頹飯王燒魂鵝

营业中

休息中

日噚（16-8-2025 Fri），老公放工買晚飯，佢喺呢喥買兩個飯盒嚟食，一個係$32.00嘅嘅叉燒飯，一個係$45.00嘅燒鵝飯，竟然咁平？返到嚟睇，顏色唔錯，份量亦唔少。燒鵝俾咗髀同胸我哋，皮仍脆，油香好夠，好耐冇食咁高質素嘅燒鵝，飯嘅軟硬適中，加埋鵝油香，好味。5分叉燒係全瘦，但口感唔差，唔柴有彈性，蜜味雖然唔太濃但夠。4.8分上次食評係2023年1月6日提交嘅呢篇：https://www.openrice.com/zh/hongkong/review/%E9%A3%9F%E9%81%8E%E7%BF%BB%E5%B0%8B%E5%91%B3-e4671543

喺荃灣路德圍， 這裏好多 食店，所以要闖出名堂的確唔容易....今日去荃灣 ，飲咖啡嘅時候突然間想試下 好味嘅叉燒； 立刻用電話 google search 下，邊度有叉燒？見到原來都好多間燒味舖 ，但係佢哋嘅分數 由二點幾至四點幾分。最後揀咗一間 四點幾分最高分嘅 買咗外賣....叉燒嘅感覺好特別 ，真係佢似乎「糖份」唔係用 平常嘅蜜糖 ，所以 食起嚟有啲炭燒 popcorn 嘅味道， 好特別， 100分 滿分 我畀70分啦， 如果佢用嘅豬肉更加靚 我可以畀到 90。另外我買咗 燒骨腩， D 皮就唔係脆㗎喇， 肉質真係仲有好大進步空間， 我索性 返屋企 用嚟炆其他餸 ，又或者煲粥算啦 。😐雖然試咗兩樣，但係覺得佢哋如果想競爭力好啲(尤其是佢哋話自己燒嘅)， 真係要好好加把勁。💪

大前日(2-1-2023 Mon)元旦翌日補假,同老公食完晏買餸,由於出門口前知道自己想喺呢喥買上次食過嘅台灣黑糖叉燒(食評係2022年11月25日刊登嘅呢篇: https://www.openrice.com/zh/hongkong/review/%E5%A5%BD%E5%BD%A9%E5%86%87%E9%8C%AF%E9%81%8E%E5%88%B0-e4627745),所以都自備膠盒,我哋嚟到,見到佢嘅台灣黑糖叉燒已經冇做特價,賣$128.00一斤,但見到掛喺度嘅叉燒好靚,於是揀一條叫佢稱,店員見我拎住膠盒,問我喺咪放入去?我答係.佢就拎俾同事裝嚟稱,佢同事都算醒目,識得減返我嘅膠盒嘅重量嚟稱,收$90.00,即係11.25兩,店員都問我要唔要汁同膠袋,我分別要同唔要,佢哋見個蓋好似蓋唔實,都俾條橡筋箍住,醒目.返到屋企打開睇,即刻嗅到香味,偷食一舊先,一食就食到黑糖嘅味道,而比上次更濃,個人覺得減返少少好啲,而肉質一樣係鬆軟.上次食評係2022年12月14日刊登嘅呢篇: https://www.openrice.com/zh/hongkong/review/%E4%BB%8A

3-12-2022 (Sat)傍晚,老公要出嚟買熟食返屋企食,我提議佢嚟呢喥買兩個餸,佢影俾我睇有咩餸,由於須要食返啲菜,於是揀蓮藕,肉就揀咗黃花魚.買到返嚟開飯飯喇,我先食南乳蓮藕,味道唔太鹹,啱啱好,但大大舊唔多夠腍,而豬肉都算夠腍,OK.味道:2.83分黃花魚呢?唔大條,落咗冬菜同陳皮,魚肉滑唔鯹,亦都唔差.味道:4分抵食係2.5分上次食評係2022年11月25日刊登嘅呢篇: https://www.openrice.com/zh/hongkong/review/%E5%A5%BD%E5%BD%A9%E5%86%87%E9%8C%AF%E9%81%8E%E5%88%B0-e4627745

20-11-2022 (Sun)晏晝同老公落荃灣買嘢同整眼鏡,之後老公話想食少少嘢,喺搵嘢食時經過呢喥,見到新開嘅呢間,見到有原價$138.00一斤,11月特價$108.00嘅台灣黑糖叉燒,睇個樣好靚,想買嚟加餸.之後同老公喺真台客食完後,就行返轉頭嚟買細人睇,呢喥都有海蜇燻蹄賣,原本又想買,但老公話淨係叉燒夠啦,咁我就揀掛喺喥,顏色靚嘅叉燒,老闆答應,磅吓重,$76.00,師傅會問斬唔斬?我答斬.返到屋企打開睇,有燶邊嘅,偷食一舊先,仍暖暖地,肉質好鬆軟,亦食到肉味,黑糖嘅甜味都食到,好好食.之後老公切啲出嚟炒蛋,佢切嗰啲係全瘦,我又食吓先,同樣係鬆軟,唔係死實冇肉味,好好味呀!我又搵到靚叉燒食喇.其他:佢哋嘅磅係喺出面買嘢嘅客都睇到重量同價錢,唔會呃人.抵食係2.7分

估計吾挨得幾耐哩間燒臘鋪開左幾個月，因為系路德圍單邊位，所以好容易睇到。經過好多次通常都無人買緊，唯一吸引到眼球系現在流行的現場有燒烤爐。今次用來比較都系今年系荃灣開的X龍燒豬大王同埋楊屋道街市附近的朗Y。味道(2分）- 叉燒絕對輸比另外兩家，尤其是只賣$16蚊雙拼飯的Y, 佢無香味。- 燒鵝就正正常常。- 燒味份量比較少- 個飯反而系奇怪的差，飯有D 硬同味道，- 鼓油又一次輸比Y.環境（2分）- 燒魂鵝系同頹飯王share一個鋪，無堂食，-同Y一樣只做外賣， 但規模比X同Y都較細，賣燒味數量同種類都比另外兩間少好多。抵食（3分）- 性價比一定輸比Y- 以雙拼燒鵝飯比X 便宜。但燒味份量明顯的少。服務衛生就差不多，但佢個位置下午曬到正，吾知道會吾會影響到食物品質。