饞。台式食堂 (如心廣場二期)

营业中

休息中

呢間位於如心廣場二期嘅饞 台式幸福食堂，裝修簡約乾淨，望落去好有台式簡樸嘅感覺。食物同餐飲嘅選擇唔算多，但基本嘅台式食品同飲品都有，紅燒牛腕刀削麵嘅湯底牛味好濃郁，牛筋牛腩都幾入味既鳳梨蝦球同以前食嘅有D唔同，佢呢度嘅蝦球係連殻炸嘅，我覺得如果可以去埋殻就更加好同埋沙拉醬我覺得有D多，少返D會好D跟餐可以加$10將白飯轉做手工滷肉飯，滷肉肉粒肥瘦均勻，調味調得岩岩好，唔會過鹹或太油膩，用黎送飯一流。每個套餐都有前菜附送我地仲加左芋香奶茶$14同綠茶多多$12

📍 饞•台式幸福食堂 (荃灣)荃灣如心廣場二期1樓122號舖食物：🟠紅燒牛腩麵 陽春細麵陽春細麵係我哋影影影影影 影咗5分鐘之後都仲係好彈牙 牛肉有5舊 仲有啲酸菜湯底啱啱食嘅時候會覺得清淡 食耐咗會覺得啱啱好評分： 🌕🌕🌕🌕🌑回頭率：🌕🌕🌕🌑🌑🟠沙嗲牛肉拌麵花生味好香好濃🥜偏重口味 我本身鐘意食濃味嘢都覺得佢有啲過鹹 嗌嘅話最好少醬！評分： 🌕🌕🌕🌗🌑回頭率：🌕🌕🌑🌑🌑🟣泡菜佢嘅泡菜係金黃色嘅🥬酸酸辣辣咁 都係有啲過鹹 但佢嘅辣係好食的！大概譚仔五小評分： 🌕🌕🌕🌕🌑回頭率：🌕🌕🌕🌑🌑⚪️烏龍珍珠奶茶⚪️蒟蒻球百香果綠茶烏龍珍珠奶茶都唔錯 珍珠有咬口百香果綠茶茶味重 蒟蒻球分量都幾多評分： 🌕🌕🌕🌖🌑回頭率：🌕🌕🌕🌖🌑——————————👭🏻人數：2女仔💵人均：$60-100🍽份量：中等⏱到達時間：平日1800⏳等候時間：0分鐘——————————Instagram: @lius_foodnetwork

今日睇戲前趕住食個飯揀左呢間，叫左鹽酥雞排加左魯肉飯。鹽酥雞係幾香脆既，不過魯肉飯比想像中味道較淡了一點，唔係太食得出有咩味，但肉嘅肥瘦比例係幾好既，唔會太油膩，呢個要比個讚。配菜都醃得幾好味，好少我地會食咁多醃物。另外叫左紅燒3寶麵，湯底唔錯，少少辣味吊返，唔會太辣，有清香嘅湯甜味，牛腩好軟熟，牛根都係，整體來講都足料。叫多左個燒仙草，當係飯後甜品都唔錯！另外珍奶啲珍珠有少少煲林左，如果可以做返粒粒單獨嘅就更好

嚟到荃灣如心廣場開咗好多新式嘅食店，午餐時段嚟到叫咗兩個lunch set蕃茄牛肉牛筋面牛肉同牛筋嘅量非常之多，而且超級林又入味，牛肉麵湯帶點辣，有蕃茄嘅酸味非常之豐富，麵揀咗刀削麵，質地唔會太硬啱啱好椒麻雞絲拌麵配料非常之豐富除咗有雞絲仲有甘筍絲、青瓜絲等等，麵條係用上幼麵，撈喺上嚟好入味，辣醬未到啱啱好唔會過辣，配埋糖心蛋係一流套餐跟飲品有優惠整體味道不錯而且環境舒適值得一試

出去玩咗一日，返到屋企附近差不多六點，好肚餓😆，打算食完飯先返屋企。喺附近商場行咗一個圈，見到呢間食台灣菜，有一人套餐，試吓先。我點咗藥膳排骨🐷 $78，滷肉飯+$10，然後再加咗一碟肉燥青菜🥬+$25。店員哥哥親切有禮，送餐時説：「餸菜啱啱做起，好熱，請小心慢用。」藥膳排骨：好大碗，排骨份量亦不少，約有六至七件，有好多中式藥材同埋杞子炆燉而成，湯頭很香帶甜味。滷肉飯：呢個有小驚喜，五花腩切成肉丁，肥瘦相間連豬皮，很甘香，入口即溶，帶點豬皮炆出來的膠質，包着粒粒分明熱辣辣的米飯，好好味，很有台灣的風味。就算減緊肥，都忍唔住聲碗食晒。😆😋肉燥青菜🥬：青菜係我鍾意嘅小棠菜，新鮮爽脆。食完呢餐晚飯，馬上暖身又暖心，好啱天氣已經轉涼嘅日子。

週末同朋友一齊喺如心廣場覓食，想簡單快趣食一餐，行過呢度，見到光猛企理，咁我呢日都有興趣食吓台灣嘢，喺朋友唔反對嘅情況底下，就決定入去開餐😆餐廳提供好多「一人套餐」，「一人套餐」包「是日開胃菜」；咁我要咗 $90嘅「紅燒三寶麵」，有「陽春细麵」同「刀削麵」可以揀，我選擇咗「陽春细麵」😆「是日開胃菜」係「蒜蓉木耳」，簡單幾好味😋。「紅燒三寶麵」裏邊嘅 牛腩、牛肚、牛筋 全部都炆煮得幾腍😋，「陽春細麵」亦都係腍腍哋，口味大眾化😋。我掛住自己食，印象中朋友好似叫咗個「鹽酥雞」同「滷肉飯」😆，佢話都好味😆

👍🏻真係好正宗既台灣味道。去開荃灣嘅朋友可以去如心廣場試一試！ 近住湊湊鍋果邊！食完野去Donki行一陣就啱晒。 一入門口就見到台灣老闆喺度煮嘢食，個環境好闊落坐得好舒服。紅燒三寶配刀削麵！ 一定要是刀削麵 超滑超有咬口😍 雖然我食量唔大， 但我食晒成碗😂🤣 個湯底真係好濃郁有少少辣辣地。 三寶有：牛肚牛筋牛腩👍🏻😍👍🏻💛鹽酥雞肉躁飯依個鹽酥雞真係我食過係香港最好食嘅鹽酥雞。皮薄，入面好嫩好多汁🤤🤤份量都好足起碼都有十舊。個粉漿好薄，入面勁鹹香，出面勁脆。試咗一個黃金泡菜小食，係台灣老闆推薦。老闆仲推薦我食滷水豆腐， 不過由於前面兩個主食實在太好味，搞到我食晒。今次食唔到依個滷水豆腐。好重蒜香味 唔辣， 好好食🤣 食食吓覺得好似係平時食冷麵嘅蒜味🤣好特別。

星期六加咗一陣班，然後去荃灣食飯，跟同事吹兩句水先返屋企。經過見到饞。佈置簡潔以木為主，正宗台式料理，呢間台灣菜感覺都好清新。一人套餐古早味炸豬排 $68食台灣菜我都係鍾意 Traditional ，古早味炸豬排 🥩味道很夾，份量亦多，性價比高！套餐均配是日開胃菜，有蒜蓉雲耳作前菜，麻油味相當開胃。豬排即叫即炸，鎖住肉汁，保持嫩滑，外層炸得夠薄不油膩，香酥可口，調味適中 ，誠意地道美食。轉配手工滷肉飯 +＄10手工滷肉份量幾多，炒香半肥瘦豬肉，再配上特製滷汁煮成，不會油膩，很滋味！溫泉蛋黑椒牛肉 $76溫泉蛋汁撈飯食一流，黑椒牛肉味道好濃郁，軟腍入味，微辣令味道提升。滷水豆腐 滷水豆腐口感有彈性，質感得意。珍珠奶茶 凍 $14奶味香濃，有驚喜，珍珠有口感。燒仙草Hot Grass Jelly 鋪滿紅豆、花生、芋圓，甜度適中，結尾大滿足！整體來說，坐得舒服，服務細心，一人套餐選擇很多，食物質素不錯，價錢不貴，值得推薦！

荃灣已經變咗我主要飯堂嘅地方，今次經開如心廣場，就試下這間台灣菜😋🥢食物🥢1️⃣香酥雞扒飯$68: 雞扒有三種味道選擇（麻辣/椒鹽/咖喱），我就揀咗椒鹽！雞扒外皮香脆，炸粉唔會過厚👍🏻雞肉屬於薄切，但咬落去都有肉汁～另外+$18轉手撕走地雞肉飯，雞肉味道是比較淡，但食到有少少鹽水雞味。2️⃣海鮮芋頭米粉湯$82: 友人喜歡食海鮮，所以點了這款☺️米粉幾爽口，湯底充滿海鮮味都唔錯。3️⃣鮮萃蒟蒻球玫瑰蜜桃果茶（跟餐$16）鍾意個味道唔會過甜，有淡淡的蜜桃香味，玫瑰味道就唔覺有😂整體都幾清新又解渴。4️⃣桂圓紅棗茶（跟餐$16）唔使問呢杯係養生茶，杞子同桂圓份量都幾多✨💥環境💥裝修以簡單為主，而且俾到客人一種好舒服嘅感覺。

今日在荃灣如心廣場看看食乜好的時候，被一個「饞」吸引了，是間台式店…那麼這一間啦😜店舖叫…饞•台式幸福食堂, 簡約風的設計，白色為主亦有長吧枱，給予舒服的感覺😊今日特別啲，不吃台灣牛肉麵，吃溫泉蛋黑胡椒牛肉飯😜 流心溫泉蛋，微辣，牛肉，洋蔥，黑胡椒夾埋一齊食巧惹味，飯粒分明有飯香！古早炸豬扒，豬扒炸得很香脆，但肉質不會太乾或鞋口！加$10改肉燥飯，肉燥份量多，肉粒肥瘦均勻，調味適中不會過鹹或太膩。滷水豆腐，滷水汁清甜豆腐入味仙草燒，微暖，剛剛好，易入口，甜度適中和清新仙草香😙三寶奶茶有珍珠，仙草和紅豆，不會太甜👍🏻仙草奶茶，仙草和奶茶份量均勻，甜度適中。

#荃灣 我成日去荃灣, 經過呢間店耐成日都想試🤤 裝潢清雅整潔, 黃白色配感覺好光亮, 早幾日終於有機會一試! 🍜紅燒半筋半肉麵 $104 ~ 麵款可選刀削麵 / 陽春細麵! 份量好足, 牛筋好軟滑, 牛肉好腍滑, 湯底濃濃的味道但唔咸, 麵質爽滑, 有驚喜! 仲送上小雲耳朵小食, 正’s! 🥳套餐可加配燒仙草甜品 $15 ~ 必點! 暖暖的燒仙草, 好香濃的味道! 仲有咸香脆花生粒、芋圓、紅豆, 唔加糖水都超好味! 食完喉嚨會覺得好舒服! 🥒椒鹽四季豆 $24 ~ 看似簡單, 但要炸得好唔容易, 呢度整得唔錯, 唔會好油, 讚! 🌭台灣香腸 $30 ~ 唔太肥, 配搭生蒜同食, 係另一番感覺! 雖然味道有點…但咁樣食先最爽! 🍹蒟蒻球玫瑰蜜桃果茶 (套餐 +$16), 蒟蒻球百香果綠茶 $22! 粒粒蒟蒻球好有咬口, 飲品唔太甜, 幾清爽!

今日行過如心見到這裡有喜歡嘅台式口味，見到這裡坐滿人，等一陣入去座下，望主張點菜紙有不同選擇，個人最喜歡就係個香酥雞排配埋台灣蓬萊米煮嘅白飯，香酥雞排可選味道，三選一味道，我都係覺得椒鹽就係最配合台式口味，跟餐可用跟餐價錢選配飲品，點了杯凍珍珠烏龍茶還有可以加埋甜品燒仙草，朋友就點了個蕃茄半筋半肉麵，麵底就選了口感較強嘅刀削麵，配埋凍芋香珍珠奶茶。落單等了一陣就一齊上枱，大大塊香酥雞扒廚師已切件上，見雞扒炸得十分金黃香脆，入口外脆內軟，配埋椒鹽味，正正就係台式口味！白飯亦十分煙韌有口感！而朋友的蕃茄半筋半肉麵，蕃茄湯底濃郁之餘牛筋十分軟淋、牛腩十分入味軟熟，個湯加埋個刀削麵，真係十分好味！而凍珍珠烏龍茶，同凍芋香珍珠奶茶，茶味都十分香濃，調味甜度較淡，啱晒怕太甜嘅我們，要食得健康！最後個燒仙草上面放了花生、紅豆、芋圓，彈牙煙韌芋圓，配埋花生，紅豆，仙草，口感十足！感覺真係好似在台灣品嘗到嘅口味！喜歡台式口味這裡又係一個止渴嘅選擇！

饞咀的我，遇上《饞•台式幸福食堂》，果然一拍即合！最近在如心廣場一帶蹓躂時，發現一家門面設計簡約，卻擠滿食客的小店 - 《饞•台式幸福食堂》，好奇心驅使下，決定試一試。貫徹門面的簡約設計，店內以灰白色為主調，搭配木系椅子及黃色高櫈，簡約舒適。小小店子，食物選擇也不少，中午時段，點餐紙以一人餐為主，另有小食及飲品，方便食客自由組合。友人點選了香酥雞扒一人餐，可配白飯，或加錢轉滷肉飯 / 手撕台灣走地雞肉飯，友人選配了滷肉飯。  日常在餐廳吃的滷肉飯滷肉口感似肉醬，碎濕濕的，而這兒的滷肉卻較大粒，粒粒分明，而且肥瘦參半，甚有口感；肉汁黏黏稠稠的，帶膠質，味濃郁，用作拌飯，相當滋味。大大塊的香酥雞扒，不油膩又鮮嫩酥脆，金黃酥脆的外衣，裹著飽滿多汁的雞扒，每一口都是鮮嫩。  滷肉飯搭配珍珠奶茶簡直是絕配，友人幾乎每次在台式店子進餐，都喜歡這個組合，感覺相當幸福。     不過，BeautySearch 近來愛上紅豆奶茶，沒有紅豆冰的甜膩，又有奶茶的幼滑醇厚，相當味美。愛吃香口食物的 BeautySearch，點選了一客炸物拼盤，當中包括炸甜不辣、炸花枝丸及椒鹽四季豆。 平時吃的甜不辣，無論味道

難得的metime,揀左黎呢度，吃一頓久違的台灣菜裝修簡約又舒適一人套餐配上當日既餐前小吃（醋泡雲耳）爽口之余，酸酸的相當醒胃。🌟椒麻雞絲拌麵 （陽春麵）雞絲，還有青瓜和紅蘿蔔絲、溏心蛋，醬汁撈起來令每口麵都充滿麻麻辣辣感🌟滷水豆腐滷水汁不算濃，豆腐呈蜂巢狀，每件都吸滿醬汁🌟鮮萃蒟蒻球玫瑰蜜桃果茶很滿足呢💕#饞台式幸福食堂 #荃灣 #台灣菜 #如心廣場 #如心廣場二期 #吃貨家食食食 #hkfoodies 自助水吧

假期來到這個商場真是人多，尤其食店每間都要排隊，我們已經鎖定想食台灣食物，所以就來這店排隊，我們大約等了10分鐘左右就可以入座，店員安排了高枱座位給我們，挺好呀！我們點了套餐還包台式酸辣湯或青檸愛玉凍，主食選擇了鹽酥雞、牛筋牛腩麵，兩款味道都好台灣口味，味道不錯！不知那天是商場還是店舖內的冷氣比較弱，所以一路食一路流汗這樣就比較辛苦啲！