餃子冰室

营业中

休息中

#holidayouthk美食【鹹蛋黃黄金餃 10隻套餐】 HKD63.【黑白士匪雞肉餃 6隻套餐】 HKD41.黎到長洲🏝當然唔只得大魚蛋🍡、芒果糯米糍🥭依類小食。尤其係要罷島上藍店😤，好多人都問究竟長洲仲有咩食？仲有咩原因值得入黎？今次介紹依間位置唔太顯眼，店內位置亦唔多嘅餃子冰室🥟。雖然唔係黃店，但至少唔係幫襯藍店。店主亦好貼心為每枱擺放風扇🌀，等大家係炎夏戴住口罩😷都冇咁辛苦。餃子🥟款式有8️⃣款，有時仲會推出特別口味。今次試左黑白士匪雞肉餃同鹹蛋黃黄金餃。兩者皆皮薄香脆，內餡足料多汁😋。特別係好欣賞鹹蛋黃味，鹹蛋醬炒至起沙，聞落香濃。雖然食落鹹蛋味冇咁出，但純粹係因為豬肉餡🐷味濃而掩蓋左，所以值得encore。黑白土匪形式上做到好似，加左黑白芝麻同孜然粉🧂，入面又以雞肉🐔作餡料。但味道同平時食嘅黑白土匪雞翼嘅香味有一段距離，食落似一般餃子。.📍餃子冰室長洲大新海傍路86號地下🕑星期一至日 12:00-22:00#holidayouthk長洲#Hkig #Hkiger #Hkeat #Hkfood #Hkfoodie #Instafood #Foodstagam #Foodieli

餃子冰室係由兩位90後土生土長既長洲人開店既🤣呢間小店既特色係除左有平時出面食到既餡料外，仲有啲比較特別既餡料，例如家鄉肉餅、咖哩薯仔、南乳豆卜等😊-🎈原隻鮮蝦菠菜餃(4隻)+酸辣湯 $40我平時鐘意食湯餃或蒸餃多過煎餃既～因為覺得前者係最保留到佢既原汁原味😌餃子食落去真係皮薄饀靚，而且鮮蝦大大粒咁😋重點係完全鎖住哂啲汁係入面，完全係會令人想一食再食😳而酸辣湯有點兒偏辣～不過酸酸辣辣咁好過癮😂個人覺得幾好，但男朋友仔就話一般咁🙈-🔸餃子冰室📍長洲大新海傍路86號地下

一個weekend我地係長洲黎個2日1夜，一落船當然去覓食，沿碼頭到呢間餃子店好近，只需幾分鐘路程。餐廳入面座位不多，約12個位左右，我地好好彩，啱啱有2個位（遲多幾分鐘就要等位😝）。餐廳有提供全日套餐，有8個餐選擇，每個套餐都有餃子，而餃子既選擇亦有8款，除咗有正常既波菜餃、韭菜餃，仲有d都好特別既，例如黑白土匪雞肉餃、南乳豆卜餃、咖哩薯仔餃同黃金餃（沾咗鹹蛋黃醬既炸餃😈）。我就點咗10隻蒸南乳豆卜餃，而男友就揀6隻黃金餃配黑醬油雞飯。個餐包一杯飲品，四季春茶或者包裝飲品，你亦都可以好似我咁加錢飲其他野，我就加$12飲冰糖紅棗桃膠。炎炎夏日一杯冰凍冰糖紅棗桃膠超正，甜度啱啱好。蒸餃係用蒸籠上，熱辣辣上枱。好心急夾起一隻，皮不算厚，而南乳味已經湧入鼻孔，食落亦十分濃味，好特別。至於黃金餃，一上枱已經感受到佢既😈。一入口，滿滿鹹蛋黃，十分惹味！我食咗2隻黃金餃，已經好漏！至於個黑醬油雞飯，我同男友一致覺得好好食，醬油用上香葉整帶少少甜味，而雞肉亦嫩口，十分讚！呢間餐廳值得回頭再試！

在家太久 外出走走去到長洲  熱到想抖抖見到間餃子冰室老公喜歡食餃子餃子不是我最愛 但見到有其他選擇就入去坐低點了一份最普通的菠菜鮮蝦餃子 配 黑醬油雞飯再加一份雞絲粉皮  和  冰糖紅棗桃膠餃子可選煎或蒸的老公要了蒸菠菜鮮蝦 餃當時我心中就想像酒樓菜苗餃的味道往往沒期待 反而可能有驚喜好好食喎不是一般的餃子皮  這皮薄而煙韌肉餡味道均衡  但又層次分名 老公要了8 隻, 我本來只打算吃一隻 .. 最後吃了3隻 不好意思吃4 隻 而黑醬油雞飯 和 雞絲粉皮 呢?一般般 ... 餃子好味啲 但我好喜歡那杯冰糖紅棗桃膠啊清甜解渴  好舒服一般長洲小店的格局 人流不多  我們用餐時 只有另一組客人所以坐得好舒服很安靜 很慢活看見兩個年青人在經營 細問下他們原來都是長洲人上年9月份才開店希望下次去  仍然有機會試到他們其他的餃子

行到攰，想搵間餐廳坐低食少少嘢，見到餃子冰室有我最鍾意嘅酸辣湯，就坐低試一試啦。我哋點咗芋頭臘腸煎餃同埋黃金煎餃，食時非常有驚喜！餃子皮薄，芋頭臘腸有咬口，然後黃金餃咬開時會有湯汁，非常好味👍🏻酸辣湯好足料，唔會杰撻撻，好飲！食得出係有心機嘅餐廳。我地係長洲住咗一晚後、第二日臨走都忍唔到返去食多次，照舊點黃金煎餃，另外試一試南乳蒸餃。南乳餃有淡淡的南乳香味，唔會太勁，黃金餃同樣地有水準。配埋跟餐嘅四季春茶，好滿足☺️入開長洲真係要必食呢間！

同朋友夜晚諗吾到食咩行過見到間有懷舊風格嘅餐廳仔就去試下啲餃子叫了兩款餃子 期間限定 芋頭臘腸餃子餃子用蒸籠上 好靚好有特色芋頭同臘腸配合得天衣無縫而且勁juicy 超級推薦其中一個套餐有埋黑醬油雞飯雖然比較細碟但係女仔細食量啱啱好味道不錯啦第二款餃子係黃金金金餃子依款係煎餃子🥟鹹蛋同餃子比我想像中好味而且一啲都唔漏外皮好趣裏面仲勁多肉汁套餐係送一杯茶飲品正常茶冇乜特別不過食咁多餃子飲啖茶就舒服啲今次最推薦係芋頭臘腸餃子價錢合理 環境舒服

今次入開長洲見到呢間新舖頭要我好鍾意食餃子梗係要試下啦。鋪頭設計都好好但係舖仔細細坐位都唔多。好彩唔多人完全唔使等位。佢有唔同既Set。價錢都公道。有特色。有機會仲想試多幾款。但食蛋旦食飽左。蔥爆牛肉餃子~味道好燶。煎得好香。入邊仲有汁冰凍四季春~飲完好舒服。解左個口好燶既味腐竹薏米糖水沙冰~呢個真係不得了。有驚喜。係有小小似分子料理。明明飲緊沙冰但係腐竹薏米嘅味。好正環境：成個環境好有格調。但係鋪真係細。人多可能要等好耐食物：好有新意味道都好好。第二度食唔到總括：估唔到隱世小店做得咁出色。價錢公道。下次入長洲就必定會再支持。加油👍

聖誕節同朋友一齊入長洲玩，之前電視介紹這間餃子店特意來試試 😊竹庶茅根甘荀沙冰~好特別不太甜， 但不可跟餐要另加$28比較貴當日限定五香芋頭臘腸餃~好有五香味，臘腸冇肥糕招牌韮菜餃~韮菜再多d會更香蔥爆牛肉餃~肉汁豐富，好有香蔥味總括餃子皮好薄而有彈性，所以唔會穿套餐$37，包6粒餃及細盒陽光檸茶

入長洲周圍行，誤打誤撞見到上次睇香港原味道介紹嘅餃子店，所以就入去試下，不過店面不大，除一張四人枱外，其他都是二人枱，不太適合太多人去。食物選擇不多，餃子只有三款選擇，都明白食物不能存得太久所以少選擇要食香港原味道餃子就每兩天更新一款，星期一二就咖哩薯仔家鄉肉餅、三四呢就係蔥爆牛肉韓式泡菜、五六就南乳豆卜。我建議若味道可以rotate 就好，咁我就可以星期六日入去試下其他味道。我星期六入就叫左南乳豆卜同韮菜餃，佢有分蒸同煎，但是個人覺得分別不大，因為佢個煎餃似蒸完再煎下個成，同爭係土煎嘅餃不同。講返原味道餃，好特別幾好食，不過我係濃味人所以覺得可以再濃返少少味。另外再叫左個酸辣湯，味道唔錯夠熱飲品我好欣賞個腐竹蛋薏米，有碎蛋好得意ar 爸爸食左個黑醬油雞飯話似魯肉飯，幾好食仲有仲有 個辣醬不得不提，好食到不得了，我有買返樽返屋企食下次去長洲都想再食

餃子迷一定會朝拜一下，睇到網上介紹，所以去試下本身想試下其他味，但原來禮拜六會特定餐牌。叫左咸蛋黃金煎餃同九菜煎餃咸蛋黃金餃較為好食，皮薄，好好味九菜蒸餃食完冇咩特別餐廳店較細，但都夠位坐，適合兩個人去：）

由電視介紹知道長洲有一間很特別冰室，於是同老公入來玩一下。原本想吃的是南乳豆腐卜餃子，但原來只在星期三，四才有。原因是店主每日新鮮自己包，所以每天只有3款餃子，而每2天換一次款式，唉!可惜!今天3款餃子有:家鄉肉餅餃子韮菜餃子咖哩薯仔餃我們選了前2款，因為老公不吃辣的。枱上裝飾很漂亮，假電話，假餃子很懷舊~而辣醬不容小看，很惹味啊!不像外面辣椒油，內裡很多料自家製的。家鄉肉餅餃，真的不同凡響。用大大粒粉葛和冬菇，配豬肉碎，味道很鮮很突出口感飲品這裡有很特別腐竹蛋沙冰食到有腐竹薏米粒很有質感，和平時腐竹蛋糖水很像，製成沙冰後不太甜比較健康消暑感覺。老公選了綠豆冰綠豆蓉味道比較濃，我們2人比較喜歡綠豆冰，因為味道甜些濃些最可惜是我們吃不到特別南乳豆腐卜餃子，另外逢星期日有黃金豬肉餃子，用咸蛋皇炒的，亦是很想吃的一種。只有等下次有假期，再來才可以試到了，餃子皮很薄，材料內有湯汁不是乾乾的，所以真的很值得來長洲吃。

開頭會覺得入長洲食餃子太普通 食完發現觀念係錯既 首先服務態度好 店員又係靚女 點左一個蒸韭菜餃 皮薄多汁餡多 啲汁真係仲係入面啷下啷下 食落去真係同出面好唔同 再叫左煎泡菜餃 表皮好脆 入面又係好多汁！ 真係好驚喜 同某間八咩咩集完全冇得比 再叫左紅豆餃 呢個更加新奇好味 唔會太甜 唔會膩口 十分好 個皮仲係勁脆 又有紅豆粒 好出色 一定會再去 希望繼續保持水準！ 如果去長洲 我都覺得應該去品嘗下呢種小店 環境乾淨舒服 係好文青好靚既店面 同以往既餃子店真係好唔同

New Dumpling place!Cucumber gives an extra crunch and texture, pork ribs are well marinated and stewed for enough time. Some pork are with cartilage which is very good! The kimchi flavour is not very prominent. The spicy sauce is very spicy and very flavourful! A complex spicy flavour. The pickled reddish is the best companion with those fried dumpling.Steamed dumpling is fresh and very juicy! The dough is very elastic and thin! With the spicy sauce and black vinegar it is the best! Highly recom