風 (已結業)

試新野 都唔錯叫咗個十號波 轉菜底 🤣 好貼心既係 餸同湯分開嫁！！！！真係無咩車仔檔會咁外賣送汽水但我減肥唔飲 就話可以轉奶茶以為都一般般 點知 個奶茶好有驚喜個冷茶係冰鎮奶茶 無冰既 仲有個好特別的茶味

一早想食車仔麵，又唔想去太遠，搜尋到這間新店，見食評唔錯就去試下。東大街係假日，差不多間間鋪頭排長龍，去到這間，店內只有兩台客，有啲擔心中伏，既然來到，大膽啲試下。店內只有一個人(應該係老闆), 由落單，聽電話，跟單，上菜，一腳踢，就知道要有耐性。揀咗10號波，老闆話冇豬皮（唔得閒煮，要煮兩日)冇豆卜，冇花菇，會放其他餸，一定夠十樣，就試下，再加份牛筋。另叫豬扒麵加花膠。多咗朋友係FB IG post, 多咗生意，要等耐啲，老闆話唔好意思。等左20分鐘，十號波先到，要咗中辣，唔係好辣，味道ok, 加餸嘅牛筋幾好味，其餘餸好普通。再來嘅厚切豬扒麵，有驚喜，份量比女仔食ok, 男仔可能要加麵底。本來想叫多份雞翼同油菜，見老闆忙到暈，唔想再等多20分鐘，放棄咗。最後老闆話送咖啡茶，冇熱只有凍，都係做唔切。叫咗杯凍奶茶，老闆話你試下，係錫蘭紅茶沖，真係好得，冇甜，有茶香又唔係好多奶，好想飲多杯。老闆話遲啲夜晚做居酒屋賣小食，可能4月中。總結，食物好味用心做，服務態度好好，營運要努力改善，外賣做唔切又出錯，一張枱兩份麵由落單到食完差不多一個鐘先得$125，全店不足20個位，好難維皮。

東大街最近有新面孔加入，係街頭開咗一間日式裝修嘅車仔麵店，舖面雖然唔算好大，但小店更見人情味，店員態度親切友善，仲會同食客介紹食材湯底，絕對夠Heart，值得支持👍🏻💪🏻💪🏻💪🏻《滷水牛展+豬紅+魚蛋米粉》 $46 3.8 / 5 🙌🏻🙌🏻🙌🏻🙌🏻看似平凡，實質食落都幾有水準👍🏻車仔麵最緊要就係湯底，偷聽到店員話湯底用咗好多蘿蔔煲成，難怪特別清甜，亦唔油膩🤤配料份量慷慨，滷水牛展口感軟綿，好入味😋豬紅同魚蛋就中規中矩，正常發揮🥴特別要讚舖頭嘅秘製辣醬，以為一小撮無料到，原來係後勁凌厲🤣好刺激，鍾意辣嘅朋友記得加辣！小店嘅親切程度，係連烏龍茶嘅樽蓋都幫忙擰開🥺 細節見態度，東區之友又多個選擇😎

久別重來東大街，面貌有所不同，王林記曾經是小弟的「飯堂」，今次來到東大街，發現一間新店，就來嚐嚐。日本風裝潢，卻售賣車仔麵？的確吸引我去了解一下。鹵水豬大腸、鹵水牛腱，非常入味。花膠不是一般雜魚碎膠，大塊又入味。蘿蔔無渣，不會太硬，非常恰到好處。油麵硬度適中，配上無味精蘿蔔清湯，一絕。招牌豬扒碎上，無骨又唔柴口。炸雞翼鬆脆香口，配上店家自家調製辣椒醬，可口。辣椒醬自家製，辣度適中，不嗜辣的朋友也值得一嚐。太餓，沒來得及替食物拍照。😂

筲箕灣東大街新開的車仔麪，當然要幫襯一下街坊生意女孩子當然要吃美容養顏上湯花膠本身睇落白嫩嫩我真系驚會冇味道但食落口果一刻我真系嘆一聲：嗯～ 想象唔到概超級入味，詢問大廚才知道製作過程要整整兩日先上到臺比客人享受，仲要兩大塊先14元滷汁牛展也超級軟嫩～叫左三件雞翼都超級多汁香口、超級滿意我來食已經五點，差唔多收，大廚見我咁識嘆，送兩塊剛剛悶好的牛腩比我試最後只能總結出一句，樣樣都咁好食

我星期六去開筲箕灣，諗住去食出名魚蛋粉啦～點知下午茶時間竟然都要排隊，超誇張！行入少少見有間餐廳新開張又唔使排隊，咁就試吓啦！門口仲有幾個花牌應該開張冇幾耐，望吓佢Menu同個名都有啲食日本嘢feel，但係原來食車仔麵😳鋪頭好似得兩三個員工，都係啲年青人，其實都幾有心，仲特登問我地啲嘢食滿唔滿意呀！加油呀！而家呢啲時勢創業艱難！不過都希望下次黎唔洗排隊啦🙈帶日本feel嘅車仔麵😳Menu唔算太多選擇40蚊有花膠食真心覺得好抵食！40蚊都勁足料！花膠又入味又夠淋豬扒都煎得好好食😋佢個炸雞翼30蚊有5隻，都大大隻，勁juicy！鋪頭好似得兩三個員工，都係啲年青人，其實都幾有心，仲特登問我地啲嘢食滿唔滿意呀！加油呀！而家呢啲時勢創業艱難！不過都希望下次黎唔洗排隊啦🙈

通常新鋪開張啲食物質素一定係最好既，緊係要趁新鮮黎試下啦！筲箕灣東大街成條街都係食肆，但車仔麵好似係得呢一間，鋪頭細細間但好企理，仲要每張枱面都有花花裝飾，感覺好溫馨車仔麵我叫左蘿白、韭菜餃、水魷同花膠，無錯，竟然有花膠揀，好期待囉！大大碗車仔麵整體都算唔錯，但我想講真心要推介佢哋個花膠，好大塊，超好食，同我之前係米線鋪食既花膠雞完全係兩回事囉，花膠索埋佢地既湯底，超正跟住試左佢地既炸雞翼，熱辣辣炸到個皮好脆，都值得推介既佢地既招牌似乎除咗花膠之外仲有豬扒，下次再黎試吓啲豬扒先。希望質素可以一直keep住啦！