饑落亭 (已結業)

今日同一班friends黎左呢間好出名嘅餐廳食飯。我地4人一共叫左4個小菜，有馬拉盞炒通菜，椒鹽九肚魚，白灼蜆，同埋wasabi手撕雞。每樣都好好食。wasabi手撕雞味道特別，又唔會好辣。白灼蜆就比較清淡，但就保留左蜆嘅鮮味，下次仲會再黎食！

是日難得入到大埔，諗住試下當地出名既清湯腩，點知打晒蛇餅。由於小妹個肚已經不停抗議，唯有搵第二間填飽佢。點知向前行幾步，就見到以前係大圍出名既陳根記開既餐廳，不過個名唔同左，叫饑落亭。餐廳格局都係似大排檔咁設計，應該係為左方便晚市。午餐主打兩/三餸飯，分別係$40同$46，有成12個餸可以揀~仲有最出名既手撕雞添呀!!咁既價錢仲包埋湯或野飲，凍飲仲要唔洗加錢!!可唔可以開係我屋企附近...我揀左蜜蒜豬扒同Wasabi手撕雞~出到黎真係用Canteen果種盤裝，都幾搞笑，不過都方便食用。不過飯真係好好好大個呀...食量唔大既朋友仔下次最好叫少飯。wasabi手撕雞保持一向陳根記既手準，海蟄、火腿、青瓜絲、雞絲樣樣齊，味道都一模一樣!~好好味~~~另外，蜜蒜豬扒份量都好多同埋好入味，豬扒夠軟唔會太硬，亦夠多汁。總括而言，以咁既價錢可以食到陳根記最拿手既小菜真係平靚正呀!!!突然好羨慕住係大埔既朋友仔..不過，我覺得如果菜單多D蔬菜類選擇就更加好。因為而家每日既餸幾乎都係肉類，唔太健康，如果有多d菜類，我應該會嗌三餸，食埋個菜，咁就Perfect啦~~

以前浄係食過火炭嗰間陳根記，今日終於食到搬咗嚟大埔嘅呢間分店。近近地可以食得返以前大排擋嘅風味，正！我地叫咗招牌wasabi手撕雞，wasabi味無以前咁濃，但都仲幾好食。另外九肚魚都幾推薦食。白灼煮蜆有沙，可以唔洗叫。

Lunch time與同事喺大埔搵食，發現沙田陳根記化身饑落亭分店喺大埔大明里地舖，入面好寬敞，而且牆上嘅掛畫都幾特別，大約等咗一陣就可以入去坐低叫嘢食。🔹 蠔仔肉碎瓜粒泡飯 $45諗住食清少少減下肥，無諗過一個泡飯都可以咁豐富！蠔仔份量好多，而且每粒都好肥美，湯底味道適中，唔會太淡，又唔會好鹹，而且配上瓜粒，令到每啖食落去都好爽口！好喜歡呢個泡飯😋📍饑落亭 大埔大明里12號儲金閣地下12-14號舖．．環境分數：7.8/10食物分數：7.8/10Encore分數：7.8/10

兩個人食左三樣餸 一個白飯 加枝啤都幾快有位 15分鐘度記入得 應該係因為熱潮過去叫咗一個西檸軟雞 馬拉盞炒通菜 Wasabi手撕雞服務幾好 一舉手就有人嚟 我哋仲自己落錯單佢上咗原味手撕雞比我 我地同講其實想食wasabi 佢地都無黑面 即刻換👍🏼👍🏼👍🏼👍🏼👍🏼西檸軟雞好耐無食 不過都幾酸下 唔配飯食唔得馬拉盞炒通菜嘅惹味 反而最好食係呢個食飯時間90分鐘 我地傾到唔知時間侍應都係走黎俾個friendly reminder 我地咋我覺得呢煩餐廳黎講 服務真係一流👍🏼👍🏼👍🏼👍🏼👍🏼

閑時聚餐, 本着食好西之心入咗陳根記比較其他餐廳嚟講, 唔算好迫, 都好整潔, 都幾多人門口外排隊, 職員會俾張下菜單落住單, 入去即遞下菜紙俾佢, 出咗張菜單, 可以用wechat掃QR code自己加單, 不過無圖片點菜果時, 留意到無燒鵝, 乳豬叫, 通常我習慣叫一隻當前菜, 大家一齊食, 無就有點可惜出菜算快, 雖說1.5小時用餐, 但無嚴格執行, 食得輕鬆D, 何況我地唔會死坐爛坐wasabi手撕雞係陳根記招牌菜, 我覺得無雞味, 唔係難食, 不過稱唔上好食, 都難以同內地雞比較, 內地普遍雞係肉質實, 皮薄, 雞味突出一點可能餐廳唔專泰國菜, 有點唔知自己食緊乜感覺呢間餐廳, 炸物炒物明顯比一般餐廳好, 都係必食, 蠔我見唔會好多大大份, 大班人食, 蔬菜類都值得叫炒得幾乾身, 都香, 好食, 炒飯類都無乜選擇我喜歡食, 一碟都好快食晒

唔講唔知, 沙田陳根記竟響大埔化身為饑落亭, 究竟兩店味道有無分别? 當然要試試佢~一行四人, 叫左三餸一麵。黎到當然要試下招牌菜Wasabi 蟹籽手撕雞  ($145) + 冬陰公浸蜆 ($85)。而大排檔風味亦唔少得豉油王炒麵 ($58)。- Wasabi 蟹籽手撕雞  ($145)  (3/5分): 份量頗多, Wasabi 味頗嗆鼻, 但雞味唔太濃, 如果多返少少沙律醬味會更開胃。- 冬陰公浸蜆 ($85) (3/5分) :  冬陰公係清湯哥隻, 應該無放椰奶, 本人較喜歡有椰奶既冬陰公。少少酸, 咸味重D, 唔太辣。可能唔係當造季節, 蜆唔太肥。 味道唔夠鮮, 但有粉絲墊底。- 豉油王炒麵 ($58) (4/5分) : 比陳根記做得好, 唔乾, 麵唔淋, 有豉油香, 正- 孜然捧捧骨 ($80) (3.5/5分) : 分量夠, 香口, 有肉汁同孜然味, 夠香口。整體正 (4/5分)~ 分量夠, 環保舒服, 唔洗搭上搭 (枱)

約左三五知己係大埔食飯，見到陳根記分店，就去試一試。餐牌都好似係一樣蜆肉鮮味，肥美，略嫌份量偏少蝦一d都唔梅，最緊要食材夠新鮮椒鹽九肚魚 炸得唔夠乾身。但味道還可以炸蠔 外脆內軟，都幾Juicy。整體來說食物質素跟總店差唔多。大排檔環境，高談闊論夠氣氛。

本來很期待今日去食陳根記結果去到火炭發現搬遷咗從火炭急匆匆到大埔墟原來飢落亭是沒有甜品的😢最想吃的是芥末手撕雞結果wasabi手撕雞完全冇芥末味同之前在火炭吃的不一樣都唔知係咪唔記得放芥辣如果當普通手撕雞吃還算OK海蜇和黃瓜都算清爽仲點了冬蔭功浸蜆上菜速度非常慢食起來係番茄味 唔係冬陰功味🤣蜆仲有些沙不過裏面粉絲係驚喜湯底雖然唔係冬蔭功味但還是有點辣味和椰子味下次去石門試一試唔知石門的會不會中伏🤔

有免費幫客人keep蛋糕服務（ 唔使等位嘅時候個蛋糕溶曬可以自己帶酒附近有停車場， 交通尚算方便價錢公道， 食蟹唔使200蚊，其他小炒都一百蚊以下推介食九肚魚， 脆卜卜熱辣辣 冇骨。

之前晚市想試但次次都好多人等就放棄左！今日lunch 時搵食見冇咩人，終於可以試試入到去得兩三檯人，個lunch menu 都多野食，我叫左個雞什煲加凍奶茶等左20分鐘，野食終於黎啦！但得兩三檯客都要20分鐘就真係耐左小小如果全場爆滿咪...個雞什煲味道唔錯，唔會太鹹同好野味！好好食！我同左阿姐要小飯，啱啱好食得晒！個奶茶就好似飲奶水多過茶！睇相都應該睇得出！最後多謝$52

其實一向都係食開陳根記，但佢搬入大埔加改名叫饑落亭後都未食過，所以今日就黎回味下🤣由於我地都太肚餓關係，亂影左相就算，食到中間完全唔記得影相，我地六個人叫左七個餸，埋單每人都唔洗一百，好抵🙈講返野食，作為腦殘粉，全部都好夠鑊氣又香口，食到lum lum 利😍雖然之前聽講話搬後水準差左，但我唔覺，仍覺得係一流味道！總結而言，如果一行人想食下小菜，黎饑落亭食下都唔錯，平兼抵食。雖然今晚都等左一陣先有位，但完全值得！如果你問我有咩好食，我會推薦小炒類，但其實全部都值得一試🤤

有住係大埔既朋友，即興咁約左幾個朋友入大埔食晚飯，今次佢就提意左新開既陳根記。當然walk-in少不免要等位，但大概等左不夠半小時就已經可以有位。入到去，餐廳格局開揚光猛，幾個朋友大排檔式圍坐。叫左兩枝啤酒，半隻雞，椒鹽鮮尢，豬仔骨，金銀蛋浸菜等。椒鹽鮮尢夠香口，朋友喜歡食豬仔骨，（知）然粉味道夠好，幾個人傾計食飯夠曬溫馨，氣氛熱鬧。下次有機會再黎，仲想試一試炒麵，因為見到附近好多人都有食呢個麵。

其實一直有江湖傳聞位置於沙田禾輋嘅陳根結束營業，吸引左好多幫襯開嘅老客特登去禾輋一食佢嘅最後風采。係謠言滿天飛嘅同時，出名夠晒鑊氣嘅禾輋陳根記亦駐足大埔！🤤唔知道佢究竟係真有其事定係宣傳伎倆😏喺香港這一個真搵食假保育嘅商業競爭社會，一班聽到老字號面臨倒閉危機，總會吸引到大批慕名而來嘅市民幫襯打氣。由於大埔已經沒有真正嘅大排檔（廣福冬菇亭都收咗皮；熟食中心我相信唔係好算）打著沙田陳根記既旗號入到大埔，一定唔會損手爛腳離場🤭作為區內少有既大排檔式小炒，饑落亭頂乘着沙田陳根記嘅大排檔式舊式風味：夠鑊氣！🤤😆而且價錢定位適中，價錢定位亦都同禾輋大排檔相約，適合一家大細式朋友聚餐！不過提一提大家，要早少少去等枱或者預留多啲時間等位😖 我果晚足足等左九個字🥶注意⚠️：大埔店係限時1.5小時進餐咖😉同屋企人三個人去食，每人各點一款，款款都好大碟食到捧住個肚走🥳 連阿媽都讚好🤓 ——————————食物質素：8/10 環境衛生：6/10 舒適度：5/10服務：6/10 性價比：7.5/10 總評分：6.5/10 —————————— #foodblogger #foodlover #foodie #hk

以為陳根記一直紮根沙田，點知係大埔無意中發現到呢間疑似店鋪，反正都要午飯，就入去會一會佢。粟米魚柳飯，賣相雖然唔討好，尤其碗飯，真係裝得幾樣衰。但將餸同飯分開上，係值得加分既，但魚唔夠脆，可能因為俾D粟米汁浸住，所以諗左。土魷蒸肉餅飯，肉餅好滑，土魷好野味，再加埋D甜豉油，真心好味，餸飯一流，仲食到唔夠飯。最後，不得不提，跟餐個例湯堅正，足料又夠火喉。如果個餐送幾條油菜，我估我以後可以唔駛煮飯🤗