餃里 (宏輝大廈)

营业中

休息中

餃里 炮台山宏安道2-12 號宏輝大廈地下6號舖Shop 6, G/F, Wang Fai Mansion, 2-12 Wang On Road North PoinT包餃是項親子活動, 小時只要準備好餃皮同已預先調味的餃子餡, 圍在桌密密包, 通常會包過百隻, 因方便雪藏好, 日後小朋友沒有廚藝開滾水煮熟就可以食。以飽滿的餃子而出名, 路過見價位也是平民, 一於買些餃子回家吃,懷念一下以前的味道。有很多不同餡料, 以6/9隻咁ORDER, 最稱心是可以拼餃, 比人試多幾個味。 餃子的叫了 $48 韭菜煎餃(9隻)、$60 泡菜鮮肉煎餃(9隻)。除了煎餃, 店都有湯餃, 個湯底仲好健康, 有蕃茄薯仔肉碎同無花果栗子腰果素湯, 因我愛吃有口感香脆的,才點了香口的煎餃。個底真的有煎到小小焦香, 點辣醬很惹味, 餡料飽滿, 豬肉有慘了些許肥肉, 菜同肉的比例約是4:6。泡菜鮮肉有泡菜的酸辣味, 我自己很愛吃泡菜的, 比個LIKE 佢$42 6隻白洽椰菜豬肉餃,呢個是男朋友, 加辣油食, 好味, 有水準, 價格又親民, 一個人食十幾隻都可以。#香港探店 #香港美食 #hkfood #hkfoo

媽媽牌餃子由細到大不嬲都好鍾意食餃子，成日都會lur媽咪包餃子😆今日經過炮台山附近，想買啲下午茶返屋企食，就發現咗呢間餃子，試過之後真係好鍾意呀，佢啲餃子真係做到媽媽嘅味道！連媽咪都大贊好味😙😙舖頭喺銅鑼灣站附近，行到架咁囗就見到三個姨姨喺度包緊餃子，包得有板有眼咁，我同屋企人都鍾意食煎餃子，所以就試咗幾款煎餃子！每次食餃子都必食嘅韭菜餃！個皮煎到脆卜卜，個餡勁足料！好好食！店員會配埋辣菜脯粒，同埋一樽仔餃子醬汁，我以為係醋，試落似魚露又甜甜地嘅豉油咁，哈哈，呢個秘製餃子汁勁好味呀！之後就叫咗個芝士粟米餃，個皮又係煎得好好，個餡又係超級足料，芝士加粟米原來係可以做到咁好食㗎！絕對要encore呀！

趁放假想喺屋企懶，大熱天時想食啲輕食，諗起之前食過一次大大粒餃子既外賣店-餃里😋煎餃同湯餃都幾多口味揀喎！有比較特色嘅和風野菜咖哩鮮肉煎餃、芝士粟米鮮肉煎餃、泡菜鮮肉煎餃、紫菜鮮肉煎餃，仲有呢期最hit嘅香荽鮮肉煎餃😂🧀芝士粟米鮮肉煎餃芝士味好香濃，咬落去會見到啲芝士同肉餡包得好均勻，比出面買嘅芝士味鮮肉餃明顯出色好多👍🏻🥟和風椰菜咖哩鮮肉煎餃真係多菜多益🥬大量椰菜混合豬肉，配合咖哩既調味，食落唔會好dry，不過多咗一份健康嘅感覺💚🍜餃里撈麵份量好足，用咗特別醬汁調製，充滿香氣，配埋餃子食真係一流。順帶一提，如果點湯餃可以免費揀佢哋嘅無添加自家製湯做湯底，包括有養顏無花果栗子腰果素湯、住家蕃茄薯仔肉碎湯，上次飲過覺得好正，好有家既感覺，冇味精飲多啲都唔洗驚🤭另外佢煎餃或者湯餃都可以揀雙拼、三拼、四拼，自由度非常高，而且每隻餃子真係好大隻😱每隻都好足料！肉餡亦唔會非常多肥豬肉，都幾良心製作，所以想食餃子就會諗到呢間，食到飽食到滿足完全冇問題。👅味道💛💛💛💛💛👨‍💼服務💛💛💛💛💛💦衛生💛💛💛💛💛💯抵食💛💛💛💛💛

「餃里」一路都係朋友圈中相當有名氣，大家好鍾意叫既外賣今次終於到我黎試下啦！🥳「餃里」專做外賣，係炮台山既行三分鐘就到，好方便😛主要係食餃子，亦有D 小食／麵食可以叫😌今次煎餃同埋湯餃我都有叫到😝韭菜鮮肉煎餃(9隻)煎餃煎得好靚，每隻都係金黃色 唔會太焦 靚每隻餃子都大大隻 內餡仲要大大份！勁飽足⭐️⭐️⭐️⭐️⭐️芝士粟米鮮肉煎餃(9隻)粟米既甜味好突出，第一次食有芝士既餃，原來唔會好溜，有種韓式食物既感覺連埋D肉同粟米，出奇地夾⭐️⭐️⭐️⭐️⭐️紫菜鮮肉湯餃(9隻)配無花果湯，啲湯汁好鮮甜湯餃個湯底濃郁，老火靚湯，冇落味精紫菜量超多，一絲絲既口感係我好鐘意既⭐️⭐️⭐️⭐️⭐️皮薄餡靚，大大粒，超級值得ENCORE!💛仲送左環保袋 設計幾靚🧡喜歡！

喺學生時期間唔中都會以餃子來作為主食，有飽肚，而且裏面嘅餡料選擇亦都多，仲可以配埋各式各樣嘅醬汁，簡簡單單又一餐。🤤直到今時今日餃子同埋煎餃仍然係生活裏面嘅重要一樣食物，所以每一次見到有手工餃子店嘅時候就會好奇試吓嗰份滋味，喺炮台山油街公園隔離就開咗一間手工餃子店，啱晒週末週日可以喺公園食吓又一餐🥰紫菜鮮肉煎餃— 🥟一款夠晒特色嘅煎餃，裏面都係豬肉餡，但加咗大量嘅紫菜，🐷平時呢一個配搭相信係絕少見到。煎餃大約要等8分鐘，🐷而且隔住個餃子皮都可以見到裏面啲餡料係爆滿。 🐷味道係純天然，全靠紫菜嘅鹹香味同埋豬肉嘅鮮味就已經概括晒，🐷想增加一啲辣味，佢哋亦都有附送埋辣菜脯，咁就有多重味道🐷椰菜鮮肉煎餃—🥟有特色亦都有傳統而呢一款椰菜鮮肉煎餃絕對係傳統之選，粉嫩嘅豬肉，🐽再配上清新嘅椰菜就提供左額外嘅爽脆感，非常熱賣🐽餃里 （炮台山店） (北角)北角炮台山宏安道2-12號宏輝大廈地下6號舖

我哋今晚去咗喺炮台山嘅餃子專門店餃里食晚餐，真係食得好開心，包裝包得非常之好，所以返到去屋企嘢食仲係熱辣辣！我哋試咗佢哋嘅韭菜豬肉餃同埋紫菜豬肉餃，兩款餃子都幾好味，韭菜豬肉餃嘅韭菜香味好濃郁，而紫菜豬肉餃嘅紫菜味道好鮮美，餡料都幾豐富，令人食完之後好滿足。除咗餃子，我哋仲試咗無花果紅蘿蔔腰果素湯同埋蕃茄薯仔肉碎湯，兩款湯都好滋味，無花果紅蘿蔔腰果素湯嘅味道幾特別，好似有啲五香嘅味道，又幾清淡，飲落去好解渴；蕃茄薯仔肉碎湯嘅湯底好濃郁，仲有啲微微嘅酸味同埋蕃茄嘅甜味，配埋啲薯仔同肉碎，好滋味又有飽肚感。整體而言，餃里嘅餃子同湯都好好味，而且價錢亦都好實惠，一定要嚟試下啦！

天氣好熱、做完gym又肚餓、唔係太想食飯/麵。經過見到 餃里係專賣餃子，於是決定試吓。依家係專做外賣、好多唔同款式嘅煎餃同湯餃。我分別叫咗一份韭菜鮮肉煎餃（9隻）、椰菜鮮肉湯餃（9隻）配蕃茄薯仔湯、同埋椰菜鮮肉煎餃（9隻）。餃子係即叫即整、非常新鮮。店員亦都非常細心、有禮貌、仲送咗個環保袋。🟡韭菜鮮肉煎餃 - 餃子皮煎得好爽脆、韭菜配上新鮮肉好入味、大大粒。再配上菜譜（少少辣）同埋醬料去食、勁正。🟡椰菜鮮肉湯餃 -配蕃茄薯仔湯。除咗蕃茄薯仔湯之外，仲有龍蝦湯選擇。我選擇咗蕃茄薯仔湯、夏天飲解渴同消暑、湯好足料、有好多蕃茄同薯仔、餃子既鮮肉嘅鮮味融入咗湯到、好開胃。🟡椰菜鮮肉煎餃 - 依款餃子嘅鮮肉味會比較、配上菜譜同特製醬料食、會令到你不停想食。大家可以去試下

媽媽愛吃餃子，今天去開炮台山，便去朋友推介的餃里買餃子外賣孝敬媽媽。朋友話餃里在屯門很出名，在炮台山開了分店後，不用去屯門都享用到美味手工餃子。她推介泡菜鮮肉煎餃和芝士粟米豬肉煎餃。餃子款式多，有煎餃，也有湯餃，還有生餃。媽媽愛傳統口味和素餃，於是我揀了韭菜鮮肉煎餃，白菜鮮肉煎餃和清新素煎餃。餃子即叫即煎，等若10分鐘便可取外賣。韭菜鮮肉煎餃和白菜鮮肉煎餃都美味，皮薄饀多，用料新鮮，調味佳不咸，豬肉肥瘦適中，加香醋吃更惹味。清新素煎餃出色，除了清甜的蔬菜香菇粒，還有粉絲，清爽有營，媽媽連吃數個。隨煎餃送的手工辣菜脯辣得惹味又爽口，正!媽媽吃得很開心，下次再買其他口味孝敬她，買生餃回家打邊爐也不錯。

🌼 第一份係韭菜肉湯餃，啲湯汁好鮮甜，餃皮薄薄哋，又唔會爛爛地，好正！仲搭咗無花果湯，真係好爽口，同湯餃夾埋一齊食，真係好享受！🌼 其次就係香荽肉熟餃啦，味道好濃郁，煮得啱啱好，餃皮煮到微微焦香，入口即化，真係好過癮！不過如果你唔鍾意香荽嘅話，可能就冇咁啱你口味啦。總括黎講，呢間餃子鋪真係唔錯啊，餡多皮薄，湯餃同熟餃都好好味。雖然加咗價不過都唔大影響❤️可以係外賣平台叫

早幾日經過見到有生熟餃，我呢個餃粉即刻沖去買😄見到有素餃，因為我媽媽唔食得竹筍，所以問下素餃入面有咩餡？收銀姐姐好有耐性話我知有咩餡，好有禮貌，仲叫我試下芝士味，話超多回頭客，我即刻買翻個雙拼試吓先😂😂試完真係真材實料，好足料，飯都唔洗食😂😂總結👉🏻服務好，真材實料👍🏻下次再試下其他味先😜

之前要喺屯門先食到餃里，而家喺炮台山都有分店，近d！😆今日又可以食到，好高興！🥳🥳🥳一直都好欣賞餃里既餃皮薄餡靚，每隻餃都大大粒，餡料都非常飽滿！1.泡菜鮮肉煎餃 $60/9隻泡菜辣辣地，夠濃味同惹味！個底煎得夠脆，但不油膩！2.芝士粟米鮮肉煎餃 $60/9隻我的最愛！芝士融合粟米、鮮肉之中，芝士味亦濃，好正！😋😋😋3.撈麵 $10/細碗可以撈埋惹味爽口既菜莆一齊食！😋 麵條有口感！👍🏻

今日去油街參觀完展覽，經過炮台山宏安道一間專營外賣餃子叫餃里的小店，見到餃子種類多又吸引，便買了數款回家慢慢嘆，餃子足料又美味，滿意👍。煎餃有十種口味，湯餃有六種口味，還有撈麵，上海麵，湯，飲品和菜脯等供應，落單後等若15分鐘便有新鮮熱辣的出品可取走。整個點餐取餐過程流暢有效率，店員友善服務態度好，讚!我叫了兩份煎餃三拼，可在餐單內10款餃任選3款各3隻。煎餃個頭大，隻隻飽滿足料，各款都好味道，皮薄多餡，食材新鮮，豬肉肥瘦適中味鮮。我最喜歡紫菜鮮肉煎餃和泡菜鮮肉煎餃，媽媽就較欣賞和風椰菜叻喱鮮肉餃，芝士粟米豬肉煎餃和咖喱鮮肉煎餃。韭菜鮮肉湯餃配上海麵好味又飽肚，蕃茄薯仔肉碎湯有營，有住家湯風味，值得一試。外賣附送的手工辣菜脯和香醋都不錯。今餐吃得很滿意，下次再encore，也可買生餃系列回家。

開張以來除了有一天看到疑似老闆娘友善招徠，此後的服務態度都很差，印象太壞，未有機會真正吃一次。當初招攬生意時，特意提我WhatsApp下單，然而早前WhatsApp下單一直沒收到回覆，到店查詢可能太忙碌，所以態度非常不友善，又黑口黑面。在旁等待好一會兒才得知大部分餃子售罄，白等半個小時。之後經過店舖，亦有查詢購買生餃，或下單安排，店員態度愛理不理，說話沒尾音。不知是因為生意好所以可以冷淡不禮貌，還是因為這是店舖特色。見評論多說態度不好，大概先受點氣吃餃子會比較好吃？！？？

朋友介紹，一吃愛上。這裡的餃子跟湯有一種家的感覺，就是像住家飯那樣一吃就知道新鮮而且沒有味精但比一般食肆淡口的味道。個人認為雖然蕃茄湯好好味，但單論餃子是煎餃比湯餃好味，芝士餃一流，其次是香荽餃，新出的白菜餃也不錯。服務方面，那綠色頭髮姐姐感覺有點兇，比較沒耐性，像一般香港侍應一樣。但見她憑人都叫呀妹，氹到d大媽好開心。等候時間跟附近麥當勞差不多，但因店太小要在路邊等。如隔離咖啡店有位建議買杯咖啡坐低等，那咖啡也不錯。

第一次幫襯果陣，唔知有Whatsapp落單功能，結果我等左20分鐘。第二次用WhatsApp落單，去到拎外賣果陣話未覆我所以未整，同埋下次叫我再早啲落單，最後我等左10分鐘(我12點落單，表示2點拎)第三次早上10點半落單，表示2點拎。去到拎外賣發現佢落錯單，我叫椰菜豬肉佢比左韮菜豬肉，問返我點算，員工仲話唔關佢事，張單係老細落，最後我又等多20分鐘，行埋返公司lunch都就快完幾好食都好，我一定唔會再幫襯。