影片
今次我和家人喺清明节郊游完之后帮衬，系佢哋舖头人流嘅高峰。员工做到透不过气来，仍然坚持服务坊众，遇上饭也差啲卖完。不过，佢哋仍然坚持提供好有质素嘅食物和饮品。好有人情味嘅食店❣️😃食物方面：鸡扒香而嫩滑，蕃茄汁好好味。咖喱汁亦很可口。越式餐肉冇得顶！猪扒出前一丁合乎期望。八宝河粉好好食。西多士冇得顶！仲有西多士。有机会会再帮衬仲有西多士😋有机会会再帮衬❣️是日亮点系佢哋用铝饮管。非常环保♻️期望每间茶餐厅都仿效使用。
继续阅读
一行六人由愉景湾行去梅窝行咗五个钟头，好肚饿，见到呢一间茶记就入咗去，之前完全未食过，见到墙上贴住整齐嘅餐牌，种类广泛，唔系剩系得面餐同埋碟头饭，佢哋竟然有鸡尾包，越式肉饼双蛋饭，同埋素食选择！行完山例牌会整个餐蛋公仔面，啲friend仲癫要食回锅肉餐肉公仔面同埋西多士补番啲脚骨力，我就系因为太热食唔落汤面，所以叫咗个餐蛋治走油烘底。一间村内小店喺西多士上面竟然俾你选择炼奶或者糖浆，对我嚟讲系诚意嘅表现，先攞一分👍我个烘底三文治面有靓坑纹，叫佢走油真系记得，餐肉煎得够脆，再攞一分，朋友嘅回锅肉餐肉公仔面，里面有两块煎到脆面嘅餐肉同埋足够份量嘅回锅肉加笋，公仔面底有咬口，再加分，最后系奶茶个茶底够香同应有嘅涩味，我心满意足了。唯一系个冻奶茶在落糖方面重手左，所以嗌第二杯时要减甜。楼面几位姐姐仲同我哋有倾有讲，人情味满满，又记得我哋每个人嘅仔细食物要求，好照顾客人，香港传统嘅茶记应该系咁。很满意的一餐，多谢你哋。
继续阅读
今 日(24-10-2019 Thur)老公生日,一齐请假郊游,同佢行完银矿三宝后返嚟,老公话要食嘢=.=”,我哋求祈嚟到呢喥食.我哋要咗$32.00嘅下午茶餐,我要西多士,饮热杏霜,老公要特长热狗,冻奶茶.好快,所有嘢都到齐.热杏霜斟到满满一杯冲得都几甜.西多士薄薄一件,落单时,职员问我要炼奶定糖浆?我拣糖浆.西多士内里嘅花生酱系有粒粒嘅,呢个正常冇问题.而老公嘅我就冇试到.服务:好友善有礼.评分系OK
继续阅读
本小姐好少搭MTR, 近期更加唔会答, 所以真系从来唔会搭车去东涌，对我嚟讲大屿山永远系好遥远嘅地方，总系记得要搭船先至到， 呢个系深深印喺我脑里面嘅概念。今日好久唔去大屿山，一去到大屿山食餐lunch就中伏。去到呢间餐厅，就叫咗个干炒牛河嚟食。干炒牛河，炒呢啲牛河𠮶个都唔知系咪真系厨师嚟㗎，又或者可能系未满师，都唔奇！ 有图有真相！大家都见到呢碟牛河真系好多油！ 虽然好够色水，但系同时亦都系好咸，牛肉又唔系多片，芽菜又唔够爽。可以咁讲嘅，豉油多个头，油又多个头。真系好唔好味。 除咗未到唔好之外，呢度嘅职员态度都唔系好。
继续阅读
好悠闲既一日，当然要享受一下，食番个早餐！就如图所见，简单既食物会睇得出其功夫，简单既通粉好够味，一个炼奶猪脆而唔腻。作为奶茶控既我，当然要饮番杯提提神。香滑既奶茶配上黑白淡奶杯，特别好饮。顶好算系梅窝做早餐既餐厅黎讲，顺有诚意既。
继续阅读