影片
食记 (83)
同两个朋友行过，见到呢间韩国餐厅就谂住入去试下，讲真坐落期望不大，但是野食竟然唔错？！芝士火山午餐肉饭嘅泡菜分量刚好，只系有少少辣，啱啱唔系好食得辣嘅我 芝士捞落啲饭度好靓，不过唔系好食得出芝士味个年糕烟烟韧韧，沾咗啲酱的清甜味，牛肉比想像多，肉质松软，又无松肉粉的咪，加埋酱的清甜味，一个字，正！另外，侍应好韩妹，又好肯答问题，又会主动走过黎睇你有咩需要，服务好好！
继续阅读
星期日咁晏先训醒, 饮茶闲闲地都要等成个钟! 妈咪唔知哪里的想法话想食韩国野, 于是黎左第一城唯一一间韩国餐厅试一试@@ 海鲜煎饼-望落煎得有少少㶶, 食落一口粉-_-...完全无味, 只配鼓油俾我地点个饼, 唔明韩国餐厅点解无辣椒酱? 因为爸爸食个石头饭都系无...至于海鲜, 好似得尢鱼同虾毛, 算了三四十蚊也不期待有什么靓料俾你。牛肋骨汤-牛肋骨有两大旧都算系咁! 汤入面有粉丝, 白萝卜同洋葱, 无其他野了。可能因为无乜其他配料, 个汤都好无味, 连带牛肉亦都无乜味, 要点鼓油先得! 白萝卜亦都唔甜, 好普通; 至于个饭就正正常常啦, 无乜值得食。
继续阅读
一行六人，叫了两个三人餐，分别系青菜牛肉锅同青菜猪肉锅，侍应回覆，一张台不能用两个gas炉，问我分开上菜，先食牛肉，食完再上猪肉，我话：同行友人唔食牛肉，不能分开上菜，我提议换另一张大台，侍应没有任何回覆，便放上两个炉，但当上了牛肉后，却收走另外一个炉，我问侍应为何收走一个炉，他再次没有回覆我，要再大声叫佢，佢先说两个炉一齐用有危险。我话一早已经讲唔可以分开上菜，但又没有任何回覆，另一位紫色头发的男侍应，话已经上晒菜，不能换大台，我话猪肉锅都未上，点样叫上晒菜。讲左好耐，终于肯换张大台俾我地，但紫色头发的男侍应，竟然话我应该一早讲要换台，我话一早未上菜时已经叫换大台，此时另一位女侍应，竟然对我友人说：「你嘈够未？」。我即时闹爆个女侍应啦。呢间餐厅，所有侍应服务态度差，广东话又讲不好，十问九唔应，以后都唔会帮衬。
继续阅读
其实呢间食过好多次，但一直都觉得好一般，虽然老细系韩国人，员工大多数都系韩国人，但口味个人觉得唔够浓，可能本身系浓味怪…琴日去食Pre 生日饭，佢Menu终于有啲新菜式喇！可以多啲选择！拣左个豆腐汤饭，味道唔错，可以一试，不过都系可以再咸多DD 就更好喇！而啲虾系海虾，整体都OK! 可能始终系地道嘅韩国人，沟通上都系唔方便，只能用好基本嘅英文同普通话沟通，佢地又唔明！好似想叫野饮，佢menu 冇图，要下下自己行出去指俾佢睇😑😑😑 不过好过早排揾啲大陆人黎做，𠮶时啲服务态度真系差爆，宜家好左好多…
继续阅读
今日同中学老师食午饭, 去左呢间餐厅到食韩国野, 入到去真系好有韩风Feel, 连个侍应都系oppa来的.我地叫左大豆芽同菠菜做前菜小食, 呢两个佢地都落左麻油, 加上面果D芝麻, 食落十分香口.而主菜我地就叫左冻汤荞冷面同芝士拉面.个荞冷面落可以自己加醋同芥辣, 食落去好开胃, 而且D 面好细身好滑,推介!而个芝士拉面个汤系有少少辣, 而D芝士就好浓味好香芝士味, 但食落唔会腻.
继续阅读