餃掂手工餃子雲吞專門店

营业中

休息中

• 至尊松茸餃 $86@8隻呢度嘅餃子真係做得唔錯，個皮夠薄又煎得香脆！松茸餃嘅賣點當然係松茸啦，喺豬肉餃嘅基礎上加入咗松茸粒粒，食落幾清香！• 龍鳳松茸雙煎餃 $92@8隻依個可以話係松茸餃嘅升級版，一次過試哂黑松露同白松露兩款口味，兩者都好香松露味，不過個人就偏愛黑松露多啲，味道更加濃郁，鍾意食truffle一定要試😋• 四川涼皮 $32好鐘意個涼皮又滑溜又煙煙韌韌嘅口感～其實醬汁都做得幾好食，不過如果再重口味啲就更加好，辣度亦都相對偏低😗• 重慶鮮肉雲吞 $40個湯底我同朋友都好鍾意，夠麻夠香有少少酸咁勁正，真係好想就咁飲曬佢😂不過中辣對我哋來講真係唔太夠辣，下次會試吓再辣啲！• 龍鳳蛋 $32軟滑嘅雞蛋加上黑白松露醬，味道同口感都冇得輸！• 山楂雪梨水 $20• 檸檬薏米水 $20

【餃掂】唔知有冇人同我一樣都好鍾意食煎餃呢👀 個人覺得呢間分店既煎餃都整得唔錯😳至尊松茸餃 💰$86入面既餡係由豬肉同松茸一齊整，味道唔算好濃，小小既松茸香~ 煎到香脆既餃子🥟食落幾香口龍鳳松茸雙煎餃 💰$92佢係黑松露，白松露兩款松露混合既煎餃🥟 黑松露味較白松露岀，食落口好香truffle味！個人偏向重口味d😂 煎香咗黑松露餃點埋辣醬就啱曬我😋重慶鮮肉雲呑 💰$40我地嗌咗中辣試試個辣度先🌶🤣 對於食得辣既人，中辣真係唔算辣😂 可挑戰再高既級別🌶🌶 辣湯底都整得唔錯，亦有小小香辣味，配埋雲呑都正！忍唔住飲咗幾淡😂龍鳳蛋 💰$32一樣都係用黑白松露醬配雞蛋，味道都係好香truffle味，雞蛋整到有小小似溏心蛋，未完全熟曬，食落口感smooth d😚四川涼皮 💰$32涼皮就不過不失，醬汁落得唔夠多，食落淡味d，如果個醬重花生味d會更好😚

同朋友經過西環，見到「餃掂」專門店，大家就決定今日食餃子做午餐🥣龍鳳松茸雙湯餃$92跟狀元九鼎湯🥣餃子用上矜貴嘅白松露，黑松露加上新鮮豬肉做餡料，又特別又濃郁，增添迷人嘅松露風味，配上狀元九鼎湯（凈飲一碗都要$20）不惜工本，全無味精，湯料有粉葛，順德活鯪魚，香山活鯽魚，紅蘿蔔，扁豆，赤小豆，新會陳皮，蜜棗，鮮排骨等熬製而成！溫腎益氣，提升免疫力😍😍煎餃：野生松茸素餃（中）$58 因為生煎大約要等20分鐘，熱辣辣上枱，香脆外皮包住野生松茸餡料～其獨特的香味，脆嫩爽口、有嚼勁，松茸的味道更清新而濃郁😍😍煎餃：壽喜燒牛肉餃（中）$56一啖咬落去，牛肉汁流晒出嚟，皮薄餡靚😋😋山楂雪梨水$20自家製，山楂片，雪梨🍐甘草，冰糖，麥芽，水煲成，潤喉唔太甜，好啱秋涼天氣😍😍

🥟是真的還蠻不錯的，用料很足很好食。湯餃的湯真的好好喝！像是蓮藕排富湯，完全可以不點飲料。拍黃瓜🥒也很夠味，大部分吃起來都很爽口。但是辣椒醬沒啥味道，一點也不辣。BTW，點的下午套餐相比之下還蠻實惠的。美中不足的是調料味碟裡有油，不太乾淨。Price 是 total 87 HKD. 感覺有點小高，但也還能接受。粟米🌽餃子比白菜🥬餃子好吃很多，但粟米粒有點沒熟透，一丟丟硬。總的來說還算OK吧，一個普普通通的餐館。

熟悉我嘅人都知道我好鍾意食餃子，因為食餃子入嚟唔需要用好多時間，但係佢嘅口感同埋味道如果整得好味嘅話，性價比係可以好高。我一向都好鍾意食搞掂嘅餃子，尤其是佢嗰個龍鳳鴛鴦餃，有好香嘅黑松露白松露味道，喺其他餃子店係真係唔會搵到。今日嚟到堅尼地城呢頭，都食下呢度嘅餃子，果然都冇令我失望。仲叫咗一份龍鳳蛋，上面有黑松露白松露。可以見到餃子入面有好多黑松露。佢個中湯都唔錯食餃子係會頸渴，所以通常我都會叫埋嘢飲，佢有檸檬柑橘同埋雪梨水，都幾解渴。呢間堅尼地城嘅餃掂嘅質素都唔錯。

琥珀色黃金皮蛋唔係周圍都有得食，今日我嚟到呢間餃掂手工餃子雲吞專門店就食到啦！黃金皮蛋晶瑩剔透，食落就好似啫喱糖咁彈牙。重慶鮮肉餛飩 - 餛飩皮夠曬薄，煮起外層呈現半透明，透出鮮肉餡料，入口軟綿順滑，湯底可揀唔同辣度，切合個人口味。至尊松茸餃，餃子帶點韌性，口感整佳，隻隻都有松茸非常足料。唐芹拌豆筋，簡樸豆香同惹味辣醬一拍即合，凍食十分開胃。呢度嘅山楂雪梨水同檸檬薏米水都係自家製架！西環店仲有自家酸蘿蔔，諗起都流曬口水。

自從愛上呢間餃子專門店 - 餃掂，有唔少朋友都跟左我一齊嚟食。其中至尊松茸餃獲得一致好評，大碗灼餃$107，餃子同湯分開上，一set餃子貴價松茸醬，用鮮肉同松茸製成嘅餃子又有成碗湯，我同朋友就覺得性價比非常高。重慶鮮肉餛飩$40 餛飩同餃子不同之處係餛飩皮更加滑溜溜，湯底我通常會叫少辣，有風味之餘唔會太刺激。酸辣雲耳$25、唐芹拌豆筋$28呢度嘅酸辣醬調配得味道剛剛好，配雲耳、豆筋、青瓜等等都夠曬惹味呀！

今日帶住家姐個仔，嚟到西環，因為唔想食飯，所以我哋決定去搞嘢！就係去食餃子啦！聽個名都知掂啦！真係餃掂曬！喺門口餐牌已經見到佢有好多餃子嘅款式，基本上全部都好吸引，仲可以自己揀係湯餃定係煎餃，都真係唔錯，而且整體價錢都唔算貴，所以性價比都唔錯入到來雖然冇好特別嘅裝修，但係簡簡單單，最緊要係乾淨舒服就可以啦，而且坐得都唔算逼夾，所以都OK坐低之後，發現枱面上面嘅用具或者調味品都幾齊全，呢度有好多樽野，當中包括豉油，錯，辣醬等等，而右邊好大樽嘅，就係餐廳自製嘅新鮮酸蘿蔔，唔講唔知，如果你淨係想買呢一樽野，講緊都要 $130架！但係又難怪，因為佢真係好好味，除咗可以辟口腔味道，仲可以當係開胃小食添食得呢啲北方野，冇理由唔飲豆漿嘅，佢呢個豆漿都唔錯，因為唔太甜，所以飲落都好舒服，而且好香豆味，同餃子都好夾㗎首先嚟嘅，有呢個小食，佢係黃金原味皮蛋，大家可以見到佢個皮蛋呈金黃透明顏色，下面有豉油伴住，比起平時食嘅皮蛋，確實有啲唔同，因為佢皮蛋味道非常香濃，成個味道非常突出之餘，比起一般嘅皮蛋更加好味，絕對值得一試再嚟嘅我哋有四川涼麵，呢個涼麵好有正宗涼麵嘅感覺，因為麵條爽口，上面有啲肉碎，而下面仲

食過呢間好多次 而家越開越多分店 西環都開咗啦🥳最近我屋企😗-👉🏻至尊松茸豬肉煎餃（跟狀元九鼎湯）💲118 / 12隻👉🏻野生松茸素煎餃💲65 / 10隻👉🏻蜜餞雞翼💲32 / 5隻👉🏻麻辣松花皮蛋💲25👉🏻回味手拍青瓜💲25-叫煎餃但上菜速度好快👍🏻餃子皮比較厚身所以唔易穿 隻隻都煎到金黃色🤩松茸味都幾香 如果係松茸素餃口感就比較爽身啲 因為加咗雲耳😛狀元九鼎湯係粉葛湯 咁落清清地完全冇味精至於小食方面 蜜餞雞翼啲蜜糖好入味😋麻辣皮蛋比上次食濃味咗有改善 不過青瓜就太大條同埋冇咁入味😕個人認為呢度嘅煎餃好食過湯餃🙈〰️〰️〰️〰️〰️〰️〰️〰️〰️〰️餃掂手工餃子雲吞專門店 (西環)📍西環士美非路12號文光閣地下C號舖🔗#7eating中環#7eating銅鑼灣#7eating灣仔#7eating太子#7eating西環#7eating中式#7eating黃店

近黎成為港島人後，放工都周圍覓食，今日係附近食「餃掂」～之前係太子食過一次後，就念念不忘啦😌雖然餃掂有10幾款式餃子🥟但試過一次後，今次可以好快揀到心水😋先黎一份高級野🤩龍鳳松茸雙煎餃龍鳳松茸即係黑白松茸～剛剛煎好的餃子，一上枱，香味十足呀👍🏻咬一小口，好香松露味，食落去有好豐富的口感！白松露香過黑松露好多💜朋友仔揀左元貝豬肉湯餃跟狀元九鼎湯元貝餃子真係第一次食～ 味道濃郁😋 元貝好有咬口最後梗係唔可以錯過-麻辣松花皮蛋！松花皮蛋有少少流心，配上辣椒油，鮮味😜

餃子皮，小小圓形一塊，可以變出不同形態，口感煙韌，愛吃呢！芫荽豬肉生餃 一切源於朋友愛芫荽，因而叫了這款豬肉餃，好好吃，連著試其他之粟米豬肉餃。香菜，吃完唇齒留香的香菜水餃! 餃子好棒。至尊松茸豬肉煎餃至尊松茸豬肉和狀元湯分開上其實感覺不錯，不會將兩者味道混合，可以吃得兩者味道更清楚一點。餃子包得紮實，皮薄饀多喔，點小小的松茸醬令味道提升。棒！至尊松茸豬肉餃附送狀元九鼎湯，跟餃子味道好吃，餡料十足，香噴噴松茸味～元貝豬肉餃面 鮮甜滋味～因為足料十豬肉元貝，味道配搭很好～元貝有完美比例～鮮甜滋味原因 此看到～豬肉煎烚也好吃～蜂蜜檸檬薏米水效果好！飲的時候有檸檬和蜜糖香，令排毒功效顯著，更重要，薏米有清熱祛濕、健脾胃、網上看到，薏米煮之前要用水輕輕清洗一下，不要大力地洗，然後用水浸二小時，浸水要保留一起煲，放入檸檬皮熄火焗20分鐘，加入檸檬汁，這兒可以由專業的處理呢～粉葛鯪魚赤小豆湯讚狀元九鼎湯，材料豐富！很好，吃得到感覺，粉葛、順德活鯪魚、香山活鰂魚、赤小豆等等～味道清甜，天氣熱飲完解渴，沒味精～粉葛魚湯，這些食材都有健脾化濕、逐水利濕功效。 魚湯雖然比平常的湯水多了一些步驟，

今日經過西環勁想食餃子，咁啱經過一間舖頭佢專賣餃子咁就諗住入去食。一入到去就見到呢度有一樽浸酸蘿蔔嘅嘢。一打開個蓋有勁大浸酸味以為會好酸，但係我想講佢勁好食！如果你鍾意食韓式蘿蔔嘅話你都會鍾意食佢。跟住我哋叫咗一杯雪梨茶，我想講食咁多煎餃子配多一杯雪梨茶係超級消除熱氣嘅嘢飲。同埋我想講店員勁窩心，因為我哋兩個人但係淨係叫咗一杯嘢飲佢都主動拎個紙杯俾我哋兩份分。跟住我哋叫咗個松茸豬肉餃子，佢呢一個係有兩款食法。首先餃子可以浸湯食第二可以就咁單色，上面有個碟仔碟仔入面嗰啲係松茸可以點落去食，如果有啲朋友唔鍾意食粗用嘅話都可以就咁單食過豬肉餃。但係我想講個餃子就咁單食或者加埋松茸一齊食都好好味。同埋我想講個湯係葛湯，唔油膩同埋冇味精係出街好難得遇見！跟住我哋再叫咗一個餃子麵，佢嘅餃子係有唔同款式選擇。我哋選擇左牛肉壽喜鍋餃子，平時壽喜鍋餃子入面會有啲汁佢呢個都一樣。同埋我想講佢啲面勁好食個湯底都一樣，個面又彈牙同埋個湯好濃牛肉味😆😆。另外我哋仲叫咗一個香煎軟心芝士，佢入面有好多粟米粒同埋豬肉一齊仲有芝士！如果鍾意食芝士嘅朋友記得一定要叫黎試吓，因為佢個芝士唔會話太濃但係都可以食到嗰種芝士口感

堅離地城附近收工搵男朋友晚飯，見標榜「手工餃子」店，鋪面又幾乾淨企理，就萌生興趣試下😋打開餐牌先知係先前朋友推介過既特色手工餃子店，即刻嗌返兩碟招牌菜🤤至尊松茸豬肉灼餃子🥟+狀元九鼎湯鐘意松茸味嘅人有口福🥰餃子餡料本身已有松茸，但另外附上一小碟松茸，可以自行再加強鹹香味！唔想太濃都唔怕，配湯可以中和味道冇咁漏，而且湯冇加味精飲落好健康！元貝豬肉煎餃子🥟朋友推薦呢款熱門餃子，的確冇介紹錯！🤤 成個餡充滿元貝絲混豬肉，口感豐富，煎得好香脆可口，而且冇油膩感，可以一件接一件咁食☺️蜜餞雞翼🍯出乎意料之外地好好食！😍蜜糖味好重，雞翼皮煎得剛剛好，好香，肉質超嫩滑！是日推介VIP！💯手拍青瓜🥒醬汁一定冇得輸！香濃花椒油剛好撈均所有青瓜，唔算好辣，食餃子前作前菜可以增加食慾😋自家製山楂雪梨水🍐蜂蜜檸檬薏米水🍋雪梨水比想像中清新，配上山楂酸酸地更開胃，甜度適中。薏米水適合喜愛偏甜人士，蜂蜜味好出，薏米亦佔整杯三份一，落足料！

突然想食水餃，上open rice一找，有那麼多好評當然要試一下！餃掂的牆身有很多裝飾品，很特別我挺喜歡的我試了幾款網上推介的餃子至尊松茸豬肉餃跟狀元九鼎湯想不到這個價錢也有好多松茸在裡面，跟配的狀元九鼎湯，喝一口已知真材實料沒有味精，一碗不夠喝呢~元貝豬肉餃裏面有西芹，令到口感更加豐富，亦有不少元貝在裏面，這個價錢很抵壽喜燒牛肉餃這個牛肉餃有驚喜，咬下去爆汁出來，以為是在吃小籠包呢！超多汁而且肉味很香濃，我點了生煎更加脆口了！因為是晚餐所以叫多兩款主食叫了上海淨麵和四川涼皮，價錢平宜但很大份的！上海淨麵麵質爽口彈牙，湯底有味不單調，這樣的麵在一般餐廳用這個價錢是買不到的，店家有心，給好東西對客人四川涼皮花生碎等配料一律不少，每一口都有配料，清涼的在天熱時食很舒服自家制山楂雪梨水(支)酸酸甜甜好開胃，膠樽印了餃掂logo好可愛，喝不完還可以帶走，不會浪費最近食過的水餃來說這家的性價比很高，而且分店很多隨時都可以吃，下午茶很便宜，有機會下午茶也要去吃一頓

高先電影院睇戲前後響附近覓食，呢頭都幾多小店，入左呢間手工餃子專門店，原來都有幾間分店。試左招牌龍鳳松茸雙煎餃 $86/8隻，係黑白松露，望落分唔出，但咬落就聞到同食得出幾香既黑松露味，正！而白松露餃則比較似蘑菇味，唔夠黑松露突出。麻辣湯餃 $46/7隻 配麻辣湯，選小辣唔算好辣，但幾惹味。壽喜燒牛肉煎餃 $56/7隻 本身配搭已經新鮮，咬落去仲有湯汁吱出黎，有驚喜。.一共試左三款餃，隻隻都好足料，亦能夠食出不同口味的分別。煎餃煎到一邊金黃色，外脆內軟好香口；湯餃都結實，唔會一夾就散。仲有元貝餃同軟心芝士餃都幾特別，下次試下先！枱上除左有醃蘿蔔（開胃小食！正）仲有多款調味料，包括醋，豉油，四川辣椒醬，菜脯豆豉醬。我平時習慣煎餃點醋食，不過這邊餃子本身夠味，所以我淨係試左菜脯豆豉醬。辣菜脯惹味之外更豐富了口感，加少少又唔會太搶餃子原本的味道，正！四川涼皮 $32 口感煙韌幾有咬口，原本諗住配煎餃一齊食，但本身鋪滿花生碎，就咁食都好食。食左咁多煎餃有啲熱氣，最啱飲豆漿或者呢兩款下火清涼特飲 - 自家制山渣雪梨水同蜂蜜檸檬薏米水 $28/枝 好飲！店內環境幾舒適，唔會迫，而且有幾幅有關餃子畫