食條鐵 飲果汁

营业中

休息中

今日啱啱經過太子道西行街行到超口渴，所以就同我個朋友每人買咗兩杯飲品，包括奶蓋，加埋啲清清哋嘅關東煮。老闆娘好友善，麻雀雖小,但係老闆娘親自出嚟招呼我哋，我最鍾意飲嗰個奶蓋飲品，平時飲柑桔檸檬或者紅蘿蔔橙汁就多但係加埋個奶蓋，又有另一番風味，同個飲品好夾，而且喺出面好少見到咁樣嘅奶蓋飲品組合，奶蓋芝士好新鮮、同埋好香滑，幾杯飲品覺得好解渴，老闆娘話佢要確定啲奶蓋一定要新鮮，飲品嘅質素要高；關東煮食得出食材好新鮮同埋完全冇隔夜味道，食得出老闆娘真係好用心同埋好用心思嘅製作，如果去開太子道呢頭，真係值得幫襯下，超讚！奶蓋甘吉檸檬 29芒果雪梨鮮奶 37起司奶蓋紅蘿蔔橙 36關東煮 四餸：海帶結串、雞肉、芋絲串、 西蘭花 39

今日經過太子見到呢間新開嘅日式外賣小店, 店名勁得意🤣就埋去睇吓呢間餐廳主打關東煮同麻辣燙關東煮同麻辣燙整成兩餸-四餸飯/麵價錢超實惠, 仲有超多食材款式可選擇😆我就叫左個外賣試下關東煮湯底超鮮甜入邊除咗本身有蘿蔔, 仲有蒟蒻增加口感而且食材超入味, 仲配埋自家製嘅黃芥辣唔太攻鼻, 但係又可以令到食物味道更清新👍🏻我就叫咗日本叉燒,日本玉子, 薯仔同埋芋絲日本叉燒肥瘦適中，整到超腍麻辣燙辣度都啱啱好, 同樣夠晒入味叫左貢丸, 牛丸,雞肉同肥牛, 配飯夠晒惹味😋另外, 我仲叫埋佢哋嘅嘢飲飲咗起司奶蓋新鮮芒果雪梨鮮奶平時都好少見芒果同雪梨嘅配搭 🥭🍐 點知芒果味超鮮甜, 加埋雪梨中和返令到成個口感好新鮮, 奶蓋亦超綿密🤣整體來講, 食物同埋飲品都配搭得唔錯關東煮就最有驚喜