食為天 (已結業)

北角新開咗一間上海菜，吾系普通上海菜，仲有靚裝修，桌椅都好帶比人豪華感覺，但對應番食物又吾算貴，而且店員服務態度都好好啊👍🏼位置喺正市中心好方便。首先飲啖湯暖吓肚先，鹿茸菇炖上雞湯，好足料鹿茸菇味濃郁，啖啖暖身滋補。蒜泥白肉去親上海菜館都會叫，蒜香味尚算濃郁🧄白肉每片薄片易入口。龍珠咕嚕肉個名好得意，原來龍珠系紅火龍果球，加入咕嚕肉度呢個組合又幾過癮🤭咕嚕肉外層香脆可口，內裡肉質軟稔中帶嚼勁，菠蘿又清甜🍍豉椒炒蟶子系好多中菜館都有嘅小菜，鑊氣十足，蟶子有陣陣豉椒味🖤蟶子新鮮多汁。嫩雞煨麵系好傳統嘅上海菜，呢個真系做得吾錯，雞肉做到嫩滑🐔麵條幼細，湯底做到少少稠身，十分有風味。最後就食咗兩款甜品，系炸鮮奶同埋南瓜餅🎃覺得炸鮮奶香脆美味，裡面鮮奶甜度恰好。南瓜餅南瓜味濃郁🎃口感煙韌好好咬👍🏼

今次同大家介紹北角一間中菜館，位置方便地鐵出口過一條馬路就見到，入面雖然唔大但餐廳裝修都尚算精緻，包括枱櫈同餐具都比一般同類餐廳別緻。———————————————🌟剁椒魚頭半隻 $128魚頭製作比較花時，但真係非常值得等！魚頭嘅肉非常嫩滑，蒸嘅時間掌握得好好，最出色嘅地方係佢果個剁椒調味，高溫油加剁椒再加上咸味調得非常好，食落好香好惹味下次真係要加埋個面落去撈應該會更加正。🌟鐵板黑椒牛仔骨 $118牛仔骨肉質非常腍身，一啲都唔會覺得好韌，食落牛味重而且唔會太肥。黑椒味香濃再加上燒香嘅洋蔥，為整個牛仔骨增添風味。🌟乾炒牛河 $88鑊氣十足，炒出嚟嘅色澤非常靚，每年河粉都炒得分明，牛肉一樣都好腍而且份量都唔算少。🌟南瓜餅 $30有南瓜餅食嘅地方真係唔多，其實最初食呢間就係比佢個南瓜餅吸引咗😂南瓜餅煎得好香，食落熱辣辣又非常煙韌，不過味道上佢係屬於少甜嘅一種，個人會鍾意甜多少少，但其實呢個味道都好唔錯。🌟蒜蓉津白 $68佢有好多種菜同口味可以配搭，呢個蒜蓉味炒得好香，而且面頭仲要加有炸蒜，津白都好新鮮好甜。🔸整體評價🔸老實講小菜嚟講呢間都幾值得推薦，性價比好高而且食物每樣都好出色。餐廳連飲

香港被譽為美食天堂，食肆林立，今晚便來到北角新開的一間食肆。酸菜原條鱸魚$208，鱸魚魚片鮮嫩可口，鱸魚起骨之後，魚身和魚頭經過走油，可以吸收酸菜魚湯底的味道，這個做法有點像粵式。不過金湯的味道，就非常接近四川，酸辣程度適中，魚湯味道香濃。酸菜魚的配料，除了有酸菜之外，還有萵筍、雞髀菇和薯粉。嫩雞煨麵$78 ，麵質軟滑可口，湯底味道鮮甜，可以一試。乾鍋菜花$88，椰菜花帶着腩肉的香味，不過花椒油的味道不夠太濃，否則就非常美味。蟲草花土雞湯$42，材料有雞肉、紅棗、龍眼肉和蟲草花，雞湯味道鮮甜。茶樹菇瘦肉湯$42，茶樹菇的香味，充滿了整個燉湯，加上熱度頗高，這個燉湯非常值得推薦。凍檸茶少冰$19 ，檸檬份量，稍為少了一些，所以檸檬味道偏淡，如果檸檬份量多一點更好。