影片
食家推介
下午茶时间～试下依间饺子店先～自助醋、酱油、辣椒油方便使用酥炸排骨汤面～面份量少都算弹牙～少量粟米粒、海带片～昆布粟米汤底有色冇味～食面汤底好紧要～酥炸排骨切开4嚿～好干冇乜味～似系炸咗好耐红菜头去皮鸡肉饺昆布粟米汤面～有12款饺子可以选择～猪肉、鸡肉、羊肉都有～红菜头去皮鸡肉饺子几特别～红红地其他饺子店冇嘅～味道够不过好少肉～4大嚿饺子煮得刚好皮唔会烂跟餐罐装太兴奶茶几好饮～热柚子蜜正常味道唔会淡
继续阅读
开工饭谂住食好啲，见佢有少少人龙谂住应该不俗，点知真系今人失望！夹埋同枱叫咗三个餐，坐足大半个钟先上齐第一个set，大佬你估你做fine dining?同事order酸辣汤set，一上枱就得番半碗都无，系咪有人负责试饮试食定试毒？啲饺子真系似即叫即整呀，等咁耐，应该系由搓饺子皮开始啦，难为班姐姐俾人问到口哑。特别个粟米芝士饺，重伏咪食。成餐饭最正系太兴罐装奶茶。唔明哪来自信自称饺子駅仲收咁贵！！！咁难食点解有人龙？因为要等啰。
继续阅读
今晚同呀妈去咗宜家家私睇咗椅之后揾咗呢间野食晚餐。我哋简咗晚市套餐 炸猪扒汤面配六只 红菜头鸡肉饺子 同埋 雪菜肉丝 配六只韮菜猪肉饺🥟炸猪扒汤面正常发挥，炸猪扒皮薄白色肉感觉用料算新鲜。但两款饺子红菜头鸡肉饺，如果唔加醋会冇乜味而且卖相唔太好🙈而韮菜猪肉饺，如果唔加醋会食到猪肉果种腥味🙈而且饺子皮唔爽口可以简煎饺会好少少，但胜在价钱低 两个餐包饮品都系$178👍🏻
继续阅读
这店就在商场顾客服务台旁边，人流多的，这商场，食肆的黄金期只有午餐时段，然后就⋯⋯我在超市血拼完后，已经是两点多，午餐没吃，都应该来个下午茶吧！看见门口的展示，下午茶是$38！（原来上次吃是四十多元，汤底有不同）这次安坐后，服务员在附近，我就直接跟她点餐。（最讨厌手机落单！）服务员亲切有礼，解答疑难，精准。落单后，我观察她的活动，手脚麻利，还在带一个类似暑期工的少年做事。饮品、饺子送到。今天是昆布玉米汤面。两种饺子是芹菜猪肉和虾滑带子椰菜。猪肉饺子好味道D。这个价钱，我不会有过份要求。质素、份量、味道，我完全接受。没有投诉。在megabox一个人要找点吃的，这里是个好选择。
继续阅读
唔系第一次食，一直以来炸猪扒都中规中矩，尚算足料。今次叫咗两个猪扒餐，第一份送过黎嘅时候，甩头甩计仲有啲红色，问职员换，佢都肯帮手，随后第二份炸猪就送到喇，同以前一样，无问题。好喇好喇，叫佢帮手换嘅送返黎喇…由本身切得开6件嘅…变成4件。有图有真相！我都嬲到费事出声，原来佢就其拎走两件比返我！咁就当无嘢？！跟著经理行过话帮我重新炸嘅，真系唔该晒，我比返张相佢对比，话唔洗换返比我，问良心啦，唔会再帮衬！
继续阅读