影片
工作中午餐后，成口都系午餐嘅味道，行出门口见有呢间小小的凉茶舖，无座位，只可以企在店外饮，去到见到枱面有几款已装碗凉茶，有个婆婆买紧凉茶，我等唯一男店员招呼好婆婆，再话要一樽冻蔗汁，男店员在装冻水的不锈钢盘内捞出一樽蔗汁比我，我顺手将手上午餐找赎嘅$20比佢，佢黑面话$26（其实我望过蔗水盘附近，无贴价钱牌出来的）咁在银包攞多张$10比佢，佢收咗就无理我，去招呼另一个新来嘅男仔买凉茶，我见佢无找钱意欲，望都无望我，咪同佢讲未找钱，男店员先灰气地讲：「$4吖嘛！」（咁好明显佢知道未找钱比我喇！）在钱盒攞$4比我！讲真买支凉茶外卖咁短时间，要食黑面仲要被无视，感觉真系好差！！😡冻蔗汁（$26/樽）普通透明密封胶樽，好浓嘅青绿色，饮落清凉，味道清甜唔假，酷热天气预报下真系几解暑！蔗汁不错！但要受气就⋯⋯😕
继续阅读