食得喜粥粉麵

营业中

休息中

大前日（15-2-2025 Sat）晚，老公剪完髮返嚟，話買啲嘢夜晚食，我冇idea，就由佢發辦買啦，最後，佢喺呢喥用$50.00買咗個梅菜扣肉飯，加熱檸水返嚟。我哋開餐喇，梅菜係甜梅菜，扣肉未夠腍，唔係入口即化，罐頭重好過佢，而一路食，發現扣肉得好少，10件以內，梅菜多到冇朋友，墊底嘅，竟然係生菜，奇怪。飯就冇乜問題，熱檸水我就冇飲到。上次食評係2024年12月1日刊登嘅呢篇：https://www.openrice.com/zh/hongkong/review/%E6%8C%91%E6%88%B0-e5799216

今朝（1-12-2024 Sun）同老公食早餐，我就已經食咗少少嘢，唔知食邊間好，老公問挑唔挑戰食呢間嘅粥？我答挑咪挑囉。老公話最緊要有卡位坐，否則唔食。我哋去到喺出面望下，啱啱有張卡位吉咗，咁入去食啦，睇完menu，我哋都揀咗$34.00嘅套餐。1. 皮蛋瘦肉粥我同老公都要呢個粥，呢個皮蛋俾得多，瘦肉同粥都夠鹹味，粥有飯味，煲得唔爛，咁升糖指數係咪冇咁高？2.9分2. 炒米粉睇見份量唔算多又白白淨淨，冇乜油，唔似炒過，而想自己加芝麻但冇供應，食落，同樣鹹味好夠，口感好爽，配料只有菜同紅蘿蔔絲，但都好似冇乜炒過。老公就話似橡筋，食到消化不良。2.9分3. 蔥花蝦米腸呢個味道好夠，口感係爽，呢個唔錯。5分4. 熱奶茶我冇落糖飲，呢個茶味唔濃，有少少澀。2.5分5. 熱檸水呢個係老公飲嘅，我冇問佢覺得點。其他：1. 點餐時見呢個餐包嘢飲，我哋就揀熱豆漿，但侍應話唔可以揀豆漿同汽水。奇怪，食粥要飲嘢嘅，多數都會飲豆漿，但竟然唔可以叫，如果因為係來貨，大可以話要加錢。2. 老公食炒米粉時加辣醬，但唧到我，因為個樽口細，佢要用力唧，但唧到出嚟就反彈彈到我件衫。睇睇，辣醬個樽口比甜醬同麻醬嘅細。抵

第一次去幫襯買咗牛腩米線，生滾豬潤粥加半打炸饅頭 ，在加杯奶茶嘅我自己本身又冇睇清楚張單幫我落咗啲咩，當我返到屋企先知係同我落錯檸檬茶 。牛腩米線牛腩有啲臊味，唔好食。。。生滾豬潤粥得四嚿豬潤。。。粥非常稀個碗又細，需要33蚊，唔值呢個價錢。

今（16-8-2024 Fri）晚又係自己食晚飯，食咩好？老公話呢間𠲖o家終於有粥食，但食過唔掂，話如果唔係唔舒服，冇得選擇都唔會嚟食。上次（食評係2024年8月4日刊登嘅呢篇：https://www.openrice.com/zh/hongkong/review/%E4%B8%80%E6%97%A9%E6%9C%89%E9%A3%AF%E9%A3%9F%E5%86%87%E7%B2%A5%E9%A3%9F-e5605175）我嚟時，見到有鹽焗雞飯話可能會試，咁今晚就買嚟試啦。嚟到時睇吓，價錢係$48.00，凍飲加$2.00。咁我就要一個，飲熱檸水拎走，收銀問要唔要餐具？我答唔要，咁就$50.00。喺等嘅期間，見到有油炸鬼，就問幾錢？亞姐答$9.00，咁我又要一條啦。之後食物有齊，返到屋企打開食得，油炸鬼仍熱，食落係脆但味道怪，口感亦唔同，有啲油饐味，其實老公之前食話炸兩，話會腸粉會爛開，油炸鬼又唔掂，今次我試咗，真係掂。0.1分鹽焗雞飯呢？買完睇見張單打鹹雞飯，今次捉蟲啦，鹹雞唔得等於鹽焗雞㗎，唔知咁樣，有冇違反商品說明條例呢？食落，個飯偏乾，鹽焗雞（鹹雞）好油，但絕對冇鹽焗雞風味，

話說呢間嘢開頭話五月中開，然後延期到六月中，但最後都係到呢幾日先至開到張，老公之前有一朝已經去過，話未有粥食，而且冷氣唔夠。但我都想試，於是今日（4-8-2024 Sun）同老公嚟食，嚟到都仲有位，環境係闊落舒適，睇完menu都重係未有粥食，我就要$37.00嘅墨魚丸麵，加$7.00要熱奶茶。老公要$48.00嘅咖哩牛腩飯，飲熱檸茶少甜。好快老公所有嘢都到齊，而我嘅墨魚丸麵亦都等一陣就到咗。睇見老公嘅咖哩牛腩飯有白蘿蔔片，而我嘅墨魚丸麵就真係正正得墨魚丸加麵，一條菜都冇，而且份量都唔係多。食落， 啖湯係好夠味，墨魚丸同麵嘅口感都正常冇問題。3.5分試吓老公嘅咖哩牛腩，唔知我係咪啱啱食到啲邊，個腩係唔夠腍；而咖哩汁係唔辣偏甜；白蘿蔔就夠腍冇渣。老公話自己捉蟲，喺呢啲地方食，其實就係將灼咗嘅腩加咖哩汁，唔會入味。2分而我嘅熱奶茶就一般，唔太濃味。1.5分我就冇問老公覺得杯凍檸茶點，而佢都冇咩comment。另外，佢有鹽焗雞飯或者我下次會試下買嚟食。