順發牛雜粥粉麵家 (已結業)

近日腸胃不適，不敢亂吃東西，還是忍忍口到附近的粥麵店吃一份清淡午餐。此店格局略為陳舊，一份二人粥餐兩碗粥、一碟油菜及兩杯咖啡茶收$66，都算合理。吃下一份皮蛋瘦肉粥，粥底頗綿，OK。皮蛋瘦肉份量不算太多，用料普通喇！相比那些連鎖粥店，品質都算有交代。

原本想光顧隔離的甜屋，點知太多人等位，所以去左呢間無人等的。叫左個牛腩河，見到個湯有條眼睫毛的物體....所以唔係好敢喝個湯...但聞落無腩汁味...又唔似係清湯...牛腩不俗，有肉味，夠腍~~~唔會黏牙~~河粉好滑，不會太腍。豆漿太甜@@三十多元有河粉+飲味，都算抵食，可以一試。

港式粉麵食肆隨街可見，有不少都是家庭式經營；要碰上好吃又有特色的，可遇不可求。遇上不知名的「順發」絕對是撞手神，純粹某日街頭路過入內醫肚，怎知水準不俗，現在經開灣仔有時也會入內「執一劑」祭祭五臓廟。「順發」自命牛雜專家，除一般肚腸膀外，較特別的是有牛薑 (即牛喉嚨的軟骨) 供應。本少最欣賞的是那鹵汁，有很重花椒八角味，令所有食材牛騷味一掃而空，變得味道香濃。牛腩賣相一般及偏瘦，炆得卻非常腍及入味，味道更帶點茶葉蛋的鹵香，賣 $23，以小店來說水準屬不錯。另外，每次來到點水餃都是即點師傅即淥。雖然等待的時間較長，但那新鮮即食的感覺與濃厚的人情味都是值得令人再三回味。

年初四，見証南華輸波，名義上得到殿軍後，沒有心情追看決賽，反正中超內閧，與我何干？無所事事經過位於灣仔譚臣道的順發，發現店家這晚照常營業，兼無加價，立即走進去醫肚。牛雜河加凍鴛鴦，套餐價只需 $31，抵吃，但明明店舖內人客不多，也足足等了十五分鐘才送上，很奇怪。這裡的牛雜包括了肚、膀和腸三個部位，其中膀的份量最少，而且比較腍軟，不大可取；腸一味夠肥，內裡全是肥膏，好吃與否就見仁見智；肚是比較正常的，但可惜湯底味道略嫌鹹了一點，整體實在普普通通，凍鴛鴦則實在太甜了，不行！正如食友蝗虫同學所言，譚臣道另一瑞的華南粉麵明顯較為可取，又或者可試試拱照車仔麵，雖然地方比較麻甩，但一樣可以吃得滿意呢！

某日午飯。之前食過牛腩，唔太滿意，今日轉食牛肚，牛肚幾軟熟，不錯，鹵水味重d應該更好味；麵煮得太腍，唔多爽。湯，無咩味。跟餐豆漿，都係無咩味。普通。d碗碟幾舊下，特別係個湯匙，變哂形，充滿歷史行跡。一碗麵一杯野，$29蚊。首選牛腩牛肚都食過，下次入黎前都要諗下有咩想食先。

15-1-2010收工後如常到灣仔「下場」, 上樓前先食個 quick dinner. 是日要自己搞掂, 無乜心水下遊到較「麻甩」的呢忽譚臣道, 撞了入呢間同樣「麻甩」的粉麵店. 叫了碗米粉, 跟一杯豆漿 ($29).先嚟(凍)豆漿 (係自家製?), 面頭勁多「泡」, 剛從「水喉」「瀉」出來? 飲落甜度低, 稀身, 無豆味, 不過唔使錢算啦, 當水飲吧.主食係牛腩牛肚米, 勁大個碗 , 無 request「多青」, 但面頭鋪滿蔥, 芫茜及唐芹, 賣相幾吸引, 聞落亦香 不過香還香, 食味係幾淡, 勝在「住家」feel:-- 湯底幾清, 不過都帶淡淡牛味, 而且無 MSG 痕跡, 算係咁吧.- 米粉淥得剛好, 拍得住我阿媽的無敵「米粉湯」d 米粉, 哈哈哈 - 牛腩以瘦為主, 硬硬的, 咬到我牙骹軟, 仲幾「湯渣」feel 「半肥」就較腍身, 不過肥膏都唔香嘅; 牛肚幾有咬口, 但唔算軟熟, 而且鹵水汁全不入味, 鹵水味本身又唔多香濃, 有點掃興.又試了少少檯上供應的辣椒油: 打開個「罌」聞到幾香, 不過又係香還香, 食落其實唔多香又唔算辣 (連我都話唔辣, 可想而知!

七月上旬•晴 來電腦中心找東西，在這裡吃碗粉才回公司。 午市時候，這裡人客不少，找一個座位，也真不容易。要了個有飲品的粉麵餐，再加碟油菜。 要了碗腸肚米，上檯時麵碼零落，賣相很一般。吃豬腸，是很肥美，看見是肥膏充斥在內的。吃下去是滿口油脂甘香，但鹵水不夠香，這在吃牛肚時便可以確認此點。湯底不熱，油菜還可，整體而言，湯米只是一般水準。 埋單34蚊，不便宜，但看到店內坐滿客人的，有理由相信，灣仔是什麼食肆在午市，只要不太差，也都會旺場的。

呢檔野我通常都過左兩點先嘢食 , 因為午市都係好多人 ,佢過牛筋真係夠曬淋同入味 , 牛什方面牛腸同牛肚比較正 , 牛膀方面不及粉嶺 '' 欽記 '' 入口即溶 , 辣椒油方面都唔錯 , 夠潮式 ,腩汁方面較淡 , 麵身比較普通 , 唔係銀絲麵 ,如果食撈麵就記得要多汁 , 如果唔係你食曬 D 餸你都幾難完成任務

一坐下就order牛雜麵然後就被亞伯問要菜還是要豆漿覺得奇怪 就隨便說菜甚麼菜？ 就說生菜結果來了一碟燙生菜跟一碗牛雜麵奇怪 不能只叫一碗麵的嘛？我看之後來的人都有類似的conversation原來是餐 26塊一碗牛雜麵的話就收20塊hmm.... dodgy有點被騙的感覺 雖然那個亞伯很有禮貌anyways, 我覺得一般而已麵不夠彈牙辣油有點臭油益味道雖然那個唐芹很香 但牛雜味道不夠我想是因為吃過更好的就看不上眼了還是覺得嵩記的比較好吃 而且便宜一半吧

2009年02月23日，12:20陪伴大魔怪補領新份証後，問她最想吃什麼，答案是粥和麵。便到這家粥麵齊全的食店。午市時段，差不多客滿。伙計推介雙人粥麵套餐，奈何魔怪不想吃油菜。便要了鮮牛粥和牛雜撈麵。鮮牛粥：粥底屬綿，牛肉有咬口和鮮味牛雜撈麵：麵底爽和鹼水味淡，混入了牛油更香和滑；腸肥、膀綿、肚腍…，口感各有特色，相同的是全都吸收了香濃鹵汁。這店值得再來。

鋪位喺橫街內﹐但人流都算幾多。叫了碗筋瘦腩米多青& 菜心全走。在等食其間﹐望入廚房只見一個師傅喺度煮麵﹐所以都預左唔會咁快有得食。好在佢地呢度有部電視﹐不知是否安撫每位等食既人而設呢。牛筋瘦腩米 – 牛腩雖瘦﹐但非常之淋。值得一讚。牛筋亦炆得淋﹐兩者都很入味。湯底看落清清﹐味道唔會過淡或過鹹﹐剛好。唯一不好就係米粉唔係咁多﹐成碗食完都唔係咁飽。菜心 – 煮得太內﹐菜莖都以變淋﹐完全冇菜既爽口﹐菜葉更加不用多說。

到灣仔電腦城逛完，走入橫街食個麵，入門時見有一大堆牛雜在滾著，但個人較喜牛腩，遂點了碗牛腩麵，麵質爽而鹼水味頗重，牛腩偏瘦多肉，肥的比例極少，少了點油膏香，湯底很混濁，相信是他們用牛雜的各部份熬出所致，雖沒有一般我喜愛的花椒八角味，但也算不錯，還有一丁點兒的唐芹提昇湯的香味。

果日唔係好舒服, 叫左碗生滾豬潤粥, d粥幾甜, 豬潤幾脆口, 食完唔口乾. 套餐\1碗粥1碟菜.

這間入圍係因為它的鮮牛肉真的很美味，以及那兒的服務態度幾好。常午餐時份，單拖來吃，儘管牛什係招牌貨，還是比較欣賞這兒的鮮牛肉麵。多點「鮮牛肉餐」（$29），附薑蔥鮮牛肉麵（或河粉或米粉）和油菜（或豆漿或茶）。那鮮牛肉係滑、嫩、鮮、甜。比維記那蘇打煉成還要易入口。那麵條係爽口靚麵。環境係舊式港式麵店，圓桌、摺椅、紙皮石，勉強算係有「風味」。倒是那店主態度良好。灣仔順發的鮮牛肉麵，我會記得！

常嚷著要食牛薑（牛頸胸內有筋的脆肉）麵，但偏偏次次encore 「薑蔥鮮牛肉飯」：扣底多青的牛肉飯，米飯粒粒分明，是愛硬飯者的天堂；鮮牛肉輕灼，跟鮮牛肉汁（不是腩汁）上碟- 汁加了淮鹽、椒鹽吊味，再加上面頭有少量薑茸的蔥油，鮮味甚豐；汁的份量足夠- 不是水浸，送飯剛好。雖然牛肉仍有肉味和肉感，奈何醃得過火（茶樓「鮮牛/肉片XX」之流）。同場加映《人細鬼大》：老闆娘：細佬，帶姐姐去「大華」送外賣。豆丁仔：點解呀？！老闆娘：姐姐剛剛來嘛！豆丁仔：車咁大個人，自己學啦！老闆娘：咁你去送。豆丁仔：點解呀？又唔係我返工。（豆丁仔仲係一個汁當湯飲，用汁撈飯既低年級小學生）