影片
以上资料只供参考，请与餐厅确认详情
用心制作的街坊小店越来越少，如有，一定要多多帮衬，鼎力支持。土瓜湾北帝街的「饮多两盅」就是其中一间，小小的店舖，卖的食物却一点不少，不单每日有不同的老火汤，还有很多款炖汤，自家制的饺子、肠粉、蒸饭、小食、面、糖水……每样都是真材实料。《青红萝卜粟米汤》非常多料，和妈妈煲的汤一样咁好饮《韭菜煎饺》$20饺子煎得很香口，外皮脆，内里是满满的韭菜和猪肉香味《芋头糕》$15热辣辣脆卜卜的芋头糕，叫人食不停口。《咸香鸡髀饭》$68 采用本地走地鸡，薄薄的鸡皮下没有多余脂肪，鸡肉扎实有口感，金凤米饭芳香，绝对真材实料，好食又抵食。《秘制肠粉》$26肠粉皮很薄，有多款馅料都切得很细，口感丰富，味道夹配。
继续阅读
无论系春天嘅祛湿汤水、夏天嘅消暑汤水、秋天嘅滋润汤水、定系冬天嘅进补汤水，汤真系唔少得！不过，作为繁忙嘅都市人，煲汤对我嚟讲又好似有一个距离，但出街饮汤，最重要系足料无味精，所以今晚就去到土瓜湾嘅饮多两盅，晚餐由一碗靓汤开始。节瓜眉豆鸡脚汤饮多两盅嘅原盅靓汤每日都唔同，今日就拣咗节瓜眉豆鸡脚汤，汤入面有2大只鸡脚，配料十足，重点当然系完全无味精啦！海底椰川贝炖雪梨汤想滋润一下嘅，今晚老板娘就推介海底椰川贝炖雪梨汤！炖汤嘅味道系比较浓，睇得出汤嘅颜色都比较深色，一样汤料十足，每饮一啖都feel到个汤嘅所有精华都已经炖晒出嚟，饮完个喉咙真系好滋润啊！咸香鸡髀饭除咗汤之外，呢度仲有各式各样嘅主菜。呢个咸香鸡髀饭只鸡髀大大只，而餐厅为咗方便大家，已经好细心咁切开一件件。鸡髀肉带有淡淡嘅咸味，唔会太咸，系家嘅味道。 烧卖烧卖新鲜即叫即蒸，而虾肉好弹牙，配埋豉油一齐食，好好味！韭菜煎饺韭菜饺系店主自己亲手整，粒粒都胀卜卜，超级大只，一碟仲要有六嚿，全部即叫即煎！一咬开入边已经系满到泻嘅韭菜，个皮非常脆，口感同味道都无得弹！ 自家秘制肠粉平时嘅肠粉皮通常都系白色，佢饮多两盅系呈半透明水晶状态，隐约之中仲可以见到肠粉入面嘅馅料。呢碟自家秘制肠粉入边有肉碎、葱同埋冬菇，冬菇嘅香味，带领住整碟肠粉，而且肠粉非常滑又够薄，绝对系必叫之选。
继续阅读
今日去土瓜湾, 经过饮多两盅, 见佢哋写住冇味精阿妈靓汤, 同埋即叫即做自家秘制肠粉, 所以入去试下.莲藕章鱼花生绿豆汤： 一路饮一路感受到章鱼嘅香味, 莲藕片爽脆, 花生已略微软化, 加埋软绵绵嘅绿豆, 多重口感, 好有住家汤嘅感觉.韭菜煎饺：煎饺外皮金黄, 同内馅嘅柔软成鲜明对比, 韭菜嘅香气浓郁, 同猪肉配搭嘅比例非常好, 唔会抢去韭菜嘅清香, 啖啖肉汁.牛肉肠粉：足料大碟嘅肠粉, 肠粉皮有韧性而滑, 牛肉肉质鲜嫩, 配合顺滑嘅肠粉同埋豉油, 令牛肉更加鲜味, 果然好味.除咗汤类, 仲有盅饭, 面类, 包点同埋糖水以供选择.
继续阅读
这间小店内边只有两个座位，主打做外卖。餐厅主打阿妈靓汤，盅饭，包点，面食，肠粉及糖水。餐厅内边只有老板娘自己一人打理，很好倾的。点了排骨盅饭，一盅只是$38，饭粒蒸得粒粒分明，排骨食得出是新鲜的，份量都颇多，亦不会太肥，很有家的感觉。食盅饭会送老火汤，今日系老王瓜赤小豆汤，好足料，老板娘话有清热，利湿的功效。除左老火汤，仲有炖汤，海底椰川贝炖雪梨汤，十分足料，热度十足，味道清甜，润肺止咳。真系好适合我呢班经常无咩汤水饮的朋友。煎韭菜饺及自家秘制肠粉，都是睇住老板娘即叫即做，特别新鲜。饺子煎得外皮香脆，内边韭菜满满，多菜少肉。肠粉皮薄，内边简单舖满虾米，葱花及冬菇粒，好味。最后仲买支足料的海带绿豆沙拎走。
继续阅读
今日我泥到一间专卖自家制炖汤嘅餐厅真系唔讲唔知食完之后我已经开始想再返嚟饮多两盅！😋猴头菇响螺肉汤 ($78/盅)一打开盖 香气扑鼻而来！汤底足料 猴头菇同响螺肉嘅搭配 真系一流！里面仲有大量猪展肉 食完都有啲饱肚😂😂而且汤底清澈见底 完全无油腻感✨饮完之后整个人都觉得舒服！凤爪排骨饭 ($38) 呢个饭都ok 比较清淡凤爪软腍入味 排骨系几嫩嘅 不过蒸饭比较硬价钱几平 好有性价比！🍚💕买饭可+$10加个今日阿妈靓例汤 今日系节瓜眉豆鸡脚汤 每日都会转款式ga节瓜清新 🥒 眉豆几够粉 红萝卜都煲到好腍鸡脚都有4只 劲足料omggg 仲有蚝豉🤣无味精 所以味道少少🤏淡架自家秘制肠粉 ($26)呢款肠粉真系弹牙到不得了🥢💖粉皮咬落去有弹性 口感似咸版麻薯系童年嘅味道！仲附送咗几条菜心👍🏼临走前见到玻璃柜有好多唔同款式嘅凉茶同埋糖水 买返去饮啦 试试佢袪湿茶 ($20) ☕️✨ 味道微甜 去吓湿👅椰汁鲜奶杂粮花胶糖水 ($58) 🍧🥥甜得刚好 椰香浓郁 食完之后好满足！呢间自家制炖汤餐厅真系值得一试🤣🤣老板娘态度好好 亦都好客气🫶🏻行过路过都可以支持吓香港本地小店
继续阅读
您可能会有兴趣的...