食樂

营业中

休息中

一向都支持小店，今早和愛人過來葵芳辦事，想找間開得早嘅小店吃早餐，發現Snow 小店原來開早上七點，真的很勤力，值得支持。小店其實都唔難搵，在葵涌廣場天橋行番落去禮芳街位置再轉入美芳街。店內種滿很多植物，相信店主很有心機打理，更用便條寫著”想帶番屋企問吓老闆啦！有意思。店內有酒杯提供，原來星期一至三，晚餐時段可以$180作free flow，飲格老吉亞天然葡萄酒。相信店主對格老吉亞酒有研究。店內有一個招財貓擺設相當有趣。落單後細看見這手寫單，感覺比電腦單更具茶餐廳特色，有著香港情懷。香茅豬扒、餐肉$59~這個早餐很豐富，除了豬扒、餐肉外，更有炒蛋、茄汁豆及沙律菜。薄薄的香茅豬扒很入味，而且煎得香口，一讚。英式鬆餅比餐包更具誠意，值得加分。愛人當日飲的凍啡野菌鮮奶炒蛋三文治$34~野菌鮮奶炒蛋做得嫩滑可口，唯獨是麵包未夠鬆軟，相信下次會改烘底感覺更精緻。熱即磨齋啡~不過不失，但更勝許多連鎖快餐的即磨咖啡。整體來說吃出一份誠意，值得支持小店，下次有機會，再回來試晚餐。

老婆跟朋友嚟食過呢間頗隱蔽嘅小店「Snow」（食樂）食飯，覺得唔錯，又有啲特色，所以，佢就專登帶我嚟試試當喺生日飯。餐廳嘅地方唔大，但後尾見侍應帶客人走入水吧後面，相信裡面仲有啲位，而環境比較昏暗，只喺牆身幾邊打咗少少燈光。最特別四周、牆身都放滿植物，好綠化。餐廳提供沙律、薄餅、小食，前兩者加$20可轉為套餐，包是日餐湯或田園沙律、飲品及是日甜品，非常划算；此外，仲有多款精選晚餐、廚師推介，另外，仲有一款特色菜「Snow靈魂烤雞」套餐，標明製作需時，要等30min。意式白酒煮藍青口 $68因為老婆知道隻雞嘅份量大，如果一人叫一個餐佢就怕食唔晒，所以，單點一份藍青口，雖然定位為小食，但都有一大碟，不過，始終只喺賣$68，所以，亦唔好要求好高，但食落質素算唔失禮，頗有酒香，青口肉又唔會話好韌。羅宋湯、蒜蓉包（跟餐）是日餐湯就揀咗羅宋湯，多蔬菜又比較健康，出嚟嘅成品亦唔錯，酸香微辣，幾醒胃；伴一小片薄薄嘅蒜蓉包，個人就略嫌又薄又細片，還好蒜蓉夠多。Snow靈魂烤雞伴香烤時蔬 $168果然等足半小時，真喺新鮮焗製，一切開啲熱氣四竄，除咗伴碟嘅烤南瓜同蒜頭之外，烤雞內仲有好多冬菇，咁嘅配搭都比較

Lunch 時間又到了，葵芳搵食大家多數去邊呢？唔係新都食就應該係葵廣喇，新都會餐廳裝潢靚D, 主要係連鎖餐廳為主，價錢亦貴少少; 葵廣就主打掃街，頂樓外賣小食多款簡直一流。不過今日帶大家去商場對面，葵芳薈後面其實超多餐廳，在云云港式冰室，粥粉麵飯當中，有一間叫SNOW CAFE，地方細細也有個2人嘅露天茶座。入面沒豪華裝修，有多種植物配飾，乾淨企理感覺舒服，Lunch時間好爆勁多學生同埋返工嘅人放飯，除左價錢比一般Cafe相宜之外，食物質素也不錯。Lunch set有多達8款選擇，我選了＜西西里香草肉丸扁意粉＞$60， 涷飲只是加$2, 真是可以涷飲自由。賣相不錯，份量也夠，肉丸是肉碎，本人覺得味道稍清淡可接受，只是自己較喜歡吃泰越濃味菜色。如有時間，避開煩忙食飯時間在下午好好享受一下快樂Cafe，總括而言價性比高，使人有心去多幾次，相反（代號自己諗）‘’種子‘’cafe愈開愈多，價錢愈來愈貴，早已沒有幫襯了。

周末下午五點多，本身想與朋友去一間餐廳用晚膳，但因為餐廳職員不想我們太早入座，我們就輾轉到周圍走走。無意見到這間如森林小屋的餐廳，老闆又不介意我們先在他們「落場」的時間入店內安坐，我們就選擇了光顧這兒了。就如相片所示，裡面有高高矮矮的玻璃瓶承載不同的綠色植物；這期黑板畫下了幾隻貓貓和今期餐牌，又有些電影海報。整體環境帶點文藝和優雅的感覺。老闆很熱情❤️‍🔥主動讓我們到店內店外不同的打卡位拍照😸食物方面，晚飯套餐可選擇意粉、飯、薄餅和扒。我們選擇了封門柳配烤蔬菜和bbq烤雞薄餅。封門柳的脂肪較少，不適宜選擇太高的成熟度；烤蔬菜則不錯。bbq烤雞薄餅的芝士和微辣的香料，為整個pizza帶來不同味道的平衡。在葵芳那個繁忙的地區，能找到這個桃花園，實在是緣份。

L1A. 紅酒燴牛脷飯（$68）紅酒醬汁濃厚，味道亦濃，好啱我口味。牛脷有六件，厚切，有脷根位（腍身）、脷芯位（軟嫩）、脷尖位（爽口），件件都好入味，不錯。飯底係珍珠米，配以紅蘿蔔粒及芹菜粒。L1B. BBQ醬雞肉墨西哥捲餅伴田園沙律日式芝麻醬（$63）捲餅一開二上碟，面頭唧上BBQ醬，餅皮少少煙韌有咬口，入面餡料（雞肉及三色椒碎）少辣，惹味。沙律菜份量不少，都好新鮮。小店內裡裝修幾有心機，兩邊牆都有大量綠色植物，坐得舒服。PS：全日免收服務費。

今日重回舊地，去咗細個讀書嘅學校🏫，嗰一頭附近行～附近好多舖頭都唔同咗，呢一頭有幾間新餐廳，呢一間係其中一間，比擺喺門口嘅花花草草🪴吸引咗我行過去睇餐牌～入到去唔知坐邊度好，就是旦坐咗一張近門口嘅枱，入面有位員工小姐見到之後，就嗱嗱臨咁樣執咗張卡位俾我間鋪入面都有好多花花草草🪴🍃🌱🌿☘️店舖入面的燈光比較暗，好有氣氛～有啲燈光照射嘅地方比較暗嘅時候，店家都好貼心咁擺放蠟燭了🕯️～我叫咗個墨西哥手卷（辣）配薯條🍟+沙律🥗 驚會好乾想要有啲嘢飲下，所以就加咗$20變成咗套餐（額外跟咗個餐湯有「白湯或者紅湯」選擇，個湯會跟塊蒜蓉包、仲有杯嘢飲同埋甜品🍮）個湯好靚，不過出到嚟覺得個湯有啲凍唔夠熱，個包幾好食🖤冇留意時間，不過出餐都出得好快🖤 10分鐘都唔洗，個嘢食就出到嚟啦～依一盤嘢食好飽，最後都食唔晒，剩返少少留咗喺度，可能因為墨西哥卷🫔入面個汁好腬，建議一口沙律菜一口墨西哥卷咁樣配搭去食😋跟住之後杯好立克都到了～啲員工都好貼心咁樣，留意住客人嘅進餐速度，見到我食到差唔多，就過嚟問我「係咪依家可以上得甜品？」跟住同我講有「芒果布丁同埋紅豆xx（PS我唔記得咗）可以選擇」，最後揀咗芒果布丁。而且將

入面裝修都幾靚 午市都幾多人食午餐有飯有意粉有扒餐 包飲品叫左熱奶茶 正常味道本身想叫蝦扁意粉 可惜冇🥲台式滷肉溫泉蛋飯 ($55)D滷肉比較細粒 唔係好重滷水味不過都夠撈飯 個溫泉蛋都流心配埋d飯都ok 整體份量ok香茅豬扒拼漢堡扒飯配咖哩汁 ($55)港式咖喱嘅味道 都幾好送飯嘅豬扒都算煎得香 漢堡扒都係正常啦😂呢碟嘢嘅味道係諗到嘅味道所以都冇咩食評好講🤣呢間嘢整體個裝修幾靚同埋午餐唔算好貴 嘢食就普通～

1)鮮蕃茄醬大蝦燴飯$128跟是日餐湯（白湯）蒜蓉包芒果布甸熱菜蜜個燴飯勁好食，勁creamy，鮮蕃茄醬，極度濃郁，加埋啲芝士同香草好香，啲蕃茄仔好好食個大蝦好彈牙配埋個燴飯真係一流！個蒜蓉包薄薄地好脆，勁多蒜頭，好重蒜香，個包點個湯度好正，個湯好濃郁好好味。芒果布甸好重芒果味，中間會有啲類似椰果嘅質地，布甸好滑，有椰果就好有咬口。2）意式墨魚魚汁海鮮扁意粉啲意粉充滿濃郁嘅墨魚汁好香好正(較為重口味），軟腍適中。彈牙得來又滑好入味，墨魚汁配埋啲海鮮，好香好夾，啲海鮮好彈牙好爽脆。個沙律唔錯，幾清新。職員態度好Nice好好人，臨尾仲會介紹主打嘅美食餐廳環境好優美，喺裏面燭光晚餐好浪漫、好enjoy、好放鬆。最啱就係去打卡或者慶祝啲特別紀念日。

今日女友黎葵芳搵我食早餐，行過見到有間新餐廳，望一望午餐餐廳，大概都係60幾蚊左右，唔算好貴，就決定入去試下。一入到餐廳，就好似入左一個花園咁，牆身有好多盆栽同壁畫，感覺好寫意好舒服，睇得出老闆好有心思設計間餐廳。餐廳菜單多樣性咁我地就叫左兩個午餐試下，咖哩牛肉飯 同 墨西哥捲餅。泰式紅咖哩牛肉飯 $ 68 ，咖哩味好突出好香，唔算好辣好岩香港人適合既辣度，牛肉都好淋，整體味道不錯。BBQ醬雞肉墨西哥捲餅伴田園沙律 $63 ，雞肉伴BBQ醬，好有韓式既感覺，辣辣地好過癮，捲餅好濕潤唔會好乾，食到好辣既時候可以食伴菜既沙律中和一下。另外隨餐餐飲加$4 升級左杯熱即磨咖啡。chill 一 chill，放鬆平時工作既壓力，確實係一個唔錯既地方。

今日做嘢做到比較晏，8:30先食飯，點知喺葵涌地區見到門面好靚嘅餐廳好似去咗個花園入邊食飯，咁好寫意而且入邊啲植物全部都係真的， 牆上面啲植物係用自動灑水系統去養，而且有一啲蚊都冇。 叫咗一人一個套餐 鰻魚飯呢就中規中矩反而西餐真係非常之出色***特別推介佢個蒜蓉包係我食過最好味嘅 ***另外牛扒都好出色額外叫咗一個青口，佢個汁調得好特別，唔似平時食到出邊雪果嗰青口味道Ps 老闆好好人好熱情咁介紹睇得出佢係一個有品味要求嘅人， 最難忘係全香港街舖嘅西餐廳我未見過一個咁靚嘅廁所老闆話裝修嘅時候佢係跟住酒店嘅級數嚟裝修。 完全冇嗰種去廁所係逼不得已先會入去嘅感覺

🌟Snow Catering-呢間餐廳位於葵芳廣場附近，都比較容易搵到，而入到去門口，見到裏面第一個暗調嘅氛圍，有啲浪漫嘅氣氛，而餐廳嘅周圍都俾唔同嘅綠色植物襯托住，形成左一種特別嘅對比。🪴-講到食物方面，上餐速度時間都較快👍🏻，個餐好快就上齊，對上餐時間都好滿意。而今次嗌左嘅套餐裏面包括忌廉粟米湯🫕，呢碗色澤均勻，甜度適中，白湯嚟講都好creamy🤩，啲粟米嘅甜味同湯嘅濃郁口感真係好搭配，好滑好順口。同時有片蒜蓉包做一個頭盤嘅胃菜，呢個蒜蓉包真係好香好脆🤤，一切開就聞到一陣陣嘅大蒜香，每一啖咬落去都非常脆口。-主菜有黑松露雜菌扁意粉🍝，一上餐嘅時候香味十足，黑松露嘅味道好突出，仲有啲雜菌增加層次感。意粉煮得岩岩好，彈牙又入味，美中不足嘅係比較少黑松露汁，令到整體嘅意粉比較乾🥲，之後食落就會容易有滯嘅感覺。-小食方面嗌左炸洋蔥圈🧅，份量都比較多，而且都配上左甜辣蛋黃醬👍🏻，點埋一齊味道非常夾。飲品亦都嗌左杯凍百香果紅茶🍹，佢嘅百香果同紅茶嘅苦甜混合得好平均，仲有個微微嘅酸味，飲起黎解渴又清新。🤩-套餐入面仲包埋甜品——紅豆涼粉🍯，啲紅豆冰冰涼涼，加埋啲透心涼嘅涼粉，成個甜品又開胃又消暑

昨日經過葵芳見到呢間西餐廳好似唔錯就黎試下 環境ok 點左牛扒燴飯意粉 真係好搞笑 叫五成黎左全熟 接受唔到囉 意粉同燴飯好食 大蝦燴飯酸酸甜甜開味 仲有男廁好臭 唔乾淨 服務一般d湯凍曬先黎 樓面根本做唔切

平日的晚市，或許太早，六時正，店員好像也未準備好。餐牌有西式粉麵飯、扒餐、薄餅等等。我哋叫了紅X燴牛舌、豬手。燴牛舌加$20就可以轉套餐，有湯、包及飲品和甜品，都划算。紅白湯正正常常，而紅湯，菜蔬外，還加了肉，因此味道不淡。蒜蓉包就一般。牛舌飯一出場，我就已感滿足，牛舌厚厚的，雖然不是成塊，而是切了粒，應該是一舊舊，size不小。咬感軟淋，但不會失去質感。而且那個汁很好味，牛舌也吸到其精髓，當中連那少量的配菜，紅蘿蔔條，爽口。豬手要燒，當然慢上，但等待時間合理。份量不算少，而且亦已大致分件，容易食。那皮與肉之間的「膠質」真的不錯。不過，廚師可能怕我哋久等，心急了，豬手皮有少許夠香脆，硬硬的。講真，若我一個人，實食唔晒。飲品雖沒有選特別的，但見到那杯凍檸茶，茶色幾靚，飲下去也真不錯。這食店可以再來光顧，因為還可以試薄餅、羊膝等等。最後甜品不是蛋糕，居然是紅豆涼粉，或許這成本低啲，但不錯。插曲：成晚最扣分，就是有兩隻蚊圍住我。😅

前日(10-3-2024 Sun)晏晝同老公特登搭車去葵芳嘅初心食堂(https://www.openrice.com/zh/hongkong/r-%E5%88%9D%E5%BF%83%E9%A3%9F%E5%A0%82-%E8%91%B5%E8%8A%B3-%E9%A6%AC%E4%BE%86%E8%A5%BF%E4%BA%9E%E8%8F%9C-%E7%B2%89%E9%BA%B5-%E7%B1%B3%E7%B7%9A-r666063)食晏,但嚟到時冇開門,上呢喥睇,原來,係不定時營業,跟IG作準;sssdlaksa.hk.咁望吓對面,見有擺咗好多植物喺門口嘅呢間,店名係”食樂”,應該係食肆,於是行嚟睇睇,果然係食肆,睇睇出面嘅餐牌,嘢食唔係太貴,咁就食呢間啦.入到去,好有多盆栽,我哋坐咗最後一張闊落嘅四人枱然後睇menu,睇完就落單,要咗兩個都係$55.00嘅lunch set:2. 泰式紅咖哩雞肉焗飯焗飯都咁快到嚟,老公食一啖話好辣但好食,我試少少,真係好辣但又令人想食第二啖,而好彩我有粟米汁解辣.而佢嘅飯底係炒飯.4分1. 香茅豬扒拼漢堡扒飯,要粟米汁粟米汁係粟米忌廉湯濃縮版

中路過呢間餐廳，見佢外面裝修幾靚， 放滿曬綠色植物 ，內裏又坐滿曬人 ，再望一望個價錢牌，又唔算貴喎 ，於是就入去試一試喇。一入到去就見到一大幅黑板畫，上面畫曬啲可愛嘅貓貓， 勁得意。中午人比較多，有好多學生哥都嚟食飯，座位逼夾， 需要搭枱，坐得唔係好舒服。紅咖哩雞扒飯落單冇耐好快就上菜喇， 飯嘅賣相麻麻地， 粗略數過雞扒若莫有五舊， 份量適中。 咖哩入口微辣，帶些少香料香氣。 雞肉唔算入味，但亦冇話有雪味。味道唔錯，但冇乜驚喜，整體中上。 除餐送一杯熱咖啡， 承惠68蚊。