餃子坊

营业中

休息中

We wanted to go to another place at Lo Tak Food Court, but it was too busy. So went for Wonton and Dumplings.First which jumped in our face was the wrong English translation of the menu. For instance it’s written „coconut dumplings“ or „Yuen“ instead of Hong Kong dollar.We ordered wanton and different kind of fried dumplings. The wonton were small, but totally appropriate considering the amount and price. The dumplings and wonton were tasty. The dumplings were juicy. The soup was not so strong.

原本想去嗰間餃子店執咗，見到附近有間叫「餃子坊」，就入去試吓。入到舖已經聞到陣陣up味，堂食又全用紙碗紙碟，扣分，但諗住快食快走，都照坐低。叫咗香菇豬肉餃子，食落去完全食唔出有香菇，似係普通豬肉餃。食食吓先發現叫咗七隻，但嚟咗十隻，職員同時行過嚟問我係咪叫七隻，我話係😅請問要唔要比返你？佢冇講嘢就走咗。賣單時，我諗住比八達通，個女職員話八達通機壞咗。我話前面個位先生啱啱係比八達通喎～女職員即刻發晦氣：「我頭先已經蝕咗$14比你啦，你十隻都食晒啦。」明明係店員自己送錯單👉🏻👈🏻，但語氣極差，令人覺得極之唔舒服。唔會再幫襯，唔推介 ❌

入到去本來都覺得有啲後悔啲枱冇乜客但係幾張枱都未執印象都已經麻麻地叫咗韮菜同椰菜煎餃等咗廿幾分鐘未有想催單個老細話煎餃要等然後見枱枱都有得我冇佢先發現自己冇落單我問佢係咪冇單佢仲要講大話話有「粟米牛肉餃丫嘛 有單架」我都冇叫過粟米牛肉跟住我話走佢又話好快有又話煎餃係要等好耐浪費咗我45分鐘 唔幫襯 離譜

甚少寫食評嘅我，今次係因為好耐冇喺香港食過一間咁有質素嘅餃子店所以特登影咗幾張相上嚟寫食評，都因為唔想呢啲咁有質素嘅小店執笠，希望大家睇到會支持下！今次係叫咗兩份煎餃一份湯餃，煎餃有竹笙煎餃同埋牛肉煎餃，兩款餃都皮薄香脆，特別係牛肉煎餃個人覺得味道香濃，好好食而湯餃我叫咗個芫茜豬肉餃，味道好清新，特別係個湯底，瑤柱味好濃，飲落好似屋企住家湯咁，無味精，好想再飲，而且飲完都唔會覺得口乾口渴！

今日黎到呢到食煎餃，點知10隻入面有5隻係生嘅。生到豬肉係粉紅色，皮係拉絲，仲有啲麵粉係上面添😇。咁我就首先同店員講，請佢重新整過唔熟個幾隻比我啦。過咗陣，有個態度好友善嘅姨姨一行過嚟就話：「唔係喎！熟架喎。」結論係 如果大家想要清清腸胃又想受下氣嘅話可以黎try try

之前食過一次餃子，正正常常，但好似愈做愈差咁。諗住收工叫碗雲吞食，一路等緊碗雲吞，一路聽店員sell客，都明，市道差要sell下，但由我入門，點餐到食完雲吞，全程食野就係聽住佢對客sell餃子好好食，辣椒醬好食，我地有賣，可以買返去食……確實有啲煩雲吞嚟到，有啲5毫子大，有啲1毫子咁細，食過咁多雲吞呢間最細，味道正常，但真係太細粒啦，食完一啲都唔滿足另外唔知點解豬肉嘅顏色紅紅地？平時食啲餃子都冇咁紅🙂‍↕️🙂‍↕️回鋪再食指數：0/5（5星最高分）不會再來吃了

菜單生動有趣，令人意想不到。與店員有非常高趣味的互動，店員落力推介竹笙餃子令人一試難忘，配合早上炒的菜莆非常惹味。更令人意外的是皮蛋非常非常出色，配合獨特的醬汁令人一次難忘。

#生肉餃 留意一句sorry / 唔好意思都無無下次！想食生肉就去試下！本身想食餃子屋 但新年佢未開，經過見到間小店打算試下，入去兩個店員，一個喺廚房，另一個樓面。衛生差：包餃果個位擺係最出果枱，每個人入嚟一定經過，佢長期擺喺到又唔係包但無搵嘢遮住嗌咗兩份餃 ：一份煎一份湯 份量： 有啲細舊 最離譜係：湯餃唔熟 有生肉！！ 吐出嚟係見到 粉紅色生肉！ 同個樓面講，佢淡淡定話：「係呀，咁我拎入去再煮過。」 廚房條女大大聲話：「下，無可能㗎喎，咁都唔熟？」 其後都不斷細細聲up 唔會㗎喎，點會唔熟 呢啲🌚樓面再過嚟講：「我哋呢啲肉係好新鮮嘅。」 我哋話：「生肉係唔食得，下次留意下。」佢繼續重複講咗幾次 強調自己啲肉係好新鮮

近期難得一見嘅餃子店，無靚裝修，貼心侍應，但餃子質素高，湯入味。 簡簡單單把心機放在食物上，令食客大滿足。 暫未試過煎餃及芝士餃 有機會會再試。 P.S 小店 主力收現金。

呢間嘢係我朋友好鍾意食嘅咁佢帶咗我去食一次之後 就到我愛上咗😍我朋友超鍾意食個椰菜湯餃 佢個湯幾好味 餃子又夠淋我自己就鍾意食邪惡啲嘅煎餃每次必點 芝士煎餃 同埋牛肉煎餃個芝士煎餃好甜好正 牛肉煎餃有嗰隻漢堡牛嘅味道 好惹味佢仲可以7隻雙拼咁樣 隨意配搭充滿彈性試咗佢個黑松露餃子 都係鍾意芝士餃子同牛肉餃子多啲如果驚唔夠飽嘅 仲可以面加餃子配搭 佢個麵加餃子湯嗰個配搭好夾 面嘅質地有啲似拉麵嗰度有位員工阿姐好吹得🤣好有人情味

路過荃灣路德圍，我們叫咗兩個雙拼10隻湯餃，另外叫咗10隻雲吞。湯餃味道正常，湯夠熱而且好味，size偏細，不可另外加麵底，六隻餃子才可以加面底，反而10隻冇得加？沒有列出麵的選擇，有點奇怪。雲吞10隻，雲吞皮仲大塊過餡，個雲吞豬肉餡細過港幣一毫子銀，鹼水味好重。$30 /10隻，好唔抵。客人不絕，環境有待改善，落單員好有禮貌，而且快手，值得欣賞，如果可以唔用紙碗或即棄餐具，就最好。不過，我仍支持小店。

收工想食得清淡啲，就試吓呢間餃子店，落單個陣同店員講左要雙拼餃子，加一份涼皮，一分鐘後佢掉低單，我見到打單打左十件，我就舉手同佢講唔好意思我係要七件的雙拼，跟住佢好大聲咁下我，我想講，落單個陣佢又冇問，我以為佢見我叫的野知道份量，唔緊要，當係我冇主動講，等左十分鐘，到佢拎啲野食黎時，係掉係我面前，好似劈比狗食咁，近年食咩大小餐廳都無見過態度咁差，我幾年都唔會寫一次Openrice 食評，但個中年短髮女店員真係太離譜！講番食物，餃子ok,皮薄，但涼皮唔得，未食過呢個口感的涼皮，味道都怪怪地

琴日夜晚想食餃子，上網搵到喺路德圍呢間餃子舖不過見食評好壞一半，不過都諗住試吓先！我哋坐低睇咗餐牌一陣，跟住有個女店員就問我哋食咩，我哋話轉頭先，跟住佢就話嘩咩仲未諗完呀？其實我嗰刻已經想走，不過我朋友話算啦照試吓食呢間我哋叫咗湯餃子同埋煎餃，老實講，佢啲湯餃係OK嘅，特別係芫荽餃味道幾好，不過啲皮就易散煎餃就正正常常油咗少少環境我唔期望係啲好好，但係我見有幾隻烏蠅飛來飛去，總括嚟講如果態度差嘅我下次都唔會幫襯。

味道不過不失既但係，可以食3次，3次都落錯單真係搞唔掂之後唔會再去由其飯鐘遇到理個情況，煎餃上左湯餃芝士餃上左粟米餃明明都覆左單同我，都可以落錯都唔知點防止理個問題。第一次食個時，遇到個有口音既呀姐，態度差。之後第二次外賣。返到屋企落款式，已經算。今次遇到另外一個單又落錯，仲食食下放低玩個手機，問都唔問打算收走啲野食真係啞左層出不窮

基本上係每晚嘅飯堂 湯餃嘅湯清清淡淡 加埋韭菜餃嘅味，簡直係一流而且30幾蚊七隻價廉物美 啱啱試埋黑松露煎餃 好香黑松露味雖然貴少少 但係食得出係真材實料 相信如果改成湯嘅話可以化解佢嘅膩🤣