影片
「风味堂」位于奥运站附近，地点方便之余，店如其名好有风味简约嘅实木装修加上纸鹤装饰，仿如置身于日本小店之中，放工去叹串烧饮返杯🍶都真系几chill。免治鸡肉棒、烧鳗鱼、安格斯牛柳粒、金菇肥牛卷等等🍢都系我每次食串烧必点，调味唔错鳕鱼干同鸡泡鱼干脆卜卜够香口，好啱做佐酒小食估唔到令我最惊喜嘅系蒜蓉海鲜粉丝锅🍲，可以自选两款海鲜，一上枱个锅入面嘅海鲜已经熟晒，唔洗等即刻可以开餐，锅底嘅粉丝同金菇吸晒蒜茸嘅香味同海鲜嘅精华，忍唔住饮晒成个汤添😋圆满既一餐点少得甜品，一坐低喺menu见到有朱古力绵花糖多士已经好期待😍，底层嘅多士脆卜卜，铁板令绵花糖可以keep住半溶嘅状态，加上洒喺面层嘅彩糖同朱古力酱，每啖都好有层次！
继续阅读
朋友住大角嘴，途经介绍咗我哋试呢间外卖串烧，由几个良心后生仔一齐经营嘅串烧店🍢🍡🦐🦑铺仔细细，估唔到咁多嘢食拣😳😳佢哋除咗提供普通肉类同蔬菜嘅串烧，仲有埋每日时令活货现剖嘅烧海鲜，自己洗自己㓥架。不过老细话跟随季节同时令，价钱都几浮动半夜三更都有卖新鲜鸡蛋蒸肠粉，加埋佢哋嘅辣椒碎同豉油，好饱足！淀粉质爱好者必叫XD同大家介绍返，今餐我至爱，蒜蓉烧圣子好鲜甜好爽口！同蒜蓉嘅惹味配合得天衣无缝，我好想自己一个食晒咁多只！蒜蓉烧鲍鱼嘅味道都相当鲜甜，熟度控制得啱啱好，一啲都唔韧，一咬就爆汁劲juicy！时令嘅烧马友听店主讲唔系经常入到货，可能唔系每个客人都幸运食得到，我哋好彩遇啱时节师傅自己㓥好再烧，马友烧起身肉质唔算好软滑，所以好啱做盐烧师傅控制火喉好好，唔会烧到烂晒，剖面keep得好靓完整一条上碟。遇到嘅朋友一定要叫烧马友！最后压轴仲有好邪恶嘅烧棉花糖多士，画龙点睛之处系里面搽咗咸咸地嘅牛油，衬上溶咗嘅棉花糖，咸甜咸甜咁劲好味！淋上朱古力酱就系完美啦
继续阅读