒紅椒，啱做appetizer!我哋叫咗一份煎餃、一份湯餃一份香煎軟心芝士餃（煎餃x7隻）推薦俾鍾意食芝士嘅朋友，真係有驚喜㗎，你只要撳扁啲個餃子啲芝士醬係不斷咁咇出嚟，入邊仲有粟米同豬肉，有濃厚的奶香味，正！一份芫荽餃（湯餃）哩度既湯餃係用舖頭好出名嘅湯—壯元九鼎湯的，配方相當講究，包括粉葛、順德活鯪魚、香山活鯽魚等多種新鮮材料，湯都比較有稠感，少少結結地，其實味道都比較清淡，少少甜甜地咁。入邊嘅芫荽餃都好足料餃子，主要係豬肉同埋芫荽，我自己就鍾意呢個多啲！叫埋個回味手帕青瓜做小食，，清脆爽口，微辣，好開胃。叫左山楂雪梨水，凍熱各一杯，好解渴，而且山楂都幫助消化，好飲又健康呢度店員嘅姐姐都非常之好人，會主動叫我試食吓啲酸蘿蔔，又會細心喺我問嘅時候解答我個湯係咩嚟嘅環境都唔錯，不過最近好似樓上裝修緊，個位置有啲難搵.

足料製作好味餃子店！餃掂手工餃子雲吞專門店 主打每日鮮製手工餃子🥟口味款式多！餃子🥟皮薄餡料足！有灼餃/煎餃選擇🤩今日來開上環！即刻叫左粟米豬肉餃併韭菜豬肉餃✨煎餃✨煎到金黃香脆！入口餡料多汁至尊松茸餃✨灼餃✨松茸味出跟有自家煮狀元九鼎湯！飲落好清甜有蛇果、無花果、淮山、生魚同豬尾骨足料鮮熬飲品都係自家製！清熱解渴🍐山楂雪梨水🍯蜂蜜檸檬薏米水惹味唐芹伴豆筋～口感豐富微辣惹味除咗餃子之外，仲有多款重慶雲吞、涼皮、涼麵下次試吓先！

最近我去上環，因為之前喺其他分店食過都覺得好好食，所以就再encore多呢一間。今次我們點咗龍鳳松茸湯餃、野生松茸煎素餃，還有一份上湯松茸時蔬，飲品方面則選了一杯冰涼的蜂蜜檸檬薏米和一杯熱的自家製山楂雪梨。整體來說，餃子皮薄餡美，同埋都偏大隻，堂食的時候還有醃蘿蔔可以搭配，並且提供了兩款不同的醬料供我們選擇，我自己就最鍾意佢嗰個嘅菜脯辣醬。首先，龍鳳松茸湯餃，咬落去肉汁四溢，湯底鮮美，完全唔係味精湯，唔會過於乾身，搭配上松茸的香氣，真係好濃郁嘅松茸味。至於野生松茸剪素餃，口感依然香脆，餡料豐富，入面有唔同蔬菜，健康又美味。

呢間餃子店都有好多分店，本身公司附近都有一間，不過每次午飯時間都一定大排長龍，今晚難得嚟到上環附近又見到佢冇人排，於是就入左去食，不過都係要搭枱，睇嚟呢間餃子店都似乎幾好食咁。眼見大部分嘅客人都食湯餃，不過我本人比較喜歡食煎餃，於是就叫左香煎芝心餃10隻再加一碗狀元九鼎湯。芝心餃煎得好香脆但又唔會太油膩，入面有滿滿嘅芝士同粟米，一啖一滿足，佢嘅芝士好好食，值得一讚！！不過湯就比較淡味，而且冇湯料，感覺好一般。

星期六有事到上環，想吃煎餃就試吓呢間「餃掂」，兩個人叫了兩款煎餃、一碗湯、一支雪梨水，分量剛好。香煎軟心芝士餃（7隻，$58）有粟米粒，少少甜味加芝士咸香，幾特別，可以一試。壽喜燒牛肉煎餃（7隻，$58）牛肉有肉汁，壽喜燒調味很好吃，幾有特色，兩款我比較喜歡這款。狀元九鼎湯（$22/碗）見係去濕湯先叫，粉葛味淡，魚略腥，不推薦。自家制山楂雪梨水（$28/細支）店員自動拿2個杯，加分！細支足夠2人分，味道唔錯，推薦！除咗主角煎餃之外，佢嘅菜脯辣椒醬亦都係必試！我本身唔係食得辣，但係呢個真係好惹味只係小小辣，正！仲有酸蘿蔔都好好味！這家是連鎖店，味道唔錯，如果路過其他分店應該會再去食煎餃的。

一直有食呢個品牌，經過上環買個外賣湯餃，晚上7點，個湯水一樣！超失望，差到唔會有下次。無湯就唔好溝水啦，佰幾蚊買個滾水餃，衰過出面啲例水，我會介紹比朋友，千祈唔好食呢間。

聽講呢間野D餃真係好正，今日終於有機會試到。我地二人同行，叫了一份至尊松茸餃，中Size，要了煎餃唔放湯，另一份就點了大Size的元貝拼芫茜餃，一共盛惠$155，個價錢都幾堅。煎至尊松茸餃一份就有8粒，Size都算大粒，塊餃皮煎得啱啱好，少少燶但係又唔會Over晒黑晒，其實佢真係煎得幾靚，而煎咗又真係幾香，都食到有松茸味。大碗的湯餃目測有10粒，食完都米話唔飽，D餃入面嘅餡都幾新鮮，雖然貴就貴D，不過佢嘅質素真係唔錯。

今日經過上環, 發現咗有一間專食餃子嘅餐廳.佢有好多種餃子可以揀, 可以湯上或者煎餃.聽講煎餃好食啲, 所以我就揀咗煎餃, 煎餃就比湯上貴幾蚊.寫住如果嗌煎餃就因為係即煎, 要等20分鐘, 為左好食, 我都可以等一陣的.不過結果都唔使等20分鐘就有得食！我問店員邊隻比較受歡迎, 佢介紹咗韮菜餃, 所以我就跟佢嗌咗10隻, $61.佢煎得外脆內軟, 熱辣辣, 滿滿的餡料, 一咬d汁噴到周圍都係, 嚇左一跳, 都幾好食.但我食7隻(小份量)應該夠了, 因為10隻好飽. 好彩早到左, 我食完見外面好多人排隊.