餃子駅 (太古城中心)

营业中

休息中

我今天嘗試了餃子駅——這個地方很乾淨，食物也可以接受，所以至少值得嘗試一次。我點了京式炸醬拌麵，但醬裡有很多肥豬肉，看到都唔想再食🤢 ，見到都唔想食，大打折扣，未見過炸醬麵咁多肥豬🤢，簡直淡淡肥豬肉。我還嘗試了蟹后蟹粉豬肉餃——它們是按訂單蒸的，半透明的皮和豐盛的餡料看起來非常吸引人。 但裡面沒有多少蟹粉蟹，味道也不出眾，不建議order，而且價格較貴，不值這個價錢。相反，吃番普通的韮菜豬肉餃會好得多。

本身唔係響OpenRice寫開食評嘅人，但係今次真係忍唔住要寫….今日行經太古城，見到呢間裝修亮麗仲要都幾多人排隊食嘅餃子，咁諗住應該冇乜問題，見佢餃子口味都幾新鮮，有一款叫紅菜頭去皮雞肉，好似聽落幾健康，就諗住外賣試吓，點知真係中伏！！😖😖餃子皮已經係用包小籠包嗰種尺寸 ，裏面啲餡完全少到不能再少, 而且食落冇口感好似食糊仔咁，價錢仲要唔平$51八隻扁踢踢嘅餃子….. 講真仲衰過超市買嗰啲急凍餃子。臨走仲留意到包餃子姨姨一路撳電話電話一路包餃子，衛生問題值得探究，總之真係冇下次！！！

一入去坐低，無端端初二流流辣椒油噴射！全場一半人無論衫褲鞋襪都中招！一句唔好意思大晒！仲要屈你收加一！食物垃圾，用機整搞冇問題，但係一啲誠意都冇係難食！豆漿甜到過份！其實全間鋪既客都遭殃，嗰兩位店員一啲表示都冇！不知所謂！比張濕紙巾你自己抹，但係辣椒油囉！濕紙巾抹走啊！仲要係紅色㗎！！！其實初二係咪真係想開年呢？如果你想去開年就去間舖頭食啦！成個太古城最垃圾嘅一間食肆！永無下一次成個集團都唔會去啊!

酸辣湯唔太辣但係好鹹好鹹叫左兩個湯麵一個拌面拌面食落都還好 未到食唔落肚個兩個湯面岀曬事 好似食緊漿糊咁真係成pat面 再加埋擔擔麵啲麻醬真係岀曬事成個面漿住曬 好難食 完全擺唔到入口有同侍應姐姐反映過啲面唔多好食但係侍應姐姐好有信心咁話我哋啲面係咁架啦有一說一啦 啲餃子係ok嘅(｡ì _ í｡)煎餃上枱嘅時候起碼係熱嘅 有肉汁嘅(˶‾᷄ ⁻̫ ‾᷅˵)烚餃咪就係普通烚餃子囉 啖味左少少成餐飯唯一最正常嘅係啲嘢飲 豆漿可以嗌(´･ω･`)

難得附近有餃子店，冇睇清楚原來Openrice咁多負評。第一次食好失望，味道本身已經好一般，個昆布粟米湯麵係味千拉麵feel，性價比低，仲要食到一半先發現麵入面有頭髮，一定唔會再去

今日呢間餐廳食咗好多次,佢個下午茶超級抵食,仲要免加一服務費😁 叫咗個 酥炸豬扒拉麵跟一杯嘢飲. 豬扒新鮮即炸,外層個皮好薄好脆,肉 質鬆化.湯麵都係即叫即做,上枱熱辣 辣. 麵質彈牙有咬口.飲品叫咗熱柑桔蜜🍹下午茶: 酥炸豬扒拉麵 +飲料 $38下午茶供應時段: 2-6pm 我 3:30pm ,唔需要排隊

餃子駅在太古城中心的3樓，扶手電梯旁，容易看見。點了套配A- 酥炸排骨湯麵跟6隻餃子，另加配酸辣湯，昆布粟米湯麵，時菜酥炸排骨湯麵 份量夠，排骨ok外脆内有肉汁素菜餃味道ok酸辣湯味道不算傳統、不算好辣、是偏酸昆布粟米湯麵其實即是配酥炸排骨湯麵的湯麵一樣，只是沒有跟那碟酥炸排骨，味道和麵質都ok。健康時菜是菜心，份量少一點，有一兩條是有點苦。總括來說性價比高，乾淨企理，不過不失，上菜快，食物質數對得起價錢

擔擔麵 配 韭菜豬肉煎餃 加熱豆漿 $85擔擔麵麵條爽滑彈牙，湯底鹹香濃郁超惹味😋而且唔會太辣，幾啱香港人口味👍🏻上面配以肉碎同花生，食落口感好豐富🍜餃子煎得啱啱好，皮薄而且煎到脆卜卜，入面啲陷料好足🥟而且好香韭菜味，雖然餃子係煎嘅，但依然keep 到入面好juicy，我眨下眼就食哂6 隻🙈原來啲餃子全部都係係分店現場新鮮包制，唔怪得知咁好食啦🤤🤤見餐廳仲有其他特別嘅餃子，下次要再嚟試試佢🤩

這間在太古城中心已經營業了有一段日子，一直沒有去過。今天下午入去試一下，怎知就中伏！叫了一個$89套餐，選了炸醬麵、韮菜豬肉蒸餃及一杯酸梅湯。炸醬面先來，放下在我面前已聞到一股肉類的雪藏味道，我先試一口麵，其實面質不錯，但那股經冷凍後的雪肉味，真是令人大倒胃口，是我有史以来在香港吃過最差的炸醬麵！韮菜餃味道還可以，但不特出。酸梅湯就只是一般樽裝貨式而已！之後上開飯網看食評，唉！原來差評已不少！早知去附近食快餐好過！

年初六下午時分叫咗個酸辣湯套餐上枱嘅酸辣湯好明顯一啲都唔熱食落去好似擺咗喺溫室好耐咁嘅溫度之前幫襯幾次，萬事都唔會咁望吓啲侍應，佢又覺得好似冇乜嘢咁好心做餐館唔好做得咁冇質素上枱嘅食物可以唔熱嘅都得叫佢整返熱之後碗湯個樣又唔同晒由酸辣湯變咗酸辣水咁嘅樣真係一啖都食唔落快快食完個餃子連豆漿都唔想飲就想埋單做嘢咁求其再幫襯佢都好難同店員反映其實以後下午都唔好叫酸辣湯餐，因為啲酸辣湯一啲都唔熱就上枱“佢話我已經有煲返熱”講真，呢啲嘢係最基本嘅要求根本就唔使搞到咁

少有地晚飯時間喺太古出沒，唔想食商場連鎖店，記起有間餃子店，諗住餃子比較少中伏..叫左酸辣湯，十隻煎餃，連飲品，$95酸辣湯，一上枱，好稀😑一聞落似碗仔翅，一飲落味道一言難盡……味道方面，欠缺左啲咩我講唔出，不過攪唔勻我就好肯定，飲到最底先超多胡椒粉….最後幾啖筍味好重。係我咁大個人飲過最奇怪嘅酸辣湯（唔話佢難飲我覺得已經好厚道…）煎餃，唔係一般嘅形狀，唔緊要，肉餡咬落冇肉質可言，唔乾，不過係多油，唔係肉汁。芹菜唔香。脆嘅。飲品正常，感動🥲

因為食飯時間有限，所以揀咗一間可以容易啲入口的餃子店進餐。我哋一行三人到達店裏可能12點嘅關係，未係最繁榮嘅lunch time時間，所以即刻安排入座。我哋嗌咗三款餃子，包括煎京蔥羊肉餃，蒸蟹黃蟹粉豬肉餃同埋煎松露豬肉餃。（呢度嘅餃子係可以揀煎啦同蒸仲可以揀湯餃。）京蔥羊肉餃咬開充滿着驚蔥羊肉嘅味道有羊肉嘅香味，但係冇羊肉嘅蘇味，可以滿足到喜歡羊肉嘅人，算係好濃烈嘅羊味。蒸蟹黃蟹粉豬肉餃呢個咬開都有蟹粉味，算係濃烈因為食完個羊肉餃之後都仲食到蟹粉嘅味道，我同事第一嚿就食呢一個蟹黃蟹粉餃，所以佢覺得個口係充滿蟹粉蟹黃嘅味道。松露豬肉餃咬入口口已經充滿着松露嘅味道，你仍然都會覺得好滿足，三款餃子都咁濃烈，但係食三款餃子嘅時候都食到佢嗰個主題嘅味道，所以我哋呢間店係一個好高嘅評價。咁說實話，佢嘅價錢係比較偏中上如果好似lunch淨係食餃子都要七十幾$80只係得六隻餃子係有啲貴嘅。我哋仲加咗酸辣湯係好酸嘅味道，如果鍾意酸應該好開心，但係佢就算係比較稀唔係好濃嗰款。叫做食餃子嘅時候有啲湯水冇咁乾口。可能我冇乜期望嘅關係，所以我係幾滿意嘅一餐餃子加上我本身好鍾意食餃子，推薦俾大家。

晏左少少出去食lunch, 見到唔洗等位就俾個機會試下啦。叫左個中午限定套餐，有一款麵食，一款6件餃子（+$6 轉煎餃）同一杯野飲。麵食當中揀左雪菜肉絲，碗麵一嚟到就見到好厚既一層油，即係如果放凍左，面頭係會有一層白色油嗰隻。再食一啖，好咸，再者，個麵底有兩「主」都拿埋一舊，好似曾經煮過再整熱咁。成個麵真係唔係好合格。煎餃，曾經食過一d好出名小店既作品，呢間真係普通得好普通。

本身自己好鍾意食水餃或者餃子，見到太古有一間未見過嘅餃子店，即刻入去試吓。門口有推廣下載個太興app去攞迎新優惠，原來呢間餃子駅係太興集團旗下。餐廳原來可以用QR code自助叫餐，開頭唔知道叫咗侍應過嚟，之後自己發現到原來可以自助點餐，持應就轉過身走咗😅😅😅完全冇行業應有嘅態度⋯⋯叫咗個10隻餃子套餐，加咗$19換酸辣湯，於是就叫侍應拎兩個碗同朋友分享，點知個碗污糟到呢⋯⋯叫咗兩款水餃，分別係韭菜豬肉餃給帶子水餃$6X/10隻mix，價錢都算實惠，味道就一般般，外貌唔係好吸引，都係啲味精水餃。酸辣湯就比較辣，唔食得辣嘅朋友就未必可以揀啦。

這是我平生第一次寫食評.  因這次遭遇, 後悔不早預覽Openrice 而中中伏, 感Openrice 的確有參考價值, 立刻登記開戶, 以作警戒： 慎之,慎之.當天與友人在5:50pm 入座, 只有客人一二, 選擇了卡位. 點了兩個套餐(因只有套餐): 豬扒麵, 雪菜肉絲麵, 牛肉芹菜和韮菜蒸餃各一,豆漿, 柑桔蜜. 大概在6pm後客人漸多, 20分鐘後友人完成了她的晚餐, 我還有大半杯桔蜜和餃子一整隻在盤子裏, 心在想著硬硬的雪菜還卡在食道咽喉處, 有點消化不了,還要吃下那餃子嗎?  但待應大嬸已箭步到桌旁, 收起友人的碗碟,站著不動看著我和我的餃子!!!我感奇怪淡淡的問: 你想趕我走嗎? 回答又是淡淡的: 不是. 但大嬸還是和那些碗碟站著在旁不動, 氣氛異常兀突!!! 喝了口如淡開水的蜜,猶豫了一會, 轉身結賬離去. 共$178 . 店內幾近全滿,門外沒有在等候的客人.