影片
呢个星期二，即6月6日，时间唔系魔鬼组合嘅6点，而系点红点绿嘅13点，正值上古贤君出巡，即大雨（谐音大禹），从地铁站步出，想起网友介绍话位于观塘广场，有间好食嘅车仔面店，于是嚟到呢间已转手逾年嘅车仔面档试食，呢间面店未转手之前，我久不久会买串鱼蛋同司华力肠止心瘾，转手之后就未试过，今次系第一次。叫咗我至爱嘅猪皮，厨师推介嘅猪大肠，猪红同埋红肠，面就拣咗车仔面店少有但都开始多出现而且比较健康嘅红薯粉，再配一支乌龙茶，承惠$60。先讲支茶，原来只系细支装津路乌龙茶，附近地区只买$8咋，早知嘅话，我就唔买，等食完抵住口渴先至买啦！加上支茶唔系非常冻，起咁热嘅天气下，更加唔值。猪皮爽口，无沙无毛，基本功做足，但焖得个味虽然唔系淡，但我嫌唔够浓；猪红，有部份比较硬身，做唔到软滑嘅效果，呢方面要扣分；猪肠，非常干净，算系焖得腍，但少咗个灵魂：猪肠内壁嘅猪油，所以唔够顺滑，质感偏硬；红肠，表皮颜色鲜明，终于食到无酸馊味嘅加工腌肉制品啦（之前试过两间食店嘅腌制加工肉，包括火腿同红肠都有酸馊味），满足；红薯粉，煮得够透够滑，合格；汤底，我会多饮几啖，原因系饮完唔会口渴，而且偏浓味，但又唔似系腩汁或沙嗲汁嘅味。整体嚟讲，碗面无惊喜，唔似间舖头挂住个电视播片所讲嘅好食，可能我要求高啦，我只能够讲系合格，不过不失，唔算得上系好食，但份量足系事实，以我坦克车嘅身型都够饱就知道份量有几足。（想起肥公车仔面如果唔系食到成口猪毛嘅话，真系好食）最后有件趣事要讲嘅，店舖嘅墙上贴满要客人用餐完毕，自行收拾嘅字贴，但我巡完整间舖头（间舖堂食座位只容纳最多12人），都揾唔到放置食完嘅托盘及餐具位置，只系见到有一个大垃圾桶，于是我迫于无奈咁，同上一手一样，食完就走。
继续阅读
落观塘做完野咁岩见到就想食车仔面，叫左个两𩠌米线再加$9加左份猪扒，total$44。咁佢整好我就拎走，因为系汤面冇专登打开check。坐车返到屋企发现佢比漏份猪扒，打返去舖头，其实佢都知，就叫我返去拎。我表示已经坐车返左屋企，叫佢一系payme过返钱比我，佢就话佢地冇Payme。问佢咁仲有咩方法退钱，佢叫我下次过去同佢地讲。但问题系佢收咗我张单。个职员就话佢地会信客，有客话佢漏野就会退钱/补返。如果系咁，即系间舖根本就惯性漏野。收左线就食面啦，个面我叫BB辣，但根本辣到食唔到，我要倒晒d汤换左热水落去。要食就自己睇路啦。下面系未倒汤食左两啖
继续阅读
面底可免费转菜底，今日有菜心苗同生菜可供选择十分适合唔食淀粉质人士临尾仲会加一羹虾皮，增加汤底鲜味如果唔食虾皮，记得落单前讲明位置尚算易揾，扶手梯对出就可以见到
继续阅读
最近发现 #观塘广场 有间超抵食车仔面，4个𩠌都系 $44 ，#CP值超高，系我呢排既新宠儿，有好多款𩠌不再话，每款𩠌都好多量，摆到成个碗都超Full，仲要啲𩠌唔只一件，超抵食 ，仲要面底都超多，男仔食都会够饱☺️另外，不得不赞真系最正系个汤底，有好多料，有樱虾皮，虾籽等唔同配料，一啲都唔味精，食完绝对唔口渴，真系汤都可以饮埋，仲有，老细好记性会记得我食乜，有时会系我落单前温提我边样𩠌无货 ，系人情味呀♥️，绝对推介， 行过观广必定要试�🌻🌻🌻🌻🌻
继续阅读
由于呢间餐厅喺公司附近，所以都帮衬左5次左右，其中两次系俾少一个𩠌，一次俾错面，而今日又系俾错面！首先我点左个捞面，餐牌上冇写要加钱，点餐纸上亦冇写，但付款时就话要收多1蚊。ok，唔系问题，1蚊姐。当野食ready la，我见系汤面，就紧系同佢讲返我系叫捞面。但个煮面呀姐态度劲差，怀疑我讲大话咁，叫收银睇吓我系咪真系落左捞面，check呢样𠮶样，当佢发现我冇落错时，佢当堂黑口黑面，我心入面真系超嬲，佢仲要一句唔好意思都冇。事后同同事讲返件事，原来佢之前都试过俾少左𩠌，呼吁大家帮衬呢间舖记得check清楚。讲真咁多甩漏，冇心做就不如唔好做啦。
继续阅读